* تجمع للحوامل اللي مسوين عملية ربط *

[كويتيه بنت قناص]

ام نواف روحي الطبيب
ام اغلي الناس قالوا عن الابره لها اضرار جانبيه يقول صداع

وعوار بالظهر وجذي

 

[ام اغلى الناس]

ام نواف روحي سوي التخطيط وطمنينا
يمكن فيه طلق
يوقفونه ب ابرة نفسي لما كنت بالسابع

كويتيه
اي الابره تعور الظهر وممكن صداع بس هذا شي مؤقت
وكل الدكاتره ينصحون فيها

 

[ام نواااف]

بنات الحمدالله طلع مافي طلق لأن العوار كان مستمر
سويت زراعه عشان اخذ دوااا للالتهابات
الله يسهلنا ان شاء الله




ابره الظهر الحين كل من قام يطقها عادي
البنات بمكتبي بالدوام كلهم يطقونهاا بالولاده

 

[ام اغلى الناس]

الحمدلله على سلامتج ام نواف

بنات ان حسيتوا ب اي شي لا م بسرعه تروحون اقرب مستشفى
احنا ربط. واخاف اي شي ياثر عليه

 

[ام نواااف]

ام اغلى الناس

شلونج شالاخبار
شصار عليج طمنينا ماطلعوج ..

 

[قلب ريلها]

مساء الخير اخباركم بنات بسالكم هاليوميين احس ينزل على افراز الصبح يكون وايد اول ماقعد وباقي اليوم خفيف ةانا مسويه مسحه عنق الرحم وتحاليل بول الحمدالله مافي التهابات بس موعارفه من شنو هل من الربط وموعدي عقب اسبوعين

 

[MaMa & P!nK]

السلام عليكم بنات انا عندي كفر ولادتي وابي ابيعه اهوه درجات البيج مع الاوفوايت مسويته ب300 اللي حابه تشوفه تدزلي رساله عالخاص اضيفها بالواتس اب اوريها الصور

 

[ام اغلى الناس]

السلام عليكم
بنات انا الحمدلله ولدت
الحمدلله اللي عطاني عمر جديد اشوف عيالي
تجربتي باختصار
تقدرون تختارون من هالكلمات عن المستشفى؛
سفاحين او مجرمين او جزارين
والله يا بنات ما ابالغ
ماودي اتذكر الكابوس اللي صارلي بس عشان خاطركم باقول
يوم كامل وانا اطلق بغرفة الولاده
كنت مفتوحه 3سم
وكل شوي اللي رايح واللي جاي يفحصني من تحت
و بعدين قاموا يوسعوني
بعدين دكتوره شيما كويتيه مو محجبه بطت لي الماي
كنت اتمنى تولدني شكلها حبوبه
وكل 3 ساعات تقريبا يمر دكتور
ولما بدا يذبحني الطلق جابوا دكتور التخدير اسمه عماد او شي جذي
كل ما راح مفعول الابره ناديته ويغيرلي فيها
كل شوي يحطلي نوع ثاني
مفعولها يمكن ساعه او ساعتين ويختفي
وطبعا تخدير اي شي مو نفس رويال حياه ماكنت احس برجولي
المهم لما وصلت 6 او 7 سم قلت جيبوه يغيرها
طبعا السستر المصريه الله لايوفقها من جتني وهي كل شوي تنحاش
واذا شافت دكاتره وقفت عندي
كنت اتمنى تجيني هنديه احسن من المص يات الف مره
المهم قلت جيبوه قالوا لا خلاص انتي ولاده
قلت ابيه ماراح اولد من غير تخدير
عاد هني بدا الموت الصجي
الم مو طبيعي واقولهم شي بيطيح مني
وقالها الدكتور خليج عندها قربت تولد
بس الاخت كالعاده انحاشت
وانادي مايردون
وما جابوا دكتور التخدير
عقبها جو مجموعة دكاتره ومتدربين وانا بقمة انهياري واصايح وابجي

والدكاتره باااااردين يقولون شفيج؟
قلت الحين تطلعوني من هالمستشفى مابيها مابي اولد هني عذبتوني
قال مايصير انتي خلاص ولاده
كنت يمكن 8سم
وعقبها جو قروب دكتورات معاهم دكتوره مصريه حنان
تقول ليش تبجين ابي افحصج
قلت لا ماحد يلمسني الا لما يخدروني بالابره
كان تعصب علي وتهاوش وتمشي
وعقبها جتني معصبه
تقول شتبين
قلت ابره
قالت مافيش ابره ارتحتي؟
يعني تعاندني
وتصارخ بوجهي كاني جاهل عندها
والله تنرفزت حيل من طريقتها وردها
وبعدها بشوي قالت لي سستر هنديه خليني اقيسج يمكن ولاده وترتاحين ولا يطيح منج
خليتها تقيس
ردت جت وحده ثانيه قاست قلت حلاو هو كل شوي بس تقيسون
عاد بعدين دخلوني ولاده
ووووويع
والله غلطت عمري هالمستشفى
تخيلوا حسيت بكل شي
بطلعة البيبي وبالخياط وبالعذاب
حسيت اني بفلم رعب
الله لايوفقهم
دعيت عليهم هالمجرمين
يوم كامل وانا اتولد واصايح وابجي
لما جت توديني السستر غرفة الافاقه
جاني دكتور التخدير غير عماد
هو عطاني ابره وانا اولد بس ماسوت شي
يقول شرايج
قلت قصيتوا علي هذي مو ابرة ظهر
قال لازم اخففها حيل عشان تنزلين البيبي
قلت الله يسامحك
قال نشوفج الولاده الجايه
قلت اي انطرني انتوا سفاحين و توبه اجي هني
قام يضحك
اللي ولدوني حنان ام لسان طويل و هنديه
والهنديه بعذ خيطتني
بس الخياط موووو شي والله يستر
قبل الولاده سالت السستر يسون تجميل للخياط؟
قالت لا الدكتور يعطيج موعد للخياط قلت انطريني
انا حاطه ببالي باذن الله اروح اي دكتوره خاصه تشوف الخياط مستاهل تجميل ولالا

ااااااه با بنات
تجربه خايسه
واستغرب من اللي يمدحون المستشفى
تجربه ماعدت اكررها باذن الله
وانا ما قلت قصتي اخرعكم
بس انا صج ندمت حيل لما فكرت بالحكومه
واهم شي الحمدلله على الصحه والسلامه
سامحوني ان نسيت شي
قاعده اكتب عالسريع والخياط ذابحني


وخلاص اسمحولي ما عاد بادش التجمع
اللي تحب تسالني عن اي شي حياها الله عالخاص

 

[ام نواااف]

الفففف الف مبرووووووووووووووووووووووك
ام اغلى الناس ومبروك ماجاج والحمدالله ع سلامتج
ومأجـــــــــــــــــوره يااختي كله بأجره ان شاءالله
اهم شي انج قمتي بالسلامه وجاج البيبي بالسلامه
والحمدالله انج عرفتي الحكومه انا غاسله ايدي من زمان منهم
انا قبل يوم كامل طلق ولا احد يمي توبت اجيهم الحين كل شي اسويه بالخااااص ارتحت منهم ومن الوافدين
وع قولتج سفاحين بس الله يااجرج انششاءالله


واذا صرتي زينه روحي للخاص وجيكي ع خياطج وتطمني
والحمدالله ع سلامتج
وعقبااااااااااااااااااااااااااااااااااااالناااا ان شاء الله

 

[ام نواااف]

مساء الخير اخباركم بنات بسالكم هاليوميين احس ينزل على افراز الصبح يكون وايد اول ماقعد وباقي اليوم خفيف ةانا مسويه مسحه عنق الرحم وتحاليل بول الحمدالله مافي التهابات بس موعارفه من شنو هل من الربط وموعدي عقب اسبوعين

مساء النور خيتي
عااادي كلش لاتحاتين
انا ينزل مني بالهبل والحمدالله عادي والدكتور يقولي طبيعي اهم شي مافي التهابات :rerrerek:

 

[كويتيه بنت قناص]

ياااااااااابعد قلبي والله يام اغلي الناس

والف الحمدالله عالسلاااااامه وصاجه الحكومه بالولاده يعاملونج جنج خروف


حسبي الله ونعم الوكيل

 

[&هند&]

بنات انا المفروض باجر عملية الربط على كلام دكتوره عبير بس دكتور اشرف الي بالهادي قالي احتمال كبير ما تحتاجين وقالي السبت الجاي والي بعده اسوي لج سونار واشوف شنو يقصد بالضبط معن دكتوره عبير قالت حتاج ؟؟؟ وهل انام بالمستشفى يوم كامل اا على كلام الدكتوره اقعد م الصبح لي الليل وانا خوافه ودي ما اطلع الا ثاني يوم من العمليه دام دافعه فلوس الغرفه وشنو الشغلات الي صارت معاكم بعد الربط طمنوني

 

[كويتيه بنت قناص]

بنات ابشركم فتحت الربط وطلبت كمام
فالحمدالله ماحسيت

هند العمليه جدا سهله مدتها10 دقايق
بس يخلونج بعدها ساعتين عندهم وبس

 

[LaBella]

حمدالله على سلامتكم بنات اللي فتحو الربط واللي قرت عينهم بشوفه عيالهم
واللي توهم يسوون الربط عسى ربي يسهل عليكم ويطمن قلبكم

لا تحاتون من العمليه جدا سهله ما تخوف وماتحسون شي دقايق بس وراحه نص يوم وتطلعين

 

[ام نواااف]

مبروووووووووووووووك قناصه
الفال لي ماباجي شي انشاءءالله

زين سويتي طلبتي كمام
بس ماقلتي وين فتحتيه بالخاص
صج فتحته الربط ياخذون عليها والكمام بعد ؟؟

 

[كويتيه بنت قناص]

هلا وغلا ام نواف
فتحته بدار الشفا اي ياخذون عليها بس والله مادري جم زوجي دفع

لان انا للحين ماتوظفت طالبه

الفال لج ياقلبي.. والحين احاتي الولاده ودي بابرة الظهر وخايفه

 

[كويتيه بنت قناص]

بس ماتوقع واجد يمكن٢٥

 

[ام نواااف]

هلافيييييج كويتيه

عبالي فتح الربط نفس سعر الولاده لووول




انا عادي اتحمل وجع الولاده جم ساعه ولا ثقل الحمل
مستعجله عالولاده لوووول


ابره الظهر يمدحونها معاي بالدوام بس خايفه مااراح اطقهاا مالي غير الكمام
والله يسهلها ان شاءالله

 

[• "̮ âñâš "̮ •]

مرحبا يااحلي كويتيات تو اطيح عالتجمع  انا الله يسلمكم سويت الربط بالهادي بالشهر الرابع وانا الحين لي اسبوعين بالثامن سويته عند الدكتوره بريتي ابد كللش ماحسيت بشي تجربه كانت حلوه وشجعتني اني اولد عندها ان شالله باذن الله وان شالله عطتني موعد افك الربط يوم 7 رمضان اكون دشيت التاسع وسوال الاخت ام نواف اي ياخذون فلوس لمن افك الربط بس مادري جم بسال الدكتوره عندي موعد الاسبوع الجاي وانا لمن سويت الربط كان حساب ابعمليه 370 اذا مواقل بشوي بس بهالحدود
والله يسهل علي وعليكم ييارب

 

[ام نواااف]

الله يسهلج اختي ايناس انا بعد معاج برمضان افتح الربط
سبحان الله مشت الايام بسرعه
الله يتمملنا ع خيررررر ان شاءالله ..