الشخــــصيه الفضوليه..........كيف تتصرفين معها؟

[manoooram]

والله عندي الفضولي أهون و أرحم على الأقل خلقه و طبعه جذي بحسن نية
بس مصيبتج اللي يسأل ويبي ياخذ آخر الأخبار عنج بهدف أذيتج و يوصل عنج
هالشاكلة الفاشلة يضحكوني
مساكين يخلون الوحده تتفكر عليهم وتقول
الله لهالدرجة خذيت من وقتكم و أشغلت تفكيركم ؟؟

 

[متوفيه امس]

عادي اتعامل مع الفضوليين
واذا سألوا اجاوب ..لانهم بالنهاية هم الاهل وهم المقربين والاحباب

لكن الفضول يوصل لاسرار البيت

هذا مو اسمه فضول هذي اسمها وقاحة

 

[عادت ذكرياتي]

تسئلينها بسؤال :::: يهمج تعرفين أخباري؟؟؟؟؟

أو ليش تسئلين وبابتسامة ...!!!

أو ضيعي السالفة والله ثم والله إن ما انحرجت راح تمل منج لووووووووووول

 

[نجداويه نجد]

~

السلام عليكم ورحمة الله وبركاته

يقول النبي علية الصلاة والسلام [ ( المؤمن يألف ويؤلف ، ولا خير فيمن لا يألف ولا يؤلف ) ] .. يعني إذا بصادف وحده في أي مكان عام وماسبق قابلتها .. وبديت أدردش وياها .. وسألتها وش قبلتيك وانتي من سكان المنطقه وإلا لاء .. وغيرها من الأسئله اللي مراح تضرها شبيصر بتطح السماء .. !!!
حنا مسلمين لازم يكون بينا ألفه مع بعض موب زي الاجانب اذا ركبتي أوتبيس [ باص ] كلن بروحه يايداعب كلبه والا يقرا كتاب وجو كئيب كلن نفسي نفسي ...


""


خلونا نتخلى شوي عن هالحساسيه في العلاقات الأجتماعيه بينا .. !!
أذا سألتني وحده كم عمرك وش فيها لو قلت لها ... ترا المسأله عاديه وماتحتاج حساسيه زايده ..
ليه مااحسن فيها الظن .. لقاء عابر بيني وبينها لاهي اللي بتضرني بسؤالها ولاشي ...!!

....

شكرا

 

[خفايا الروح]

ارد عليها بأجوبه تخليها تموووت من الفضول

ما اشبع فضولها اعلقها

اذا سألتني جم معاشج اقولها الحمدلله عندي خير ومكفيني ..

وكل ردودي مدري .. يمكن .. لأ .. اي ...

اذا سألتني ما توظفتي اقول .. لآ .. ليش ؟ جذي مرتاحه انا

اهم شي تعطينها اجابه تسكر الموضوع ..

واذا كانت وقحه قولي لها بس عاد خلاص اسئله ..

 

[al-musk]

ويييييييييع هالنوعيه يبطون الجبد
انا اعاني من وحده ملوعه جبدي ادق عليج ليش ماتردين وين رحتي اشصار في بيتكم خواتج ما انخطبو بنات خالتج ما انخطبو
منو زاركم شنو كليتوا

والمشكله اذا دقرتها تزعل وتقول مو قصدي ادور علوم بس سوالف

مادري شنو الحل معاها​

 

[طموح لايتوقف]

طريقة تعاااملك معاهم حلوه،وممكن تكون مفيده مع بعض الاشخاص!

بس مااتفق معك انو السبب ،ناتج عن انك معطيتها وجه!

لا ياقلبي مووصحيح!

والله بعضهم تظل تزززززن على راااسك،واذا مالقت جوااب تشوف غيرك وتسأله عنك وعن اخبااارك!:d

أرحب فيك يأختي كرزه تركوااز (أعجبني اللقب)
أحترم وجهة نظرك
أن معك أن فيه ناس تزن على الرأس بس إيش اللي خلاها تزن على رأسي يأختي،،
البنت الملقوفه واضحه من البدايه تلقينها تدخل نفسها في خصوصياتك في أول لقااء هنا أذا عطيتها وجه راح تزيد ،،من البدايه حطي لها حدود
وتقبلي وجهة نظري :eh_s(17):

 

[عسى الله يهديني]

ابببببببببببب

 

[popa]

كيف تتعاملين مع مثل هذه الشخصيات؟ وش علاجها!!
اتعامل معاها بادب بس اقول مادري ولا واهيه بتحس بروحها اما اذا اسالت عن معاشي اقولها ماحب اقول
برأيك وش الدوافع اللي تخلي زميله لك تكون فضوليه عليك انتي بالذات!!
حاطه عينها علي اكيد وتفكر فيني وايد

يعني مقارنه بريئه؟
لا
غيره؟
يس
حسد؟
يس
لقافه تبي تعرف ووووبس؟
يس
وش اسباب اللقافه؟
تهمينها حيل

اذا احد سألك تجاوبين ولالا؟؟!!
غالبا لا ويبين علي لدرجه احيانا يقولون اشدعوه

 

[_زينه_]

بنات انا اعرف وحده تسالني عن التوبيكات مثلن وحده والده مسافره ملجه عرس تسالني علا ءدطووول منو هذي اللي كاتبه عنها مابيها تعرف الواحد يسال مره مرتين مو علا طووول شلون ارد عليها مابيها تعرف

 

[بحرانيـه]

مارد على الفضوليين واقطها بالويه مو شغلج

 

[Patcholli]

بنات انا اعرف وحده تسالني عن التوبيكات مثلن وحده والده مسافره ملجه عرس تسالني علا ءدطووول منو هذي اللي كاتبه عنها مابيها تعرف الواحد يسال مره مرتين مو علا طووول شلون ارد عليها مابيها تعرف

صار معاي هالموقف بالظبط ولان صج قامت تظايقني يعني احط مثلا توبيك حزين تدش علي تقول متهاوشه ويا ريلج ؟ احط حكمه تدش تقول نغزه على منو ؟؟
اخر مره كنت حاطه بيت شعر عجبني جان تقولي بكل وقاحه فلانه خلج سنعه مو لازم الكل يعرف شنو بينج وبين ريلج .. عاد اهني رديت عليها وقتلها مابيني وبين ريلي الا كل خير بس انا اي جمله تمر علي وتعجبني اكتبها مو شرط اكون حاطته على مزاجي او على مودي عاد قتلها على ظحك وغشمره فلانه انتي هاده بيتج وعيالج وريلج ومجابلتني انا وتوبيكاتي طبعا اهي حست ومن يومها مابطلت حلجها ولا سألتني نهاااااااااائيا لوووووووووووووووووووووول

 

[Patcholli]

شوفي اذا حسيت انها تسأل على حسن نيه اجاوبها ومو شرط اجاوبها صج او اعطيها الاجابه دايركت ممكن الف وادور بالاجابه واخليها بالنهايه ماتاخذ لا حق ولا باطل بس بدون ما اجرحها او افشلها
بس اذا وحده طبعها جذي نفس وحده معاي بالدوام ملقوفه لاقصي درجه يعني اكون فاجه ايميلي اتي توقف فوق راسي تقولي وين داشه شنو قاعده تطالعين وترز ويهها بالشاشه وتطالع هالاشكال ما استحي منهاا واشكره قتلها شي خاص وشخصي جدا . وصكرت الشاشه اللي كنت مبطلته و من يومها ماقامت تسأل بعد ولا قامت ترز ويهها ..

 

[مفعمه بالحيويه]

انا عندي هالمشكله

بالذات بالدام دايماً يسألوني ( اسئلة شخصيه ) مب عارفه شلون اتصرف مع هالشخصيات


جد جد انقرفت

 

[نبض شرياني]

اجاوبهم

ماادري

ماسمعت

مااعرف

ماشفت

ماعندي فكره

شي خاص بس اقولها بضحكه

 

[sh_mashael]

انا فضوليه بس من نوع اخر

فضوليه جدام امي و خواتي بسسسسسسسسسسس


المهم الشخصيه الفضوليه

جعميها اشكره

 

[newchlin]

ادقرها طبعا

مثل ما عطت نفسها الحق تدخل وتفشلني انا بدري راح ادقرها

 

[الباسمه]

انا اذا صارلي من هالمواقف ابتسم واقول بذرابه لازم تعرفين ؟ طبعا اذا كنت امووون عليهاا اذا مابينا ميانه احاول اغير الموضوووع لان مهما يكون الواحد يعامل الناس باخلاقه وشكرا للموضوع
​

نفس الرد بالضبططط
اقول لها بتموتين اذا ماعرفتي واضحك ههههههههههه لازم ارفع ضغطج شويتين واذا حست على دمها خصوصا اذا فيه ناس
اجاوبها ربع اجابه

هذا اذا ميانه طبعاً بس اذا رسميه مو شرط اجاوب ابتسامه خفيفه ولا تردين او قولي مادري مافكرت او ماقررت او ماعندي علم


ومرات اذا كنت فاصه ومعروف انه الوحده فضوليه اقولها مو شغلج والف صارت مرتين وافتكيت بس ماودي بهالاسلوب بس عاد صارت الصج بعد :eh_s(15):

 

[@عسايل@]

طااااف والتطنيش

 

[هناء - Hana]

الحمدالله انا مؤ من النؤؤؤؤؤع..الي جي..في رفيجااات عند بالمدرسه..شنؤ هذا..وين رحتي..وشنؤ اسم هذي ولاااا تساااالني عن اختي عمرها ومادري شنؤ ..الخ..!!!

ويسسلمؤا على المؤؤضؤع​