يوميات و مناقشات حملة رشيقات العيد الاضحى ( الجزء الثاني )

[camelia]

كاميلياا طعم القشر عاادي كانه قهووة
بس مع الزنجبيل يصير قهوة وزنجبيل
يتغير شووي مع الهيل
وضيفي اشيااء تحبينها مثلا زعفران او شي يعطيج نكهة بس بالنسبالي صار عادي
ولما شفت النتيجة مو صار عادي الا عجيب ​

الله ونااااااسة !!
ان شاء الله الحين بقول لريلي ييب لي اياه اذا بيمر العطار !! :eh_s(9)::eh_s(9):

مشكورة حبيبتي سويتية < أدلعج


كشخة توني رحت السوق شريت لي حق النادي شوية ملابس
شريت بنطلونين اللي يون موضة وساع و ضيق عند القدم مثل مال الهيب هوب يلبسونه ><
و بعد شريت تايت واحد و قميصين

و ان شاء الله بسجل بالنادي يوم الاحد و كل يوم آيروبيكس و تمارين بطن و تمدد كلها اهناك لمدة ساعة
و بسوي تبادل مع أكواآيروبيكس اللي في الماي :eh_s(9): بس هذي بس نص ساعة و بروح قبلها الجيم

و ان شاء الله بسوي نظام وهم و كويتية

كويتية ما قلتي جم نزلتي ؟

 

[camelia]

أنتظر ينزل اسمي و وزني بالجدول

و أنتظر اللي بتاخذ الوسام

 

[سارةة]

الوزن ٧٢.٩
الوزن الحالي ٧٠.٦
الحمدلله نزلت شي بسيط
الفال لكم واكمل هالدايت &#55357;&#56877;&#55357;&#56877;

 

[سارةة]

متي تنزل النتايج ..؟؟

 

[Aysha K]

مساء الورد

اليوم الخميس 6/9/2012
الريوق :
حبتين مانجوستين
خبزتين رقاق
جبنه سلايس خاليه الدسم

سناك :
كويكر بالشوكلت 3قطه
شاي أخضر

الغدا :
ترياكي بالخبز الاسمر والخضروات ولايت ماينيز من صب واي

سناك :
استكانه شاي بالحليب
حبه عين الجمل بالتوفي

العشاء :
وكان ع الساعه ست
4حبات محشي ورق عنب
ومحلى حبه وحده

وشربت 6 ونص اكواب ماي

والرياضه
مشي 45 دقيقه
صعود ونزول الدرج 10 دقايق

يومي الحمدالله ضمن السعرات

 

[Aysha K]

احيد كويتيه اتقول بهالوقت اتنزل النتايج
^^

 

[مـذهـلـه]

السلام عليكم

اليوم تفطرت ملاسين عيش أبيض ودياي بالفرن + لبن بس

لأني توني قاعده إذا كملت أقولكم

 

[camelia]

يومي كان عبارة عن

كاس حليب بالشوكولاتة "نسكويك"

أربع حبات برقوق

كاس حليب بالشوكولاتة "نسكويك"

خبزتين زعتر

عقب طلعنا و خذيت من الكافتيريا حلى العلب علبة وحدة مع كوفي ف "القلاص الابيض الفلّيني"

و العشا كان كاس عصير كوكتيل

 

[sweet alone]

بناات ما كتبت يوميااتي

الصبح مشيت نص سااعه وحرقت 200 سعره
مااا تريقت
والغدا مرق ربيان مع عيش حسيت اني كثرت
ةالعصر كيكة كاكوو
وبعدين سويت لي دلة القهوة

والعشا كان روب+ سلطة
واكلت كيوية


والحمدلله ​

 

[متنانه]

حبيبتي ام بدر :eh_s(17):

اذا تحبين ناديني " ام نونه " :eh_s(22):

بنات اليوم تفطرت على قلاصين ماي و2 مادري 3 تمرات

عقب بعد الفطور بساعه كليت صمونتين هوت دوق مع جبن خالي الدسم مع حليب

الاحظ نفسي مو قاعده اشرب ماي واجد

المهم اني الحمدالله ماشيه بالرجيم تمام والحمدالله احس وياكم صار عندي اراده مو طبيعيه

لدرجه اني اشوف الاكل اللي احبه جدامي ولا اهتز

:eh_s(7): وكله بفضل الله ثم كويتيه اللي بطلت الموضوع وانتوا اللي تشجعوني فديتكم :33_1185028183:

صج سويت بغيت اسالج قشر القهوه اسويه بمطاره ولا كوب وجم مره تشربين منه باليوم

 

[كويتيه سبيشل]

ثواني وان شاء الله تنزل االنتاائج

 

[ديور اديكت]

بناااااااااااااات خربتها
خربتها انا خربتها
علبونة اليوم المفتوح
ههههههه انفجعت يوم شفت العيش
رحت عزيمة عشاء وكلت كل شي
يومياتي
٦/٩
الفطور شرحتين توست وبيضة مفيوحة وشوي سلطة
الغداء سلطة مع شرحتين توست وجبن لايت
العشاء عيش وورق عنب وملفوف وماكرونيا ولحم اووووويلي شبقيت ايه نسيته ببسي صغير نونو هههههههه ارقع لعمري
اللحين قاعدة اشرب كاسين شاي اخضر بالزنجبيل بحرقهم
كارهة عمري
توبه خلاص توبه
الاحد دوامات وبمشي بالمدرسة لين اهلك عقاب لي

 

[كويتيه سبيشل]

النتايج نزلت والف مبرووووووووك لحبيبتي هيبة ملك

وحطي الوسااام والبونس بتوقيعج

 

[كويتيه سبيشل]

ديور

خلاص عااادي كملي ولا كأنه صااار شي
كملي لا تبدين من يديد


وبالعافيه

 

[ديور اديكت]

كويتية سبيشل
صبري تو وزنت نازل وزني ٧٠،٣ عدلية

 

[ديور اديكت]

مبرررروك هيبة ملك ماشاءالله اللهم زد وبارك ههههههه
حلو ٤ كيلو خسيتي مبروك فديتك

 

[<<الأميره>>]

الف مبروك هيبة ملك
ماشاءالله عليج

 

[miss_IU]

قبل شويا صحيت ..
أكلت زبدية كشري ...و طبعا كمية بسيطة
و الآن قاعدة ابرد بآيس كريم اولكر ..
وبعد ساعة بأشرب شاي اخضر

 

[كويتيه سبيشل]

اسفه حبيبتي ديور خلاص نزل ما اقدر اعدله

 

[fatma A]

مبروك هيبه ملك