* تجمع للحوامل اللي مسوين عملية ربط *

[منونتي]

مشكورة ام نواف طمنتيني

 

[ام اغلى الناس]

يمكن حركة الجاهل

 

[ام اغلى الناس]

شلونكم بنات
اليوم رحت موعدي
الدكتوره فاطمه خذت اجازه
وبهذلوني وكسروا جسمي زياده
السستر قالت روحي غرفه 10 شميمه
رحت ونطرت شوي قالت السستر روحي غرفه 4 الشاذلي
رحت وقعدت اكثر من ساعه ونص انطر دوري

المهم طلع دكتور حبوب
سمع النبض وقلت له فك الربط
قال خليه ماله داعي تفكينه
ان جت لج ولاده ونزل ماي او دم يفكونه وتولدين
وبس
رديت غرفة فاطمه حطت لي السستر موعد بعد اسبوع لاني دشيت التاسع
والله كريم




بنات مدري ليش مايبون يشيلونه
لو اروح الخاص اكيد بيشيلونه
بس ماودي استعجل

 

[ام نواااف]

هلا والله ام اغلى الناس بسألج الدكتوره فاطمه اهي كويتيه منقبه
الله يعيينج عليهم اهم يحبون يأجلون من الزحمه
ودكتوره تقط ع الدكتوره ثانيه
مره طلبو مني منظار واحد يحذف ع الثاني لمن عطوني موعد شهريين اشدعواا عندنا زحمه ومحد فاضي
رحت سويته بالعرف مع انه مكلف بس شسوي ولا هالنطره


انتي نطري يمكن خيره اذا مو مرتاحه
روحي استشاره العرف تطمني بس

 

[ام اغلى الناس]

شلونج ام نواف
انا عادي عندي اشيله بالعرف
بس خايفه استعجل واندم
يمكن انطر اسبوعين اذا وزن البيبي زين اشيله باذن الله

انتي متى تشيلينه؟

 

[ام نواااف]

تمام الله يسلمجمدام عطتج بعد اسبوع يالله مابقى شي
بس اهم شي ريحي نفسج للمراجعه
انا بأول اسبوع من الثامن الحين
راح اشيله ان شاءالله اول التاسع
قالي راح اشيله بالعياده عنده

 

[ام اغلى الناس]

قال بعد اسبوع بس مراجعه مو اشيل الربط
الله كريم
وانتي طمنيني عليج ان شلتيه
يمكن الخاص يشيلونه مبجر عن الحكومه

 

[ام اغلى الناس]

شلونكم بنات
انا اكلمكم من الصباح
منومه من الاربعا قبل امس

27/6
نزل علي ماي وانا نايمه 8 ونص
كاني سويتها على نفسي
ماي شفاف ماله لون او ريحه
قلت يمكن عادي
بدلت ورديت اتقلب ابي انام وبنفس الوقت خايفه
رد نزل وانا بالحمام عال 10 ونص

عاد قلت لامي
قالت ليش ساكته؟
قلت اخاف يبهذلوني
قالت اخاف مو زين ع الربط
دقيت ع اختي ودتني و زوجي جا لنا هناك
فحصتني الدكتور وقالت لبش صبرتي نزل مرتين باذبحج هههههه
حبوبه بالطواري اسمها هبه الشمري
دخلوني جناح الولاده شالوا الربط
والله يا بنات حسيت اني باموت
الله يسامح كل عضوه قالت مايعور
من غير بنج ولاشي
يفتح من تحت ويدخل ادوات ومقصات وانا باموت من الالم
خلص و وداني الدور الاول جناح 14 ولاده
نفس اللي تحت
حطولي تخطيط
والسستر المصريه مالها خلق
ماتبينا
كل شوي ودها نطلع
كاننا قاعدين ع راسها
دخلت من 3 العصر تقريبا ل 12 ونص بالليل
كل شوي يفحصوني
قالوا معاج طلق و مفتوحه 2سم
ان ما زاد عن 2سم نطلعج الجناح
وفعلا طلعت مارضى يفتح

كانت جنبي وحده يمكن سوريه
مسكينه تصايح وتبجي
وتقول مشان الله ولدوني قيصري وخلاص
من دخلت لين طلعت وهي مافتحت الا واحد ونص سانتي
كانت 5 سم صارت 6 ونص
وقالوا مانولدج لين تصيرين 10سم

 

[كويتيه بنت قناص]

يابعد قلبي ام اغلي الناس الله يسهل عليييييج

شفتوا عشان تصدقوني لا قلتلكم يعور فتحة الربط وربي اني احاتيه اكثر من الولاده

الله يعين ويسههههل والحين شنو طلعوج؟

 

[ام اغلى الناس]

تسلمين ياقلبي
اي والله يذبح
بس بنات واجد قالوا عادي مايعور
وانا ماكنت ادري انهم بيفكونه
يالله الحمدلله

انا للحين بالجناح
بس العادي مو الولاده
يشوفوني يومين ان ما صار شي اطلع

 

[ام نواااف]

هلا والله فييييييييييييج
الطلق يجي فجأه اشوه انج لحقتي ع الربط انا بشيله اول التاسع انشاءالله
الله يسهل عليج اكلي رطب وشربي حليب عشان البيبي ترى يكبر بسرعه بالتاسع
اشوه نبهتيني ع عوار الربط بس ترى صج لويسولج مسحه تذبح بالحمال

طمنينا عليج وانشاءالله تسهل ولادتج

 

[ام اغلى الناس]

تسلمين حبيبتي ماقصرتي
اي اكل رطب وحليب
والله كريم

 

[قلب ريلها]

وي خوفتوني عيل شلون انا بتحمل لالم مال فك الربط بصراحه كل من يقول مايعور يعني يقصون علينا الله يستر

 

[ام اغلى الناس]

قلب ريلها
يمكن قوة تحمل وحده عن وحده تفرق
او يحطون لهم مخدر
بس صراحه بطله اللي ماتحس ب هالعوار
والله حسيت باموت
والله يستر من الولاده
الله يهونها علينا كلنا
ان جربتوا علموني شرايكم يعور ولالا

 

[كويتيه بنت قناص]

ااااااه يذذذذبح يذذذذبح يذذذبح يذبببح

لدرجة دكتوري قالي المره اللي طافت من كثر ماتالمت ولعوزته انتي بالولاده

لازم ابرة ظهر اذا هذا ماتحملتييييه

بس الحمدالله مارضيت اخذ ابرة ظهر
صج بشرينا عنج طلعتي ولا للخين؟

 

[قلب ريلها]

وي ياربي عونك انا كلش ماتحمل انا ساعات ابره التثبيت تصيحني من الالم شاسوي عيل مادري احنا عندنا مخدر حق الشيل او لا الله يستر

 

[قلب ريلها]

صباح الخير
الابسالكم يطلع دم ادحا بيشيلون الخيط مال الربط او لا

 

[قلب ريلها]

ام اغلى الناس بشرينا عنج اش صار عليج حبيبتي

 

[ام اغلى الناس]

هلا حبيبتي
انا الحمدلله بخير بس للحين بالمستشفى
انطر باجر باذن الله يمر الاستشاري واشوف شيقول
بعد الربط نزل معاي دم خفيف حيل ووقف
ليش ماتبين ابرة ظهر؟
ب بجري اخذتها برويال حياة تجنن
وان شاء الله ناويه بعد ااخذها هالمره

نعمه هالابره

 

[ام نواااف]

مرحبااا شلونكم

يااااااي حدي خايفه بطني ذبحتني صارلها يومين مغص سكاكين
اكلت مضاد بس ماكو فايده ماااراح ع الاساس فيني التهاب بالمسالك
دقيت ع الدكتور قالي تعالي سوي تخطيط خاااايفه يكون طلق
مع انه امس مسويه سونار كان الحمدالله اوكي
الله يستر يااارب موطلق تو النااااس
واللي مخوفني راس البيبي بنص السابع كان نازل تحت
يارب يخف العوار واولد بالتاسع ..