وهيآآآآآ.... كوكا كولا في كوالالمبور +لنكاوي 11/6/2012م

[كوكا كولا]

zqertya

تسلمين يا حيااااااااتي عالكلام الحلو
بخصوص حق 4 أشخاص ما ادري والله لأن يعتمد عالموسم وعالطيران والفنادق اذا حجزتوهم الباقي سهالات
المصروف احنا حاطين ألف ونص وانا 700 دينار حق السوق بس في وايد شغلات ما كفت اشتريهم لأن شريت صوايغ ماركات حق خواتي وامي وخالتي
ماليزيا اسعارها وايد ارخص من الكويت بس الي كسر ظهرنا شوي التكاسي كانت وايد غالية يعني جولات اليوم الكامل تطلع عليج 40 دينار
جناطهم عجيييييييييييييبه انا وايد حبيت ماركة سيمبونيا وشريت من كارلورينو بعد جنطة وجواتي عزج الله شريت من تشارلز اند كيث و من فنشي حدها عجيبه واسعارهم روعه

سوقهم بحد ذاته رووووووووعه ووايد مميز ما شبعت من السوق هههههههههههه

نصيحة خزني الصور من الحين لأن الصور حدها سنه على موقع التحميل وبعدها تروح
خزنيها وكتبي ملاحظات عنها

وموقع التحميل هو

العملاق لتحميل الصور

 

[كوكا كولا]

نياره

يسلموا عالمتابعة فديتج

 

[كوكا كولا]

كارلوفي فاري

يسلموا عالرفع فديتج

 

[كوكا كولا]

بحرينية للأبد

تسلميييييييييييين يا حيااااااااااااتي عالكلام الحلو
والله كل هالمجهود علشان عيونكم الحلوة وبصراحة كانت تجربة اكثر من رائعه

بخصوص صنواي لاجون ما قعدنا فيه لأن زوجي ما يحب السباحة وانا صعبه اتسبح واساسا شبعانين سباحة بالكويت لووووووول
بس رحنا له يوم كامل تسوقنا بصنواي بيراميد وتغدينا هناك

جنتنق رحت لها بصراحة يوم واحد كافي عليها وفندقهم فلللللللل زحمه موت حتى الجيك ان والجيك اوت ارقام لا يحوووووشك
بس استانسنا وايد بس الألعاب كانت زحمه حيل ما قدرنا نلعب كلش

كاميرتي وااااااااااااااايد حلوة وما يبيلها شي ترا حدها سهله حتى لو انتي توج مبتدئه
الاحتراف شي ثاني بس حتى المبتدئة تقدر تصور فيها عادي وايد سهله مايبيلها لا تبديل عدسة ولا شي
انا صورت بالعدسه العادية الستاندرد الي تجي معاها

 

[*الهنوف*]

كووووكا

واي حدي انقهرت من السايق بس زين ماسويتو فيه

الله يهداج بس لو قاريه تقريري لاني نبهت علي هالشي بخصوص التكاسي وقلت ان الساعه ب ٢٥ رنجت
لو انتبهتي جان قلتي للسايق قبل لا تتفقون معاه وراح يعرف انكم فاهمين بالاجره وبينطم
احنا كنا نمشي ونقول للتكاسي يبا احنا مو اول نطب ماليزيا فعلي طول يعطونا السعر اللي نبيه

 

[كوكا كولا]

*الهنوف*

ادري قريته وكنت شايفه تقارير البنات بعد كلهم يقولون 25 رنجت بالساعة
وقلنا له قال لا شنو 25 رنجت هذي تسعيره التكاسي كلها مو بس انا
اصلا مافي شي اسمه 25 رنجت بالساعة
يبط الجبد........... بس يالله اول مره لازم تجارب واخطاء لأن اول مره
بس الحمدلله وايد استانسنا هناك وان شاء الله ربي يكتب لنا روحه ثانية

 

[بحرينية للأبد]

بحرينية للأبد

تسلميييييييييييين يا حيااااااااااااتي عالكلام الحلو
والله كل هالمجهود علشان عيونكم الحلوة وبصراحة كانت تجربة اكثر من رائعه

بخصوص صنواي لاجون ما قعدنا فيه لأن زوجي ما يحب السباحة وانا صعبه اتسبح واساسا شبعانين سباحة بالكويت لووووووول
بس رحنا له يوم كامل تسوقنا بصنواي بيراميد وتغدينا هناك

جنتنق رحت لها بصراحة يوم واحد كافي عليها وفندقهم فلللللللل زحمه موت حتى الجيك ان والجيك اوت ارقام لا يحوووووشك
بس استانسنا وايد بس الألعاب كانت زحمه حيل ما قدرنا نلعب كلش

كاميرتي وااااااااااااااايد حلوة وما يبيلها شي ترا حدها سهله حتى لو انتي توج مبتدئه
الاحتراف شي ثاني بس حتى المبتدئة تقدر تصور فيها عادي وايد سهله مايبيلها لا تبديل عدسة ولا شي
انا صورت بالعدسه العادية الستاندرد الي تجي معاها

حبيبتي والله مجهود تشكرين عليه شغل عدل ماشاء الله يعطيج العافية


بالنسبة الصنوي لاغون مب كله ملاهي مائية كنتو تقدرون تستمتعون بالملاعب الجافة الرعب وتكرمين الحيوانات والطيور وتصورين فوق جسرهم المشهور و و و


أما بالنسبة لجنتنغ الزحمة هذي تلاقينها عند كونترات الغرف العادية ودااااااايماً ينصح بالسكن في الغرف الوورلد كلوب فقط


كونتراتهم بروحهم وماتاخذين أكثر من عشر دقايق أو ربع ساعة بالكثير وحتى بوفيه الريوق مال غرف الوورلد كلوب بروحه


هالزحمة على هالفندق لأنه أفضل فنادق المنطقة على الإطلاق والأندور بارك اللي هي الألعاب الداخلية بنفس الفندق لا وشغالين لنص الليل بعد


لكن الألعاب الخارجية تصك من وقت وغير ذي تقدرين تسكنين في أفخم فنادق جنتنغ وأحدثها اللي هو فندق مكسيم


خلالالالالاص مالج عذر لالالالالازم تسكنين الصنوي لاغون وجنتنغ المرة الياية إن شاء الله وتودين اليهال تفرحينهم وتونسينهم عالأقل الكبار


وخليهم يستانسون بأفاموسا ترى تستحق الزيارة واللي قالو لج ماتستاهل العنوة ماعنده سالفة الصراحة لازم تجربين بنفسج عشان تقررين إذا تستاهل أو لا


يلا أنا متحمسة أجوف مشترياتج ورحلة العودة إلى أرض الوطن​

 

[كوكا كولا]

بحرينية للأبد

ان شاء الله المره الجايه راح اسكن فيها اذا الله كتب لي روحه لماليزيا مره ثانية وحيل بخاطري اروح مره ثانية لأن وايد حبيتها
وصح كلامج انا هذا رأيي احب اشوف الشي بعيني وما اعتمد على كلام العضوات بالمنتدى عن الأماكن اذا حلوة ولا لأ
او ينصحون فيها او ما ينصحون احب اشوف بنفسي

 

[مـ ع ـزوفة حز*ن]

وااااو ونااسه الصررااحه ماليزيا تهببل


انا فيها بكوالا سكنا ببرجايا تايم سكوير

وحاليا احنا في صن واي ساكنين برايميد يهبل

وبنروح جنتق بنسكن ان شآء الله بثيم بارك

ويمكن نروح لنكاوي وبسالچ المنتجع اللي انتوا سكنتوا فيه بجم ليلته ؟



اما بالنسبه للتكااسي اللي يقوول الساعه ب٢٥ صادفنه واحد وصدقنااه ههههههه


بس يلا اشوه ان شفت كلامكم


وااي متتعه الشووبينق

 

[كوكا كولا]

نكمل معاكم اليوم الأخير في كوالالمبور قبل العودة للكويت


بعد ما تغدينا مبجر الساعة 6 خلصنا وصعدنا غرفتنا نضبط اغراضنا ونخطط الوجهه الأخيرة وين نروح وداعية لكوالالمبور

هني قعدت عالدريشه وصورت لكم شوفوا فندق بارك رويال الي كانت فيه الهنوف حسافه كنتي يمي يالهنوف ولا دريت الا لما رديت
والي عليه دائرة بالأحمر هذا بداية شارع العرب شوفوا شلون قريب حيل ونروح له كل يوم مشي








فندق بارك رويال الي لونه ابيض





وهذا الفرع الي كل يوم نشتري منه جم غرض








ونطرنا الدنيا تظلم واول ما صار الليل نزلنا وخذينا تاكسي ورحنا للبرجين التوأمين لأن مارحنا له من قريب كلللللللللش وكنا نبي نشوف مجمع سوريا الي فيه


وأول ما وصلنا للبرجين التوأمين مطرت الدنيا شحلاااااااااااااات المطر يهببببببببببببببل
مادخلنا المجمع قعدنا نشوف المطر روعه























بعد هالمطره الحلوة دخلنا لمجمع سوريا قلنا خل نتمشى شوي..... ومااااااارااااااااح نشتري شي
بس بصراحة مردنا شرينا ههههههههههه شرينا عطورات بس
وتمشينا فيه وجكجكنا جم صورة من الداخل اخليكم مع الصور




















وبعد ما خلصنا طلعنا بره علشان نصور شكل البرجين التوأمين من قريب

واخليكم مع الصور الي صورتها










يتبـــــــــــــــع....>>>​

 

[كوكا كولا]

مـ ع ـزوفة حز*ن

يا حيااااااااااااااتي عسى الله يهنيج يارب ويتمم عليكم وناستكم
قلت لج تهبل وحلاته تشوفينها بنفسج وما تآخذين على كلام البنات الي يذمونها

شوفي بنت خالتي حالياً في النمسا وبصراحة تدز لنا صور كل يوم بس ما عجبتني حيل احس ماليزيا وايد اونس
وفيها اماكن سياحية اكثر وتسوق اكثر
النمسا كل يوم رايحه بحيرات وقطارات وتلفريكات ما احس شفت فعاليات حلوه مثل ماليزيا


لنكاوي متى بتروحين لها؟؟؟؟؟؟؟؟؟؟؟

وااااااااي احب لنكاااااااااااااوي عذاااااااااااااااب احنا سكنا في ميريتوس بيلانقي بيتش
وخالتي حالياً فيها وسكنت تقول في تانجو مادري اذا الاسم صح ولا لأ بس تقول واااااااااااايد حلو وعجيب واطلاله البحر جدامهم روعه

السوق انا خليته اخر شي في كوالالمبور بصراحة يونس سوقهم وشغلهم حيل حلو
بس يبيلج تفصفصين كل شي عدل مدل ههههههههههههه انا ما بقى محل ما دشيته واستكشفته بشارع العرب

اي شي تبينه لا تترددين في السؤال فديتج

 

[كوكا كولا]

نكمل معاكم الصور الي خذيتها لما طلعت من مجمع سوريا




































وبعد ما استمتعنا بالمكان والمناظر خذينا تاكسي ورجعنا للفندق علشان نسكر الجناط كلها لأن سفرتنا الصبح ان شاء الله
نطير 10 الصبح ولازم نكون بالمطار 8
​

 

[كوكا كولا]

اليوم الأخير

العودة للكويت ديرتي فديتها

~~~~~~~~~~~~~



قعدنا الصبح الساعة 6 وبسرعة غسلنا ولبسنا وحطينا باقي الأغراض الخفيفة وشطبنا عالجناط عدل مدل ونزلنا نتريق بالبوفيه

وكنا متفقين مع تاكسي الفندق انه يودينا للمطار الساعة 7 الصبح لأن المسافة من الفندق لي المطار ساعة كاملة

علشان نوصل 8 ونضبط اغراضنا واذا في وزن زايد يمدي نعدل أمورنا كلها


هني اول ما طلعنا من الغرفة خلاص دقينا على الرسبشن وخذوا اغراضنا وصورت غرفتنا





نزلنا وسوينا الجيك اوت ومشينا وانا خانقتني العبره ما ودي ارجع الكويت لأن ما شبعت من ماليزيا لو بيدي اقعد اكثر والله


الجو عجيب واحنا رايحين للمطار غيم











ومطر يا حلااااااااااااته يوم قربنا من المطار








هذا المطار وصلنا








نزلنا ونزلنا الجناط





طبعاً تذكرون رحنا ماليزيا بجنطتين
والحين ردينا ب 6 جناط لوووووووول





قبل لا ندخل قعدنا شوي بره المطار علشان زوجي يدخن لأن ممنوع التدخين داخل المطار
الحلو ان حتى بالمجمعات ممنوع التدخين في وايد احترام للقوانين عندهم


وصورت لكم الجو بعد ما وقف المطر


































يتبــــــــــــع....>>>​

 

[كوكا كولا]

ودخلنا المطار وهذا جانب من المحلات الموجودة





ودخلنا البوابة وركبنا الطيارة استعدادا للعودة للوطن الكويت الغالي





استعداداً للإقلاع













وطرناااااااا وبدأ مشوار العودة للوطن والشوق ذابحنا لبيتنا وعيالنا وبنفس الوقت العبره خانقتنا وما ودنا نرجع حيل تعلقت في ماليزيا وخاصة لنكاوي


وحاطة جدامي خريطة حركة الطيارة











ووصلنا بعدها قطر علشان ننتقل للطيارة الثانية ونرجع للكويت


والطيارة كانت فاضيه تقريبا فيها 13 شخص واحنا من ضمنهم

هني لما طرنا من قطر وراجعين للكويت








وجبه خفيفه





ووصلنا لمطار الكويت الدولي
والجو كان مغبر بس يا حلو الكويت بحرها وغبارها ورطوبتها
















والحمدلله عالسلامة وصلنا للكويت






وخلص جذي تقريرنا المصور والي عندها استفسار او سؤال انا موجودة


باقي تقرير مشترياتي راح انزله لكم هني وبموضوع ثاني بروحه علشان يآخذ حقه ويفيد البنات كلهم​

 

[zqertya]

عليكم بالعافيه وناطرين المشتريات

 

[نونو ام كشة]

يعطيج العاافيه وماقصررتي

 

[بحرينية للأبد]

ماشاء الله عيشتيني معاج الجو كأني سافرت ورجعت معاكم ههههههههههه


أنا مازالت أنتظر صور المشتريات تقطعينها بألف عافية إن شاء الله


إدعي لي تتسهل أموري وأكحل عيوني بها في القريب العاجل بإذن الله​

 

[al_3needa]

ولا عليج امر اختي المشتروات

نبي نعرف من اي مجمع واذا المحل احسن بعد

وكم ميزانيه للتسوق بس في ماليزيا العاصمه بس

والمطاعم غاليه والا رخيصه

اذا سكنت بشارع العرب شنو المجمعات اللي حولنا

الله يعطيج العافيه ويوفقج وربي يكتبها لج مره ثانيه وثالثه بعد

 

[كارلوفي فاري]

علييييج بالعافيه

 

[*الهنوف*]

الف حمدلله عالشلامه هههههه واخيرا


حسافه ماحضرتي نافورات البرجين