** تجمع الي مسوين جراحة الفك**

[Esraa.a]

بنات امس كانت عمليتى وماقدرت ادخل الا اليوم والله قلبي كان وايد يدك وللحظه الاخيره كنت بقول ماابي واجري صراحه غرفه العمليات شكلها مهيب بس دكتور التخدير اول ماشافنى لقانى ارجف قال لاء انتى لازم تتخدري بسرعه وفعلا حطلى ابره بيدي وماحسيت الا 3 دقايق وانا مو في الدنيا وكانت الساعه الواحده ظهرا ماحسيت الا الدكاتره تقول صحصحي خلاص خلصنه وكنت وايد دايخه ولقيت النيرس يسحبون السرير وفجاءه طلعت شفت امي الغاليه فديتها كانت تبكي وكانت الساعه الرابعه عصرا
دخلونى غرفه العنايه المركزه مده ساعه وحطولى مغذيات وبعد ساعه شربونى ماي ونقلونى غرفه التنويم
طبعا هذي العمليه ظلت تؤرقنى 3 سنوات واخيرا عملتها بس طبعا يبيلها قلب اسد ولولا انى كنت متعقده وايد من شكل ضحكتى ماكنت سويتها الحمد لله على كل حال طبعا الورم تاعبنى ومو قادره لااتكلم ولا اكل قولولي بنات يامتى يهدي الوضع حاسه حلكي متخشب ودوخه ونفسي ضيق والله من امس بس اشرب مويه وعصير وبلعومي يوجعنى من الجهاز الي يحطونه يوصل للحلك
يارب تكون النتيجه مرضيه لان مامبين شي خدودي وشفايفي وخشمي ورقبتى منتفخيين ادعولي بنات
ويلا حطونى بالقائمه العمليه يوم 13 /8 /2012
دكتور حامد شاهين - مصر مستشفى اثيتيكا التخصصي لجراحه الوجه والفكيين والاسنان

ألف ألف ألف الحمدلله على سلاااااااااامتج

وان شااااااااااء الله يارب تلقين النتيجة اللي تعجبج وتعبج ما يروح هباءا منثورا



الوضع اللي انتي فيه يحتااج تقريبا من أسبوعين إلى شهر على ما يخف

لكن بالنسبه للأكل والنص يحتاج من شهر إلى 3 أشهر على ما يرجع كل شي لوضعه الطبيعي


وأبشري ان شاء الله راح أحط اسمج بالقائمه الحديديه معانا >> بس خلج فعلااااا حديديه وقويه هالفتره وان شاء الله توصلين للنتيجة اللي انتظرتيها من 3 سنين

 

[Esraa.a]

والله هذا اللي صار يا اسراء

يعني حدي مو مترقعه لو كان المبلغ اقل قلت مني لي سنتين ثلاث سنين اجمعه مني مناك..

بس 8000 ؟؟

لا ويبي مقدم حق التقويم 800 دينار ... يعني اجرام...

الحين شنو سويت.. دقيت على عيادة بيان د. راشد العازمي قلت بشوفه واذا ينسق لي مع د. العصفور خير وبركه.. ع الاقل اهون ..

بس طلع فل بكل العيادات السالمية او الديره .. اقرب موعد يوم 28/8 .. خذيت موعد.. وماراح اقول له على خطة العلاج مالت بهبهاني.. بروح له وبشوف شنو يقول لي.. يمقن خطة علاجه تختلف..

وربج يسهل..

اي صج.. عمره مقبوله ان شاء الله.. وربي يفتح لج ابواب الخير والرزق العافيه :eh_s(7):

منا ومنج حياااااااتي ما تقصرين

أنا موعدي مع دكتور راشد 26/8 >> شلون انا قبلج وأمس ماخذه الموعد


اهااااااا انتي الظاهر حاجزه موعد بفرع الديره لأنه انا اراجع عنده بفرع السالمية



خلااااااااااص ان شاء الله راح أوصيه عليج بس عاد قوليلي شسمج أو انتي قوليله من طرف إسراء وأنا اولريدي راح أكون مكلمته


بس شوفي عموما انتي المفروض تروحين للجراح قبل .. يعني تروحين حق دكتور عادل لانه اهوا اللي راح يسويلج العمليه

بصراحه الدكتورين مهمين الجراح والتقويم


منتي خسرانه شي .. انتي روحي له شوفي شنو يقولج

عموما دكتور راشد واااااااااايد شاطر ما شاء الله وتخصصه تقويم جراحي >>> يعني روحي وانتي متطمنه

 

[Esraa.a]

بنات عندي سؤال بايخ شوي بس ماراح اخليه فخاطري=p

الحين تحريك الفك السفلي له تأثير على الذقن ؟ لأن عندي غمازه مابيها تروح

​

لاااا لااااا ماله تأثير


أنا عندي غمازتين بخدودي وماصار فيهم شي >> مع ان خدي كان مجروح من داخل و مخيط عالاطراف يعني حايشينه وقت العمليه وما صار فيهم شي الحمدلله

شوفي دام الغمازه اصليه ما يصير فيها شي هههههههههههههههههههههههههههههه

 

[Esraa.a]

مرحبا .. ​

انا من قطر وكنت مسويه عمليه عند مصطفا خليل ،، عمليه فالذقن مش الفك .. العمليه كانت سهله وماحسيت بشي الا بعد العمليه بس ترجيع من التخدير .. ​

بعد العمليه استخدمت ثلج وايد ومساج خفيف للمنطقه عشان يروح الانتفاخ بسرعه ،، والحمدالله كان بسيط لان بس الذقن مش الفك السفلي​

الحين انا ناويه اسوي الفكين العلوي والسفلي وراجعت مصطفا خليل وقالو بيتصلون لي وللحين ماردو علي ،، ​

وانا بعد مارديت كلمتهم ،، بغيت اسال الي راحو في مواعيد قريبه ولا؟​

وبالنسبه للخشم انا قريت انه يفرش ويكبر ؟ هو يتغير شكله وايد ولا؟ ومكان التنفس بيتغير ولا عادي؟ يعني احتاج عمليه بخشمي عقب عشان التنفس ؟ ​

بصراحه ما أعرف نظام مستشفياتكم >> بس عموما معروووف المستشفيات الحكومه مواعيدهم بعييييده وهذا اذا اتصلوا عليج .. لازم انتي تراكضين بنفسج
وطبعا اذا عندج واسطه كل امورج تصير سهله وتمشي زي الورد


بالنسبه للخشم يتغير شوي شكله >> طبعا كل حاله تختلف عن ثانيه
كل ما نسبة القص بالفك العلوي زادت .. زاد معاها نسبة تغيير الخشم

يعني اكثر الحالات اللي يتأثر فيها خشمهم ( يفرش) حالات القمي سمايل >>> بس مو لدرجة كبيره
يعتمد على شطارة الدكتور .. لانها اهما يخيطون اطرافه ويحاولون يثبتونه علشان ما يفرش

 

[Esraa.a]

السلام عليكم

هلا بنات ، اسمحولي انقطعت فترة لاني انشغلت مع الدوام ، وكورسات ، وجا رمضان ووووووووو الخ ..

للتذكير فقط : انا عندي قمي سمايل ، وبروووز للفك العلوي . والجراح قالي اني احتاج لقص او رفع الفك العلوي بس ماقالي كم مللي لحد الان ، وقالي احتمال احتاج تقديم للذقن شوي لاني ذقني مسحوب على ورا شوي.. ههههه ، وبما ان وجهي طويل شوي ، قالي مع رفع الفك العلوي بيقصر الوجه وبيكون شبه دائري ، وقالي : اكييييد بيكون للاحلى , انا هني شقيييييييت الويه وعطيته ابتسامتي الي بالقمي سمايل ههههههه...

والحمد لله اقتنعت اني اسوي العملية وباذن الله بسويها بس نهاية السنة يعني نهاية 11 او نص 12 لاني مشغولة كثير هالفترة وخاصة بعد العيد ، الششغل بيكون قد راسي ، وعندي التزامات كثيره ههههههه..

انا من قطر ودكتوري مصطفى الخليل ، وحددت معاه موعد باذن الله بعد العيد لاخذ القياسات كاملة ، وقالي : بعد القياسات باقولج كل شيء بالتفصيل من حيث قياسات الفك وكم ممل لازم يرجع ووو ..

عندي كم سوال بالنسبة للعمليه :

الصفايح او الشرايح الي يحطونها بين العظم ، على كلام الجراح انها ماتنشال وتكون طول العمر ، بس هل فيه اي اثار جانبية منها ؟ اي مشاكل لاسمح الله في المستقبل ؟؟ لاني سمعت ان فيه شرايح وبراغي تذوب مع الوقت بس الجراح مانصحها وقالي انها ممكن تسبب اثار جانبية وتتفاعل مع العظم ومادري قام يخربط على راسي ومافهمت ، بس الخلاصه ان الشرايح والبراغي الي تذوب احتمال يكون لها اثار وايضا هو مايستعملها ولا ينصح فيها ، وقالي انا ما استعملهم اصلا ... المهم : هالشرايح والبراغي ، ولكل الي سووا العملية ، هل بتكون معاكم طول العمر ؟ ومن اي مادة هي ان امكن ؟ ومالها اي اثار لاسمح الله في المستقبل ؟ وماحذركم الدكتور من شيء ؟

وقالي العملية تقريبا مع التخدير تكون حوالي ال5 ساعات ، وقالي خلال اسبوعين بعد العملية بتحسين بتغير كبير وتحسن ، واغلب العمليات الي سواها يقول ماكان في انتفاخات كثيره او تورمات ، وتكون التورمات واضحة اكبر خاصة للي يسوون عملية للفك السفلي.

بخصوص ضروس العقل : انا بعض الاضراس ظهرت وبعضها لحد الان ماظهر .. هل في مشكله من ناحية هالموضوع ؟؟ لانه ماجاب لي الجراح اي طاري ناحية ضروس العقل ..

وانا عندي اللثة منتفخه بعض الشيء دايما تلتهب معاي ، ويصيبها بعض التضخم احيانا ، وهذا بسبب بروز اللثة والقمي سمايل وخبركم حلجي مفتوح 24 ساعه ، فقلت حق الجراح هل بيخف انتفاخ اللثة ؟؟ قالي لازم تتكلمين في هالموضوع وتعالجين لثتج مع اخصائي لثة ، انا كجراح اتعامل مع العظم فقط ، ولاكن اقدر اعطيج نصايح انج تروحين بعد العملية بفتره - مايضر - عندج اخصائي لثه وتعالجين لثتج .. شنو رايكم في هالموضوع.. ؟؟؟


ما ابغي اطول عليكم ، بس كلمة حق اقولها في هالمنتدى وبنات هالمنتدى ان لولاكم ماجاتني هالعزيمه والاصرار واتشجع اني اسوي العمليه ، ولو ان مافي حد منكم من قطر ومسويها في قطر ، بس مدحولي الدكتور وقالولي انه خبره. وصراحه بما انه دكتور عنده خبره وكفؤ وتمر عليه حالات كثيره وخاصة انه في ديرتي ، افضل اسويها عنده .

والله يوفق الي بيسوون العملية في المستقبل - ومنهم انا - وييسر امرهم

دعواتكم


تحياتي

هلا وغلا بأهل قطر



بالنسبه للصفايح أو الشرايح اللي نتحط تكون دائمه وما تنشال ومالها أي آثار جانيه >> آمنه للغايه
وترى حجمها صغييير يعني حتى لما تلمسين مكان الفك ما تحسين بشي

مع تطور الطب تم اختراع الصفايح والبراغي اللي تذوب مع الوقت بالعظم .. والمواد اللي متكونه منها نفس المواد اللي متكونه من العظم نفسه أي يغلب عليها الكالسيوم

يعني المفروض واللي أعرفه انه مالها أضرار
بس اكيييد حاليا جاري البحوث عليها وراح يطورونها في حال إذا فيها شي

وأساسا ليلحين ما تم تجربته بعمليات الفك بالخليج >> ما وصل لنا ليلحين


علما بأنه الخيوط المستخدمه أثناء جراحة الفك تذوب من نفسها في حال إذا التئم الجرح
وفي خياط داخلي .. يستخدمون فيها الخيوط اللي تذوب من نفسها
وتطلع من الجسم مع العرق او مع الخروج أو البول وانتي بكرامه إذا تحللت


يعني تطمني كلها مواد آمنه والحمدلله ولم يثبت علميا أي شي ضدها على مر السنين :rerrerek:


ترى جراحة الفك قدييييمه يسوونها من الخمسينات والستينات >> بس حاليا اللي اشتهرت لأنه الكل قام يهتم بأدق تفاصيل الجمال
وقاموا يبتكرون أشياء يديده تسهل الجراحه على الدكتور وعلى المريض مثل موضوع الخيوط أو الصفايح اللي تتذوب من نفسها

ترى قبل طريقة كسر الفك تختلف >> كانوا يستخدمون مطرقه للكسر
فبالتالي يصير ازرقاق وكدمات بالوجه

الحين الطب كثيييييير تطور

بالنسبه للثه >> نصيييحه روحي لأخصائي و عالجيها الحين قبل لا تبدين مشوارج

دام تصير حمره ودايما تلتهب يعني فيها مشكله >> وحطي ببالج انج اذا ركبتي التقويم ( أنا مادري إذا انتي مركبه الحين أو لأ ) راح تتفاقم المشكله أكثر وتلتهب أكثر
راح تتأذين واااااااااااااااااااايد


ضروس العقل >> أحيانا يكون الضرس مو طالع ( مو شاق اللثه) لكن الجذر موجود
بهالحاله يشيلونه جراحيا قبل العمليه أو أثناء العمليه >> يعتمد على خطة العلاح المقرره لحالتج

 

[Esraa.a]

بنات هالاسبوع كان وايد صعب لاقادره اكل ولا انام وحتى التنفس وايد صعب نفسيتي تعبت ، واايد ماتوقعت العمليه متعبه هالكثر صحيح
النتيجه حلوه بس تعب كل اشوي دموعي ع خدي احس تعبت :eh_s(2):

بنات مب دلع بس ويهي كنه متخشب حتى ماقدر اضحك او اعطي اي تعبير بويهي ولا اشوف الموت يعورر وايد
الحين الحمدالله خف اشوي بس بعد ،،،،، وعندي الدوخه كل ماوقف ع رجلي احس بطيح

و طبعا اكلي صار قليل جدا جدا لان حاطه موسع و الاكل صعب اشوي ماقدر اعض او استخدم المطاحن و اذا كلت ارحع لان بطني تعورني من بعد العمليه لازم ارجع ويزيد اتعب اكثر :eh_s(14):
هالاسبوع اكلي كله صحن واحد روب وعيش او شوربه وبس ومع ماي ،وميلك شيك ليوم كااامل و غالبا ارجعه وبطني مايستحمله !

وزني قبل العمليه 57 والبارحه كان عندي موعد وخذو وزني نزل لل 51 صدق او لا تصدق !!!

بنات والله والله انا من كثر البجي دموعي ظني بيخلصون تعبت مادري متى بتخلص هالفتره و ارتااااح

اختي راجيه رضا الله توكلي الى الله ميشيل فاهم شغله ماشالله خبره اكثر عن 12 سنه هنيه لا تغيرينه وسوي الخطه اللي يقولج عنها احسن
و اذا مصره تغيرنه سافري وسويها برع نصيحه ، لان بالامارات مافي دكاتره ينعدون ع صابع اليد وكلهم بدون خبره
مقارنه بدكاتره برع او بالدكتور ميشيل فلا تخاطرين



اختي اسراء مشكوره وماتقصرين وفيج الخير ترا من بعد الله لولاج انتي و باقي البنات الي نصحتوني هنيه
يوم خذت رايكم قبل كمن شهر ماكنت بسويها ولا بتشجع ،،، مشكورين :eh_s(22):


وبعدين دكتوري ماوسع الفك انا كنت فاهمه خطه العلاج غلط الدكتور قص عظامي اللي ع اليمين واليسار اللي ماسكين الفك مادري اذا فاهمه عليه
الصراحه انا ماعرف اشرح لج لان انا نفسي مب فاهمه عمليتي بالضبط مسويتها و انا مغمضه :krkrkr: المهم الحين انا قاعده اوسع الفك بنفسي بجهاز التوسيع ثلاث اسابيع وبيشيله ان شالله وبركب التقويم اخيرا


و دكتوري ميشيل مستشفى خليفه 1 / 8 ،،، ومشكوره اسراء وعمره مقبوووله :eh_s(8):

منا ومنكم حبايبي



يااااااااااااا حيااااااااااااااتي

هذي كلها امور وقتيه >> انتي لااااازم تتحملين علشان النتيجة الحلوه
وانتي بنفسج قلتي النتيجة حلوه


فيه مقوله وااايد أقولها ولو قاريه الموضوع كله راح تشوفين شكثر قايلتها
"" كل شي يهووون في سبيل الجمااااااال واللي يبي الدح ما يقول اح


احنا كلنا عارفيبن آثار العمليه والفتره اللي تعيشينها الحين هذي أصعب فتره

لكن عقب ما يرجع كل شي لوضعه الطبيعي صدقيني راح تحمدين ربج مليون مره انج سويتيها

 

[Esraa.a]

انا سألت الدكتور عن الدم .. قال لي انه العمليات اللي يسويها ما صار انه طلبنا دم .. قلت له بس بيكون في نزييف قال لي عادي يصير والدم بيجدد معاج
ممكن اللي عنده فقر دم يحتاج له
اسبوع الياي عندي تحاليل وفحوصات قبل العمليه اللي بتكون بعد العيد ان شاء الله ..

اسراء بسألج ..
انا سألت دكتور عن خطة العلاج وقال لي .. بنرفع الفك العلوي فوق علشان يروح قمي سمايل تقريبا 3-4 ملم.. وبعدين نقدم العلوي على برع لانه عندي ضمور في منطقة الخدود .. بس ما اعرف كم ملم بيقدمه

بالنسبه للسفلي .. بيرجعه لورا وبيعالج ميلان الفك السفلي اللي كان على اليسار ..
قال لي الذقن بنقدمه قدام علشان يعطي ايحاء جمالي اكثر ..

برأيج وحسب خبرتج شو تتوقعين او تتصورين الشكل اللي بطلع عليه ؟؟
وهل بيكون شكلي احسن واجمل إذا قدم الذقن .. لاني اخاف يطول ويهي وانا اوردي ويهي طويل ؟؟
بالنسبة للخشم كيف بيكون وضعه ..؟؟ مع العلم ان خشمي حلو وطويل بس فيه أخر المنطقة في الوسط أطول بشوي عن جانبين ؟؟ هل احتاج عمليه ثانيه اقصر ها المنطقة ..؟؟
وفتحات الخشم أحسن اصغرها ولا لا؟؟

الدم ضروري

اصلا وحده من البنات بالسعوديه تكنسلت عمليتها والسبب ما كان يايبه دم
الدكتور ما رضى يدخلها من غير دم

انا قالي الدكتور صارلي 5 سنين ما احتجت دم بولا حاله سويت لها العمليه بس لاااااازم تييبين دم
وفعلااا سبحان الله احتجت دم


بعدين في حال إذا صار معاج نزيف لاااااااازم يعوضونج بالدم اللي فقدتيه
أصلا نسبة دمج راح تنزل

شلون يقولج الدكتور اللي يصير معاهم نزيف ما يحتاجون دم !!!!

شفيهم الدكاتره الله يهديهم !!!!!!!!!!!!!!!!!

هو أكيد الدم يتجدد بس لااااااااااازم تعويض


خطة علاجج اللي ذكرتيها حلوه وراح تتغيرين للأفضل ان شااااااء الله بشكل ملحوظ لكن الخشم ممكن يتغير


ما أقدر أقولج شكثر راح يتغير لأنه كل حاله تختلف عن الثانيه

وعملية تجميل الخشم أو تصغير الفتحات ما تقدرين توسينها إلا بعد 6 أشهر إلى سنه من جراحة الفك


بالنسبه لتقديم الذقن
نتايجه وااااااااايد حلوه >> يرسم الوجه ويحدده
لكن مشكلته يطول الوجه شووووي

 

[Esraa.a]

القائمه الحديديه​

1- أحب أمي ( انتهت من العمليه 18-5-2010) الكويت >> د.عماد النجاده​

2-antonya ( انتهت من العمليه 12-8-2010) الكويت >> د. ناجي ابوشبل ( لبنان)

3- emo princess ( انتهت من العمليه 28-11-2010) الكويت >> د.أحمد الدنف
4- صدى صوت ( انتهت من العمليه10-12-2010) السعوديه >> د.عبدالعزيز الوتيد​

5 - e7sas.majro07 (انتهت من العمليه 24-1-2011) الإمارات >> د.ميشيل

6- maha al (انتهت من العمليه3-3-2011 ) السعوديه >> اشرف ابو كركي( الأردن)
7- عيون عليا (انتهت من العمليه 5-3- 2011) الكويت >> د.نائل الهزيم + د.عادل العصفور
8- غلااا الروح (انتهت من العمليه 3-2011) الكويت >> د.نائل الهزيم + د.عادل العصفور
9- jnona (انتهت من العمليه 8-3-2011) الكويت >> د.عماد النجاده
10- غلاااااه (انتهت من العمليه 20-4-2011) السعوديه >> د.حامد البارقي
11- دلوعة شيوخها (انتهت من العمليه 3-5-2011) السعوديه
12-عبير الصباح ( انتهت من العمليه 6-5-2011 ) السعوديه >> د.مازن المصري
13- ego-girl (انتهت من العمليه 6-5-2011) الإمارات >> د.مارك كراش
14- black & white (انتهت من العمليه 24-5-2011) الكويت >> د.بيتر
15- nenna92 ( انتهت من العمليه 1-6-2011 ) الكويت >> د.نائل الهزيم + د.عادل العصفور
16- reem.m ( انتهت من العمليه 8-6-2011) السعوديه >> د.صالح البازعي
17- دموع منسيه ( انتهت من العمليه 30-6-2011) السعوديه
18- innocence ( انتهت من العمليه6-7-2011 ) السعوديه >> صالح البازعي
19- كتكوته 2010 ( انتهت من العمليه14-7-2011) السعوديه >> د.أحمد اليماني
20- miss l ( انتهت من العمليه 5-7-2011) الكويت >> د.عادل العصفور
21- عصي الدمع (انتهت من العمليه 14-8-2011) السعوديه >> د.عثمان الطويرقي+د.فراس الخيال
22- barbie girl (انتهت من العمليه 10-9-2011) الكويت >> د.نائل الهزيم + د.عادل العصفور
23- ساره ( انتهت من العمليه 1-10-2011) السعوديه >> د.ناصر النوح
24- فطامي ( انتهت من العمليه18-10-2011 ) الامارات >> د.لويس (لندن)
25- جمانة الرياض ( انتهت من العمليه 19-11-2011) السعوديه >> د.ناصر النوح
26- princess.78 ( انتهت من العمليه 20-11-2011) السعوديه >> د.بيشي القرني
27- سيزر تفاح ( انتهت من العمليه 3-12-2011) السعوديه >> د.عبدالله العتل
28- noona 12 ( انتهت من العمليه 1-1-2012 ) عمان >> د.محمد النبهاني
29- لينك ( انتهت من العمليه 5-1-2012) السعوديه >> د.أحمد اليماني
30- Esraa.a ( انتهت من العمليه 22-1-2012) الكويت >> د.عادل العصفور + د.نائل الهزيم
31- خوخة1990 ( انتهت من العمليه 30-1-2012) الإمارات >> د.توماس
32- سمنه ع عسل ( انتهت من العمليه 4-2-2012) السعوديه >> د.عثمان الطويرقي ​

33- الحمدلله ( انتهت من العملية 16-2-2012) السعودية >> د.بدر الجندان

34- الامل القريب ( انتهت من العملية21-2-2012) السعوديه >> د.عبدالعزيز الوتيد
35-reematy ( انتهت من العملية 26-3-2012) الامارات >> د. ناجي ابوشبل ( لبنان)
36- أم الفاتنات ( انتهت من العملية2-4-2012) الامارات >> د.توماس
37- توتة بنوتة ( انتهت من العملية 11-4-2012) الامارات >> د.ميشيل
38- الوفاا.. ( انتهت من العملية 18-4-2012) الامارات >> د.مارك
39- ملامح ناعمة ( انتهت من لعملية29-4-2012) البحرين >> د.غسان ضيف
40- Ms.PinK ( انتهت من العملية 4-6-2012) الكويت >> د. عماد النجادة
41- حبيبة الحسن ( انتهت من العملية10-6-2012) السعوديه >> د.عبدالله العتل
42- الهاجريه ( انتهت من العمليه 1-8-2012) الإمارات >> د.ميشيل
43- براونا ( انتهت من العمليه 13-8-2012) >> د.حامد شاهين ( مصر) ​

44-لابيرلا
45- دنيا الحب
46- قهوة تركي
47- شتآآت
48- ليلى
49- توته مربربه
50- ستايلك
51-رجس
52- سنفورة كويتيه
53-ريهام
54-sendrila
55- miss_o
56- رعشة الخفوق
57- مس لزيزه
58- s h o u g
59- diana*
60- هتانة الغيمة
61- هديل جداوي
62- اخت الرجال 29
63- كوكب..
64- روان المؤدبه
65- طبيبة أسنان
66- ذكرى الحبيب
67- robyrose
68-خوووخه 1​

العدد قابل للزياده بإذن الله​

 

[Ms-June]

انا حاطه تقويم من قبل وكلمته مع دكتور التقويم وقالو عادي يسونها بس لازم يسوون مخطط ومادري ايش ..
بس طولو وايد

شكلي بمر عليهم بكرا بعد وان شالله خير!
انا المشكله ماعندي الا هالشهر اسويها ولا شهر 12

wish me luck !

الله ييسر امورك خيتي

مس جون ،،

قالولج الاهلي بكم يسوون العمليه تقريبا ؟​

تصدقين اني ما سألتهم < موب من كثر فلوسي بس نسيت
كلميهم وإسألي وإن شاء الله مايصدمونك ^^


​

 

[بروانا]

الحمدلله على السلامه اختي براونا​

الله يسلمك ياغاليه مشكوره

 

[بروانا]

ألف ألف ألف الحمدلله على سلاااااااااامتج

وان شااااااااااء الله يارب تلقين النتيجة اللي تعجبج وتعبج ما يروح هباءا منثورا



الوضع اللي انتي فيه يحتااج تقريبا من أسبوعين إلى شهر على ما يخف

لكن بالنسبه للأكل والنص يحتاج من شهر إلى 3 أشهر على ما يرجع كل شي لوضعه الطبيعي


وأبشري ان شاء الله راح أحط اسمج بالقائمه الحديديه معانا >> بس خلج فعلااااا حديديه وقويه هالفتره وان شاء الله توصلين للنتيجة اللي انتظرتيها من 3 سنين

الله يسلمك ياقلبي والله مشكوره وبعد رب العالمين انتى والبنات شجعتونى اكثر انى ادخل لهالعمليه ويارب يمر الوقت بسرعه ومااضعف وانهار الله يعطينى القوه حبيبتى طيب ماتعرفين متى يشيلي المطاطات الدكتور مو راضي يريحني بجاوب شافي
وبالاخير مشكوره على دعواتك لي بنتيجه مرضيه والف مشكور لاانك حطيتينى بقائمتكم الرائعه :eh_s(17):

 

[عيون الدوحة]

هلا وغلا بأهل قطر



بالنسبه للصفايح أو الشرايح اللي نتحط تكون دائمه وما تنشال ومالها أي آثار جانيه >> آمنه للغايه
وترى حجمها صغييير يعني حتى لما تلمسين مكان الفك ما تحسين بشي

مع تطور الطب تم اختراع الصفايح والبراغي اللي تذوب مع الوقت بالعظم .. والمواد اللي متكونه منها نفس المواد اللي متكونه من العظم نفسه أي يغلب عليها الكالسيوم

يعني المفروض واللي أعرفه انه مالها أضرار
بس اكيييد حاليا جاري البحوث عليها وراح يطورونها في حال إذا فيها شي

وأساسا ليلحين ما تم تجربته بعمليات الفك بالخليج >> ما وصل لنا ليلحين


علما بأنه الخيوط المستخدمه أثناء جراحة الفك تذوب من نفسها في حال إذا التئم الجرح
وفي خياط داخلي .. يستخدمون فيها الخيوط اللي تذوب من نفسها
وتطلع من الجسم مع العرق او مع الخروج أو البول وانتي بكرامه إذا تحللت


يعني تطمني كلها مواد آمنه والحمدلله ولم يثبت علميا أي شي ضدها على مر السنين :rerrerek:


ترى جراحة الفك قدييييمه يسوونها من الخمسينات والستينات >> بس حاليا اللي اشتهرت لأنه الكل قام يهتم بأدق تفاصيل الجمال
وقاموا يبتكرون أشياء يديده تسهل الجراحه على الدكتور وعلى المريض مثل موضوع الخيوط أو الصفايح اللي تتذوب من نفسها

ترى قبل طريقة كسر الفك تختلف >> كانوا يستخدمون مطرقه للكسر
فبالتالي يصير ازرقاق وكدمات بالوجه

الحين الطب كثيييييير تطور

بالنسبه للثه >> نصيييحه روحي لأخصائي و عالجيها الحين قبل لا تبدين مشوارج

دام تصير حمره ودايما تلتهب يعني فيها مشكله >> وحطي ببالج انج اذا ركبتي التقويم ( أنا مادري إذا انتي مركبه الحين أو لأ ) راح تتفاقم المشكله أكثر وتلتهب أكثر
راح تتأذين واااااااااااااااااااايد


ضروس العقل >> أحيانا يكون الضرس مو طالع ( مو شاق اللثه) لكن الجذر موجود
بهالحاله يشيلونه جراحيا قبل العمليه أو أثناء العمليه >> يعتمد على خطة العلاح المقرره لحالتج

هلا بيج اختي الغالية اسراء وهلا ببنات الكويت ، كفيتي ووفيتي بردج.

صحيح انا الحين مركبه تقويم صالي سنه وشوي ، وغالبا مايصير تضخم او التهاب في اللثة ، والمشكله ان التقويم سياعد على هذا الشيء كلامج صحيح 100% ، ان شاء الله باشوفلي اخصائي لثة اتعالج عنده واكون جاهزة.

 

[Esraa.a]

الله يسلمك ياقلبي والله مشكوره وبعد رب العالمين انتى والبنات شجعتونى اكثر انى ادخل لهالعمليه ويارب يمر الوقت بسرعه ومااضعف وانهار الله يعطينى القوه حبيبتى طيب ماتعرفين متى يشيلي المطاطات الدكتور مو راضي يريحني بجاوب شافي
وبالاخير مشكوره على دعواتك لي بنتيجه مرضيه والف مشكور لاانك حطيتينى بقائمتكم الرائعه :eh_s(17):

بعدعمرررري انتي لا شكر على واجب






المطاطات يبيلهم 6 اسابيع إلى شهرين




فعلاااا ما ألووومج المطاطات جداااااااا مؤذيين ويضايقون


حاليا مالج إلا الصبر ثم الصبر ثم الصبر
والله يرزقج ان شاء الله بالنتيجه اللي تتمنينها

 

[Esraa.a]

هلا بيج اختي الغالية اسراء وهلا ببنات الكويت ، كفيتي ووفيتي بردج.

صحيح انا الحين مركبه تقويم صالي سنه وشوي ، وغالبا مايصير تضخم او التهاب في اللثة ، والمشكله ان التقويم سياعد على هذا الشيء كلامج صحيح 100% ، ان شاء الله باشوفلي اخصائي لثة اتعالج عنده واكون جاهزة.

ايييي نصيحه عالجيها الحين ولا تهملينها


بعد العمليه اللثه راح تكون مخدره من غير احساس .. الاحساس راح ينعدم فيها اول فتره
يعني حتى اذا التهبت او صار فيها اي شي ما راح تحسين










لثتج راح تتعب وايد بعدين ... اذا ما عالجيتها الحين التعب راح يكون الضعف .. يعني باختصار لثتج راح تروح فيهاااا






وهالشي مو من صالحج طبعا ولا من صالح لثتج واسنانج


انتي جذي راح تعدلين شي(الفك) وتخربين شي ثاني (اللثه)




عالجيها الحين افضل

 

[خوووخه 1]

حبيبه الحسن انتي من وين

 

[Q6ryah]

بصراحه ما أعرف نظام مستشفياتكم >> بس عموما معروووف المستشفيات الحكومه مواعيدهم بعييييده وهذا اذا اتصلوا عليج .. لازم انتي تراكضين بنفسج
وطبعا اذا عندج واسطه كل امورج تصير سهله وتمشي زي الورد


بالنسبه للخشم يتغير شوي شكله >> طبعا كل حاله تختلف عن ثانيه
كل ما نسبة القص بالفك العلوي زادت .. زاد معاها نسبة تغيير الخشم

يعني اكثر الحالات اللي يتأثر فيها خشمهم ( يفرش) حالات القمي سمايل >>> بس مو لدرجة كبيره
يعتمد على شطارة الدكتور .. لانها اهما يخيطون اطرافه ويحاولون يثبتونه علشان ما يفرش

انا ماعندي القمي سمايل لا.. انا الفك العلوي راجع على ورا ويبيله تقديم والفك السفلي يرجعونه ورا..
عشان جي خايفه يفرش خشمي .. افكر اذا فرش اصغره بخيط او ارتبه بابر لين ما اكمل 6 شهور عالاقل عشان ارتبه..
بس ما ادري لو الخيط او الابر بعد العمليه يسوون التهابات ولا لا.. ​

 

[غزال1]

الدم ضروري

اصلا وحده من البنات بالسعوديه تكنسلت عمليتها والسبب ما كان يايبه دم
الدكتور ما رضى يدخلها من غير دم

انا قالي الدكتور صارلي 5 سنين ما احتجت دم بولا حاله سويت لها العمليه بس لاااااازم تييبين دم
وفعلااا سبحان الله احتجت دم


بعدين في حال إذا صار معاج نزيف لاااااااازم يعوضونج بالدم اللي فقدتيه
أصلا نسبة دمج راح تنزل

شلون يقولج الدكتور اللي يصير معاهم نزيف ما يحتاجون دم !!!!

شفيهم الدكاتره الله يهديهم !!!!!!!!!!!!!!!!!

هو أكيد الدم يتجدد بس لااااااااااازم تعويض


خطة علاجج اللي ذكرتيها حلوه وراح تتغيرين للأفضل ان شااااااء الله بشكل ملحوظ لكن الخشم ممكن يتغير


ما أقدر أقولج شكثر راح يتغير لأنه كل حاله تختلف عن الثانيه

وعملية تجميل الخشم أو تصغير الفتحات ما تقدرين توسينها إلا بعد 6 أشهر إلى سنه من جراحة الفك


بالنسبه لتقديم الذقن
نتايجه وااااااااايد حلوه >> يرسم الوجه ويحدده
لكن مشكلته يطول الوجه شووووي

حبيبتي اسراء انا معاج في اللي تقولينه

دكتور كانت وجهة نظره .. يشوف نسبة الدم اللي يسمونها لوغاريتم وتكون النسبه من 16 .. وانا دمي السنه اللي راحت كان 14 - 15 يعني ممتاز بعد ما شافه قال لي ما تحتاجين دم ..
لكن في حالة إذا كان نزيف وايد ممكن يطلب الوضع دم .. إذا نزل نسبة الدم إلى 8 - 9 هني يسمونها فقر دم

الحمد لله بنك الدم موجود وببلاش ههههههه بس اخاف يبون لي دم مصنوع في تايوان :eh_s(16):

بخصوص الخشم .. انا خشمي طويل ومزموم زم .. لكن فتحات الخشم متوسطه تقريبا .. احس هذا عيب فيه .. وفي شي ثاني انه المنطقة اللي في الوسط الخشم متقدمه على جانبين .. هاذي يبي لها قص بالمقص :eh_s(9):

دكتور قال لي الذقن عندي متأخر إلى ورا وممكن نقدمه علشان يعطي ايحاء جمالي اكثر بس اخاف يطول ويهي اكثر وانا خايفه من ها شي
بس إذا راحت مشكله الضمور ممكن يهون الموضوع لانه الوجه بيكون على شكل دائري هني ممكن الوجه يبين أصغر .. زياده على هذا الفك العلوي بينقص 4 ملم يعني بيصغر


اليوم اخذت تحاليل دم ويلست مع دكتور التخدير وقعد يسألني .. خلاص هانت واحس فيني حماس لدرجه اني اسوي العمليه وقت العيد ههههه

وأخيراً تحدد وقت العمليه

 

[خوووخه 1]

الله يسهل عليك ياأخت غزال1 ويارب تطلعي بالسلامه وباأحلى نتيجه يارب أمين وباقي البنات يارب

 

[حبيبة الحسن]

حبيبه الحسن انتي من وين

اهلا وسهلا :eh_s(22):

انا من السعودية -الرياض وتحديدا في حي الحمراء شارع الملك وووو\\\\بس خلاص

بغيتي شئ امممري :eh_s(9):

 

[خوووخه 1]

ياهلا فيك مايامر عليك عدو يالغاليه بس والله قلبي ارتاح لك وحبيت اعرف انتي من وين والحين فرحت اكثر لانك من الرياض انا من الرياض واتمنى اصادقك إذا مافيه ازعاج يأخت حبيبه الحسن