فطور رمضان 2012 بالصور

[نارنجه]

الشيف نانا << ماشاااء الله فنانة الله يعطيج الصحة و العافية وماننحرم من اطباقج الحلوووووة
زعفرانة << هلا بحبيبتي اشلونج مع رمضاان
جارونه <<< الله يعاافيج بعد عمري
ريمة >>> حبيبتي مشكورة على كلامج الحلو هذا بعض مما عندكم طال عمرج ^^
لعبير << من عيوني الحين احط التفاصيل
همبووووش << يخسى الجوع << قلبت مسلسل سوري بدوي هههههههه





/

طريقة البريوش بكريمة الدياي


المقادير
صمون بريوش او ينفع تسوينه بصمون المطاحن ميني بريد المربع الصغير او الهوت دوق
شوربة كريمة الدياي من كنور او ماجي تسوينها باربع اكواب ماي وتكون ثقيلة

الحشوة :
بطاطتين حجمهم وسط تسلقينهم و تهرسينهم مع فصين ثوم و تضيفين لهم نص شدة كزبرة خضرا مقطعه و عود بصل اخضر مقطع شرايح
ورشة ملح و رشة اوريغانووو / تقدرين تضيفين دياي وذرة

جبن موزاريلا / جبن تشدر

الطريقة

تدهنين قاع الصينية بشوية من كريمة الدياي
تقطعين البريوش لقسمين بالعرض و كل قسم تصبين عليه بالقفشة كريمة الدياي
تحطين حشوة البطاط و ترشين فوقها جبن موزاريلا و التشدر
تقفلين الصمونة
وتصبين فوقها بالقفشة كريمة الدياي
رشي عليها جبن موزاريلا و تشدر
ودخليها الفرن
تقريبا 20 دقيقة و حمريها من فوقها شوي
وبالعااافية
استمتعي بالذ بريوش طرررررررري

الصورة مع الخطوات ملوت فطور اليوم بناء على طلب الشعب بس حشوة اليوم بدياي و ذرة




چيز كيك سريع

الطبقة الاولى
تطحنين بسكوت دايجستف و تضيفين له قفشة قمير بدال الزبدة عشان يتماسك شوي
حطي مقدار بقاع كل قلاص و ضغطي عليه بالقفشة او باصابعج

الطبقة الثانية
خلطي علبة جبن فيلادلفيا مع كوب شكر مطحووون
بيصير عندج مثل الكريمة حطيها فوق الطبقة الاولى



الطبقة الثالثة
قطعي باوند كيك امريكانا او سارلي لشرايح و بالقطاعه سوي منه اشكال وردة او قلوب
حطيها فوق طبقة كريمة الجبن وضغطي عليها تدخل شوي بالكريمة


الطبقة الاخيرة
جيلي فراولة
ذوبيه بقلاص ماي حار و بعدين ضيفي له قلاص ماي بارد و ذوبيه زين وخليه يبررد
الافضل انج تسوين الجلي اول خطوة عشان يبرد

وبقفشة صبي الجلي فوق الكيكة الي حطيتها اشوي اشوي

و دخلي الحلو الثلاجة
اذا تحبين الرمان تقدرين تخلطينه مع الجيلي

وكلها ساعه او ساعه ونص والچيزكيك جااااهز
سويته عقب اذان العصر و ماصارت الساعه 6 الا وهو جاااااهز



طبعا الكمية تضاعفينها مثل ماتبين ^^


وبالعافية يارب

 

[الشيف نانا]

الشيف نانا
حياتي ابي طريقه الفطاير المحلاه
ومشكوووره وبارك الله فيج

من عيوني يااقلبي,,

اي عجينه معتمده عندج,,

تفرد العجينه رقيقه وتقسمت بالطول
واذا كانت القطعه طويله قصيها نصين
حطي اي نوع جبنه عندج انا حطيت كيري ولفيتها روول

رصيتها في الصينيه ودهنتها بكريمة الخفق ورشيت عليها سكر بني,,:eh_s(17):

 

[الشيف نانا]

زعفرانه

لمن اكون

الله يسلمكم ويعافيكم حبيباتي,,

ريمه ,,

حبيبتي ماعليج زوود والله الذووق والسنع كله عندج..

والله يسلمج ايدج على هالاكلات الحلووه ..:eh_s(17):

مشاءالله تبااارك الله مبارك عليكم ماتبقى من الشهر بنات وعساكم من عواده

الشيف نانا طالبتج اذا فيه اطباق جديده بسفرتج مو منزلتهم بمواضيعج نزليهم لنا لانه اطباقج كلها عندي ومميزه ماشاءالله
واحب طباخج لذيذ ماشاءالله انتي واختي حلوه ومملوحه وريما فديتكم وولا يهونون الباقيين
ومبروك ما جاج تتربى بعزج عساج تزفينها عروس ان شاءالله

الله يبارك فيج ويخليج ,,

والله يجزاج خير على الكلام الطيب امري وتدللي من عيوني اي طبق تبينه تحت امرج
فديتج وفديت كلامج الذوووق,,

 

[زعفرانة_73]

نارنجه حياتي انتى انا بخير ،ورمضان تعذيب محتاره بأكلات حق الرجيم
وطباخكم تبارك الرحمن عذاب آخ ياقلبي:eh_s(2):​

 

[الشيف نانا]

فطورنا اليوم ,,













خبز التورتيلا بشاورما الدياي




القيمات محشيه جبن





سلطه الشمندر






مرق باميا وعيش وتشريب







مكعبات التوست بالزعتر والسماق









والحمدلله على النعمه..

 

[نارنجه]

زعفرااانة

ايييه حاسة بالوضع
ذوقي من الي تبينه قفشة قفشتين لا تحرمين نفسج ولعبي رياضة لا تخلين

ولا تحرميناااا من اكلاتج الحللللوة ^^
:***

 

[نارنجه]

الشيف نانا

ماااشاااء الله سفرررررررر ة دايمة
عليكم بالف عاااافية

اللقيمااات المحشية شكلها اينن ممكن طريقتها
و مكعبات التوست ^^

 

[نارنجه]

اليوم جربت سلطة من كتاب عبير الراشد
ومع اضااافاتي اكيد ^^

بصراحة ضروري ضروري تجربونهاااا ^^

اسمها سلطة النخي و الباجيلا

تمرين جمعيتكم ^^ و تاخذين قوطين نخي و واحد باجيلا << احلى من المعلباااات وتتخلصين من مااايهم تشخلينهم
شدة بقدونس << تفرمينه
شدة بربير << نبي الورق على عداله
طماط حسب رغبتج < مقطع
ربع حزمة نعناع تقريبا ٦ اعواد او ٨ < تفرمينه
عود بصل اخضر < تقطعينه حلقات رفيعه ولا تحاتين النعناع مضيع طعمه

خلطي المقادير مع بعض ^^

الصلصة

فص ثوم مهروس + نص كوب زيت زيتون + قفشتين وسط كمون + قفشتين وسط شكر+ عصير ليمونتين + قفشتين او ثلاث دبس الرماااااان
رشة ملح
و خلطيهم يدوي وعقب صبيها على السلطة وزينيها بالخبز المحمص و رشة من السماااااااااق


وغيموا
بالعااافية هههههههههههه

 

[مواصله]

مساءالخير

هذي طريقة كيكة السينابون للبنات اللي طلبوها

كوبين طحين
ثلاث ارباع كاس سكر
نص كاس زيت
٣ بيضات
كاس لبن
ملعقة ونص بكينج بودر
فانيليا

الحشوه:
اصبع زبدة
ثلاث ارباع باكيت بسكوت اولكر مكسر
١ كريم كراميل
ملعقة سكر بني
ملعقة دارسين
ملعقة نسكافيه

نسيح الزبده ونخلط معاها باقي مقادير الحشوه ونقلبها عالنار عشان تختلط عدل ونخليها على جمب


نخلط مقادير الكيكة ونصب نصها في صينية وبعدين الحشوه وبعدين باقي الكيكة وندخلها الفرن
اذا استوت نحط عليها التوفي والآيسنق والجوز وبالعافيه

بس ملاحظتي استخدمو صينية كيك حجم صغير لان مقاديرها شويه

 

[مواصله]

احيييييييه ماشاءالله شنو هالابداع دوختووووني عليكم بألف الف عااافيه

 

[مواصله]

mjnont 3lay

تفضلي حبيبتي هذي مقادير البيتزا

العجينه: كوبين ونص طحين+ملعقة خميره+3ملاعق سكر+3ملاعق حليب بودر+

ملعقه صغيره ملح+ملعقه صغيره بيكنج باودر+ربع كوب زيت+كوب ماي دافئ

تخلطينهم كلهم مع بعض وآخر شئ حطي الطحين

خليها تتخمر ساعه ساعتين بعدين فرديها وقصيها اخذي قياس اللي تبينه بصحن مدور تطلع مرتبه

احشي الاطراف بجبن كيري وموزريلا وسكريهم..دهنيها بصلصة بيتزا جاهزه ووزعي فوقها شرايح ناعمه بصل وفليفله

شوي زيتون وبيبروني ورشي جبن موزريلا و اوريقانو-بهارات ايطاليه- دهني اطرافها بصفار بيضه وملعقة حليب

حمريها من تحت ربع ساعه تقريبا او ليما تشوفينها صار لون اطرافها ذهبي

 

[مربى و قيمر]

عوافي
يعطييكم العافيه
نانا ولا عليج امر ابي طريقة مكعبات التوست

 

[ريمه الكويت]

الشيف نانا خوش اطباق عجيبه تسلم الايادي






تشريب بخيز الرقاق


وبخبز ايراني



وكبه عربانه وبيتزا كلزون







لله الحمد

 

[Snow angel]

ماشاء الله تبارك الله بنات

يسلمووووو هاليدين وبالعافيه على قلوبكم

 

[ريمه الكويت]

لوووووووول شادن ابيكم تيوعون عشان تاكلون بشهيه @@ الكيكه ترا بسيطه وسهله تشترين سويسرول وبرد 3 الوان وتاخذين طاسه كبيره قاعدتها مدوره وتصفين فيها شرايح السويسرول وتحطين الايسكريم على طبقات ودخليها الفريزر ليله كامله ولما تبين تقلبينها طلعيها بره شوي تفل وبالسجين فجي جوانبها وقلبيها وبسسسسسسسسس

هني وعافيه كرستين


فيلسوووووووفه تسلم ايدج


خلاص ادزه عالخاص عن الزحمه lovely jojo


وانتي بصحه وسلامه نهوووووي

العفو تايجر ومن

خوش فطور لمن اكون منوع ومشكل عليكم بالعافيه

Mjnont '3lay تسلمين حبيبتي السلطه خس وخيار اقصص الخيار بالطول والخس اخليه عدل واحط عليهم صلصه ايطاليه الشفافه وبعدين احط جبن ابيض جاهز الي معاه شرايح زيتون وفلفل

طحينه عباره عن روب وعصره ليمون وقفشه هرده ورشه ملح واخلطهم

الشورما اهو من الستيك اسوي بعد ماتشوين الستيك اقصصه شرايح واقص بصل شرايح احمس البصل بعدين احط شرايح الستيك واقلبهم وارشهم ملح وفلفل اسود وصماق

 

[حضن امى]

الشيف نانا
اذا ممكن طريقه قيمات محشيه

 

[Mjnont '3lay]

مواصله ,, الشيف نانا ,, ريمه
بعد عمري تسلموووون ان شاءالله بجرب الاطباق كلها واحطهم بقسم الاطباق المجربه

 

[Mjnont '3lay]

بنوتات ماعليه تحملوووني شوووي بس اكلاتكم دماااار لا تحتمل ماشاءالله رووعه ولازم ناخذ الوصفات لزوووم الترزز جدام الحموله :eh_s(22):


الشيف نانا بعد قلبيييي بعور قلبج شووي معاي لاني بطلب منج الاولي والتالي تحمليني :eh_s(22):

ابي لاهنتي طريقة والمقادير / خبز البانيني بالحلوم .. وسلطة زيتون .. واصابع الكتكات .. وشوربة العدس بالخضار .. ومرقوق .. وكشري .. وخبز عروق .. وكب كيك بالجبن والزعتر .. و اصابع سبرنق رول بالجبن والزعتر .. ومجبوس احمر مع شيش طاووق .. وبسبوسه محشيه بالتمر و لقيمات محشيه بالجبن .. < ادري واااجد بس ماعليه حبيبتي تحمليني شوي ومتى مافضيتي ان شاءالله على هداوه حطي لي الطريقة مع المقادير بالضبط الله يعافيج يعني جم قفشه جم كوب جذي لانه الوصف السريع ما افهمه عليميه تحمليني



,,

واختي زعفرانه بعد قلبي بغيت طريقة سلطة الجرجير بالحلوم لاهنتي وشربت الورد

,,

مذهله جاااري الانتظار طلبت منج سلطة السيزر شكلها حلوه

,,

ريمه حبيبتي بس بغيت اعرف الستيك شلون طريقة الغسل لاني مرات اشم فيه ريحة زفره اهو وصدور الدجاج اشم فيهم نفس الريحه لاني اغسلهم بماي وشوي ليمون بس وما افوحهم بماي علطول اقصهم واطبخهم صح ولا غلط :eh_s(10):
والستيك حق الشاورما ما اتبله بشي علطول اغسله واشويه ؟؟

وبغيت طريقة شراب العنب مع السفن اب و اصابع التمر بالهيل والبسكوت شكله حلو عجبني وضروووري طريقة المحاشي شكلهم يشوقووون وذايبين الله يعافيج ابي الطريقه والمقادير بالضبط

,,

حلوتنا حلوه ومملوحة الكويت فديتج بغيت طريقة مجبوسج الدجاج و الاسباقيتي بحمسة الخضار و وورق العنب بدبس الرمان لاهنتي

وبغيت اسألج عن شغله طباااخج لايعلى عليه ودايما اجربه بس فيه شغله
متعقددددددددددده منها والله العظيم
انتي بعض طبخاتج ماتفوحين اللحم او الدجاج بس تقصينهم وتغسلينهم وعلطوول تحمسينهم وتكبسين عليهم العيش اقصد الطبخات اللي بملفج حلو وانا جربتهم الطعم لذييييييييييييذ بس اشم ريحة زفره بالاكل يمكن لاني لازم افوحه ولا شنو بالضبط وبنفس الوقت مرات يطلع الدجاج مو ناضج معاي عدل واللحم نفس الشي لاني اسوي نفس طريقتج بالضبط اغسله وعلطول احمسه واكبس عليه العيش واخليه يطبخ نفسج بالضبط بس ماتضبط وياي شنو الغلط بالموضوع يااربي تعقدت :eh_s(10):


والله يعطيكم الف عااافيه يااارب بنات وتقبل الله طاعتكم بما تبقى من الشهر ان شاءالله

 

[xxx]

مبارك عليكم الشهر

وعليكم بالعافية الصور حدها تشوق ماشاءالله :rerrerek:


أول فطور ..

شوربة عدس / مجبوس دياي ومرقة باميا / بيتزا بف بستري / سبرنق رول جبن شيدر

حبيب القلب فيمتو

 

[xxx]

ثاني فطور ..

شوربة عدس / مرق دياي بالكاري/ عيش مشخول مع حكوكة / سلطة يونانية / معجنات

سنكويك برتقال

احلى شي عقب الفطور