* تجمع للحوامل اللي مسوين عملية ربط *

[ام نواااف]

بنات الي ولدووو ياليت تكتبون تجاااربكم
يعني بعد مافتحتو الربط متى انفتح الرحم ويتج الولاده
تجااااااربكم

 

[ام اغلى الناس]

ام نواف
انا قريت انه يختلف من وحده للثانيه
وحده كتبت انه بعد ٦ ساعات من الفتح ولدت
ووحده طولت

والله اعلم

 

[ام نواااف]

صح ع حسب الوحده يمكن ام 6 ساعات كان فيها بداية ولاده من قبل لاتفتح الربط

.

اتصدقين وحده من بنات عمي
سقطت اول مره بالخامس واقرولها
بالحمال الثاني ربط وفعلا ثاني حمال سوت ربط
بعد مافكت الربط طولت ع مولدت
واقرولها بالحمال الثاني ماتحتاج
حتى لمن سوت سونار قولوها ماتحتاجين
وصج ماسوت باقي حملاتها وتم عادي

..

 

[كويتيه بنت قناص]

انا بحمالتي اللي طافت بعد اسبوع من فتحة الربط ولدت
ولمن افتحوا الربط كنت مفتوح رحمي 2 سم وفي طلق خفيف
ولدت بعده باسبووووع ولمن حملت هالحماله هم قرروا ربط
لان عنق الرحم قصيييير

 

[ام نواااف]

مشكوره كويتيه ع كتابه تجربتج

اب

اب

 

[كويتيه بنت قناص]

العفو حياتي

ام نواف انتي اول مره تسوين ربط؟

هذا بجرج?

 

[ام نواااف]

هلا والله كويتيه

لا موبجري هالحمال
بس صارلي اجهاضين قبل هالحمله
وحده اجهاض بالشهر الثاني
والثاني صارتلي ولاده مبكره توني بدخل السادس
فنصحني الدكتور اسوي ربط
واول مره اجربه

 

[كويتيه بنت قناص]

ياحياتي الله يتمم ل علا خير

ويقر عيووونج بشوفة ضناج سليم معافى

 

[ام اغلى الناس]

الله يقومنا كلنا بالسلامه
مرات احس ب شد من تحت يمكن مكان الربط
بس اقول يمكن عادي
وقلت للدكتوره ماقالت شي

 

[ام نواااف]

تسلمين كويتيه
اااامين واجمعين انشاءالله

..

ام اغلى الناس

عادي هذا ضغط البيبي ع الرحم
انا كل ماروح لمراجعتي اقول مكان ربطي فيه ثقل واحس بنغزات
يقولي ع كيفج انتي كاه السونار مافي شي بس هذا من الوسواس > ضغط اهو وزوجي فيني كل مراجعه
لأني بالسابع وكل ماله يزيد الثقل

..

 

[ام اغلى الناس]

اي والله ثقل مو طبيعي
الله يسهل حملنا وولادتنا
انا تقريبا الحين بنص الثامن
الله يهون علينا

 

[كويتيه بنت قناص]

صاجين حتى انا احس بهالنغزات

وساعات احس جنه سكين من تحت بس اتوقع عااادي

انا زهقت من روحة الحمام سبحان الله كل ساع رايحه الحمام من الثقل

انا ان شالله عقب باجر ادخل الثامن

 

[ٱستۆطنت خٱفقهْ]

الله يتمم لكم حمالگم

=)

 

[ام اغلى الناس]

بنات تعالوا فيدوني ب هالرابط
http://www.q8yat.com/t1064458.html#post30732666

 

[كويتيه بنت قناص]

بنااااات وينكم مالكم حس

انا الحمدالله شبه خلصت التجهيز بس باقي الديباج والحلويات والفطاير


انتوا شخباااركم

 

[ام نواااف]

انا مشيتي صايره نفس البطريق
من التعب

كويتيه من وين مفكره تاخذين الديباج
شكلي باخذ لي 2ديباجين واحد حق المستشفى واحد عند اهلي

ذاك اليوم رحت مراجعتي مع زوجي
وانا داخله الاصنصير ولا اشوف وحده داشه ماسكه صواني فطايره وحلو فضيع شكلهم من مره
كنت بسألها من وين بس ابو الشباب ماخلاني

 

[ام اغلى الناس]

الله يهون عالكل
كويتيه بنت قناص
و ام نواف

للحين ما شلتوا الربط؟
امس قلت للدكتوره متى تعطيني موعد لشيل الربط؟ بالصباح
قالت تعالي بعد اسبوعين تكونين خلصتي الثامن ويمكن نشيله نص التاسع
قلت سمعت انه اخر الثامن ينشال
قالت بعدين نشوف

 

[كويتيه بنت قناص]

هلا وغلا ام نواااااف وام اغلى الناس

انابنفاسي فبجري حيل قطيت عالديباج وكان استقبالي بالمستشفي

بس يومين وبالبيت يوم سويت استقبال ماكنت حاطه سرير بغرفة الاستقبال

وكاهو ديباجي مقطوط فبيت اهلي يعني فعلا حرااااام وتحسفت

فقررت هالمره اني اعققققققققل خخخخ

رحت امس وشريت من تروفاليو توقعوا بنات بجم ب30 دينااااااار فققققققققققط

ويهبل ونااااااعم انصحكم فيه

اما الحلويات عجبوني ملوت استقبال رفيجتي حدهم وااااو بسالها من وين واطلب
واذا تبون ديباجات فخفخه وفخمه ديباجها رهيييييييب من دار الزين ب170

 

[كويتيه بنت قناص]

والربط افتحه لاخلصت اول اسبوع من التاسع وانا توني بالاسبوع الثاني

من الثامن ..
واااااي الثامن مووو راااضي يخللللص زهقت حدي استغفرالله

 

[كويتيه بنت قناص]

بنات انتوا باي شهههر الحين؟؟؟

تدرون اني احاتي فتحة الربط اكثر من الولاااااده

عالاقل بالولاده اشششفط الكمام وما احس خخخخخ