مناقشات <رشيقات العيد> ملاحظات ،، نفسيات ،، ربعن تعاونوا ماذلوا :)

[Aryam30]

هذا جدول مجموعتي

 

[فواصل]

ناريجة ......صاجه والله ...يبيلنا صبر حتى نوصل اللي نبيه

 

[Aryam30]

حسبت لكم السعرات طبعا هالمعدل حق اللي ماتلعب رياضه نفس حلاتي تقريبا بينزل من نص كيلو لي كيلو كل اسبوع اللي باتمرن اكيد بتنزل اكثر اساسا الجسم بيحرق 500 سعره يوميا علشان يقوم بعملياته الحيويه يعني هال500 انتي ضامنه انها بتروح من غير ماتمارسين اي مجهود وبالنسبه للوجبات يكون 5 باليوم ثلاث وجبات رئيسيه + وجبتين خفاف وانتي وطرقتج بتوزيع الوجبات المهم انج ما اتعدين الالف وشوي اللي مسجله عندج ولاتنسووووووون من 6- 8 قلاصات ماي يوميا .

 

[قطوووة]

اليوميات فكرتها مثل مذكرة تسجلين اكلج وتشوفين اكل غيرج
فأفضل تكون بروح
هني مناقشة وسوالف ،، وفضفضة ،،
لان الجانب النفسي جدا مهم بالرجيم خاصة لنا يالحريم



انا زعلانه من فريقي مادري وينهم نصهم غاطين !!:bbbiu:

اليوم رحت اشتري جاي ابيض .. توني راده من المحل ..
خالص مالقيته :eh_s(11):
قالو يتوفر بعد اسبوعين .. ننطر :bbbiu:

 

[قطوووة]

بخصوص نظامي برمضان خذيته من اخصائية تغذية بتويتر :


يعطيها العافية ماقصرت ،،

هذا حسابها .. وتقدرون تسألونها ،

@Bettermom7

 

[fatma A]

انا من تي لي الدوره وكله اكل كاكاو صارلي يومين اليوم كليت كاكاوتين ابي اقطع هالعاده الي فيني

 

[قطوووة]

أريام قواج الله .. اضافة جدا مفيده

انا مع لو فات حاليا باجي جم يوم ويخلص اشتراكي
حاطة نظام وجباتي 1200 سعره
بس انا احيان مااكل الحلو + الروب بالفواكهه اللي يحطونه ( تكود عندي بلثلاجة )

يعني زين اناا بالسيف سايد

 

[عاشقة الككاو]

فواصل ونازنجه
مشكورين فديتكم
رفعتوا من معنوياتي المحبطة

اريام خوووووووووووووووش جدول موضح كل شي ومسهل علينا عدد السعرات الي لازم ناكلها مشكورة ماقصرتي
لازم اشيك ع الي اكله جم سعره فيه

طبعا انا اعلى وحدة فيكم من ناحية كتله الجسم
ابيكم تزفوني اذا خربطت وانا بحط صورة مريام فارس ب فوني وكل شوي القي نظرة عليها <<عشان احتر منها

انزين بنات مجموعتي ماشاالله اغلبهم اوزانهم قريبة من المثالي

ربي يتمم عليكم بس انتوا كرتكم خفت وصغرت .؟؟ ولا راحت وانمسحت مولية ؟؟؟


وهالسوال موجهه ايضا ل قطوتنا الرشيقة
طمنوني في مجال تختفي ؟

 

[قطوووة]

كرتكم شنو هههههههههههههههه
وضحي لي عشان اجاوبج

 

[عاشقة الككاو]

خوش برنامج
انزين اهي حاطة + بين الاكلات هذا يعني ناكل كل هالاختيارات ولا تقصد او ؟؟؟


يمكن سوال غبي ما عليه بس لانه نقطة ضعفي حلويات رمضان بس هذا مو عذر الرشاقه والخفه افضل واروع من الدهون والامراض والزوايد السخيفة

عساكم ع القوة بنااااات
استمروا

..

 

[عاشقة الككاو]

هههههههههههههههههههههههههههه سوري
كرشتكم

 

[قطوووة]

عشوقة
البرنامج من بنت لبنت يختلف
انا قلت لها يصلح لغيري قالت لا
عطيتها طولي ووزني وشرحت لها ان عندي سكر اسم الله عليكم
فسوت لي هالنظام ماقصرت ، تقدرين تراسلينها ماراح تقصر معاج ،


بخصوص الكرشة .. تم القضاء عليها نسبة 90%
بس تحتاج وقت + صبر + التزام + رياضة

قبل كرشي شكبره يلوع الجبد جني حامل بالسادس هههههههههههههههههههههههه
ماكنت اقدر البس مخصر لان شكلي يكون ×

انا وصلت وزني المثالي شهر 1 اول السنه .. او شهر 2
بقت عندي كروشة صغيرونه ،،
تقريبا شهرين وراحت كنت ملتزمة بأكلي + كوب الى كوبين جاي ابيض او اخضر يوميا هالشي فعلا ساعدني ،،

بس تالي خربطت وردت كبرت شوي بس مو وايد .
والحين جاري مسحها هههه

 

[ضــمــاد]

يمكن سوال غبي ما عليه بس لانه نقطة ضعفي حلويات رمضان بس هذا مو عذر الرشاقه والخفه افضل واروع من الدهون والامراض والزوايد السخيفة

عشوقه .. لاتحرمين نفسج .. عن خاطرج أكلي حبه او حبتين من حلويات رمضان


أنا ضد الحرمان لانه يوصلنا لمرحله يخلينا ( مفجوعين ) ناكل حتى لو ماكنا مشتهين


ممكن تستخدمين أسلوب الموازنه


يعني اذا كليتي حبتين قطايف او قطعة كنافه الخ ..


أمشي عشان تحرقينهم .. بجذي انتي قاعده تحرقين وبنفسس الوقت ماحرمتي نفسج


هالشي أطبقه بحياتي ولاحظة الفرق على نفسي


اول احرم نفسي .. فما كنت اقدر استمر بالرجيم واذا خربطت أحس بتأنيب ضمير قوي


يعني كنت بدوامه


لكن بعدين لما أستخدمة اسلوب الموازنه


أكل وأحرق


وما أحرم نفسي .. اكل بيتزا وباستا لكن مو يوميا ً


ان اشتهيت باستا .. ممكن اكلها مره بالاسبوع عالغدا .. تكون باستا سمره و احضرها بطريقه صحيه


وتطلع لذيذه



او احيانا ً اذا مالي خلق اطبخ .. اشتري من دايت كير احب اكلهم


والحمدلله ماشي اموري تمام بفضل الله ثن هالطريقه

 

[أإأم روويم]

قطوووة جم نزلتي على لو فات

افكر اشترك معاهم

لانه نفسيتي تعبت من الدايت

 

[قطوووة]

صح الحرمان مايفيد ..
انا بديت بالتدريج لين صار مايهمني الحلو ،، يعني كليته او لا مايهمني
بس مرات تنفتح شهيتي فجأه .. خاصة ايام الدورة ..
قمت شسوي لاني اعرف نفسي ممكن اضعف ( مرات نفسيتي تصير × واكل )
قمت مااشتري كاكاوو وهالسوالف
عشان حتى لو ابي اخربط .. مااحصل

جربوها ،، المشكلة ان لقيمات امي عالمية ماتتقاووم هههههههههههههههه
بس يارب مااخربط ..





بشكل عاااااااااام .. الحلو قسميه مايكون اكثر من 300 كالوري باليووووووووم

مثلا سناك 1 : فواكه حبة وحدة
سناك 2 : كتكات اظن فيه اقل من 100 كالوري الاصبعين ،،


عاد انتي حسبيها صح عشان تكونين صح اتوقع مو صعب

 

[قطوووة]

ام ريوم
انا مشتركة نظام تثبيت وزن مو انزال وزن ،،
بس قاعده استغني مرات عن الحلو
او العشا ..

صايرة مااكل ،،
والاخصائية قالت لي لاتتوقعين تنزلين وزن كتير
قلت لها ادري اصلا مابي انزل هههههههه

بس بخصوص اكلهم جدا لذيذ ويشبع
هذا رايي ..

 

[أإأم روويم]

//​

هذي صورت توست لوزين​

​

صورت لكم الكيس ​

لما اشتري مرة ثانية بصوره لكم​

شريته من كارفور الافنيوز

والتوسته الوحده فيها 80سعرة​

//​

 

[العينآوية]

بنآت توني رادة من مشية حلوة على الصبح والجو الحلوو :eh_s(7):

قلت بحط لكم التفصيلات مالتها هني واليوميات اخليها حق الأكل بسس

هني مشيناآ انا واختي حوالي 45 دقيقة

وانا رادة شتريت هالتوست الأسمر نوعين واحد بالطحالب ووآاحد بالحبوب قلت اجربهم

وبتشوفون تجربتي ورايي فيهم ان شاء الله بيومياتي :eh_s(7):

 

[عاشقة الككاو]

مشكورة قطوتنا ريحتيني الله يريحج دنيا واخره


صار عندي دافع اقوي

عيناوية حلوة الاجواء هناك
عليكم بالف عافيه وحلو اختيارج اهنيج عليه


ضماد

كلامج ذهب والله

خووووش نصيحه وبتبعها بإذن الله

 

[مـريومه]

صباح الخيرر رشيقات العيد

شلونكم ؟ شلون النفسيه ؟


قطووه بسألج عن الشاي الابيض ؟ شنو فوايدة؟ وشنو الافضل اهو او الاخضر ؟
عندج له صوره ؟ لاني مره رحت سألته عن الشاي الابيض عطاني ومكتوب عليه ليمون وفانيلا؟ فـ مادري اهو نفسه ولا غيره ؟

:$