فطور رمضان 2012 بالصور

[مذهلة 78]

همبوش حبيبتي سلامتج وما تشوفين شر اجر وعافيه

بنات يعطيكم العافيه وتسلم الايادي

 

[ريمه الكويت]

شريت ديني ونفسي جارة القمر تسلمون

الفطور



سلطه


كلوب ساندويش






محاشي





باستا بالربيان





الحلو

كاسات القمردين


وحلو مثلثات البسكوت شغل بنتي الكبيره


لله الحمد
​

 

[بنت الاحلام]

ريميع بالعافيه علي قلبكم

 

[تمرة]

سلامات همبوشة وما تشوفين شر حبوبة :eh_s(7)::eh_s(7):


فيلسوفة تتفلسف الله يسلمك ياالغالية :eh_s(17)::eh_s(17)::eh_s(17):


ريومة الكويت سلم ايدياتج حياتي والله يعافيج عاد تدرين لما سويت الصمون صار عليه اقبال جماهيري من اليهال ماشاء الله طلع وااايد حلو :eh_s(15): يعطيك العافيه ويسلمج ربي ويخليج لعويلج ,, والقمر دين
الكل يحبه الصغير والكبير ... وعليك بالعافيه


خواتي كويتيات مبدعات بالأطباق صج صج أطباق حلوه والله يواريكم العافيه على مشاركاتكم سواء بأطباقكم أو بتشجعيكم للبعض حبايبي تسلم أياديكم جميعا :eh_s(17):

 

[تمرة]

هلا وغلا بإختي بنت كيفان (كيفانية المنبع) :eh_s(17):

ويسلمج ربي ويعافيك يالغالية ,,, وحاظر ابشري لج طريقة المعكرونة ومن عيوني :eh_s(7):

وآسفة لتأخري بالرد عليج لأنه اسم الله عليج حاشني تسمم أول أمس بالليل بغيت أموت من العوار والترجيع مكرمة ... والحمد لله الحين شوي أحسن من عقب الابره .

تفضلي حبيبتي طريقة المعكرونة بخلطة البشاميل بالدياي والسبانخ ,,,

المقدار راح تكون :
1- جيس واحد معكرونة تسلق أول شي ونحطه بالمشخال .
2-يكون عندك صدور دياي آنا استخدم ساديا أقطعها بحجم شوي أكبر من قطع الشاورما (يعتمد على الكميه اللي تحبينها بالمعكرونة وايد ويلا شويه) آنا أحط 3 صدور عشان يبين طعم الدياي بالمعكرونة.
3- جيس واحد سبانخ مثلجة .
4- أقص بصل وأحطه بالجدر وأحط فوقة الدياي وأحمسه معاه تالي حطي عليه شويه بهارات الكاري وفلفل أسود ومكعب ماجي واحد وتشوفين الدياي صار لونه ابيض إهنيه حطي عليه نص جيس السبانخ .
5- وقلبيه بالملاس وحطي عليه المعكرونه اللي سلقتيها من قبل انزين .
6- اهنيه تكون عندج البشاميل جاهزة صبيها على الطبخة وقلبيها مع بعض وذوقيها إذا تحتاج ملح.
7- قصري على الجوله وخليها على نار هاديه إليما تتسكر بس لاتخلينها تنشف حيل حلاتها يكون فيها البشاميل مبين.

طريقة البشاميل :
2كوب ونص ماي أحط عليها 6 قفاش كبيرة حليب عليهم 6قفاش كبيرة متروسة طحين معاهم مكعب ماجي واحد وربع قالب زبدة .
تحطينهم بجدر على الجوله ليما تثقل الخلطة تطفين عنها .

وسلامتك :eh_s(7):... وان شاء الله يكون الشرح واضح

 

[نهى الأحمد]

نارنجه

الشيف نانا

مذهلة

ريمه

همبوش - سلامات ماتشوفين شر

حلوة ومملوحة

وكل الخوات اللي شاركوا باطباقهم المميزة


عليكم بالف عافيه

وتسلم هالايادي


كل طبق احلى من الثاني

 

[أم حسون]

عوافيي والله يعافيكم
نارنجه مشكوووره والحلو لذيذ مال الخباز

 

[أم حسون]

شاورما

ورق عنب

مربين

رنقينه

لورينزو

 

[نهى الأحمد]

الله يصبحكم بالخير والنوير

وتقبل الله صيامكم وقيامكم ياخواتي


اول امس كان عندي ضيوف وسويت لهم هذي الاطباق واختي ساعدتني لاني ممنوعة اكون في مكان فيه حرارة عالية علشان عيوني


كبة برغل

مقلوبة

سلطة

رولات دياي مع خضار
سويناها بالفرن

سلطة معكرونه على طريقة الغاليه جارة القمر
حيل استانسوا عليها ضيوفي

سمبوسه خضار

كفته

وختامها مسك مع كنافتي ( كنافة التوست)

والحمدالله على النعمه

والحمدالله على نعمة الصحة والعافيه

 

[نهى الأحمد]

عليج بالعافيه حبيبتي ام حسون


اطباقج وخصوصا الحلويات روووعه ودماااار ههههههه


لج وحشه والله

 

[كيفانية المنبع]

سلامات مشرفتنا الهمبة ماتشوفين شر حبيبتي وعليج بالمرة طحنيها وخلطيها مع العسل وحطيها على صبعج وادعيلي

 

[كيفانية المنبع]

بعد عمري خواتي الغاليات ريييييييمة ونااااارنجة ونانا ومذهلة وكل خواتي وحبايبي ماقصرتوا واسأل الله العظيم يكتب لنا المغفرة والعتق في ليلة القدر ووالدينا وذرياتنا امييييين يارب ومشكورين وجزاكم الله عنا كل الخير يارب

 

[كيفانية المنبع]

مشكوووووووووووورة يعمري يا احلى تمرة وسلامات يالغالية وماتشوفين شر

 

[Mjnont '3lay]

عليكم بالعافيه كويتيات وتسلم اياديكم على هالطبخات الحلوه

همبوووش & تمرة

ماتشووفون شر يالغاليات اسأل الله ان يشفيكم الشفاء العاجل ان شاءالله


ننا حبيبتي تسلمين على هالطبخات الحلوه لو ماعليج امر بغيت طريقة مرق بطاط ونخي ,, و سلطة المورتديلا ,, و سيزلنج دجاج < صح اسمه ولا غلط ترى شيرته لاني نسيته



,,


همبوش لو ماعليج امر حبيبتي لو قدرتي تحطين لي طريقة مرق كبه شكلها يشوووق


,,


ريما لاهنتي بغيت طريقة حلو المثلثات اللي سوته بنيتج
وعليكم بالف عااافيه ان شاءالله مطرح مايسري يمري

 

[Mjnont '3lay]

نارنجه بعد عمري تسلمين والله والشر مايجيج ان شاءالله
واهو مو مرض مرض بس شوية دوخه وقلبة جبد
وصاير فيني خمول ياااربي مادري شجاني فجأه ورجلي يحلف اني حامل @@ < تخيلي عاد لووول مو لايق
وتسلم لي عيونج يالغاليه على هالحلويات الرووعه اكيد رح اجربهم واصور لج افا عليج < اجكجك من ورى رجلي

 

[أحلى همبه كويتية]

سلامات مشرفتنا الهمبة ماتشوفين شر حبيبتي وعليج بالمرة طحنيها وخلطيها مع العسل وحطيها على صبعج وادعيلي

الله يسلمك ويعز غاليك حبيبتي ما قصرتي
ايه والله المرة اشلون نسيتها ؟؟

المشكلة ان السكين داخله حيل وحايشة العصب
صبعي خدراااااااااااااااااان :eh_s(2):

عليكم بالعافيه كويتيات وتسلم اياديكم على هالطبخات الحلوه

همبوووش & تمرة

ماتشووفون شر يالغاليات اسأل الله ان يشفيكم الشفاء العاجل ان شاءالله


ننا حبيبتي تسلمين على هالطبخات الحلوه لو ماعليج امر بغيت طريقة مرق بطاط ونخي ,, و سلطة المورتديلا ,, و سيزلنج دجاج < صح اسمه ولا غلط ترى شيرته لاني نسيته



,,


همبوش لو ماعليج امر حبيبتي لو قدرتي تحطين لي طريقة مرق كبه شكلها يشوووق


,,


ريما لاهنتي بغيت طريقة حلو المثلثات اللي سوته بنيتج
وعليكم بالف عااافيه ان شاءالله مطرح مايسري يمري

مشكورة حبيبتي الشر ما ييكم فديتكم كلكم
ان شاء الله اليوم بكتبها لج
من عيوني

نارنجه بعد عمري تسلمين والله والشر مايجيج ان شاءالله
واهو مو مرض مرض بس شوية دوخه وقلبة جبد
وصاير فيني خمول ياااربي مادري شجاني فجأه ورجلي يحلف اني حامل @@ < تخيلي عاد لووول مو لايق
وتسلم لي عيونج يالغاليه على هالحلويات الرووعه اكيد رح اجربهم واصور لج افا عليج < اجكجك من ورى رجلي

ان شاء الله حامل
الله يبشرك ويرزقك :eh_s(7):

 

[أحلى همبه كويتية]

ريمة
جارة
تايقر ومن
مذهله
نهي
نانا
ماريمار
وكل اللي تحمدولي السلامة
تمرة --- سلامتك ياكره التسمم يشلع القلب يعور بكل شي
الله يشافيك

مشكورين حبيباتي ما قصرتوا
ربي يشهد انكم عزيزين علي قلبي كككككككككككككلكم ​

الله يصبحكم بالخير والنوير

وتقبل الله صيامكم وقيامكم ياخواتي


اول امس كان عندي ضيوف وسويت لهم هذي الاطباق واختي ساعدتني لاني ممنوعة اكون في مكان فيه حرارة عالية علشان عيوني


كبة برغل

مقلوبة

سلطة

رولات دياي مع خضار
سويناها بالفرن

سلطة معكرونه على طريقة الغاليه جارة القمر
حيل استانسوا عليها ضيوفي

سمبوسه خضار

كفته

وختامها مسك مع كنافتي ( كنافة التوست)

والحمدالله على النعمه

والحمدالله على نعمة الصحة والعافيه

ما شاء الله سفرة خطيرة
بالعافية ويسلموووووووووووووو

رولات الدياي بخبز الصاج والا انتو مسوينه بالبيت ؟؟

 

[أحلى همبه كويتية]

طريقة الربيان
انا ماخذة الطريقة من الأخت ديجيتال الله يذكرها بالخير
وانا ضفت عليها بعض الشغلات ​

تقدرون تشوونه على صاج على الجوله او بصينية بالفرن مثل ما سويت انا
والطعم رووووووووووووووعة​

​

​

انا بقولكم الطريقة على الكمية اللي سويتها ​

2 كيلو ربيان وسط او جامبو
2 بصل كبير
راس ثوم
2 طماط
فنجان كامل صلصة تايلنديه اسمها ترياكي مارينيد ( ماركة THAI heritage)
ربي فنجان صوص الصويا
2 علوب فلفل اخضر حار
ملح
1 ملعقة كبيرة بهار سمك
زيت او زيت زيتون
فلفل اخضر رومي الكمية اللي تحبين ) ترا وااااااااااايد لذيذ يخلي الطعم احلي ​

2 ملعقة كبيرة او ربع علبة معجون طماط كثر ما تبين​

ملعقة كبيرة كركم ​

عصير 3 ليمونات ​

2 ملعقة كبيرة خل ​

اصبع صغير زنجبيل طازة او ملعقة اذا عندك الجاهز اللي بغراش ​

الطريقة : ​

- شيلي راس الربيانة واحتفظي بقشرها والذيل لا تشيلينهم
وسوي شق بالظهر مكان الخيط الأسود بالسكين عشان يطلع
وغسلي الربيان وخليه بالمشخال ​

- خلطي كل المقادير اللي فوق بالخلاط البلاندر لا تخلينه يصير ناعم وايد حلاته شوي خشن ​

- تبلي الربيان بالخلطة اقل شي ساعتين عشان يتشرب عدل ​

- حطيه بصينية بالفرن لمدة ساعتين
بتشوفين عقبها صار فيها ماي وايد الأفضل تشيلين منه عشان تنشف الصينية
وزيديها رشة زيت احلا واحلا ​

وبالعافية
جربوها وادعولي
هالأسبوع مسويته 3 مرات من حلاته ​

الربيان بمركز سلطان ايهبل ايراني وسط الكيلو 2400 بس ​

*******************************​

كبة المرق ​

​

المقادير : ​

2 كوب جريش
نص كوب برغل اسمر
نص كوب بصل مفروم ( تقريبا 3 بصلات كبار)
ربع كوب لحم مفروم ( انا ما حطيته )
ملعقة بهار لحم
شوية دارسن ناعم
لومي ناعم شوي
ملح
2فص ثوم ​

حشوة : بصل ولحم مفروم وبهار اتسوينه بطريقتك ​

الطريقة : ​

خلطي البرغل والجريش بطاسة وغسليهم مع بعض عدل ونقعينهم لمدة نصف ساعة ​

عقب النصف ساعة شخلي الجريش والبرغل وخليه ينزل مايه عدل لأن اذا فيه ماي بيتعبك لما تفرمينه :eh_s(4):​

- فرمي الجريش والبرغل والبصل والثوم واللحم بالفرامة فيه ناس تسويه مرتين انا سويته مرة بس اشحلاته
احب الكبة تصير خشنة لذيذة ​

- ضيفي كل البهارات المذكورة على العجينة وخلطيها بيدك عدل ​

- تاخذين قطعة من العجين وتفردينا بيدك وتحطين شوي حشوة وسكريها وكبيبها مدورة شوي عريضة ( بللي ايدك بالماي اذا لزقت معاج )​

- صفي المقدار بصينية ودخليه بالفريزر اقل شي ساعة او قبلها بليلة عشان يتماسك . ​

المرق : ​

- 2 بصلة مفرومة
ربع شدة سلق
1 فص ثوم مدقوق​

- قرع او بطاط - جزر - الخضار اللي تحبين ​

- 3 طماطات كبار بشريهم بالمبشارة احلي من البلاندر​

- من 4 الي 5 اكواب ماي ( تقدرين تحطين نص المقدار من ماي اللحم المسلوق اذا عندك )​

- 2 ماجي ( مع انه وايد يقولون مو زين تقدرون تستغنون عنه ) ​

- ملعقتين كبار صبار نقعين بشوي ماي حار ​

- زيت ​

- نص علبه معجون طماط ​

- كركم ​

- بهار لحم ربع ملعقة كبيرة​

- شوية لومي ناعم براس القفشة ​

- 1 لومي اسود كبار ​

الطريقة : ​

- حطي البصل بجدر وحمسية وكل شوي رشي ماي لما يصير لونه بني
وحطي معاه السلق وحمسيه لما ينشف​

- حطي عليه شوية زيت والبطاط والخضار اللي تبين ( القرع خليه اخر شي لما انخلص المرقة لأنه يستوي بسرعة ) ​

بعدين الماجي وقلبيهم عدل والكركم لما يتحمر كل شي وفوقه فص الثوم المدقوق ​

- حطي الطماط المبشور والمعجون وخليه عالنار 5 دقايق لما يذوب الطماط والبهار ​

- ضيفي 4 الي 5 قلاصات ماي وخليها تطبخ على نار عالية شوية ( لا تنسين اتضبطين الملح ) لمدة 10 دقايق​

- غسلي اللومية السودا وغزيها بالسكين وقطيها بالجدر :eh_s(15):​

- الحين خلي النار متوسطة ( هالنقطة مهمة ) وسقطي حبات الكبة بالعدد اللي تبين انا كنت مسوية 23 حبة ولاااااااااااااااااا تحركينهم عشان ما يتفجج ​

- خليهم على النار لمدة ساعة تقريبا ( اخر ربع ساعة ضيفي منقوع الصبار طبعا بدون البذر ) عشان يسوي المرقة ناطعة وشوية حامضة ​

- اذا غزيتي الكبة بسكين تشوفينها مستوية لينة واتكون الطبخة اخلصت ​

وبالعافية عليكم
دعواتكم لي حبيباتي
وسامحوني على التأخير:eh_s(22):​

 

[أحلى همبه كويتية]

أحلى و ألذ همبه تبارك الرحمن ​

الله الأطباق اتشهي ​

الله يعافيج ..... أبي طريقة الربيان بالتفصيل الممل ​

أبي طريقة الإلبه بالتفصيل الممل​

و أخيرا طريقة كبة المرق ​

و لج كل الشكر​

شكرا لج حبيبتي
حطيت الطريقة فوق بنفس الصفحة ​

أم حسون بالعافيه حلويات الخباز تفتح النفس

كيفانية المنبع من عيوني ادزه لج عالخاص لانها شوي طويله


أحلى همبه كويتية ماقصرتي حبيبتي عالاطباق الروعه وابي طريقتج بكريم كرمل عجيبه

فديتك ريوم بعد قلبي احبك :eh_s(22):
الكريم كراميل
انا استخدم العلبه الزرقاء فوستر كلاركس

حق 5 اكواب ماي و6 ملاعق كبيرة حليب التموين
احط 5 علب كريم كراميل وعلى النار لما يغلي نتف وبس
اوزعه بالأكواب

وبالعافية ​

حبيبتي ماتشوفين شر مسموحة :eh_s(7):

الشر ما ييك يجزاك ربي كل خير ​

بعد عمري همبوش سلامات ماتشوفين شر

يسلمك سميتي الغالية ​

ريمه + جارونه >>الله يعافيكم​

نارنجه >>وايدج حبيبتي​

ام حسون + تمره + احلى همبه وباجي البنات >>تسلم الايدي​

شكراااااااااااااااااااا بارك الله فيك:eh_s(17):​

 

[أحلى همبه كويتية]

مشكوره نونو عالطريقه.​

نانا عليكم بألف عافيه تبارك الرحمن اطباقج تشوق.​

همبوش قلبى ما تشوفين شر( صارت معاى فى بداية رمضان بشطف بايركس وطلع مكسور جان يدش بصبعى السبابه عميق والله انه شكله عميق وورم لثاني يوم جان شتسوى اختج الذكيه:gr4uu: مسحته بمطهر جروح اللى علبته خضرا وكل يوم امسح بقطنه فيها منقوع المره ، سبحان الله اشلون التئم الجرح اللهم لك الحمد)قلت قصة حياتي:eh_s(10):​

الف سلامة عليك يا عمري ​

انا ثاني سنة قبل العيد لازم يصير فيني شي فيه قص وخياط :eh_s(16):​

انا كنت اقص الرقية حق الفطور
وياااااااابسة :eh_s(4):
فجأة بس ضغطت على السكين طاااااااااارت على صبعي الأبهام بالجهة الثانية
طبعا صرخة مدوية بالمطبخ :eh_s(14)::eh_s(11):
الكل ياني يركض
والدم يشرررررررررررررر شر على قولتهم
وااااااااااااااي زاغ قلبي صج الجرح صغير لكن السكين احفرت صبعي لداخل ​

بجيييييييت بس ما بي اليهال وابوهم يضحكون علي
بالليل رحت المستوصف امي وخواتي خووفوني لازم ابره التسمم
وفعلا عطاني الدكتور ​

الطبيب الحين يقول حايش العصب والله كريم صبعي كله خدران صارلي 3 ايام ​

عاد مشكلة الأبهام هو اساس اليد ​

الحمد لله على كل حال ​