يوميـــــات مخطوبة

[ضوى العيون]

الله يوفقج انشاءلله

 

[سيتي]

اخذي راحتج نوار والله يوفقج انشاءالله ​

 

[امراة من زمن الحب]

ناااااااااااااطريييييييييييييييييييييييييييييييين لا تتاخرين

 

[reemonia]

ناطريييييييين بس اطالب بتعويض جم جزء ههههههههههه

 

[أمونة الحلوة]

ناطرينج موفقه

 

[ورود]

اخذي راحتج نواااااري وثانكس انج خليتينا نشارك بهاللحضه من حياتج والكل من يمر بهالفتره والله قاعد يستفيد من هالحجي


ثانكس نوااااااااري

تقبلي تحياتي

اختج ورود

 

[قلب راشد]

أهم شي انج بخيير حبيبتي ونااطرين الجزء على أحر من الجمر

 

[Reeema_q8]

عالويتنق ..

 

[كويتيه وافتخر]

الله يوفقج يارب صج تنحبين وتدخلين القلب

 

[النوار]

قوووووووة يا حلوات ..
سوري تأخرت عليكم وايد .. يومين مانزلت شي .. بس انا في لويه
مايعلم بيها إلا ربنا .. لكن الحمدلله
لويــة فرح عسى الله يجعل ايامكم كلها فرح ..
مشكوووووووورين على كلامكم كلكم مع حفظ النكات ..
بسم الله نبدي ..

قعدت اليوم .. معزومين بيت عم يوسف ..
مرت عمه دقت علي تعزمني من اسبوع ..
ماعندي عذر مااروح ..

مااحب قعدتهم ياربي .. بس لازم اجامل شاسوي ..
من قعدت من النوم فيني اكتئاب .. قعدت مع امي ..
قلت لها اني مو حابه اروح .. قعدت تقولي .. عشانه او عشان خالتج
او من هالحجي .. قلت لها ادري لازم اروح .. لكن .. مادري الله يعيني والله
كشخي او لبسي او روحي .. او قعدي يم ريلج او ماعليج من احد ..
لو بدور اهني جان تشجعت اكثر .. لانه عادي اقولها قعدي يمي .. بس يوسف
مابي احسسه انهم هالقد زاعجيني ..
عادي اهوا اخر مره من طلعتج فهم الوضع او اكيد بروحه بيتصرف ..
يالله قومي الساعه 12 ماعندج وقت ..
شلبس؟
بايي وياج الدار وريني
طلعت كذا بدله ..
قالت لي لاتلبسين جينز .. لبسي نفنوف ..
استقريت على واحد يشبه هالنفنوف ..
انا اخذت هالموديل من النت او خيطت عليه ..

دق علي يوسف قالي انا برى .. انا جففت شعري او سويته بالستريتنر .. بس ماكملت ..
قلت له ادخل شوي او راحت امي تقعد معاه
سويت شعري من تحت بالفير لفلفته .. او حطيت مكياج رصاصي فاتح فيه لمعه خفيفه او كحل او حمره فوشيه
او تعطرت او طلعت ..قلت حق الخادم تييب لي فحم عشان اتبخر ..
او رحت لهم ..
قام لي يوسف قالي حبيبتي شحلاتج صايره ..
قلت له عيونك الحلوه ..
وكلشي كان تمام ..
المهم تبخرت عالسريع او مشينا ..
بالطريج كان معلي صوت المسجل فماصار بينا حوار .. وصلنا بيت عمه ..
خالتي او فطومه كانو موجودين .. دخلنا .. او هالمره كلهم
كانو قاعدين ..
سلمت على عمه او زوجته او بعدين رجعت اسلم على خالتي .. او رحت سلمت على البنات او خوانهم ...
طبعا سلاااااااااامهم بارد كأني الصبح متريقه وياهم! .. المهم سوت لي خالتي مكان بينها او بين فطومه
يوسف سيده دخل بالجو معاهم ..
مع انه سلامهم صار جدامه .. المهم خالتي كانت ماسكه يدي .. او قاعدين نسولف مع عمه او زوجته
بنتهم اللي كبر فطومه نادتها بتوريها شي فوق ..
او صرت انا او خالتي او عم يوسف او زوجته بصوب
ويوسف والباقي كلهم بصوب ..
قام ولد عمه او قعد صوبنا او الكل يسولف
يوسف وااااااااااااايد مستغربه موقفه! .. نسى ولا شيصير فيه بالضبط حواليهم ..
المهم انا ساكته او عادي بس الطامه الكبرى صارت وقت الغدا
حطو الغدا او قالولنا حياكم
اهما "لعيال" قالو تونا متريقين بنكمل سوالفنا او بناكل عقبكم .. يوسف قال خلاص انا وياهم قالت له خالتي تعال تغدى قالها بايي .. او مايه!
!!!
عيال عمه قعدو معانا عالطاوله .. انا من القهر من حركته ماقدرت اكل جبدي انسدت ..
قعدت اطقطق بالصحن ..
واهما يحنون علي اكلي اكلي .. المهم بعدين قمنا من الغدا طليت بتلفوني شفت مسج من بدور "أدري انج في بيت عمي, الله يعينج على ثقالة الدم .. لاجديد"
رديت عليها " رجعـــــــــــــــي لاعت جبدي ابي اروح بيتنا" ردت علي " الله يعينج , حاسه فيج" يعني الكل حاس
شفيه هذا وايد معجب بقعدتهم!! يقهر
المهم غسلو او صارت لويه انا رحت قعدت .. بمكاني! تخيلو او الاخ كان يسولف ولا انتبه حتى اني موجوده
قالت فطومه انا يوعانه ابي اتغدى قالو يالله
قام او شافني قاعده قالي ها حبيبتي كنتي يوعانه؟
قلت له اي .. قالي ماقعدتي ويانا قلت له مع خالتي..
او ياته سحبته بنت عمه يالله يعني!!! نص ساعه مامرت! صج قليلة ادب يعني من نص ساعه توها متريقه!
المهم
قعدت افكر .. اهوا ليش حواليهم يصير واحد ثاني ..
المهم شوي راح او رجع اهوا او خالتي .. قعد يمي قال مابي اتغدى بعدين بنروح السينما او باخذ لي وجبه
قلت له ليش؟
قالي بقعد ويا حبيبتي .. قلت له لا حلو غدامهم تغدى او تعال قعد ويا حبيبتك
قالي اكيد؟
قلت له شنو اكيد؟ اي روح خالتي كانت قاعده تشوفه او صارت فتره هدوء او قاعدين يطالعون بعض .. او راح
قالت لي خالتي .. شالاخبار
قلت لها تماااااااام .. قالت لي بتروحون السينما قلت لها اي ..
قالت لي متى؟ قلت لها كنا مقررين عرض الساعه 6
قالت لي هذا ولبكم بس يخلص اكل روحو .. قلت لها عادي في وقت يتأجل ..
قالت لي لا عشان تسهرون ويانا الليله ..
المهم اكتملت قعدتنا احنا .. او قعدنا ناكل الحلو ..
قام يوسف بسرعه من السفره او قعد ياكل ويانا
خالتي قالت له يالله بسرعه ماعندكم وقت
قال عمه ليش تو الناس
قالت له حاجزين حق السينما او بيروحون
قال عليكم بالعافيه اهم شي قعدنا وياكم
المهم او قمنا طلعنا
او اهواااااااا عاااادي .. لا كأنه مسوي شي ويسولف بسوالفهم .. انا كنت مقهوره منه
بس شاقول له؟ قلت من قبل او رجع سوى نفس الشي .. سكت
قالي شفيج اليوم .. ساااااااااااكته او قاعدين مستانسن نسولف او انتي ولا حتى قعدتي ويانا
طالعته بنظره! واقول بقلبي انت من صجك يعني؟
قالي شفيج؟ انا بس انزلت من عيني دمعه! اول مره جدامه
اهوا طلعت عينه او صفط على صوب او لف علي شفيـــــــــــج حبيبتي؟؟
قلت له وايد أذيتني .. او ياي تسألني شفيج اليوم ماقعدتي ويانا؟
لو تبيني جان ناديتني او مسكتني من ايدك او ماخليتني او انت تدري انا ماحب قعدتهم او ايي علشانك! حتى وقت الاكل
ماييت قعدت يمي .. ولد عمك حس او قعد يسولف وياي او انت ولا حسيت!!! اخر شي
ختمتها بالغدا لو مو يوعان تيي تقعد عشاني؟
لو بيت عمي جان ماهديتك او اهما لما تيي يحطونك على راسهم او انت يايني اللحين تقولي شفيج ماتقعدين ويانا؟
عمك والنعم فيه او يستاهل او مرت عمك ماسوت لي شي لكن بناته مايعرفون السنع! او انت مافيك احساس
مادري شهالمواضيع المهمه اللي قاعدين تتناقشون فيها تنسيك كل اللي حواليك
طبعا اتحجى او انا ابجي او اهوا قاعد يطالعني ..
حاول يقاطعني قلت له اسكت لين اكمل كلامي
قالي حبيبتي .. عادي مو بكل مكان لازم نقعد بحظن بعض
قلت له من قااااااااااااااااااال لك بقعد بحضنك!!! انت عينك ماحطيته بعيني!! .. عيب
انا يديده انا مو متعوده عليهم عشان تهدني جذي امك ماقصرت او حتى فطووووم حاسه او كل شوي ابتسمت لي لكن انت مافيك احساس
مادري ليش؟ اذا هالقد انت تندمج وياهم او ترتاحل لهم او بينكم سوالف ماتوقف ليش ماتزوجت وحده منهم؟
قعد يضحك او لمني قالي بس سكتي وايد تكلمتي ..
حبيبتي لو ابيهم اهما جداااااااااامي او جان خذيت وحده منهم
احنا ربينا مع بعض .. قبل بينا او بينهم باب داخلين طالعين .. او درسنا ويا بعض ..
او اهما مثل خواتي
قلت له مكرمين خواتك هذيلا قليلات ادب
قالي اللي تشوفينه بس لاتنزل دمعتج عشان سالفة هالقد تافهه .. او انا اسف حبيبتي .. عاد انتي لاتصيرين حساسه بزياده
قلت له مب حساسه ولاشي .. تصرفك غل او تحسسي منه شي عادي او الكل ملاحظ الوضع قريب بس اهما محد معلمهم السنع! مايستحون
قالي حبيبة قلبي خلاص لاتزعلين والله واذا ماتبينا نروح لهم مانروح والله
قلت له تحجى بالمعقول مو معقوله مانروح حق عمك او انا من صجي ابي حل
قالي انتو روحو او انا قولولهم مشغوول او عمي امر عليه
قلت له يعني تبي يفضيلك الجو او تقعد وياهم بروحك
حبيبتي؟؟؟؟ شاسوي
قلت له تتصرف عدل لما نروح قالي من عيوني..
قلت له او اسلوبك تعدله
قالي شلون؟
قلت له شنو تقولي تبينا بحظن بعض شهالكلام؟
قالي حبيبتي تعبير مجازي انا اسف
قلت له انزين .. ابي اشرب شي ريجي ناشف
قالي اي لازم ينشف من الزف اللي زفيتيني
قلت له عيدها او شوف الزف الصجي
قالي خلااااااااااااااص يبه حرمنا ..
رحنا السينما ..او طلعنا او رحنا بيت خالتي .. لين الـ12 .. رجعني البيت ..
قعدت عالنت او بعدين نمت ..

 

[كرندارو]

الله الله انا اول وحده ارد شلونج نواره الحلوه

 

[كرندارو]

حبيبتي بصراحه انا حدي انقهرت الله يعينج جد الله يعينج نوار انا ما ودي اتكلم اخاف انتي او البنات تقولون اني انا بخرب بس الله يشهد ان هذا مو قصدي
حبيبتي اول شي انتي مو ملزومه تروحين واعتقد الكل راح يقدر هالشي
ثانيا الي اوله شرط اخره نور اذا كنتي ملزومه تروحين تشرطين على يوسف ان يحترمج جدامهم وانتي حيل عجبتيني لانج كلمتي ترى مافي احلى من النقاش والحوار بس تكفين لا تضيقين خلقج ترى وراج جامعه ودراسه

 

[أغلى حبيبه]

وعليه نواره مغثووثه من بنات عمه

الله يعييينج

 

[كرندارو]

نواره بقولج نكته علشان اضحكج بس امانه تضحكين

محشش عزمو على عيدميلاد
يوم خلصوا قال:
يالربع باجر عيدميلادكم عندي

 

[bnt_7waa]

واااي حياااتي نواار اشتقنا لج مومصدقه عيني لمه شفت بااارت يديد



برب بقراااه

 

[bnt_7waa]

واااااااااااااي


نوااااره تعالي اخاف يسوي جذي يبيج تغااارين يبي يجييس نبضج بهسواالف

 

[الشموخ]

اهلين نواااااااااااااره

الله يعييييييييييينج على بنات عمه

زيييييييين منج تحملتي قعدتهم ومابان عليييييييييييييج

انا لو مكااااااااانج جاااااااااااااان قمت ابجي ماتحمل هالنووووووووع

بس والله خالتج وبناتها الله يخليهم لج

صج ينحطون عالجرح يبرى

الله يهنيج

ودام معاج القمرررررر مالج ومال النجوووووووووووم


وعسى اياااااااامج دوم افراح بافراح

بس لاتنسين البث المباااااااااشر للفرح اوووووووووووووكي

 

[ورود]

اهلين نواااااااااااااره

الله يعييييييييييينج على بنات عمه

زيييييييين منج تحملتي قعدتهم ومابان عليييييييييييييج

انا لو مكااااااااانج جاااااااااااااان قمت ابجي ماتحمل هالنووووووووع

بس والله خالتج وبناتها الله يخليهم لج

صج ينحطون عالجرح يبرى

الله يهنيج

ودام معاج القمرررررر مالج ومال النجوووووووووووم


وعسى اياااااااامج دوم افراح بافراح

بس لاتنسين البث المباااااااااشر للفرح اوووووووووووووكي

اوووافق الشمووخ رااايها وموفقه يالغاليه

 

[bint_looda]

بارت يديد بارت يديد هياااااااااااااااااا ,, >> وحده مستانسه لوول
يالله ماعليه الحياة حلوه ومره ان شاء الله عاد يتذكر هالشي المره اليايه .. وسعي صدرج ولا تكدرين خاطرج
و سي يو

 

[أمونة الحلوة]

هلا والله نوار بعد قلبي عطيهم طاف

وطنش وتعش واهمه يبون يحرونج وانتي قلتي مافيهم سنه فيعني عادي لا تهتمين لهم