تكفون تكفون زوجي بيجلطني ابي حل

[ام القمرالمطيري]

انتي اذا ماهمتج صحتج ونفسيتج كيفج

بس بنتج تبينها تعيش عند ابو فاسد وقليل حيا ..؟ بنتج الضحيه

لو تحبينها تحتوينها وتاخذينها لبيت اهلج

بفلوسج وبحنانج بتعيش احلا عيشه بجو بعيد عن الفساد والمشاكل

شنو معطيها ابوها

اصلا ابوها متمادي لان شايف مهما غلط زوجته عنده

يعني يزني ويخربط وهم زوجته عنده وراضيه

اشحقه يتغير

والله كيفج

بس بتاخذينن ذنب بنتج

ياما مطلقات اهتمو ببناتهم وعيالهم وعيشوهم احسن عيشه

وياما بنات وعيال عاشو بظل اب او ام فاسدين وانضرو العيال والبنات

بحكم كوني مدرسه كنت الاحظ واشوف هالشي بالطالبات

 

[You FOR Me Only]

الله يعينج الصراحه ماشوف في ميزه وحده بهالريال تخليج تصبرين عليه !!!

فوق هذا راعي شقق بالله لين ماخاف من الله وزنا وهو متزوج كيف بيخاف ربه فيج ؟!

هو بايع دنيته ورضى ربه شنو تنطرين منه بذمتج

 

[عاشقة هواك]

ي عمري اولا الله يكون بعونج ثانيا الدعا بهابشر الفضيل
وثالث اما مو متزوجه ولكن دام زوجج حذيه خلي واحد من خوانج يكسر خشمه ويوقفه عند حده
وان وراج اهل وسندً مو من شارع واذا هذي سوالف محد يزوجه فمارح يطلق

وبنيتج لاتعقد من ابوها وسواياه وطلاق مو حرام ولا عيب بنات الرسل تطلقن وبنات شيوخ وانتي الله لايقوله اذا تطلقتي
تطلقتي ع شرف وعز ومعزه ماطلقج ع ان فيج عذروب

الله يصلح لامور بينكم

انا وياها :eh_s(15):

 

[galaaa]

انا فكرت بالطلاق كثير بس اهلي رافضين مو راضين يقولون هذا نصيبج مو كل يوم لج رجال

 

[جذابه بنت ذيابه]

حبيبتي دخلي اهلج بالسسالفه و اذا بتسمعين كلام الناس بتتعبين !!
و خليه يتسنع ! ترا باجر بنتج بتصير فيها نفسيه و السبه ابوها ..


و اذا ماتبين تروحين لاهلج وتعلمين اخوانج ،،£ اقعدي عنده وتحمليه و اصبري عليه
ومو لهدرجه يطقج و ساكته ،،
عيشي معاه بس بغرفه غير لين يتسنع ويطخ والله يعينج

 

[galaaa]

اهو قاعدلي صج يقولي مااخليج. الطلاق انسيه السنه الي طافت رحت لاهلي وطلبت الطلاق نطرني بشارع ودعم سياتي وانا قاعده اسوق رديت قلت لاهلي امي سكتت وعندي اخت مطلقه طردتني من بيت قالت انا مااتحملج وبنتي ماتحب بنتج ردي بيتج



اناماعندي اخوان شباب كلنا بنات


حاولت بالطلاق لكن اهلي رافضين

 

[-فلانة-]

انا فكرت بالطلاق كثير بس اهلي رافضين مو راضين يقولون هذا نصيبج مو كل يوم لج رجال

عفوا حبيبتي..بس منو اللي عايش مع الريال و متحمل الضيم و القهر؟؟
إنتي و إلا أهلج؟؟
يعني أهلج المهم عندهم تكونين على ذمة ريال و شنو ما يكون يكون!!!
ميخالف حبيبتي انا ما أأيد البنت تطلع عن شور أهلها بس في حالات استثنائية الأهل يكون تفكيرهم فيها سطحي للأسف..
شنو يعني المرة مو كل يوم لها ريال؟؟ يعني لازم ريال في حياتي ولا ما أعيش؟؟ واللي إنتي عايشة عنده أصلا أهلج شايفين إنه هو ريال؟؟؟
ما خافوا على حفيدتهم من أخلاقه؟؟ ماخافوا عليج من بلاويه و خرابيطه والأمراض اللي ممكن ينقلها لج؟؟ ماخافوا عليج تتعوقين وإلا تتشوهين على إيده لما يطقج؟؟
كل هذا مو مهم..المهم إنج على ذمة ريال؟!!!!
انتي منتي طفلة..ولا إنتي ناقصة عقل..قرارج بيدج..
وإذا إنتي بعد مو خايفة على نفسج..أكيد تخافين على بنتج..
إنتي في وضع مو قادرة توفرين الأمان والأستقرار حق نفسج..شلون راح تقدرين توفرينه لضناج!!
فكري بنفسج و بنتج..وقطي كلام الدنيا كلها ورا ظهرج..
و لو تتطلقين الحكومة تشيلج لو ما عندج راتب..ونفقاتج توصلج بالفلس لي عندج وإنتي معززة مكرمة..يعني لا تحاتين منة أحد عليج..
عسى ربي يفرجها عليج و يكتبلج الخير وين ما يكون..​

 

[إم بــــرٍآك]

وخير انطلق يعني ولا انه ينقل لي أمراض وبلادي وانا ادري انه غير سوي بأخلاقه وانتي شكلج عصبيه لوتاخذينه بالهون ممكن يتغير والله يعينكم

 

[!الجادل الصعب!]

الله يكون بعونج صراحه .. فكري عدل
الطلاق خيار لج بروحج اختج مالها حق تفرض عليج شي
البيت مو ملك لها وكبروا عقولكم من ناحية عيالكم

عسا الله يسخره لج

 

[om MaRyooM]

شوفي انا بقولج شي بس لاتزعلين مني لأني بنصحج كأخت مو اكثر

تقولين راعي شقق وخرابيط ومخافر !!!!!

شنو ناطرة ؟؟؟؟
يصير فيج ايدز ؟؟؟ ولا يقلب بيتج دعارة ؟؟؟ استغففرالله ربي العظيم
اصلا شلون لج نفس تنامين مع واحد عارفه جايس مليون قذرة برة !!!!!
امركم عجيب يالحريم !


شنو اللي مخليج صابرة !!
شنو هالعذاب والقرف ؟؟
ومن قال بنتج لي كبرت يشرفها يكون ابوها مثل هذا ؟؟ دام انتي تقولين صابرة عشانها انتي تحبينه .. مو عشان بنتج



الله يعينج على مابلاج ! ويقويج ويلهمج الصبر والحكمة

 

[Mjnont '3lay]

اسمحي لي اقولج انتي انانيه وماتفكرين الا بنفسج للاسف انتي ماتفكرين ببنتج لا تزعلين من ردي الجارح بس دايما الحقيقه مرررره وجارحه
وانا اللي بقلبي على لساني وبقولج اياها بصراحه
لو فعلا تفكرين ببنتج جان من عرفتي عن خرابيطه تطلقتي علطوووووول منه
والسبب الاول والرئيسي بنتج مرح تعيش جو اسري زين ونظيف ما دام هذا ابوها
والسبب الثاني والاعظم
مافكرتي بالمستقبل لي كبرت بنتج منو بياخذها
منو بيرضى ياخذ وحده ابوها راعي شقيق وملفه بالمخافر ماشاءالله متروس شكاوي وخرابيط
باجر بيسألون عن ابو بنتج ويشوفون خياسه صدقيييييني بتطيح البنيه بجبدج ومحد رح ياخذها المفروض لمن تتخذين قرار من صالح بنتج تطالعين لي جدام اكثر وتحددين مصيرها بالمستقبل شنو بيكون
وخير ياطير مطلقه ثاني مره
ولا انه هالخايس يجيب لج امراض
والله بالعكس ياما مطلقات وعيالهم عندهم ومعاشهم بيدهم وماشاءالله عليييييهم سفرات وروحات وردات وشاريين حريتهم ووناستهم
انا رفيجتي مطلقه وعندها ولد صغير
هذي اهيا والله شوفيها اسمالله عليها قاعده تكمل مسائي علمي بعد
ووظيفه ونفقتها ونفقة ولدها توصل لي عندها وتسافر مع ولدها كل مكان مو مخليه لا على نفسها ولا على ولدها قاصر
وعندها ايفون ومسويه قروب مع بنات وعايشه حياتها تطلع معاهم ومستانسه ومو مقصره على ولدها بولا شي تبارك الله
المشكله فيج انتي مو بالمجتمع دايما المطلقه حاطه ببالها انها منبوذه ومحد مهتم لها لا يالغاليه غلطانه بالعكس عيشي شبابج ويومج وحافظي على صحتج وربي بنتج بيدج بعيد عن هالابو الفاسد
والحين اهلج كلهم درو عن خياسه بذمتج مو فشلانه منه ومن خرابيطه ..
شلون بتحطين عينج بعين اهلج وهالخايس اسمه زوجج
بالذمه فكري عددددل
الطلاق مو نهاية العالم بالعكس رح تكون بدايه جديده بحياتج ومرح توقف الدنيا اذا ماعشتي تحت ظل رجال بالعكس انتي صيري عن عشر رياجيل وحافظي على نفسج وعلى بنتج وصوني نفسج وبنتج وترى رياجيل هالزمن اسمحي لي قسم بالله نااادر ماتلقين الرجاااااااال بحق وحقيقي دايما هالايام الرياجيل بالشنب وفرد العضلات وبس وتعالي طيحي بمصيبه ولا بمشكله او احتاجي لهم
صدقيييييييييييني ما تلاقينهم ومايعرفون يتصرفون ومايجيبها الا حريمها والله
وهالايام ماشاءالله المره عن الف رجال
سيارتها عندها ووظيفتها عندها ومعاشها بيدها وعيالها اهيا بروحها شايله مسؤؤليتهم وتودي وتجيب وتجيل البيت من الماجله والاغراض وشوفيهم بالوزارات والدواير الحكوميه ماشاءالله هابات ريح مو مثل قبل مايعرفون يتكلمون ولا يعرفون يتصرفون
الحين الزمن تغير والمره صارت احسن من الرجال بكل شي
والرجال مهنته بلع ونوم وربع ووناسه والبيت والزوجه والعيال ااااخر همه
بالذمه شلي جابرج على جذي حياة ؟؟
عادي تطلقي مرح تنتهي الحياة والحضانه عندج لانه مو كفو تربيه هذا
واذا اهلج مايبون يتحملون مسؤؤليتج عيشي بشقه بروحج بس اجري عند بيت ناس اضمن لج عشان صار ما صار الا فيه رجال بالبيت احسن من شقيق العماير مصيبه واذا صار شي الحارس مايدري وين الله قاطه ومايعرف يتصرف او انه نايم مايدري شيصير بالدنيا
واذا مو موظفه توظفي وشيلي مسؤؤليتج ومسؤؤلية بنتج احسن لج من هالعذاب يا امي
واخر شي بقوله لج ترى رجال راعي شقيق يعني شوفي جم وحده جاها ؟؟
اذا ما يهمج يخون اووك عالاقل اهتمي بصحتج ماتخافين يجيب لج مرض
؟؟
وسوري على هالكلمه بس شلون ترضين تنامين تحت رجال نامت تحته الف بنت غيرج ؟؟؟؟
وين عزة نفسج ؟؟ وكرامتج وكبريائج كلهم راحو مع مهب الريح بس عشان ماتصيرين مطلقه ؟؟
تفكيرج عجيب بصراحه بس بقولج شغله انتي بيدج تقدرين تبنين لج ولبنتج حياة حلوه وسعيده بدون رجال
فكري بالوظيفه والسكن الخاص فيج ويكون قريب على بيت اهلج عشان ما تقاطعينهم او اذا يقدرون يتحملونج عيشي عندهم
وربي بنتج عدل وطلعي معاها ومع رفيجاتج واستانسي وانسي همومج
وسافري مع بنتج وغيري جو صدقيييني بتلاقين حياتج مع بنتج حيل حلوه غير عن حياتج تحت ظل رجال متحكم وايده طواله ولسانه وصخ وفوق كل هذا رجاااال نجس مايعرف مخافة الله ويمشي طريق الحرام
وبالنهايه اتمنى تفكرين بكلامي وكلام البنت عدددل وتاخذين القرار الصح اللي ماتندمين عليه بعدين وبالنسبه للزوج للمره الثالثه اذا تطلقتي ما انصحج بالهالشي واظن انج جربتي الزواج ومرتين وكااافي اتمنى تأكرسين حيااتج لبنتج وبس
والله يوفقج وين ما كنتي ومهما كان قرارج

 

[Mjnont '3lay]

حبيبتي تطلقي وماعليج من اهلج وصري على رايج وقولي انا ابي الطلاق رضيتو ولا مارضيتو
اذا موظفه وعندج معاش حطي لج محامي او محاميه شاطره تاخذ كل حقوقج منه وتطلعهم من عينه
واختج مو بكيفها تطردج من البيت مو بيتها عشان تطردج منه مثل ما اهيا لها بالبيت هم انتي لج بالبيت والبيت بيت ابوكم مو بيت رجلها عشان تتحكم
لا تصيرين ضعيفه وتخلين الناس تركب على راسج كوني قويه وطولي لسانج واخذي حقج
اما هالخايس روحي بيت اهلج انتي وبنتج واذا تعرض لج روحي اشتكي عليه وقولي للضابط انه مأذيني ويطقني وذالني وانا ابي اطلب الطلاق منه وجاي يتهجم علي ببيت اهلي او داعم سيارتي او سوالي اي شي المهم اي شي يسويه لج روحي اشتكي
لو يطقج روحي اخذي تقرير من المستشفى ورفعي عليه قضيه
والشي اللي ماتعرفينه انه القاضي اذا تأكد انه عنده ملف بالمخفر وملفه اسود مثل وجهه يطلقج منه غصبا عن ابوه وجده
ويضمن لج القاضي جميع حقوقج عنده والحضانه علطوول تصير عندج ويكتب تعهد انه مايتعرض لج لو يموت
انتي بس دوري لج محامي شاطر وصدقيني كل الضيم اللي وراج اياه بالسنين اللي فاتت بيطلعهم المحامي من عيونه عند القاضي وهذا وجهي اذا ماشفتيه عند القاضي يبجي مثل الورع ويطقطق من الخوف حبيبتي هالنوعيه رديه وخواااف ومايقدر الا على جنس حواء عشان يفرد عضلاته مالت عليه
انتي سوي اللي قلت لج عليه وشوفي النتيجه بعينج

 

[القلب الطيب]

الله يعينج ويهديه ويسخره لج
يااااااااااااااااااااااااااااااارب
​

 

[(*ام عهــــد *)]

الناس مراح ترد صحتج لاراحت ولا نفسيتج لانهااارت

 

[أم فـرح الحلوه]

الله يهديج ويعينج عليه ٱ‏​نـَ♡̨̐ـِْا مطلقه مرتين وعندي بنت وترا مافيها شي الزم ماعليج صحتج لو تعقدت بنتج او جتج أنـتـْـٍ you ـيٓ امراض ماراح ينفعج كلام الناس

 

[أم فـرح الحلوه]

وترا ماخلق الزواج الا خلق له طلاق

 

[brettey]

هذا لو زوجي جان مسجون من زمان على ايدي
والله اتطلق ولا اقعد مع حثاله مثل هذا عبالج بيتعدل ؟
بوطبيع ما ايوز عن طبعه وين اهلج ابوج وخوانج يكسرون راسه

 

[ReD&FoSHia]

حبيبتي اذا اهلج مستثقلين ردتج ويا بنتج
تحملي بس انتي بغرفة واهو بغرفة

اما اذا مو مستثقلينج يبا ردي
وشوفي اذا شاريج ولا لا
اذا مو شاريج شتبين فيه تشترين حياتج وياه
وترا الحين الحجي مو انج بتطلقين
الحجي الحين ريل اختج اكيد معلم اهله و شوفي عاد بيصير ريلج الموذي
وانتي مرت الموذي راعي الحرام
انتي عندج بنت تبين اتيبين اكثر وتنحاشين ؟؟
انحاشي خفيفة افضل

 

[ReD&FoSHia]

شكو تطردج اختج علشان بنتها ماتحب بنتج
قولي لاهلج اذا يعجبكم يصير فيني ايدز و افضحكم بالدييرة عادي عندكم ؟؟؟
عادي عندكم بنتي اتعيش عند واحد قذر راعي شقق
ترا الوضع الحين حتى خطر عالبنات الصغار
اتلاقين الريال من الممارسات و الافلام و الشقق
يشتهي الصغار
ديري بالج

اذا ماتقدري يبا الحين لج قرض اسكاني زيديهم شوي و اشتري شقة و سكنيها انتي وبنتج

 

[كويتية بروما]

اهو قاعدلي صج يقولي مااخليج. الطلاق انسيه السنه الي طافت رحت لاهلي وطلبت الطلاق نطرني بشارع ودعم سياتي وانا قاعده اسوق رديت قلت لاهلي امي سكتت وعندي اخت مطلقه طردتني من بيت قالت انا مااتحملج وبنتي ماتحب بنتج ردي بيتج



اناماعندي اخوان شباب كلنا بنات


حاولت بالطلاق لكن اهلي رافضين

يحليلها اختج البيت بيت ورثه ولج مثلها بالبيت قولي لها ما اطلع الا بمخفر ولا حكم محكمه

وان دعمج المخفر وينه ها

انتي تحبينه وتبينه
التزمي الاستغفار الصلاه القران
جود يتعدل