تكفون تكفون زوجي بيجلطني ابي حل

[فوفو22]

انا فكرت بالطلاق كثير بس اهلي رافضين مو راضين يقولون هذا نصيبج مو كل يوم لج رجال

اهو قاعدلي صج يقولي مااخليج. الطلاق انسيه السنه الي طافت رحت لاهلي وطلبت الطلاق نطرني بشارع ودعم سياتي وانا قاعده اسوق رديت قلت لاهلي امي سكتت وعندي اخت مطلقه طردتني من بيت قالت انا مااتحملج وبنتي ماتحب بنتج ردي بيتج

**************************************
احيانا يكون امام بعض الناس حلين

مُر ....وأمر

المُر في ظروفج انج تعيشين مع زوج غير محترم وتتحملين الذل لخاطر بنت بينكم وايضا لخاطر كلام الناس حسب تفكيرج.

والأمر انك ترجعين لاهل مارح يرحبون فيك ويعاملونك بطريقه ما ترضيك

هنا الحل يرجع لج بحاله خاصه

بمعنى انتي ادرى وين مصلحتك النفسيه والصحيه

رايي بهالحاله يعتمد على قوه احتمالك له بمعنى

1-هل وجوده يؤثر على صحتك...؟؟؟
2-هل يضربك؟؟؟ هل يعاشرك بعنف وقوه دون مراعاه لخطوره ذلك؟؟؟
3-هل هو فاسد بس موفر لكم عيشه كريمه من بيت ومصرف ؟؟؟

اذا الاجابه على السؤال رقم 1 و2 بنعم فانصحك

بالطلاق للضرر مع توفير لكي سكن وخادمه ومصرف للبنت على حسابه وهذا
توفره لكي المحكمه بعد رفع قضيه بالطلاق للضرر

عزيزتي

الله خلقنا مكرمين بهالدينا
وفضلنا على كثير من خلقه
وانعم الله علينا بالاسلام ....والاسلام هو من سلم المسلمون من لسانه ويده))

فاصحي لنفسك واجمعي ما بقى لكي من كرامه وعزه نفس

واعيدي ترتيب حياتك ....

ترى هناك امور اجمل بكثير من العيشه مع زوج خالي المزايا

والطلاق رحمه نزلت للحالات اللي مثلج

وربي يعوضج خير منه

فوفو

 

[يمامة أيوب]

هلا الغاليه​

اختي انتي ماذكرتي ولا شي ايجابي فيه يشفعله ؟ وله حتى انه نقولج اصبري وحاولي معاه ابد انزين انتي تشتغلين؟ واهلج ليش وافقوا عليه لمن تقدملج اللي مثله اكيد معروف عنه من قبل ها الحركات البطاليه؟ الحين ماينقع العتب ادري شوفي انتي اللي لازم تسوينه انج تكلمين محامي لو ع التلفون استشاره صدقيني في ناس اعرفهم بعد متلعوزين بحياتهم و حياتهم اهون بوايد من حياتج وموقفهم القانوني حيييل قوي حييييييل​

فمابالج انتي وعندج زوج مثل هذا شوفي اول شي جربي انج تقرصينه قرصه قويه ... اهو خلاص تعود على رده فعلج ايده خذت على الطق عارف رده فعل اهلج عارف نقطه ضعفج بنتج وكلمه مطلقه وله جان مارضيتي تاخذين واحد نفس بلاويه واكيد اهو لمن قرر يتزوج دور على مطلقه عشان مهما كان ترضى فيه...​

اول شي اهلج موعايشين حياتج وانتي جربيتهم محد وقف وياج لذلك خلاص لا ترجعين لهم باي شي وقوي نفسج وتصرفي بروحج شلون تقرصينه بالبدايه خلج كتومه على كل خطوه بتسوينها يعني حتى اهلج لا تقولين لهم ولا اهو اي شي ياذيح فيه خزنيه يعني مسجات سب او طعن بشررفج او اهلج اي شي ياذي ​

اي دليل انه راعي شقق وخرابيط ...​

كلما ما مد ايده عليج ( مع انه تصرفه فيه حقاره ونذاله انه يقفل عليج عشان ما تبلغين عنه ولا كانج بشر وجبان ) انتي صوري لو فيج علامات ولو فيه مره اهو ماقفل عليج خلج شجاعه وروحي فتحي ملف باقرب مستوصف وبعدين روحي الشرطه وفتحي بلاغ خل بسحبونه الشي في ايدج تتنازلين عنه او يكتبونه تعهد ( هذي قرصته ) اهو راح يعاند ماراح يطلقج ترا لكنه راح يخط بباله انه مايتعرضلج مره ثانيه ​

يمكن يطلع من البيت يهجرج الخ ..انتي لو بعد ها الموقف تهاوش معاج خليه يعرف انه موقفج جدا قوي قوليله بكل قوه انه مو بكيفه مايطلق القاضي بدقيقه يطلقج منه لانه فيه اثباتتات انج متضرره منه وحقوقج كلها توصلج وشكله ريال مقتدر مدام راعي شقق واييب بنات ليل لاتحاتين مصروفج ومصروف بنتح قوليله القانون معاي ولو هددج ياخذ بنتج قوليله حليمتك من بعد الملف الاسود اللي لك في المحافر وبعد لو انتي مشتكيه عليه يعني ابد ماله امل كلششششششششش \خوفيه​

يمكن يصير ريال​

لو قالج مالج مكان روحي بيت ابوج لا اتزعلين قوليله ابركها من ساعه ساعه فرقاك وكملي امورج القانونيه مع المحامي وابد وابد لاتبينين نج خايفه او متردده واستحملي كلامه القوي اللي راح يقطه عليج حتى لو قالج محد بياخذج قوليله مو انته اللي تكتب قدري ونصيبي ​

اعرفي شلون تردين عليه لانخافين قوي قلبج قوييييييييه ​

الريال اللي يسوي سوات ريلج ابد مب قوي وخالي من داخل يعني نفخه ع الفاضي يعني كلام بس لاتخافين منه كلش يعني تهديداته كلها فشوش قوي قلبج واتخذي خطوه قويه وجاده واهو وااايد راح يلعب على وتر الفضيحه والسمعه خليه يولي عطي اذن من طين واذن من عجين يقول اللي يقوله بعدين لمن يشوفج مو مهتمه بيعرف انج جاده لكن خليه ينقرص منج​

اهلج اي حد يقولج كلمه قوليلهم محد عايش حياتج ​

بيت ابوج هذا لج فيه انتي وبنتج مثل مالهم ولعيالهم اختج قوليلها مب من جيبج بتصرفين علي انا وبنتي خلج قويه اعرفي تردين الحين اصبري ودايما ذكري نفسج انه صبرج فيه قوه يعني لين تاخذين اللي تبينه تشوفين موقفج قوى اهنيه المواجه تكون بكل ثقه خلي مستقبلج ومستقبل بنتج جدامج


فيه رياييل لمن يشوفون حريمهم ماخذين موقف قوي ضد معاملتهم الغلط يراجع نفسه ومصلحته ويتغير وان شالله ريلج يتغير لانه شكله تعود على موقفج السلبي انتي هنتي على نفسج شلون ماتبين تهونين عليه؟
ولو ماشي فايده فرقاه عييييد لج ولبنتج اشتغلي لو ماتشتغلين وعيشي حياتج وخليه مع خياسه واللي معاه

​

الله يهون عليج


والاخت فوفو ماقصرت كلامها سليم 100%


نحن كل اللي علينه نساعدج تشوفين الموضوع من كل الجهات ونعطيج نقاط تفكرين فيهم وتقارنين بين ايجابيات وسلبيات وتوازنين حياتج عشان تتخذين القرار الصحيح بالاول والاخير هذي حياااااتج ومحد دايم لحد لا اهل لا اي حد ​

​

 

[حبيبي مالكني]

لا تفكرين بالناس فكري بروحج
الزم ماعليج نفسج
حطي لج شروط عشان تستمرين معاه اذا رضى كان بها اذا مارضى الانفصال اهو الحل
مو يمكن المرة اليايه يطقج وسمله عليج تموتين من راح ينفعج وينفع بنيتج
انتي الي صح واهو الي غلطان
والله يعينج ويهديه

 

[galaaa]

انا خلاص بعد كلامكم باخذ موقف قررت بالاول انام بغرفة بروحي ومايلمسني وان مارضا بالوضع يطلقني خلااااااص انا تعبت





جزاكم الله خير عطيتوني قوه

 

[جـــواهر]

الله يعينج ويصلح امورج

 

[أحلى من الخيال]

ما عندي أكثر مما قالو البنات
ليش تهينين نفسج
الله سبحانه شرع الطلاق و عزج عن المذلة​

 

[modern]

انتي لازملك حل جذري مو بس حل للطق

 

[zain-alq8]

,





ان شاء الله آتطلق 60 مره بس مآ آظل ويا ريال جذي !
الصراحه تفكير غريب .. اعيش بكآبه و خوف و ملل و بنتي تتعقد من ابوها
بس عشان الناس مآ يقولون عني مطلقه ..
ليش بالله سويت شي حرآم ؟! بلعنه الناس يقولون الي يقولونه :/
مستقبل بنتي و مستقبلي وآيد آهم من ضيآع عمري مع وآحد مآ يستاهل دقيقه من وقتي !!!!!



فكري بعقلج حبيبتي وخلي التفكير السطحي الناس و مآ الناس !
ترا محد رآح ينفعج /:

معاك 100٪

 

[mmloo7a]

الله يعينج على هالزوج
دام اهو جذيه شجابرج تعيشين معاه

الزم ماعليج راحتج وبنتج

الله يكون بعونج اختي ولله حاس فيج :eh_s(2):


بس اتمنى اللي فبالي تشوف مشكلتج وتتحسف على طلاقها التافه :eh_s(4):

اكو وحده تهد ريلها الطيب والزين عشان جنطه ولاعشان ابي عرس كبير


المهم
صاحبة الموضوع الله معاج لاتخافين هذا الريال مايستاهلج يمد ايده عليج وسكير وراعي خرابيط
شنو يعني مطلقه مرتين
بنتج اهم ترى هذا موكفو تعيشين معاه دقيقه

الله يعينج ويصبرج يارب

 

[منوووووله]

غلا انتي الي عايشه معاه مو اهلج ..

واذا انتي شايفه سبب ثاني غير بنتج صابره عليه هاذا شي ثاني لانه البنت مالها مصلحه كلش باللي تشوفه من ابوها لاتقولين عشان بنتي ..

 

[أبله أريج]

متخلف ويفشللللللللللللللللللل

 

[al-musk]

لا حول ولاقوة إلا بالله
هذي مو عيشة والعمر ينعاش مرة وحده عالاقل عيشي بكرامه وراحه بال .. والناس مالج شغل فيهم ومحد يعاني ويتعب مع أحد ولا يهمه أحد

 

[hend6363]

هااا شنو صار
الله يعينج

 

[Le chat]

اكيد بيبهذل عيشتج دام شايف جدامه مره لو شيسوي فيها ماراح تهده وخايفه من الطلاق لا تقولين عشان بنتي انتي خايفه من حجي الناس بس الناس ماراح تنفعج لا يابلج مرض من هالوسخين وله سببلج عاهه بسبت الطق وله اذى بنتج وكفخها شلون البنيه بتكبر بحضن ابو راعي شقيق منو باجر بيخطبها!! شنو راح تكون نفسيتها!! تلاحقي على عمرج وبنتج لايحوشكم مرض لاسمح الله اوقفي وقفه وخل يدشون الرياييل بالسالفه يا يتسنع يا مايشوف شر يكمل خرابيطه بعيد عنج

 

[شادن33]

لا ماما كل شي ولا الطق اوقفله إخواني واهلي ككككلهم
شنو يكسرني من الطق عشاني صابره على بنتي

حياتي اذا مد ايده لاااااازم اتوقفينه عند حده بنفسج او بأحد من أهلج خليه يصطلب

ليش عمري ترضين يطقج الله يهديج

 

[that night]

الله يساعد قلبج لا تخلين بنتج تتعقد بسبه ابو فاسد و تكره الريايل بعدين هذا مو استعباد هذا زواج بظلين طول عمرج جذي روحي بيت اهلج و قولي حق ابوج يكلمه او كلمي اهله اول اذا ما نفع حجي اهله معاه دخلي اهلج


و اذا مطلقه من قبل بالطقاق يطق حجي الناس الاسلام ما حط الطلاق الا لحكمه ولا حرم الوحده تتزوج ان شاء الله الف مره ولا اتعب نفسيتي عشان حجي الناس فلانه قالت و فلانه اطلقت حبيبتي عيشي لنفسج و نفسيتج مالج شغل بحجي الناس ولا اتحمله عشان اناس ما تقول اطلقت مره ثانيه*

 

[يالبيه 17]

ياعمري الله يعينج يارب
ادعي له بالهدايه وحاولي تقولين له قصص دينيه وتبينين له ان هالدنيا فانيه

جربي معاااااااه وحاولي واذا مانفع الله يعينج ياررررب

 

[بنت دادي]

الله يعينج ويهديه

ادعي له ان الله يهديه

واذا في احد يقدر يوقفه عند حده خليه يكلمه يمكن يبعد عن هالسوالف

اذا ما ابتعد عن سوالف الحريم راح تظلين طول عمرج تعانين من هالشي

ادعي ربج واستخيري

 

[هيبة ملك]

أفضلحل لج الطلاااااااااااااااااااااااااااااااااااااااااااااق

 

[om-3azo-83z]

تطلقين مرتين ولا تعيشين باهانه و مذله و تعذيب و طق. يمكن ينقلج امراض لا تقولين عشان بنتج كا انتي الحين بروحج وجوده و العدم واحد شنو الفرق و ترا انا حاسه فسج انا مطلقه و عارفه الوضع كرامتي احسن باجر يدخل ريياييل عندج ولا بنات ماتخافين على نفسج ولا بنتج؟