تـجـمـع لمحبي الرضاعة الطبيعية :)

[PinkLulu]

انة بعد يابنات ضعفت وايد وايد بسبه الرضاعه بس الترهلات ذبحتني اللي في صدري واللي فبطني مادري شلون بتروح مع ان بنتي بتكمل السنه الله يحفظها

اخذي كريمات شد ورياضة

طول فترة حمالي وعقب الولادة استخدمت كريم بيوتي ماما و بيو أويل من بوتس

التشققات وايد خفت وصارت معقولة...والترهلات نوعاً ما اختفت

 

[PinkLulu]

بنااااااات شكلي بقطع الرضاعه طبيعيه

بس قلبي يعورني احس ماقدر

ودي اقطعها لاني قاعده اضعف حيييييييل وصلت لمرحله مابيها

أنا بعد وايد ضعفت وفكرت أفطم ولدي....بس مو عارفة شلون

كل ما أقول أقلل عدد الرضعات الطبيعية وأسويله صناعي وقت الرضعة الطبيعية يرفضها ويعصب علي

 

[نـعـومـه]

أنا بعد وايد ضعفت وفكرت أفطم ولدي....بس مو عارفة شلون

كل ما أقول أقلل عدد الرضعات الطبيعية وأسويله صناعي وقت الرضعة الطبيعية يرفضها ويعصب علي

المشكله اذا قللنا رضاعه الحليب بيزيد لان صارلج جم ساعه مومرضعه ويتكود الحليب

وحبوب تنشف احس قلبي يعورني عندي حليب وماعطيها وهم موزينه يقولون الحبوب

 

[طيبة83]

لا حرام لا تفطمينها

اهي لي بدت تاكل عدل من نفسها ما بترضع وبيقل الحليب

انتي اكلي فيامينات وشربي حليب واكلي سيريلاك القمح لووول مغذي وطعمه حلو

 

[worood82]

امبي بنات انه نفس شعوركم ودي اقطع الرضاعه بس قلبي ما يطاوعني انه بنتي ٤ شهور الحين بالقصب خذت الممه بعض المرات تتعسر علي الا تبي صدري
ما ترضى تاخذ الممه وخصوصا اذا امرضت

 

[بنت المها]

وييني عن هالتجمع منزماااان :$

انا ولدي عمره ٤ شهور وارضعه بس طبيعي صارلي فتره كل جم يوم اعطيه بسكوت ولا سيرلاك !

حتى انا مليت من الرضاعه خصوصا اذا بطلع ماقدر اخليه واذا رحت السوق ولا اي مكان ياذيني !
بس قلبي معورني احس تعلقت فيه ماودي اقطعها واساسا اهو مايرضى يرضع من مميه تعود على صدري !!
مادري شالحل معاه خصوصا اني شهر ٩ راح اداوم ولازم اعطيه رضعه صناعيه

وبالنسبه انها تضعف يليييت تضعف !! ضعفت شوي بس ببطى خلال ٤ اشهر تقريبا ٥ كيلوات وانا يبيلي ١٠ كيلو بعد
وبطني ليلحين مترهل !!

 

[بنت المها]

وبسالكم اهو الطبيعي كل جم ساعه يرضع ؟ ولدي ليلحين كل ساعتين !! حدي تعبت والله

 

[asOola_21]

السلام عليكم بنات
وناسة حبيت التجمع اشوة ليلحين في وايد ناس يرضعون لان اغلب اللي اشوفهم واعرفهم ما يرضعون

انا اسم الله عليها بنتي الاولى رضعتها سنة ونص والحين بنتي الثانية عمرها 6 شهور ارضعها طبيعي بعد صج شعور حلووو ويقربج من البيبي انا احس وكافي ان مفيد بس اللي مضايقني بالرضاعة شغلة وحدة ان وزني يزيد عليها :/

 

[PinkLulu]

المشكله اذا قللنا رضاعه الحليب بيزيد لان صارلج جم ساعه مومرضعه ويتكود الحليب

وحبوب تنشف احس قلبي يعورني عندي حليب وماعطيها وهم موزينه يقولون الحبوب

شوي شوي يتعود الجسم...أول يومين راح يتكود حليب...بعدين يصير الوضع عادي

 

[PinkLulu]

امبي بنات انه نفس شعوركم ودي اقطع الرضاعه بس قلبي ما يطاوعني انه بنتي 4 شهور الحين بالقصب خذت الممه بعض المرات تتعسر علي الا تبي صدري
ما ترضى تاخذ الممه وخصوصا اذا امرضت

إذا ما رضت تاخ الممية منج...خلي أحد ثاني يعطيها وانتي طلعي من الغرفة

وتوها صغيرة لا تفكرين تفطمينها الحين...عقب الشهر الخامس الرضاعة تصير وااااايد سهلة

 

[PinkLulu]

وييني عن هالتجمع منزماااان :$

انا ولدي عمره 4 شهور وارضعه بس طبيعي صارلي فتره كل جم يوم اعطيه بسكوت ولا سيرلاك !

حتى انا مليت من الرضاعه خصوصا اذا بطلع ماقدر اخليه واذا رحت السوق ولا اي مكان ياذيني !
بس قلبي معورني احس تعلقت فيه ماودي اقطعها واساسا اهو مايرضى يرضع من مميه تعود على صدري !!
مادري شالحل معاه خصوصا اني شهر 9 راح اداوم ولازم اعطيه رضعه صناعيه

وبالنسبه انها تضعف يليييت تضعف !! ضعفت شوي بس ببطى خلال 4 اشهر تقريبا 5 كيلوات وانا يبيلي 10 كيلو بعد
وبطني ليلحين مترهل !!

دام بديتي تعطينه أكل ورضعة صناعية

خلي وقت الوجبة وقت طلعتج

إذا طلعتي معاه سهل توكلينه بالطلعة

وإذا خليتيه بالبيت أحد ثاني يوكله

بس يبدي يتعود على نظام الأكل وينتظم وقت وجباته راح تحسين براحة أكثر

ولا تحاتين لما تردين الدوام...أنا رديت الدوام وولدي كان عمره 5 أشهر

بس كان متعود على نظام الأكل والرضعة الصناعية

أرضعه قبل لا أروح الدوام...ولما أرد...وقبل النوم

وبينهم يا وجبة ريوق أو غدا أو عشا...أو رضعة صناعية أو سناك

يعني سهالات إن شاء الله أصعب شي أول 4 أشهر


استمري بالرضاعة واهتمي بأكلج وراح تضعفين إن شاء الله

 

[PinkLulu]

وبسالكم اهو الطبيعي كل جم ساعه يرضع ؟ ولدي ليلحين كل ساعتين !! حدي تعبت والله

أول 3 اشهر المفروض كل ما ياع تعطينه من غير ما تحسبين الوقت

والطبيب قال لي لما يكمل 3 أشهر لازم يكون 3 ساعات بين الرضعات

بس أنا ما كنت أتحمل...أعطيه كل ساعتين يكسر خاطري

خصوصاً إنه ما يمص مصاصة فماكو شي يسكته غير الرضاعة

بس لما يدخل الأكل تتغير الحسبة

 

[PinkLulu]

شاركوني في موضوع شلون أفطم ولدي؟ :eh_s(7)::eh_s(7)::eh_s(7):

 

[نـعـومـه]

وبسالكم اهو الطبيعي كل جم ساعه يرضع ؟ ولدي ليلحين كل ساعتين !! حدي تعبت والله

انا بنتي تقريبا كل ساعتين بس ماطول

ولدج علميه صناعي وطبيعي انا بنتي اعطيها واعطيها طبيعي واول ايام ماتبي الا صدري تعبت بروح مكان موقادره الحين اشوه

واذا ابين تضعفين استمري عالرضاعه فرصه اضعف

 

[بنت المها]

مشكورين اللي ردو علي
بس احتاج مساعدتكم
ولدي مو متقبل المميه كلش ! معني اعطيه حلمه نفس صدري صغيره وطريه بس ما يرضى يرضع منها !!
ودي اعطيه رضعه صناعيه باليوم ابي اعوده قبل رمضان والدوامات
شالحل ؟
وشنو احسن نوع حليب ؟ ابي خفيف مابي يقعد على جبده

 

[PinkLulu]

مشكورين اللي ردو علي
بس احتاج مساعدتكم
ولدي مو متقبل المميه كلش ! معني اعطيه حلمه نفس صدري صغيره وطريه بس ما يرضى يرضع منها !!
ودي اعطيه رضعه صناعيه باليوم ابي اعوده قبل رمضان والدوامات
شالحل ؟
وشنو احسن نوع حليب ؟ ابي خفيف مابي يقعد على جبده

إذا مو متقبل يشرب منج ممية

خلي أحذ ثاني يعطيه...وطلعي من الغرفة

وخليهم فترة مع بعض

بس لازم يكون يوعان...وشوي شوي راح يتقبلها

جربي تشفطين حليب ويشرب منه عشان يتقبل الطعم

وبعدين عطيه صناعي

ولا تغيرين نوع الحليب خليه يتعود على طعم واحد

ما راح يتقبله أول شي لأن الحليب الطبيعي طعمه أحلى

ولدي أعطيه حليب نان والحمد لله مرتاح عليه وما جربت غيره


عودته على الممية من 6 أشهر وليلحين ما يرضى أنا أعطيه لازم أحد ثاني أو أكون طالعة يعني لابسة حجاب ومتغطية :eh_s(1)::eh_s(1)::eh_s(1):

 

[Om Ghalia]

مشكورين اللي ردو علي
بس احتاج مساعدتكم
ولدي مو متقبل المميه كلش ! معني اعطيه حلمه نفس صدري صغيره وطريه بس ما يرضى يرضع منها !!
ودي اعطيه رضعه صناعيه باليوم ابي اعوده قبل رمضان والدوامات
شالحل ؟
وشنو احسن نوع حليب ؟ ابي خفيف مابي يقعد على جبده

الحليب الخفيف اهو ha يعني نان أو بيبيلاك أو سيميلاك بس يكون ha ..... واحتمال كبير ولدج ما رح يقبل الممية منج ،، لازم أحد ثاني يعطيه وما يشوفج بنفس الغرفة،، يعني خللي الخدامة مثلا أو أختج أو ريلج يعطيه راح يقبل .... وأنت كوني بغرفة ثانية....
بلشي برضعة وحدة وشوي شوي زيدي رضعتين بس أكثر شي باليوم اذا ناوية تستمري على الطبيعي .....

 

[نـعـومـه]

حليب ابتاميل خفيف

 

[نوره83]

مساء الخير بنات اناتوني والده صارلي ١٠ ايام وبصدي نقط حليب بس مو وايد شسوي ؟؟ ودي ارضع طبيعي
ماني عارفه شنو الاكل وشسوي عشان الحليب يدر ....

 

[نـعـومـه]

مساء الخير بنات اناتوني والده صارلي ١٠ ايام وبصدي نقط حليب بس مو وايد شسوي ؟؟ ودي ارضع طبيعي
ماني عارفه شنو الاكل وشسوي عشان الحليب يدر ....

عادي رضعي والحليب شوي شوي يطلع اكثر

قالولي رهش

حلبه

سوائل بشكل عام