تجمع امهات 2008 حياكم

[أم وجيه]

صباحوووووووووووووووووووو

شلونكم أمهات نشيطات وشطورات ( مثلي تدوام وترضع )

وأمهات نشيطات بس ( يداومون وما يرضعون )

وأمهات شطورات ( يرضعون وبعدهم ما داوموو ) ( شقورة )

وأمهات مو نشيطات ولا شاطرات ( لا يداومون ولا يرضعون )

تصدقون من تقول أي وحده فيكم انها وقفت الرضاعه يضيق خلقي على الياهل وعليكم بعد
أحس الرضاعه متعه للأم تستمتع بالبيبي أكثر وهي ترضعه يدغدغ مشاعرها ( مو لاقيه مصطلح ثاني )

بس الله يعين كل وحده وظروفها

منو اليوم نشيط وقاعد

الأستاذه الله يتمملك العمره على خير ومقبوله ان شاء الله

الجاردينيا الظاهر كلنا كبرنا ​

 

[mrs_sugar]

صباحوووووووووووووووووووو​

صباح الورد و الفل و الياسمين :eh_s(6):

وأمهات شطورات ( يرضعون وبعدهم ما داوموو ) ( شقورة )​

شخبارج
انا امهات شطورات بعدهم ما داوموا و الله يعينهم لي داوموا
احس اول يوم بروح دمعتي على خدي
مالي خلق حدي
الله يعين
:0bee2e8d89:

تصدقون من تقول أي وحده فيكم انها وقفت الرضاعه يضيق خلقي على الياهل وعليكم بعد
أحس الرضاعه متعه للأم تستمتع بالبيبي أكثر وهي ترضعه يدغدغ مشاعرها ( مو لاقيه مصطلح ثاني )​

انا بعد ام جوجو وايد يضيق خلقي
بس كل وحدة و ظروفها

منو اليوم نشيط وقاعد

​

انا اليوم من صباح الله خير فازعة و بنتي توها الحين نامت
عاد ببدل و بروح المعرض المصري مع جدتي الساعة 11
بشوف شعندهم
و اوافيكم بالأخبار
:ada::ada:​

 

[أم وجيه]

معناته اليوم انتي مراسلتنا من المعرض المصري

والله ودي أروحله روحي وقوليلي يستاهل أتعنى ولا ما يستاهل

الله يعينج على أول يوم دوام أحسه مثل أول يوم دوام حق ياهل بالروضه

تصدقين لأني وقت الرضاعه يومين قل الحليب بس عاد ان شاء الله يرد يزيد لأني مكثفه الرضاعه علشان يرد الحليب نفس قبل​

 

[mrs_sugar]

هلا ام جوجو

رديت الظهر من المعرض المصري

والله حلو

بس صغير مو مثل كل سنة

بس دراريعهم حلوين و رخاص

الأقطان على 3 و دينارين و نص

و عندهم اغلى

محلين مادري 3 اكسسوارات

و بيجامات لليهال هم حلوين

و بس

ماكو شي زود

انا اشتهيت الدراريع بس بصراحة ما تنفع للرضاعة ما تنفتح من جدام

يعني لي لبسيها و البيبي صاحت يوعانة

جدامج حلين يا تخلين الياهل تفحط لين تبدلين

و لا تشقين الدراعة

و انتي كيفج عاد :dddds:

و بالنسبة للحليب

هذا اللي احاتيه

بس انتي لي رديتي من الدوام خليها على صدرج كثر ما تقدرين

علشان يزيد الحليب

و شربي اعشاب تدر و اكلي جرجير وايد

و الله كريم​

 

[ملح الدنيا]

شلونكم بنوتات
اليوم مزاجي كلش مو رايئ متعسرة وداايخة "ودي أنام نومة متصله طويــــــــــــله وهدووووووووء"
الحلو صار له جم يوم وهو ما ينام عدل
"من عقب التطعيم وهو جذي مادري ليش" كل شوي قاعد يعني ينام له بو نص ساعة ساعة بالكثير ويقعد الله يحفظه وانا نوعي أقعد مبجر وما أعرف أنام الضحى حتى لو نام له شوي!
إهيء إهيء

 

[al_gardenia]

ملوحه حبيبتي ولهت عليج وايد والله
على ولدج الله يعينج حاولي اتنامين على نومته وهو الين مكان التطعيم يعوره لا تلومينه
بليل قبل النوم عطيه ادول عشان يسكن العوار ويقدر ينام وحاولي اتقمطينه بس ريله لا بس صوب الايد عشان مايتحرك
ولج الاجر انشالله

 

[al_gardenia]

شقوره عليج بالف عافيه الدرايع خليهم لي عقب ما تبتدي تاكل عواشه او عقب ماتفطمينها
او لي تحسفتي وديهم هدايه عساس لايطيحون بجبدج

 

[احلى كويتيه]

شخباااااااااااااااااااااااركم



يافرحتي فيكم والله واخيرا فتح معاي المنتدى بالبيت حده ضايق خلقي من يوم ماتبطل عندي



بنات الي عندها حل فيني حراره مو طبيعيه توصل 39,6 وتنزل شوي وترد تصعد وكحه وبلاعيم ونشله


والدكتور قالي شفطي قبل لا تاكلين الدوا وضايق خلقي


المشكله ان وصفلي ابر بس قال نسوي تست عليها وانصدم ان مسببتلي حساسيه من البنسلين


والحكومه طاقتها من قبل الله ستر وماصار فيني شي


عطاني مضاد حيوي مره باليوم لمدة 7 ايام



ابي دوا للكحه الناشفه واذا في شي طبيعي يكون احسن واحسن​

 

[أم وجيه]

أحلى سلامتك والله عاد مو وقته المرض الله يعينك

شوفي حق الكحه عندج البابونج شربي وايد وبعد إذا تعرفين زيت السيرج ( اللي هو الزيت اللي يكون فوق الطحينيه)
اخذي منه بس قفشه مو أكثر وايد يهدي الكحه

عادي ترى الابر ممكن فجأه تصير الحساسية يعني يمكن قبل ما عندج والحين صار عندج حساسيه

آنا بعد جذي قبل مافي حساسية بنسلين والحين فيني وأول شي من أد-خل الولادة زوجي يردد عليهم 100 مره عندها حساسيه 3عندها حساسيه

وفوق هذا بالولادتين كانو بيعطوني ابر بنسلين بس الله ستر وكنت توني صاحيه وقلت لهم عندي حساسيه

الله يعينج وسلامات

شقورة يعني ما تشجعيني على الروحه لأنه الحال من بعضو بالنسبة للرضاعه بس بقول للوالدة تروح تشوف لها دراعات للبيت

 

[mrs_sugar]

شلونكم بنوتات
اليوم مزاجي كلش مو رايئ متعسرة وداايخة "ودي أنام نومة متصله طويــــــــــــله وهدووووووووء"
الحلو صار له جم يوم وهو ما ينام عدل
"من عقب التطعيم وهو جذي مادري ليش" كل شوي قاعد يعني ينام له بو نص ساعة ساعة بالكثير ويقعد الله يحفظه وانا نوعي أقعد مبجر وما أعرف أنام الضحى حتى لو نام له شوي!
إهيء إهيء

هلا ملوحة

لازم ترى العسارة جم يوم بعد التطعيم

حطي في بالج غير عوار الإبرة انه البيبي يكون مريض الا شوي

يعني طبيعي العسارة و الحنة

بس ما عليه شر لا تحاتين

و انتي اذا ماعندج شي نامي على نومته بأي وقت

انا اول ما اعرف الا انام بمكاني و فراشي و بوقت محدد

الحين ادبتني بنتي خخخخخخخخخخخخخخخخخ

انام اي وقت و اي مكان مو مشكلة كلش

الحمدلله كله بأجره​

 

[mrs_sugar]

شقوره عليج بالف عافيه الدرايع خليهم لي عقب ما تبتدي تاكل عواشه او عقب ماتفطمينها
او لي تحسفتي وديهم هدايه عساس لايطيحون بجبدج

هلوووووووووووووو القاردينيا

ما شريتهم لي الحين

باجر بإذن الله بروح و احتمال اخذهم و اوديهم الخياط يشوف لهم صرفة

حلوين بصراحة و سعرهم حلو ابيهم للشاليه و للبيت ساعات البسهم اريح من البدلات لي صارت زوارة اهلي عندي ​

 

[mrs_sugar]

شقورة يعني ما تشجعيني على الروحه لأنه الحال من بعضو بالنسبة للرضاعه بس بقول للوالدة تروح تشوف لها دراعات للبيت

شوفي اكو منهم فيهم مجال ينفتحون من النص و ينحط لهم سحاب

بس يكون الخياط شاطر ما يخربهم

هذوله احتمال انا اخذ منهمو اوديهم الخياط

و حق الوالدة اكو وايد اشياء حلوة​

 

[mrs_sugar]

شخباااااااااااااااااااااااركم
يافرحتي فيكم والله واخيرا فتح معاي المنتدى بالبيت حده ضايق خلقي من يوم ماتبطل عند
بنات الي عندها حل فيني حراره مو طبيعيه توصل 39,6 وتنزل شوي وترد تصعد وكحه وبلاعيم ونشله
والدكتور قالي شفطي قبل لا تاكلين الدوا وضايق خلقي
المشكله ان وصفلي ابر بس قال نسوي تست عليها وانصدم ان مسببتلي حساسيه من البنسلين
والحكومه طاقتها من قبل الله ستر وماصار فيني شي
عطاني مضاد حيوي مره باليوم لمدة 7 ايام
ابي دوا للكحه الناشفه واذا في شي طبيعي يكون احسن واحسن​

سلامات يالغالي سلامات

ما تشوفين شر احلى

اول شي قرت عينج برجعة المنتدى حق جهازج

ثاني شي بالنسبة للكحة لما كنت حامل وحدة الله يجزاها خير دلتني على اعشاب اسمها تيليو ماركة رويال بالجمعية

ممتازة للكحة و ما تضر البيبي

و بالنسبة للإبرة ترى الحساسية ما تصير من اول مرة

لا من ثاني مرة تبدأ الحساسية​

 

[كويتية1]

السلام عليييكم
اشلونكم امهات ولهت عليكم صاير ماعندي وقت لا اشبك ولا اسوي اي شي
مشالله عليهم اليهال متناوبين علي اذا نامت ريونه اييني فهود اسمله عليه ويعني بيسولف معاي ويوقف فوق راسها ويصرخ وتقعد ويخترع وينحاش وعلى هالحال:krkrkr:

وامس ياتني حاله عساره بس قمت ابجي اليهال موراضين ينامون يبون يلعبون جان اقعد ابجي :krkrkr:
كنت حدي تعبانه وكسرت خاطر زوجي جان يستلم واحد واحد وينومهم الله يخليه لي انقذني:tek:


ملوحه واحلى وشقورة والقاردينا وتوما والاستاذه وام وجيه وباجي البنات اشلونكم ؟؟

 

[al_gardenia]

شقوره اذا بخاطرج اخذيهم ووديهم خيايط النماران الي بالفروانيه حق سوالف الدراريع شطار وعندج هم خيايط المبرور


احلى الففففففففففف سلامه عليج ماتشوفين شرفي بالصيدليه دوه اعشاب شراب في منه بعد نقط لليهال وووووووووايد زين بس للاسف ما اعرف اسمه وحاولي اتقللين سوالف البهارات عشان لا تهيج الكحه والبرتقال اتزيد بعد
شربي من الصبح ماي دافي الى الحار مع عسل وفي هم حبوب مص بابونج مع العسل وايد زينين


كويتيه الله يعينج والله حاسه فيج انشالله يهديهم وتتعدل نومتهم يارب والله يسخر لج ريلج اكثر

 

[al_gardenia]

اليوم رحت السوق واااااااااااااااااااااااااااي
كل شي بخاطري ودي اخذ بريطانيا كلها معاي الكويت عشان اشبع
اشوه بعد ان في ارامكس يرحم الحال ولا جان تحسرتعلى الي ماراح اقدر اخذه

 

[mrs_sugar]

هلووووووووووووووو بنات

شخباركم

القاردينيا
شخبارج
و شوي شوي عالمشترى ترى وراكم وزن
ديري بالج

و الدراريع
ما راح اشتريهم الحين
مو محتاجتهم مع اني ميتة عليهم
عندي دراريع مو ملبوسين لي الحين
فحرام اكود بس جذي

المهم بقول لكم سالفة

صار لي كم يوم هابة اشرب شاي اخضر بالنعناع
انا من زمان احبه موت بس تاركته علشان ما يسهر عواشه
المهم قلت بنتي كبرت خل ارد اشرب و اجرب

من اربع ايام لاحظت ان الحليب خف بشكل مو طبيعي
بنتي صارت ترضع جنها بالنفاي ما تمر الساعتين الا و تبي رضعة و هم لما تخلص تبجي تبي بعد

يا ربي سالسالفة

انا قلت يمكن لاني بطلت رهش و سمسمية علشان الوزن قل الحليب

مو مشكلة قمت اكثر سوائل و اعشاب زاد نتفة

اليوم بالزوارة بيت حمولتي حماتي بتصب لي جاي فسألتني : شقورة جاي احمر ولا اخضر ؟

جان تقول لها مرت حماي ( ما شاء الله عليها خبيرة بالأعشاب ) لا لا لا تشرب جاي اخضر ينشف الحليب

يا لهويتيني

ينشف الحليب

امبيه من جذي قل الحليب وايد

جان اروح الجمعية و اخم الرهش و الحلبة و ارد البيت

و بجابل المذر ميلك و الاكل و الله كريم

 

[ملح الدنيا]

ملوحه حبيبتي ولهت عليج وايد والله
على ولدج الله يعينج حاولي اتنامين على نومته وهو الين مكان التطعيم يعوره لا تلومينه
بليل قبل النوم عطيه ادول عشان يسكن العوار ويقدر ينام وحاولي اتقمطينه بس ريله لا بس صوب الايد عشان مايتحرك
ولج الاجر انشالله

بعد قلبي ياوردة البستان والله ربي أعلم بمعزتج أحس جني أعرفج مع اني ماشفتج :tek:

 

[ملح الدنيا]

هلا ملوحة

لازم ترى العسارة جم يوم بعد التطعيم

حطي في بالج غير عوار الإبرة انه البيبي يكون مريض الا شوي

يعني طبيعي العسارة و الحنة

بس ما عليه شر لا تحاتين

و انتي اذا ماعندج شي نامي على نومته بأي وقت

انا اول ما اعرف الا انام بمكاني و فراشي و بوقت محدد

الحين ادبتني بنتي خخخخخخخخخخخخخخخخخ

انام اي وقت و اي مكان مو مشكلة كلش

الحمدلله كله بأجره​

اي والله صاجة هالزعاطيط أهما اللي يعودونا على طريقتهم يعني أمس عقب ماطلعت من الدوانية ونام الحلو بالسبع وشوي جذي قلت مافيني خل أنام مع ان كلش ماكان وقت نوم بس خلاص واسم الله عليه قام عقبها بساعة وعقبها بثلاث ساعات وجذي يعني النوم مقطع والحمدلله على كل حال.

 

[ملح الدنيا]

سلامات يا أحلى ماتشوفين شر حبيبتي