أقوي حمله رشاقة الربيع بدأ التسجيل لايسمح لضعاف القلوب

[b_kw]

مساء الحب والرشاقه والجمال

مساء لن نتكلم عن مأساتنا ولااشكالنا ولامواقف محرجه مرت بنا

لأننا ببدايه كلها تفاؤل

نبدى بسم الله

نبدأ نحب الميزان ويصبح صديقنا الصدوق



بدايه لانبحث فيها عن فساتين تخفي أجسادنا



وبدايه لن نظلل بها وجهنا الممتلأ



بدايه لن نتحسر بها على زمن فات لأنه سيعود



بدايه سنفخر بها ونحن نمشي مع من نحب وسيفخر بنا من نحب



بدايه اللي قدها تكون معاي في هذي البدايه المشوار الصعب ونهايته بالربيع

لن أسال عن الاوزان لايهم لأننا سنصل للهدف المهم نتابع كم نقصنا معا :eh_s(17):

بدأ التسجيل والعدد محدود انتي قدها

 

[الجرح الكبير]

انا وياااج بس شنو نظام

 

[بروق اليل]

وانا وياااج

 

[گنت أحبگ]

انا بعد ويااكمم 

 

[تميزي بفكري]

يلاااا انا بعد وياكم بس شنو النظام بليز بنات والله محتاجه احد يشجعني احس زهقت لازم ارد الامجاد اليوم اول عرس اروح له عقب ولادتي وجسمي اللي متعبني .. اول مره اروح مناسبة وانا موواثقة من نفسي وادري اني ماراح اكون احلا وحده بالحفلة احس اني محبطة ابي احد يعطيني امل .. بليز بنات نبي نتفق على خطة ونلتزم فيها ونلتزم بالمشاركة كل يوم بالموضوع

 

[b_kw]

صباح الهمه صباح الرشاقه والثقه صباح لاتراجع ولاتنازل

عن الأفضل لنا ولصحتنا صباحكم خير

الجرح الكبير ياهلا بالمتسابقه والمتنافسه مع نفسها نعم كنتي اول من قال نعم

دخلتي بثقه لأنج قدها ويارب تكونين قدها وماتخذلين نفسج وتخذلينا

أنتي قدها ياجرح


بروق سعيد بالأنضمام لكوكبت الرشيقات والحلوات حياج ويالله همتج بدينا


كنت أحبك الله يحييج بقروب النحيفااات

تميزي بفكري أبشري ياتميز كلنا هنيه بنساعد بعض ولارح نوقف والضعيفه

الفاشله واسمحولي بهالكلمات القاسيه اللي بتتراجع عن كلمتها

كلنا قدها وقدها ونص يالله همتكم واللحين اقولكم شنو

رح نحتاج لرحلتنا الحلوه

 

[b_kw]

تجمعنا يحمل أسم



التفاح الأخضر لأننا سنحتاج له بكثره ولن أعدد فوائده



عزيزاتي سنلتزم بالشروط التاليه



أولا سنلتزم بالنظام الغذائي سواء من هذي المجموعات

أو نظام تفضلينه

ثانيا سنمارس الرياضه ساعه كامله

ولاننسي تمارين الزنود تمارس مئة مره باليوم حتى تختفي

بأذن الله



ثالثا نحتاج أكل فيتامين عند الحاجه


رابعا وهو الأهم خواتي لاأعرف مشاكلكم الصحيه

قد تعاني احدكم لاسمح الله من مشاكل صحيه واعطيها نظام لايناسبها

لذى النظام عندي مقترحات وانتي التزمي بمايناسبك من أنظمه

من النت أو المعروض أو دكتور الأهم هو الالتزام بنظام غذائي

يساعد على أنقاص الوزن والألتزام بوعودنا

مانحتاج اليه




نحتاج كرتون حليب كي دي دي خالي دسم لأنه مشربنا


تااااااااااااااااااااااااااابع

 

[b_kw]

نحتاج شابوره وأنا أفضل هالنوع متوفر بالجمعيات




نحتاج كوفي ميت الأزرق الخالي الدسم والنسكافيه

لأنه سيكون مشربنا لتهبيط الجوع ملعقتين كوفي ميت ووملعقة

نسكافيه





نحتاج لسكر التحليه تروبيكانا وهو الأفضل في نظري




نحتاج دائما لتفاح أخضر نصيحه كل مشوار خلي هذي معاج



لتهبيط الجوع

أعتقد هذا زواد رحلتنا في الرجيم وأنا أعتمدها

ولأنظمه غذائية لك بعض المنصوح بها

نظام صارم شديد وقاسي للي قدها ونص

كالتالي :

اول وثاني يوم : اكل التفاح الاخضر فقط ولاكن لحد الشعور بالاشباع وليس لتملئ معدتك ويسمح لك فقط شرب الماء



السبب : لان التفاح الاخضر يحتوي على محلول الكلور الذي يتفاعل مع انزيمات المعده فيأدي الى تقليص حجم المعده



ثالث و رابع يوم : شرب اللبن خالي الدسم

السبب : لان اللبن مفيد في تنظيف المعده
خامس وسادس يوم : اكل الكيوي او الاناناس الطازجه

السبب : لانه يساعد على حرق الدهون



سابع يوم : اكل اي شئ خالي من الدهون والكربوهيدرات حتى تشعر ببدايه الشبع و تتوقف عن الاكل

مع الحرص على المشي يوميا او اي حركه مثل الشغل لعب الكره المهم تجعل الجسم

يتحرك لمده ساعتين وعدم التدخين والابتعاد عن المشروبات الغازيه والنشويات

:eh_s(17):



نظام أخر أقل قساوه

الإفطار:
اختاري صنف واحد من القائمة أ وصنف من القائمة ب:

أ
1-شريحتين لحم بارد
2-ملعقتين مربى
3-ملعقتين لبنة
4-ملعقتين كورن فليكس
5 بيضة مسلوقه

ب


1-شريحتين توست
2-2شابورة
3-ربع رغيف أسمر
4-كوب حليب
5-علبة لبن زبادي

الغداء:
سلطة تحوي(بصل-خس-خيار-طماطم-بقدونس-فلفل رومي) ماعدا الجزر
شوربة جميع الخضار (بقدونس-فجل-كرفس)

العشاء:
كوب لبن مراعي أو لبن زبادي
شاي أو قهوة بالحليب بدون سكر
حبه فاكهة
(خل-ليمون-زيت) ممنوع.

:eh_s(17):


وأخيرا نظام دشتي

الأنظمه الغذائية متنوعه الأهم الالتزام

 

[modern]

نحنا متابعينكم و انشالله مثل باقي التجمعات الي لاقت نجاح يجي الربيع و تكونوا اجمل رشيقات

 

[الجرح الكبير]

ان شالله ابتدي فيه باجر

 

[گنت أحبگ]

الله يحييج حبيبتي

حلووو حماسج وايد شجعتيناا

انا بديت سارلي ٤ ايام رجيم وريااضه



وانشالله نكمل ويااكم 

 

[b_kw]

اليوم كوب حليب وشريحة شابوره الهمه عاليه جدا الحمدلله

 

[b_kw]

نحنا متابعينكم و انشالله مثل باقي التجمعات الي لاقت نجاح يجي الربيع و تكونوا اجمل رشيقات

يارب يسمع منج ونحقق كل احلامنا بأذن الله أسعدني تشجيعج

 

[b_kw]

ان شالله ابتدي فيه باجر

رفيقة الدرب سبقتج بديت اليوم لأن امس ضاقت فيني الدنيا عبايات الدوام

تفشششششل مالقيت شي عدل وفصلت خياام موعباه :eh_s(16):

بس ولايهمكم بدينا بنوووصل يله ناطرينج معانا باجر

:ggdw: عاشت جروووحه

 

[b_kw]

الله يحييج حبيبتي

حلووو حماسج وايد شجعتيناا

انا بديت سارلي ٤ ايام رجيم وريااضه



وانشالله نكمل ويااكم 

ماشاء الله تبارك الله لج اربع ايام حلوووو عندي وحده باديه

قبلي تحمسني ان شاءالله نضعف واحنا بصحه وعافيه يارب

 

[الجرح الكبير]

ان شالله

 

[مهوسة بالزين]

مرحبا

انا وياكم ببداء من بكرة انشاء الله

 

[b_kw]

مهوسة بالزين ياهلا حبيبتي بأذن لله بدايه حلوه ونوصل كلنا للوزن المثالي
ونكيييييييييد كل العذال ونلبس كل اللي في البااال ان شاء الله :eh_s(15):


سويت رياضه عشر دقايق وكملت شغل البيت وبرجع اسوي
رياضة الزنووود بعد شوي لافضيت :weight_lift:
بسوي لي قلاص جاي مع سكر تروبيكانا
وبس بقعد للعشاان شاء الله


واي مستجدات بوافيكم فيها :eh_s(17):

 

[گنت أحبگ]

حلوو حلوو حماااس


b-kw بما ان مالاداعي نقول اوزانا شرايكم نحدد يووم نقايس فيه ونقوم جم كيلو نزلنا علشان نتشجع


وصج بنات ابي حبوب وفيتامينات حق الشعر باخذهم ويا الرجيم

شعري بفتره الرجيم وايد يطيح*عطوني اسامي اللي مجربه

 

[b_kw]

حلوو حلوو حماااس


b-kw بما ان مالاداعي نقول اوزانا شرايكم نحدد يووم نقايس فيه ونقوم جم كيلو نزلنا علشان نتشجع


وصج بنات ابي حبوب وفيتامينات حق الشعر باخذهم ويا الرجيم

شعري بفتره الرجيم وايد يطيح*عطوني اسامي اللي مجربه

خلاص صار بما ان اغلبكم يبدون باجر الأحد وقت أخذ الميزان الأحد اللي بعده

ونشوف النتايج

بالنسبه للفيتامين عن تجربة انا قعد اخذ (((هيلث هير )))

قبل جربته وتحسن واللحين رجعت له لوحابه اصوره حاضرين

وناويه على هالحبوب مع اني ضد اي منحف بس اسمع شغلات حلوه

عنه

http://www.q8yat.com/t1027379.html