تعليم كروشيه بالعربي من الصفر للمبتدئات<< متجـدد

[c a t w o m a n]

رد: تعليم كروشيه بالعربي من الصفر للمبتدئات

اختي حبي غير

يتليت إذا في صور توضيحية تبين مسكة الخيط تحطينها يكون أفضل لأن الخيط عندي دش بكل أصابعي

مو قادرة أتحكم

 

[حبي غير]

رد: تعليم كروشيه بالعربي من الصفر للمبتدئات

انا اعرف اسوي نفس كان ومن واعرف اكمل السطره اللي يمها بس مع كل سطره اشوف السطره تتقلص وتلف

واعرف وحده نحيسه ابيها تعلمني تقول ما اعرف ما احب هالنوعيه

الله لا يحدج علي الناس النحيسه حياج الله آأأمري وتدللي
قوليلي خبرتج بالكروشيه شنو
اقولج اللي فهمته من كلامك ان انتي تعرفين تسوين السطر الاول وكل ما ترتفعين القطعه تصغر وتكش صح والا انا غلطانه

 

[حبي غير]

رد: تعليم كروشيه بالعربي من الصفر للمبتدئات

قوه

منو تعرف احد يبيع خيوط يوصل لي البيت وألقى عنده الصناره بعد عجزانه أروح أفر وأدور وهاليومين مشغوله
حدي متحمسه للحياكه بس مو فاضيه للسوق

كان في وحده بالمشاركات كانت تعلن عن صنارات للبيع والله ناسيه اسمها بس اعتقد اسمها فيه قمر بس الظاهر المشرفات الغوا المشاركه شوفيها بالموول
وطبعا البلوكات فيها كل شئ

 

[حبي غير]

رد: تعليم كروشيه بالعربي من الصفر للمبتدئات

اختي حبي غير

يتليت إذا في صور توضيحية تبين مسكة الخيط تحطينها يكون أفضل لأن الخيط عندي دش بكل أصابعي

مو قادرة أتحكم

الطريقه اللي قلتها لج هذي طريقتي بمسكة الخيط

احاول ادورلج علي صوره توضيحيه او فيديو

جاري البحث

 

[حبي غير]

رد: تعليم كروشيه بالعربي من الصفر للمبتدئات

فيديو يوضح كيفية وضع الخيط علي الاصابع
وهذي اهم خطوه بالكروشيه

https://www.youtube.com/v/zMs9rJiklS8


ملاحظه1: لعمل سلسله ممتازه ومضبوطه لازم الخيط يكون مشدود مو راخي
*كيفية حدوث ذلك يتم بعد وضع الخيط كما هو بالفيديو نلاحظ 3اماكن يتم فيهما شد الخيط
المكان الاول : بين الاصبع الصغير والاصبع اللي قبل الصغير (البنصر والخنصر) وذلك بضم الاصابع علي بعض فيتم شد الخيط
المكان الثاني: الخيط اللي بين الابهام والوسطي نشدهه للاسفل
المكان الثالث : عند عمل السلسله نلاحظ انها بالفيديو ترجع السبابه الي الوراء لشد الخيط

يتم التدرب علي الطريقه ومع الوقت تلاحظين ان حركة الاصابع تعمل لاشعوريا من غير حتي تفكير

 

[c a t w o m a n]

رد: تعليم كروشيه بالعربي من الصفر للمبتدئات

شوفي السلاسل بعد مسكة الخيط











شنو رايج


أنا أشوف إنه أحسن إنتي شتقولين

 

[الشوق بعثرني ~]

رد: تعليم كروشيه بالعربي من الصفر للمبتدئات

مشكورة ويعطيج العافية

 

[أحلام طفله]

رد: تعليم كروشيه بالعربي من الصفر للمبتدئات

مرححححبااا

أخخيرن شريت العدة طرشت أختي وجابت لي الله يجزاها خير
قتلها اشتري لي سنارة قياس 4 لما جابتها احسها صغيره ولا هي جذي ؟؟

الليله إن شاء الله أنزل تطبيقي

 

[أحلام طفله]

رد: تعليم كروشيه بالعربي من الصفر للمبتدئات

سويت سلسله بس أحسها ما ضبطت
أحس الفتحات راصه في بعض جنها عجفه
وخيوطي أحسها مو شي

 

[حبي غير]

رد: تعليم كروشيه بالعربي من الصفر للمبتدئات

شوفي السلاسل بعد مسكة الخيط











شنو رايج


أنا أشوف إنه أحسن إنتي شتقولين

ممتااااز جدا تسلم ايدج :ggdw:

ايييه جذي الشغل

بس بسألج هل انتي الحين مرتاحه عن اول بمسكة الخيط وحاسه ان انتي تتحكمين بالخيط وهل اقتنعت ان الخيط ماله دخل بالصناره ؟؟

الصوره اللي انتي مصورتها تبين شكل السلسله من ورا

الحين السلسله الوحده (طالعيها)ت تكون من 3 خيوط خيط فوق وخيط تحت وخيط ورا

(الخيط اللي فوقا نسميه back loop وبالعربي الغرزه الخلفيه والخيط اللي تحت نسميه front loop وبالعربي الغرزه الاماميه)
طبعا الكلام عن استخدامهم والفرق بينهم راح يكونله درس بروحه

لكن المطلوب الحين احفظيهم مثل ما قلتهم

والدرس القادم قريبا جدا انشالله

 

[حبي غير]

رد: تعليم كروشيه بالعربي من الصفر للمبتدئات

مشكورة ويعطيج العافية

ثانكس علي المرور

سويت سلسله بس أحسها ما ضبطت
أحس الفتحات راصه في بعض جنها عجفه
وخيوطي أحسها مو شي

شغلج ممتااااز جدا ماشالله عليج

قوليلي شاخبار مسكة الخيط وياج واجهتي صعوبه بالمسكه هل انتي متحكمه بالخيط ؟

الصناره 4 مناسبه للمبتدئات اهي تعتبر صناره وسط لاصغيره ولا كبيره

الخيط ثخنه حلو ما فيه شئ

اقري اللي كتبته عن السلسله بمشاركة (cat women ) عن السلسله واحفظي اللي قلته

واستعدي للدرس القادم

 

[أحلام طفله]

رد: تعليم كروشيه بالعربي من الصفر للمبتدئات

شغلج ممتااااز جدا ماشالله عليج

قوليلي شاخبار مسكة الخيط وياج واجهتي صعوبه بالمسكه هل انتي متحكمه بالخيط ؟

الصناره 4 مناسبه للمبتدئات اهي تعتبر صناره وسط لاصغيره ولا كبيره

الخيط ثخنه حلو ما فيه شئ

اقري اللي كتبته عن السلسله بمشاركة (cat women ) عن السلسله واحفظي اللي قلته

واستعدي للدرس القادم

فرحتيني زين يطلع مني

مسكة الخيط صراحه استخدمت طريقة سهله استخدمتها الي في الفديو هذا
‫دروس سمسم لتعليم الكروشيه-الدرس الاول-الجزء الاول.mp4‬‎ - YouTube

بحيث اني لفيت الخيط عالسبابه ومسكته بالوسطى والابهام
في مشكله اذا كانت مسكتي مختلفه ؟

بانتظار الدرس القادم

 

[حبي غير]

رد: تعليم كروشيه بالعربي من الصفر للمبتدئات

مو قادره احط الصور لاني شابكه من الايباد ولابتوبي خربان

حبيبتي جوزائيه شصار عليج
بالنسبه للصور تقدرين تقارنين شغلج بشغل (cat women ) او( احلام طفله) اللي اوافقلهم عليه طبعا من بعد اذنهم فاذا شغلج نفس شغلهم اللي بصورهم واللي اكون موافقه عليه
ففي هذي الحاله اعتبري ان شغلج صح يعني انتي الحكم اللي يحكم اذا شغلج صح والا لا

 

[c a t w o m a n]

رد: تعليم كروشيه بالعربي من الصفر للمبتدئات

أريح وايد

بس ما فهمت أبعاد الغرزة

أمامية .. خلفية

اهي سلسة وحدة ما أشوف فوق و تحت ..

 

[حبي غير]

رد: تعليم كروشيه بالعربي من الصفر للمبتدئات

أريح وايد

بس ما فهمت أبعاد الغرزة

أمامية .. خلفية

اهي سلسة وحدة ما أشوف فوق و تحت ..

اييه السلسله الواحده شوفيها من شنو متكونه
متكونه من (خيط فوق وخيط تحت ومن ورا السلسله لو لفيتيها وطالعتي راح تلاقين خيط بوسط السلسله اللي اهو الخيط اللي ورا ) صح شوفي وقوليلي علشان اكمل

 

[عادت ذكرياتي]

رد: تعليم كروشيه بالعربي من الصفر للمبتدئات

آنا ودي أطبق بس أنطر أشتري العدة بإذن الله وبمشيئته %%%



الله يوفقج حبيبتي

 

[c a t w o m a n]

رد: تعليم كروشيه بالعربي من الصفر للمبتدئات

صح كلامج شفت الفرق بين ظهر السلسلة و بطنها

شغاله الحين على ال single stich مشكلتي لازم أبني هرم مع إني ما أطوف غرزة عالأطراف


جاري اكتشاف الأخطاء ...

 

[c a t w o m a n]

رد: تعليم كروشيه بالعربي من الصفر للمبتدئات

شوفي الله يسلمج يالغالية

و قوليلي شنو الأخطاء الموجودة


اهني بالسنغل ستج بس لاحظت ان الغرزة تلف على روحها

 

[amami al-kuwai]

رد: تعليم كروشيه بالعربي من الصفر للمبتدئات

حلو في دورات هني

انا الحمدلله تعديت المستوى الاول اعرف امسك الابره واسوي سلسله واسوي الحشوه والاعمده بس للحين ماسويت شغل

 

[حبي غير]

رد: تعليم كروشيه بالعربي من الصفر للمبتدئات

شوفي الله يسلمج يالغالية

و قوليلي شنو الأخطاء الموجودة


اهني بالسنغل ستج بس لاحظت ان الغرزة تلف على روحها

مبدئيا حلو شغلج اهي بالبدايه تلف بس كل ما ارتفعتي بالاسطر اتساوي وياج
اعتقد ان بالسطر الاخير في غلط بسييط جدا
عموما تابعي الدرس الثاني وتطبيقاته وراح نتعرف علي الطريقه الصحيحه
لا تسوين النص عمود الا لما انزل درسه علشان لاتضيعين ادري انج مستعجله علي التطبيق بس التفاصيل معرفتها تريحج بالشغل وانشالله راح انطبق اشياء حلوه كثير
انشالله الحين احاول انزله اذا النت ما خون فيني