فطور رمضان 2012 بالصور

[@شيخه@]

عليكم بالعاااافيــهةة

 

[أحلى همبه كويتية]

ياربي يعوده عليكم بخير وصحة ونعمة
ما باقي شي الأتام تركض

**عواااااااااااااافي على قلوبكم** ​

وهالصور اهداء حق نارنجه

انا السنة مقصرة وياكم باهالموضوع
ما عندي وقت كلش بين الدوام والبيت​

طبعا الصور على ايام متفرقة ​

مهلبية ​

​

كبة مرق ​

​

صينية ربيان ما أدري ليش الصورة صار لونها جذيه ​

​

وعيش مع الربيان فيه شبنت ​

​

براااااارس ( بطاط ) محبوب الجميع ​

​

لبن خاف ما تعرفونه خخخ​

​

سلطة شمندر نقصه من حماتي ​

​

​

 

[أحلى همبه كويتية]

في يوم اليهال اطلبوا باسكن توصيل منازل
يابوه بعد ساااااااااااااااااااعة ذاااااااااااااااايب

والله لو شايفته قبل لا يروح الا ارده





مموش لحم





هريس



والربيان مرة ثانية من كثر ما هوووووووووووو لذيذ




صينية دياي



ومعاها بطاااااط




​

 

[أحلى همبه كويتية]

كبب وسمبوسة




سلطة




بلح الشام جاهز من خالتي



زنود الست - مرت اخوي



كرات الجبن بالزيتون
شغل اختي




وسوت لهم حق الزوارة كبه مرق






شوربة عدس ومعاها كوسا شغل اميمتي الله يخليها




صينية دياي




وكان عنددنا ضيوف يايبين معاهم هالحلو
مهلبية وفوقها صوص مانجا



وايد حلوة وباردة

​

 

[أحلى همبه كويتية]

وياحلات الحلوووووووووو بالزوارة تالي الليل
من ايدي الباااااااااااا
الله يعطيني العافية ما شاء الله اتهبل

​

​

حميسة بطاط وبزاليا
ناطعة ​

​

بنك باستا بس انا ما كثرت الصوص ولا الحمسة مالت الطماط فصارت فاتحه
الحمد لله حلوة ​

​

​

بيديان مقلي ​

​

كريم كراميل ​

​

دونات ​

​

​

امس الفطور مجبوس دياي ​

تعبانة مالي خلق المطبخ حتي ما سويت حشو معاه خخخخخ ​

​

​

والف الحمد لله على هالنعمة
خير من الله ​

 

[*ضيفة*]

ما شاء الله شي يفتح النفس الله يديم النعمة عليكم يارب والله كل طبق احلى من الثاني
سؤال لو سمحتوا
شنو هو الجريش اقصد شنو الحبوب اللي نسوي منها هالاكلة ؟ما عليكم امر ممكن وحدة تصورلي هالحبوب قبل الطبخ واكون شاكرة لها جزيل الشكر لانه عجبني الطبق بس ما اعرف شنو هي الحبوب لانه اختكم في الله مو كويتية فما اعرف
عذرا ع الاطالة

 

[أحلى همبه كويتية]

حبيبتي الجريش نوع من انواع الحبوب






وهذه طريقته :eh_s(7)::eh_s(7):

http://www.q8yat.com/t847615.html

 

[كوين74]

أحلى و ألذ همبه تبارك الرحمن

الله الأطباق اتشهي

الله يعافيج ..... أبي طريقة الربيان بالتفصيل الممل

أبي طريقة الإلبه بالتفصيل الممل

و أخيرا طريقة كبة المرق

و لج كل الشكر

​

 

[ريمه الكويت]

جارة القمر اعتقد هالبسكوت بالسعوديه ولامره شفته بالجمعيات يمكن تحصلينه بالشويخ

بالعافيه نارنجه شهيتيني عالكرواسون ويعافيج من ذوقج

مذهلة 78 ماقصرتي عمري واليوم سويت الشوربه بس على جريش

تمرة بالعافيه ريلي شاف القمردين قال سويلنا نفسه @@

كوشيه فوشيه ماقصرتي حياتي

 

[ريمه الكويت]

أم حسون بالعافيه حلويات الخباز تفتح النفس

كيفانية المنبع من عيوني ادزه لج عالخاص لانها شوي طويله


أحلى همبه كويتية ماقصرتي حبيبتي عالاطباق الروعه وابي طريقتج بكريم كرمل عجيبه

 

[فيلسوفة تتفلسف]

ريمه + جارونه >>الله يعافيكم

نارنجه >>وايدج حبيبتي

ام حسون + تمره + احلى همبه وباجي البنات >>تسلم الايدي
​

 

[جارة القمر]

تسلم الأيادي



وبالعافيييييييييييييييييييييييييييييييييييية عليكم




نارنجه انا صعب أصور الفطور كله أنا اتفطر مع الحمولة فأعذريني بس الأطباق اللي أسويها أصورها وأنزلها بالأطباق المجربه وفي لي أطباق بقسم المقبلات والمعجنات



وتسلمين




ريمه مشكووووووووووووووووووووره

 

[مذهلة 78]

ايييه حبيبتي مذهلة ممكن طريق الكاساديا والصوص مالها وشكرا

المقادير

كيس خبز تورتيلا تحصلينه بمركز سلطان ولو هايبر او جيان

وممكن انتي تسوينه طريقته سهله عباره عن كيس طحين منخوول وقفشهه كبييره بيغنغ باودر وقفشه كبيره ملح ونص كوب زيت وكوب ونص ماي دافي وتخلطينهم مع بعض بالعجانه وتتركينها على جنب لمده ساعه تالي كوريها وفرديها بواسطه النشابه لين يصير شكلها دائري بعدين حطيها بقله حاره بكون ولا شي يعني مثل التاوه وقلبيها لين تشوف ان صار لونها ابيض وطلع فقاعات

بس تستوي غطيها بفوطه عشان لا تنشف

القادير الخلطه

2 صدر دجاج مفروم ومسلوق مع بهارات الفوح

خس مفروم

طماط مفروم

فلفل حلو لون احمر عدد 1

فلفل حلو لون اخضر عدد 1


تقطعين الفلفل مربعات وتحمسينهم بس يذبلون ضيفي مكعبات الدجاج وحطي بهارات مختلطه لون ابيض وفلفل اسود وبهارات الفاهيتا وقليل ملح

وقلبيهم بس يستوي شيليه

اخذي خبزه التورتيلا ورشي عليها جبن شيدر اصفر
وتالي حطي فوقها الدجاج وتالي جبن شيدر وخلي الشيدر يحوش الاطراف عشان تتسكر الخبزه على بعض لما تحطينهم بالشوايه

تالي حطيهم بالشوايه وضغطي عليها حيل لين تتسكر على بعض وبعدين قصيها مثلثات


توزعينها عقب ما تجهز بالصحن و بالنص حطي الخس وفوقه الطمام وفوقه كريمه حامضه ​

خلطه الواكامولي

افوكادو ناصجه حبه وحده

شوي عصير ليمون يعني تقريبا ليمونه وحده

طمام مفروم وبصل مفروم وفص ثوم ملح وقفشه اكل خل

تحطين هالمقادير كلها بمحضره الطعام وتخلطينهم مع بعض

تالي حطيها فوق الكريما الحامضره

او ممكن تحطين كل صلصله بروح وهالشي راجعلج

وبالعافيه
​

 

[زعفرانة_73]

بسم الله
===
يسلم ايدياتكم وقواكم الله
الله يحفظكم بدا العد التنازلى لشهر الخير
صورت لكم كذا طبق على ايام متفرقه
جيلى توت



ربيان مشوى بصلصة الماسترد


قوارب البطاط بحشوة المرتديلا والسوسج


دياي بالبقسماط وورود البطاط


بيتزا مينى خبز المطاحن


كباب


كرواسون لبنة وزعتر والزيتون ونوع الثاني بحمسه الدجاج ،فكرتها من حبيبتي نارنجه.


لفايف التوست بحشوة الدجاج

واللهم لك الحمد عالنعمه الفضيله

​

 

[*ضيفة*]

احلى همبة كويتية تسلمي على ردك السريع ان شاء الله بميزان حسناتك
راح اجيبه عرفته من الصورة وان شاء الله اسوي على الطريقة اللي حطيتي رابطها وتسلمي يا عزيزتي

 

[نارنجه]

سلطة شمندر..سلطه عاديه


كبب

ورق عنب

برياني ربيان

الحلو من الخباز..

ماشااااااء الله ام حسووون
عليكم بالعااافية

الاطباق و الصور حدهم روعه
والحلوو اشلونه عسى نفس شكله ^^

 

[نارنجه]

ام حسون & كيفانية المنبع

هذي الاطباق الي طلبتوووها ^^


طريقة حلو البريوووش

صمونة بريوووش
قالب زبدة ذايب بحرارة الغرفة او تذوبينه بالميكروويف و تبردينه
قيمر kdd الحجم الكبير
عسل
فستق مبروووش للتزيين
قفشتين شكررر اسمر او ابيض


الطريقة

تلبسين دس
تاخذين چيس كبير مال حفظ الاطعمة تحطين فيه البريوش تنتفينه براحة اليد
تصبين عليه الزبدة و تفركينه

تحطين نص كمية البريوش في بايركس او في قوالب القصدير الصغيررة
بس من غير ماتضغطينها خليها متناثرة
رشي عليها مقدار قفشة كبيرة شكر و دخليها الفرن ( تكونين شابة الشعلة العلوية ) لين يتحمر سطح البريوش و ينشف
طلعي الماعون و صبي فوقه القيمر وزعيه بالقفشة
حطي الطبقة الثانية من البريوش و نفس الشي لا ترصينه خليه متناثررر كشه ههههههههههههه
و رشي قفشة شكر فوقه و ردي دخليه الفرن ( بس الشعلة العلوية) لين يتحمص سطح البريوش
طلعيه و صبي فووووقه عسسل وهو حاار
و زينيه بالفستق و عليكم بالعافية ^^



سلطة الخوخ

صج لذيذة هالسلطة و تقدرين تغيرين بالفاكهه مثل ماتحبين
ممكن تين او كيوي او فراولة او قريب فروت او بطيخ ^^

بس الفرق انه بسلطة الخووخ تحطين حبة خوخة بالصلصة اما صلصة الفواكهه الثانية مايحتاج تضيفين فاكهه بالصلصة


المقادير والطريقة

خس مشكل او العادي مقطع
جرجير الورق على عداله مايحتاج تقطيع
نعناع تقريبا اوراق خمس اعواد
ربع حزمة بربين او بربير << اختياري
جوز

4 حبات خوخ حجم وسط او على حسب كمية السلطة
تقطعينهم شرااايح
خبز محمص
جبن بارميزااان


تحطين مكونات السلطة الخضروات و فوقهااا شرايح الخووووخ
تزينينها بالجوووز و الخبز << لا تكثرين من الخبر بس شوي
تصبين عليها الصلصلة و اخر شي ترشين فوقها جبن البارميزااان


طريقة الصلصة
حبة خوخ تهرسينها بالخلااط مع قفشة وسط شكر + قفشة كبيرة دبس الرمان + قفشة كبيرة ماسترد + فص ثوم صغيرر + عصير ليمونتين
ممكن تضيفين جم ورقة نعناع مع الصلصة بالخلاط اذا ما كنتي حاطته بالسلطة

بعد ماتخلطينهااا تضيفين للصلصة ربع كوب زيت زيتون و تخلطينه بالقفشة
لان الزيت الزيتون احسه يتغير ويختفي اذا انخلط بالخلاط مع باقي المقاادير



وعليكم بالف الف عاااافية ^^





طريقة البطاط المبهر

تسلقين بطاط على حسب الكمية الي تبينها 3 او 4 حجم وسط
نص سلقة
يعني يادوب تدخل فيها الشووكة
طلعي البطاط و قطعيه دوائر او اجنحة
حطيه بجيسس الاكل و رشي عليه قفشة وسط ثوم قفشة وسط زعتر او اوريغانو نص قفشة كاري
وعصير ليمووونة و رشة ملح
خضي الچيس لين تختلط المكونات وتتبل حبات البطاط

مسحي الصينية بشوية زيت زيتوون
حطي البطاااط بالصينية ودخليها الفرررن ( الشعلة التحتية ) و لما يتحمررر
رشي فوقها جبن موزاريلا و تشدر وشبي عليه من فوق لين يسيح الجبن

تقريبا ياخذ نص ساعه بالفرررن


وعليكم بالعااااااافية


:**

 

[نارنجه]

احلى همبة


تسلمييين بعد عمري خوووووووش صور و خوش فطووور عليكم بالعاافية يارب
الله يديمها نعمة و يحفظها من الزوااال

بدعتي بالالبة ماشاااء الله
ضروري اجربها ^^ اهي و كيكة قدرة قادر

:***



جارونة

معذوورة حبيبتي
وتسلمييين وتسلم ايدينج على تطبيقااتج الحلووووة
:***

 

[نارنجه]

بسم الله
===
يسلم ايدياتكم وقواكم الله
الله يحفظكم بدا العد التنازلى لشهر الخير
صورت لكم كذا طبق على ايام متفرقه
جيلى توت



ربيان مشوى بصلصة الماسترد


قوارب البطاط بحشوة المرتديلا والسوسج


دياي بالبقسماط وورود البطاط


بيتزا مينى خبز المطاحن


كباب


كرواسون لبنة وزعتر والزيتون ونوع الثاني بحمسه الدجاج ،فكرتها من حبيبتي نارنجه.


لفايف التوست بحشوة الدجاج

واللهم لك الحمد عالنعمه الفضيله

​

حي الله الرشييييقة
واطباقهااا اللذيذة ^^
شكللل البطااااط و الربياااان يهبل

تسلم ايدينج حبيبتي و عليكم بالف الف عافية

تقبل الله صيامكم :***

 

[(TigerWoman)]

زعفرانه

يااا حلو اكلج استانس اذا شفت طباخج ما شاءالله
وعلييج بالف عافيه يارب​