دعوة للي يلبسون الماركات الأصلية واللي يلبسون سوبر تقليد .. للنقاش فقط

[om_dodo]

فى بنات ياماشاء الله ذكرت الله الف مره تبين الجنطه عليها لوالجنطه عاديه
وتهبل وشحلاتها محلييه الجنطه عليها وربى
وفى بنات قطيييعه والله لوجنطتها فوق الالف ومن برا الكويت ومالها فرع بالكويت
ووو.. موحلوه عليها تلوع الجبد ماتزههااا الجنطه سبحان الله من صاحبتها
الزين زين ....والشين شييين
والله يعيييين

 

[LuLiTa]

انا عندي حكمة ,,, اللي ما عندوش ما يلزموش ,,

يعني اذا عندي فلوس حق الاصلية و خاطري فيها اشتريها ,,, لكن اذا ما اقدر على فلوسها اخذ شغله عادية اتوفي الشغل المطلوب ,,,


و انا ضد التقليد لانه ما شالله بناتنا خبرة بـ الماركات ,,, فـ حتى لو كانت سوبر تقليد لابد تنكشفين لانه معروف انه التقليد ينكرف من ثاني او ثالث استعمال و لوونه يقلب,,, و انا كذا مرة اشووف وحده شايله جنه تقليد و لونها متغير و متفيخره الاخت و مشية فيلم انها اصليه مع انها اتكون وااضحه وضووح الشمس ,,

 

[LuLiTa]

و اللي اتقول شنو الفرق بين الاصلي و التقليد ,,,


التقليد تشترينها بالسعر الفلاني لكن لها عمر معين سنه و لا سنتين و عقب تستهلك و ينتهي عمرها الافتراضي ,,, لكن الاصليه سعرها فيها وتدوم طوول العمر اذا حافظتي عليها لانه شغلها متعوب عليه و له جودة ,,, الوالدة شرت جنطة شانيل كلاسيك اول ما تزوجت و للحينها موجودة على حطتها بأوراقها و كفرها جنها امس شاريتها ,,, و لما ردت موضتها قمنا انا و خواتي نلبس هـ الجنطة

 

[فانيلا حلوه]

اتقوووووووووووووووا الله في اتفسكم

 

[norema-sarto]

أنا عن نفسي أحب البس الماركات الأصليه

وما احب البس ماركات تقليد أو أو اي شي مو ماركه

إلا عزكم الله الجواتي

أشتري بس للمناسبات : مثل العرس والإستقبالات أو أذا مسووين عليهم sale

ما احب اقص على عمري وعلى اللي حوالييني

باني لابسه ماركه وهي بالأصل تقليد

أنا عندي جنطه ماركة LV عمرها 15 سنه وليما الحين ألبسها

وموديلها ليما الحين )))

وعلا العموم الأول و بالأخير اهي النفسيه بينج وبين نفسج

وإذا ما عندي فلوس أشتري ماركه ما راح أشتري لين يصير عندي ((((

( هذا رايي )

ودمتم سالمين

 

[Killer^Girl]

البس اصلي
واذا ماعندي
ما الجا للتقليد
ارو ح لمحلات ثانيه ماركات متوسطه مثل جس او اتركوي هالسوالف

 

[احب الكاكاو]

بس للتنبيه صاحبة الموضوع وكويتية بحرية واميرة الحرية


ماشالله عليكم عسا ما وحده كتبت عن الكورسية والثاني ارفعت لها بالحجي

وملفاتكم الشخصية وردووكم بس رفع لبعض لموضوع الكورسيييييييية اشكرة دعااااية للكورسيه لانج الموزع بالصيدليات

اقوووووووول الي تبي تتاكد ان الثلاث بنات وحده نفسها تسوي دعااااية دشوا ملفاااااتهم تموتون من الضحك لانها مرة تقول من الشامية ومره من جمعية الروضة ومرة من الاندلس


يعني خلوها بالعقل كلنا نشارك بالمنتدى معقوله ما ارد على اي موضوع باي قسم لا موضوع الكورسية وارد بس لتاكيد كلام عضوتين



ني اشترك بالمنتدى ما ارد على اي موضوع بس للكوسيه







NoOoBy
كــويــتــيــة فــضــيــة

كويتيات رد: الكورسيه الأسباني الافضل بالعالم

بقسم الحوامل كاتبه ان الدكتوره بعد الولاده قالتلج عنه واهني تقولين ان البنات مادحينه لج ؟؟


ع العموم مشكوره



نوبي صح حبيبتي كلااامج لفت نظري لاني كنت ملاحظة نفس كلامها متضارب مرة من البنات ومرة الدكتورة وتالي كاتبة موضوع امي ضعفت عليه

للامااااااااااااانة عمري ما قطعت رزق احد بس لو حابة تبيعين عرضي عاادي بس لا تسوين هالطرق كتبي ابييييييييييييع وبس اما تنزلين 5 كيلووووو سحر بالكورسيه








اوقول بنااات الله يشهد فوقي لاني احبكم بالله دشووووا شوفووووووووو وتاكدوا من كلامي

لان بكل قسم كاتبه عنه وكذا بنت لاحظه تضارب الكلام











​

كويتية بحرية

شوفوا ملفهاااااا بس تمدح بالكورسيه



http://www.q8yat.com/search.php?searchid=7561438



اميرة الحرية

بس تمدح بالكورسيه

http://www.q8yat.com/search.php?searchid=7561455

بدوية حرة
مواضيعها بس تمدح بالكورسيه
http://www.q8yat.com/search.php?searchid=7561466

 

[سارة ة]

مسستحيل البس تقليد لوو شنوووووووووو حتي لو ماعندي اشتري من الماركاات الرخيصة

 

[الاماني الحالمه]

اصلي

 

[أم روضة 1]

ووووووووووووع لو شنو ما البس تقليد درجه اولى او عاشره ان كان ماعندي فلوس اخد اصليه البس الماركات العاديه مثل قس وروكو بروكو ومن دبنهامز وجردانو والمحلات هادي اسعارها معقوله والكل يقدر يلبس منها
والتقليد تبين تبين تبين تقليد اللي ماعندها لا تلبس احسن ومشكوره

نفس الرمسة بظبط

 

[Turquoiseya]

السالفة حرية شخصية
كل وحدة وكيفها

ياما شفنا ناس امطقمة ماركات ومافي ذوق كلش

اذكر وحدة شفتها بالافينوز من راسها لي رجولها ماركات من فندي لي شانيل لي مادري شنو بس وع مو حلو

عن نفسي جناطي من زارا وكيبلينغ و شيروتي ودومينا وقاي لاروش : اسعارهم معقولة وموديلاتهم حلوين
وناوية اشتري من كارولينا هيريرا بس مو من الكويت

 

[nurse m]

والله حبيباتي احياناً شطارة الصينيين غطت على الماركه مرة رفيج زوجي سافر الصين وياب جنط تقليد درجه اولى لماركات مسكته من ديور وجوشي وبضاعته ما يبيعها إلا لأهله وعطى زوجي هديه جنطه ديور بس أتحدى اي وحده تعرفها تقليد وقبل 6سنين سافرت ماليزيا ورحنالمجمع سيريا ولقيت نفس الجنطه وقاعده اقارنها بجنطتي ويتني مستغربه تقول نفس اللي عندج وضحكت وقلت اللي عندي تقليد وخذت الجنطه وقولبتها عدل وقالت مستحيل هذي اصليه وحتى مسئول المحل كلمنا وسأل بجم قلنا هديه تقريبا 50قال حق زوجي اذا تيب كميه اخذها منك ب100قال انها نسخه من الاصليه وطبعا زوجي نفش ريشه وقال شفتي هدية رفيجي شلون ،ادري طولت عليكم بس نهاية الموضوع في تقليد درجه اولى وما يفرق عن الاصلي؟؟؟؟؟؟؟؟??

 

[يرخصلك كل غالي]

انا وحده عندي قناعه يا البس اصلي يا مالبس فيٍ شكثر شغلات سعرها معقول

وبهالوقت الفرق بين سعر الاصلي والتقليد شي بسيط فا ازيده جم فلس واخذ الاصلي

وحلات الشي الغالي تحللينه مو جم لبسه واخليةة

 

[Myno0na]

رد: رد : دعوة للي يلبسون الماركات الأصلية واللي يلبسون سوبر تقليد .. للنقاش فقط

منو قال اللي يشتري جنطة غالية حرام؟؟؟؟
ليش انا شارية منكر ؟
و يعني اللي عنده خير لازم يتصدق بكل فلوسه ؟؟؟
اتصدق باللي اقدر علييه و الباجي حقي اتمتع فيه
انا قبل يمكن مرتين شريت تقليد بس ويين فرق الصراحة عن الاصلي و انا ما اشتري اصلي عشان الناس تقول عندها الماركة الفلانية لا حقي
لانه الاصلي سعره فيه و ما يتغير يعني الجنطة تظل جنها يديدة
و على قولتكم انه حرام اشتري ماركة لانه كل شهر تتغير الموضة فكروا فيها
هم حرام كلل شهر اقط 70 و لا 60 و بالاخير اقطها
و اللي تقول انه اللي يبيعون تقليد يقولون ماكو فرق يعني اكيد بيمدح ببضاعته و زباينه و هذي سالفة يدية بعد انه بنات اكباريه يشترون تقليد!! تقصون على روحكم
و ترا اتوقع التقليد حرام لانه فيها حقوق فكرية
يعني هني البنات يموتون قهر اذا وحدة قلدت تصميمها و لا موديلها و ما تحلل و مادري شنو و هي تكون ارخص شي حاطته
عيل هالمصمم المسكين اللي قاعد اييب احسن الخامات و يهتم بادق التفاصيل و تعب على ما كون اسمه و بالاخير باردة مبردة يبوقون شغله و الله حرام

انا اساسا كرهت الماركة والسبة التقليد

تبين هالمرة البس التقليد

انا صراحة لو ااموووت ما البس التقليد

وحتى الماركات اللي تتقلد

لاتتقولوين لي كبر وغرور وفخفخة

ترا مستواي المادي عادي يعني مو بطرة

بس ماحب التقليد

احس اني مصخرة

شي مو قادرة تلبسينه ليش تلعبين على نفسك وع الناس

بالعكس انا اشوف ان الهوس بتقليد الماركة نقص صراحة


شي مو قادرة عليه ليش ابين للناس ان عندي

مع انه للاسف التقليد يفشل ويبين



يعني مو قادرة على الماركة في محلات تهبل تبيع شنط باسعار حلوة وذووق

مثل كارين ملن و زارا وريفر ايلاند وتشارلز اند كيث ومحلااااات كثير شنطها تهببببببببل واسعارها حلووووووه


وفعلا في بنات مو عاجبتها الشنطة بس لانها بالسعر الفلاني ومن المكان الفلاني شرتها


وصراحة في شي هو فعلا اللي مستغربة منه

شلون اشتري شنطة تقليد ب100 ولا 200 دينار

صراحة هالشي منصدمة منه حيييييييل

لا وتتفشخر تقول درجة اولى

والله التقليد يبقى تقليد سواء درجة اولى ولا عاشرة

واللي ب 200 مثلها مثل اللي ب8 دنانير عند الهنود

كلها تقليد


ادري اغلبكم بيعارضني بس هذي وجهة نظر

واشوف انها منطقية

ولا تقولين لي يعني الفقيرة مايحق لها تلبس ماركات

الحمدلله محد فقير في الكويت

بس بعد مو حلوة الوحده تبين للناس ان عندها نقص وان كل همها تقلد اللي عندهم ماركات

كلامكم صح وانا معاكم

 

[نبض شرياني]

ووالله على الذوووق

في ناس تاخذ جنطه ب600 اهني تلقينها ماتعرف تنقي وذووقها مو شي كلش

وناس تاخذ جنطه ب 10 اهني جنطتها عجيبه وروعه والكل يسال عنها

يعني عندج انا اخذ اغلب جناطي من محلات عاديه نيولوك وسنتر بوينت وريفيرلاند وربي بدون مبالغه ماشريت جنطه الا اسلوني عنها

وعندي وحده اعرفها ماتشري الا بالعالي من ايطاليا ماركات عالميه ومن الصالحيه وربي الناس يضحكوون يقولون يوم خذيتي ماركه اخذي شي سنع مو جذي يعني مسكينه مافي ذوق

موعيب ولا حرام اذا لبسنا تقليد او ماركه

انا اشوفها مساله ذوق اكثر

الشي الوحيد الي شريته ماركه البوك و الساعات

مع ان الحمدلله عندنا خير ونعمه بس مثل ماقلت مساله ذووق اكثر من ماركه وتقليد



وهذا رايي

 

[نبض شرياني]

تخيلي انا شفت نظاره بولقري اهني ب289 وربي

بايطاليا اختها ب90

وجنطه اهني ب480

وبرا ماتعدت 150

شرايج

احس اهني يدبلوون الاسعار

اروح اخذها من ديرتها ابرك وارخص واضمن

 

[نونه المنكوشه]

انا بالنسبه لي اشتري اصلي ولاافكر اخذ تقليد لاني ماحب اذا ماعندي موضروري اللبس شي حلو وسعره مناسب في ماركات اسبانيه وايطاليه اسعارها حلوه وموديلاتها راقيه بس انا اخلط اخذ الغالي والماركات العاديه بس تقليد مستحيل اكره نفسي هههههه

 

[dubai girl]

لا انا افضل الاصلي على التقليد اول شي التقليد لونه يتغير سواء شنطه و لا شوز وحتى الاكسسوريز
يمكن انا ماافرق بين السوبر والاصلي ومايهمني اقارن بس انا اخذ الاصلي عشان الكوالتي ويتم اكثر عن خمس
سنين انا المستفيده وحتى لو لو فكرت ابيعها بتيب لي سعر محترم مع اني ماابيع شنطي ^^

 

[funrose]

انا عن نفسي ما احب البس جناط تقليد لسببين الاول انا راح اكون عارفة انه تقليد فراح احس ان كل الناس تدري انه تقليد والسبب الثاني استحرم اقط 50 ولا 100 على شي تقليد وبنفس الوقت في ماركات اصلية مثل جس وغيرهم اقدر اشتريها بالمبلغ اللي شريت فيه التقليد . بس هذا ما يمنع اني مع وجهة نظر البنات اللي يقولون " كل واحد ينام على الجنب اللي يريحه " اللي تحب التقليد تشتري تقليد واللي تبي الاصلي تشتريه .

 

[فرس بيضا]

ووالله على الذوووق

في ناس تاخذ جنطه ب600 اهني تلقينها ماتعرف تنقي وذووقها مو شي كلش

وناس تاخذ جنطه ب 10 اهني جنطتها عجيبه وروعه والكل يسال عنها

يعني عندج انا اخذ اغلب جناطي من محلات عاديه نيولوك وسنتر بوينت وريفيرلاند وربي بدون مبالغه ماشريت جنطه الا اسلوني عنها

وعندي وحده اعرفها ماتشري الا بالعالي من ايطاليا ماركات عالميه ومن الصالحيه وربي الناس يضحكوون يقولون يوم خذيتي ماركه اخذي شي سنع مو جذي يعني مسكينه مافي ذوق

موعيب ولا حرام اذا لبسنا تقليد او ماركه

انا اشوفها مساله ذوق اكثر

الشي الوحيد الي شريته ماركه البوك و الساعات



















مع ان الحمدلله عندنا خير ونعمه بس مثل ماقلت مساله ذووق اكثر من ماركه وتقليد



وهذا رايي

عييييين العقل والله
صاااجه بكل حررف