الخيمة الرمضانية " لرشيقات "رمضان و العيد ^^ / استعدادات /خطط/ نصائح..

[نارنجه]

السلاام عليكم رشيقات ^^


مبارك عليكم الشهرر مقدمااا

وعسى الله يتقبل منا و منكم صالح الاعمال


حبيت افتح موضوع للكل

نتناقش فيه عن الاشياااء الي بنسويها برمضان ونجمعها بمكان واحد اذا امكن ^^

من ناحية نظام الاكل والرياضة و النصاااايح

يفيدنا
ويفيد الرشيقات القادمات << نفس وزن الاجيال القادمة ^^

 

[نارنجه]

اشلونكم بنات
عندي لكم طريقه حلوه عساس تضعفون برمضان واعرف وحده تسويها تنزل تقريبا 5 كيلوات برمضان
قبل الفطور بنص ساعه مشي اورياضه بتردين ميته عطش بهالجو الحار فاول ما ياذن شربوا ماي وايد اكيد العطش بيخليكم تشربون وبهالطريقه ماراح تتفطرون وايد

بس عاد مسكوا روحكم بالغبقه والسحور حاولوا خلوا السحور روب او توست وشربوا ماي وايد قد ماتقدرون

بخاطركم لقيمات وسمبوسه من كل بستان زهره
لقيماته وحده سمبوسه وحده كبه وحده يعني لاتخلون شي بخاطركم بس بالمعقول والشوربه اساسا تشبع حيلكم فيها

وبالتوفيق للكل

وازيد على هالمعلومة
ممارسة المشي بعد ٣ ساعات من الفطور نص ساعه او ساعة بعد مفيد و يساعد على تخفيف الوزن ^^

 

[نارنجه]

كيف تحافظ على رشاقتك في رمضان
للعضوة اغلى الموالييف

فيه نصايح و نظام للاكل

 

[نارنجه]

رجيم رمضان من الدكتور بدر النصرالله


رجيم رمضان للدكتور يوسف بوعباس حصريا/


رجيم رمضان للدكتور عبدالله المطوع

 

[نارنجه]

هذا رجيم شفته بالنت للدكتورة هنادي البدر ^^


اسمه رجيم رمضان على طريقة الخليجيات << يازيناا والله :***

 

[نارنجه]

جديد رجيم طالب الشمري ٢٠١٢

 

[نارنجه]

بدائل للقلي بالزيت


السمبوسة و الكبب مسحيها بزيت الزيتون مسحة خفيفة و دخليها الفررن

كبة البرغل ممكن تاكلينها بطريقة كبة باللبن و تستخدمين الروب الخالي الدسم
ومن دون اي احساس بالذنب استمتعي بالطعم

روحي اللحام و اخذي منه قطعه هبره من لحم العجل وخليه يقطعها لج جم قطعه ستيك و شرايح بوفتيك او شرايح استرانجوف و يتبلها لج
ويقسم لج اياهم بصحون كل ٢٠٠ جم بصحن
ثلجيهم و كل مابغيتي سوي لج منهم


في دياي التنمية السعودي الطازج

عندهم صدور دياي متبلة وجاهزة اما بالثوم والكزبرة او الحراق بالفلفل على حسب رغبتج
اخذي لج جم جيس و زعي الصدور بجياس كل قطعتين او قطعه مع بعض و ثلجيهم

وقت ما تبين طلعيهم و اشويهم بمقلاة الشوي من ايكيا او بالفرن او بالشواية الكهربائية ^^


والسلطات طبعا ما يبيلها كلام
اي وقت و باي كمية تقدرين تاكلين منها بس وخري عن الصوص الكامل الدسم ^^

بديل عن الرانش
قوطي روب
عصير نص ليمونة
رشة اوريغانو
و عن خاطرج قفشة من الرانش الدايت ماراح تضر لانها بتضيع مع كمية الروب
رشة ثوم بودرة
حطيهم بالخلاط و احفظيها بالثلاجة
استخدمي منها قفشتين او ثلاث و انتي مرتاحة نفسيا ^^


صلصة ثانية
عصير ليمون قفشة زيت زيتون نص فص ثوم صغير مهروس قفشة وسط دبس الرمان




اذا اشتهيتي الباستا
اخذي لج ٤ قفاش مع ٢ كفته مشوية




الشوربات
حاولي انها تكون خالية من الشعرية

وفي شوربة الخرشوف شفت دكتور مصري ع اليوتيوب يمدحها وايد
يقول انها تغسل اثار الاكلات الدسمة
يفضل انج تشربينها عقب الوجبة


الحلو و الفاكهه
ممنوع انج تاخذيهم عقب الوجبة مباشرة
الفاكهه ممكن تاكلينها قبل الوجبة غير جذي يفضل انج تاكلينها بعد الوجبة بساعتين



حميسة الكوسا و الزهرة و الملفوف او البروكلي مع الثوم و صلصة الطماط بديل ممتاز عن الخضروات المسلوقة
وتقدرين تاكلينها مع لحم مشوي او تضيفين له دياي
مع خبزة شعير كاملة
او ٤ ملاعق رز


تقدرين تستبدلين الرز ب نص بطاط مسلووقه مع ملح و ثوم بلا سوالف كريمة
ممكن تستخدمين قفشة روب معاها او جبنة مراعي خالية الدسم او قليله الدسم بتعطي طعم حلو للبطاط المسلووووق


خبزة الشعير تعادل نص خبزة سمرا
تنفع للسحور او الفطور




بعد الفطور بساعتين
ممكن تاخذين قوطي روب او حبة فاكهه

و عقب صلاة التراويح
ممكن حبة فاكهه ثانية


دايما شفطي بطنج لا تنسين هالتمرين

 

[نارنجه]

خطة العضوة أمانينو .. خوش خطة الله يوفقها ^^

http://www.q8yat.com/t1077204.html

 

[نارنجه]

لي باك

 

[زعفرانة_73]

الله يعطيج العافيه
مجهود واضح تشكرين عليه حياتى:eh_s(7):​

 

[abrar j]

هاللي كنت أبييه بالظبط :rerrerek:,
+ موضوع يفتح النفسَ ويخلي الواحد يتشجع .
مآ قصرتي نآرنجههَ ويعطيجْ العافية حبيبتي :eh_s(7): !!

 

[أم وليد الشمري]

يعطيج العاااافيه
جد موضوع متعووووب عليه
وكل عام وانتي وكل المسلمين بألف خيرررر

 

[english muffin]

يس يس يس كملوا
ابياخسر وزن الحمل

 

[كويتيه سبيشل]

يعطيج العافيه حبوووبه


متابعينج

 

[شهرزاد الحكاية]

خووووش موضوع ...
بحطلكم الريجيم اللي عطاني اياه احمد ليري حق شهر رمضان ...
الله يوفقنا وننزل على صحة وعافية يااارب​

 

[حلاتي غير]

يعطيج العافيه ولي رجعه لكم بس اظبط اموري واسويلي برنامج

 

[انوار المحبه]

موضوع ممتاز و ان شالله نطبق

 

[نارنجه]

زعفرانة*
:**
الله يعافيج حبيبتي*



/
ابراج*
مشكووورة*


/

ام وليد الشمري*
وانتي بخير و بصحة وسلاامة*


/

انقلش مفن*

حيااااج اختي وان شااء الله تضعفين وانتي بصحة و عافية*


/

كويتية سبشل*
تسلمين حبيبتي و ان شااء الله تلاقين الي يفيدج*


/

شهرزاد الحكاية*

حيااج الله حبيبتي *:**
خلصنا تجهيزات البلعه والمواعين و الحين نبلش بتجهيزات الدايت هههههههه

يالله بانتظار الدايت فديتج*



/


حلاتي غير*

الله يعافيج حبيبتي و الله يديم الحماس*
*حط لنا نظامج اذا خلصتي*


/

انوار المحبة*

مشكوورة اختي*
ايه والله يارب نطبق و نسيطر على الوضع برمضان و نتحدى الاكل*

 

[Winter Q8]

انا صارلي شهر و نص اتابع مع دكتورة و الحمدلله نزلت معاها نص اللي ابي اخسره و ان شاءالله بكمل بشهر رمضان .. لان عندي مناسبة و شريت نفنوف اصغر من مقاسي يعني مافي مجال للتفكير بالخربطة ..

ريجيمها سهل برمضان و مرن ما تنحرجين اذا بتتفطرين برا البيت

الفطور
من 1-3 تمرات + لبن لايت أو ( نص كوب عصير ) ..
كوب شوربة ( من غير كريما أو شعرية أو بطاط ) أو طاسه روب من اي شوربة موجودة ..
كوب سلطة ( و تقدرين تأجلينها حق الغبقة )
4 ملاعق من الوجبة الرئيسية
5 حبات مقالي و فطاير ( و تقدرين تأجلينها للغبقة )

و بعد الفطور بساعتين
قطعة حلو ( مثلا قطايف كبيرة و اذا صغار حبتين ) و انتي قيسي على الموجود ..
أو كوب سلطة فاكهة أو جلي أو محلبية ..

السحور
كوبين ماي + ( كوب شوربة و بيض و سلطة ) أو ( 1 توست و من أي شي موجود ) أو (كورن فليكس + حليب خالي الدسم ) أو ( 3 تمرات + روب خالي الدسم ) ..

و لازم نشرب 8 أكواب ماي مابين الفطور و السحور + و نكثر شرب جاي أخضر و أعشاب
و نص ساعة رياضة ..

ادعولي اخسر اللي بقالي

 

[همسة الاحساس]

مششششكوره حبيبتي ع الموضوع

استفدت منه

جزاك الله خيييييير

انا صارلي شهر و نص اتابع مع دكتورة و الحمدلله نزلت معاها نص اللي ابي اخسره و ان شاءالله بكمل بشهر رمضان .. لان عندي مناسبة و شريت نفنوف اصغر من مقاسي يعني مافي مجال للتفكير بالخربطة ..

ريجيمها سهل برمضان و مرن ما تنحرجين اذا بتتفطرين برا البيت

الفطور
من 1-3 تمرات + لبن لايت أو ( نص كوب عصير ) ..
كوب شوربة ( من غير كريما أو شعرية أو بطاط ) أو طاسه روب من اي شوربة موجودة ..
كوب سلطة ( و تقدرين تأجلينها حق الغبقة )
4 ملاعق من الوجبة الرئيسية
5 حبات مقالي و فطاير ( و تقدرين تأجلينها للغبقة )

و بعد الفطور بساعتين
قطعة حلو ( مثلا قطايف كبيرة و اذا صغار حبتين ) و انتي قيسي على الموجود ..
أو كوب سلطة فاكهة أو جلي أو محلبية ..

السحور
كوبين ماي + ( كوب شوربة و بيض و سلطة ) أو ( 1 توست و من أي شي موجود ) أو (كورن فليكس + حليب خالي الدسم ) أو ( 3 تمرات + روب خالي الدسم ) ..

و لازم نشرب 8 أكواب ماي مابين الفطور و السحور + و نكثر شرب جاي أخضر و أعشاب
و نص ساعة رياضة ..

ادعولي اخسر اللي بقالي

عجبني نظامك
والحلو فيه يشبع ولا يحرمك من شي

شششششششكرا لك

شكلي بطبقه برمضان