مسوية ريجيم ؟! تعالي شاركينا بصور وجباتج ..

[حظ من عنده انا]

مررحبا ياحلووات

ششنو رجييم دششتي ؟؟؟

 

[قلبي تاعبني]

بنات كيف ننزل الصور

 

[قلبي تاعبني]

:eh_s(11):

اختي هو ريجيم يعتمد ع الدهون

تقدرين تاكلين فيه بروتين في اللحوم والبيض والجبن والكريمه

وتبتعدين عن النشويات يعني لا خبز ولا عيش لا اسمر ولا ابيض حتى بسكوت وكورنفليكس ممنووووووووووووع

فواكه ممنووووووووووووع حليب ممنوووووووووووووووع

الزبده ام كل شي فيه دهن تقدرين تاكلينه واعتقد مسموح فيه بيبسي دايت وحتى الخضروات اعتقد بس شوي جنه

ماسويته الا يومين من زمااااان حسيت روحي بتطلع لانه انا في اشيه بسيطه ماقدر استغني عنها مثلا احس روحي مينونه بدون نسكافيه هع واتذكر كان راسي يدوووور حتى الخدامه خافت علي قالتلي انتي حلوووة مايحتاي تسوين ريجيم هههههه مسكيييينة بس ترى يقولون شي طبيعي اول الايام بعدين الجسم يتعود ولو ان مادش مخي هالحجي لانه كنت بتوفى لو واصلت كنت اكسر خاطر روحي بعدين قلت شحادني عليه خل ارد حق ريجيمي الطبيعي احسن لي ماوراي شي مب مستعيلة

فيعني يعتمد عليج انتي جوفي بحثي عنه اكثر اذا حسيتي يناسبج واصلي عليه ترى يضعف بشكل غرييييب


انا اتذكر سويته في الويكند الا الي تقعد يمي في المحاضرة يوم الاحد قالتلي شلون ضعفتي في يومين ههههه تخيلي ما كانت تدري بروحها لاحظت

حبيبتي انا أموت و ما اترك الحليب

 

[قلبي تاعبني]

بنات طيب وش هي المراحل الاربعة تبع رجيم دشتي وكل مرحلة كم مدتها وليش الى يتروكوا الرجيم يرجع وزنهم دبل وتسلموا

 

[A7la-3roosa]

دشي موقعه الخاص وشوفي البرنامج منو قال ما في خضروات فيه كل شي الا النشويات بيبسي ممنوع دأيت ولا عادي كله ممنوع يضعف حيل ويسد الشهية عن السكريات أنا الحين ما قمت أشتهي اكل ككاو

 

[فيلسوفة تتفلسف]

بنات طيب وش هي المراحل الاربعة تبع رجيم دشتي وكل مرحلة كم مدتها وليش الى يتروكوا الرجيم يرجع وزنهم دبل وتسلموا

هذا الموضوع حقج وحق الي يسالون عن رجيم دشتي

http://www.q8yat.com/t906454.html

وهذا رابط قروبنا اذا بدشين معانا حيااج

http://www.q8yat.com/t1050962-79.html

 

[فيلسوفة تتفلسف]

بالتوفيق للجميع
​

 

[نماين]

موضوع رووووووعة
الف شكر للي تعبت فيه
وحبل يحمس ويشجع

 

[زعفرانة_73]

موضوع مهم ويعنى لى الكثير
الله يعطيج العافيه نارنجه​

 

[نارنجه]

فيلسوفة تتفلسف

نماين

زعفرانة


تسلموووون كلكم :***

 

[نارنجه]

بما اني رديت للتخفيف / واكلي صار نوعا ما على مزاجي

ان شااء الله ارجع اصور لكم وجباتي ^^

 

[زعفرانة_73]

نارنجه باذن الله بحط يومياتي اهنيه معاج
اليوم كنت صايمه وأكلت من صب واى وحسيت بشبع :eh_s(15):
السناك جاى أخضر وحبة بسكوت داجستيف

​

 

[زعفرانة_73]

صباح الخير
اليوم هذا ريوقى
نص كوب حليب خالى الدسم
وأقل من نص كوب كورن فليكس بالشوفان
وكوب ماي قبل الفطور
​

 

[نارنجه]

عليج بالعااافية زعفرانه
وان شااااء الله تضعفين و انتي بصحة وعاااااافية يارب

:***



/
اليوم ببلش ان شاااء الله برجيم البروتينااات
احس هالاسبوع كثرت كربوهيدرات :/

بقطع الخبز و الفاكهه

صج صعب شوي تمنعين نفسج من التوست و الخبز و البسكوووت
بس النتيجة ان شااااء الله تستاااهل
كل الي احتاجه كيلووو انزله خلال اسبوع
وان شاااء الله انزل اكثر ^^

 

[نارنجه]

ريوقي
شريحتين جبن خالي الدسم
بيضة
٤ اوراق خسس

چاي اخضر بالنعناااع ماركة توينز

والحمدلله ع النعمة ^^

 

[نارنجه]

الغدا

شيش طاووق
تبولة

العشا

شوربة ملفوف وهليون
وسلطة خضرا

 

[زعفرانة_73]

حياتى نارنجه تسلمين عالدعوه الحلوه:eh_s(7):

ريوقى

غداى

عشاى
​

 

[نارنجه]

بالعافية زعفرااانة
شربي چاي ليمون او الاخضر بين الوجبااااات
ممتازين للرجيم ^^

خاصة لوو تنقعين شرايح الليمون بكوب ماي حار بالليل و تشربينه ثاني يوم الصبح


/


اليوم ما مداني اتريق
كنت مستعيلة بطلع

لكن عوضتها بالغدا
شويت صدور دياي ال تنمية - متبلين وجاهزين ومن غير جلد
اكلت قطعه وحدة مع خس

انصحكم تجربوووون هالدياااي

سناك العصر و المغرب
مابين چاي نعناع و ليمون
وقهوة عربية
وقطعه ككاو كندر صغيررة
و جووز

العشا

والحمدلله ع النعمة ^^

 

[نارنجه]

اليوم مريت الجمعية
لقيت هالطيب ابو قلب أبيض جدامي
جان اچيك على سعراته
طلع ابن حلال جد ^^

 

[زعفرانة_73]

ان شاء الله قلبى بجرب الجاى الأخضر مع الليمون

نارنجه حبيبتي ديري بالج ترى بس ال3 قطع= 89 كالوري
بس لكل 100جم=518 كالوري
اهو جم جرام؟​