○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

[نهى الأحمد]

○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

السلام عليكم ​

مشرفات القسم العزيزات على قلبي ​

ام عبووود​

الصابرة المحتسبة ​

أمهاتنا الغاليات اولياء امور الطلبة​

تحية وبعد،،​

​

بداية ​

هذا الموضوع هو اهداء مني لاختي الغاليه المشرفة ام عبوووود ​

من خلاله رح اكتب لكم تجربة سابقة لي في مجال التدريس على الرغم اني مو ابله ​

بس الايام تعلم الانسان وايد امور ويكتسب من خلالها خبرات كثيرة​

وللعلم وقبل لا اكمل كلامي ​

هذا الموضوع مو دعاية واعلان حقي ​

انما فقط لذكر تجربتي السابقة في تدريس عيال رفيجتي يمكن تفيدكم بشي وتفتح عيونكم على نقاط مهمة انتو غافلين عنها ​

ورفيجتي عندها اثنين ​

من بدايتي معاهم واحد كان بصف رابع والثاني بسادس​

واكيد ودكم تشوفون عيالكم باعلى المراتب ان شاءالله ​

من فترة طويلة دقت علي رفيجة عزيزه علي وطلبت مني اساعد ولدها اللي بصف رابع عنده امتحان انجليزي ومو عارف يدرس​

حتى كانت تجيه مدرسة وانحاشت منه لانه يننها هههههههههه​

التدريس يبيله طولة بال وصبر يا أمهاتنا العزيزات ​

وبسبب طولة بالي وصبري قدرت امسك عيال رفيجتي واساعدهم بالدراسة من لما كان واحد منهم بالصف الرابع لي واستمريت معاه لي الصف العاشر​

واخوه اللي كان بصف سادس واستمريت معاه لما وصل اول ثانوي​

والحين اسم الله عليهم الصغير الحين اخر سنة ثانوية واخوه الكبير سنة اولى جامعة​

حسبة عيالي والله وحبيتهم من كل قلبي واهم بعد ​

كنت اسمع لهم بكل شي يصير معاهم بالمدرسة​

وهذي ثاني نقطة مهمة في موضوعي ​

انج تسألين ولدج او بنتج شصار معاهم بالمدرسة
وسؤالج هذا رح يحسسهم انكم مهتمين فيهم غير موضوع الدراسة ​

المهم​

رحت عند رفيجتي علشان اشوف شنو سالفة ولدها العسر ههههههه ​

قعدت معاه وسولفت معاه شوي وضحكته وشوي بديت معاه بالدراسة
بكل راحة عرفت شنو طبيعة الامتحان اللي عنده من قرائتي للمادة بشكل سريع ​

بالنسبة لمادة الانجليزي طبعا الكل يعرف :​

ضرورة قراءة الدرس من خلال الطالب ويبيله متابعة من الاسرة ​

ثاني شي ​

قراءة المفردات وضروي نسخها اكثر من مرة حتى ترسخ بعقله ويحفظها ​

ثالث شي​

اذا المادة تضمنت قواعد اللغة الانجليزية Grammar لابد من قراءة القاعده عدل وتفهمونها لعيالكم مع ذكر مثال على كل قاعده على حسب المرحلة الدراسية ​

رابع شي ​

قراءة اسئلة الدرس وتعويد الطالب انه يحاول يدور الاجابة من القطعة الموجوده ​

وبقول لكم على طريقة شلون يقدر يحل السؤال المتعلق بالدرس :​

خليه يقرأ السؤال ومحاولة شرحه وان ماكنتي قادره تفهمين معنى السؤال
اذا عندج قاموس ترجمة استعيني فيه واشرحي اي معنى موجود بالسؤال ​

وان ما قدر يعرف جواب السؤال على الرغم اجابته موجوده بالفقرة
ادله على طريقة يعرف الاجابة :​

مثلا ،،، اقوله شوف الكلمات بالسؤال ،،ان لقيت مثلها بالفقرة اعرف انه الاجابة موجوده فيها​

هذا في حال كان من الصعب انه الطالب يطالع الاجابة ويفهم السؤال​

خامس شي ​

كتابة امتحان قصير كتجربة علشان تشوفين مدى استيعابه للمادة ​

ولاتنسون يا خواتي اهم شي اهم شي ​

ضروري الطالب يحفظ على الاقل من ورقة تصريف الافعال لو 3 كلمات ​

واقصد بتصريف الافعال ​

مثل اللي بالصورة ​

وتصريف الافعال رح يلحقهم لي اخر سنة بالثانوية ​

سادس شي ​

ضروري محاولته قراءة الفقرة والتدريب عليها ولو غلط واهو يقرأ خليه يعيد الكلمة اللي غلط بقرائتها مرة ثانيه ​

​

ولاتنسون ضرورة حفظ معاني الدرس اول باول ​

مو لما يجي وقت الامتحان وتتوهقون :eh_s(1):​

الدراسة يا خواتي لو كانت اول باول افضل لكم ولهم ​

لانه اغلب الطلاب ما يدرسون الا وقت الامتحان ​

لكن لو كان فيه متابعة من الاهل للطالب وسؤاله شنو خذيت اليوم خليني اشوف​

رح يخفف عليكم الكثير ​

انا تكلمت بالنسبة لمادة الانجليزي لانه ادري مو الكل قوي بهذي المادة ​

وانا بالفعل اتبعت هذي الطريقة مع عيال رفيجتي والحمدالله نجحت فيها وصرت اشوف العلامات الزينه اللي تفرح ​

والطالب لي شاف علامته بالامتحان علامة عاليه رح يساهم في رفع معنوياته في الدراسة ​

بالنسبة لباقي للمواد كنت اتبع نفس الطريقة:​

اول ما يجون من المدرسة كانوا يتغدون ويرتاحون شوي وتبتدي الدراسة ​

كل واحد يفتح جنتطه ويقولي شنو اخذ دروس سواء يديده او نفس الدرس ​

ضروري جدا يا خواتي مراجعة عيالكم بكل درس ياخذونه قبل تحضير الدرس اليديد ​

لانه رح يخفف عليكم حمل كبير وقت الامتحان ​

لانه لو ما راجع دروسه اول باول لما يجي يدرسه وقت الامتحان جنه ياخذه اول مرة ورح يلاقي صعوبة في فهم الدرس ​

هذي نقطة مهمة ركزوا عليها ​

وشغله ثانيه مهمة​

ياليت تختارون وقت مناسب لتدريس اليهال ​

لاتحسسونهم انكم وراكم مشوار وودكم تخلصون تدريسهم بسرعة​

لانه مارح يستوعب شي ويتم يفكر ويقول بينه وبين نفسه ( امي تطلع ،،وين بتروح ،،او امي رح يجيها ضيوف ،، ياترى منو)​

لاني اكتشفت هالشي من خلال تدريسي لولد رفيجتي اللي كان صف رابع اذكر مرة قلت له (يلا ياقلبي ادرس هذا الدرس لاني مستعجلة شوي بطلع) ويروح يقول لامه يمه نهى تطلع مشوار ولازم اخلص دراسة بسرعة ​

اكتشفت انه مثل هذا الكلام ممكن يأثر على تركيزه بالدراسة :rerrerek:​

وفعلا ماعدت اذكر ابد سالفة اي مشوار او امور ثانيه ممكن تشتت تفكيره وتركيزه​

كل كلامي معاهم كان بحدود الدراسة ​

بتكلم عن شغله مهمة جدا ​

ترا الطالب يا امهاتنا العزيزات يتعب ويمل اذا تم يدرس بشكل متواصل ​

ضروري يرتاح شوي ​

يعني مثلا​

ممكن تقدمين له كاكاو او عصير او شي خفيف ياكله ​

استراحة على الاقل من 10 دقايق لي ربع ساعة ​

والطالب اذا حس انه في احد مهتم فيه رح يتشجع ويدرس ويركز​

وترا في يهال يحبون يلعبون اكثر ما يدرسون
وهذا متعب حق بعض الامهات ​

لكن لو كان في طريقة تتعامل فيها الام مع ولدها انها تقوله ​

خلص دراستك بالاول وسوي اللي تبيه مع وعد من الام انها تعطيه هدية او تشتريله شي يحبه​

وهذا الكلام لازم يتعلمه من بداية دخوله المدرسة ​

والاهمال هني رح يكون له اثار سلبية في باقي المراحل الدراسية​

وضروري من الاهل متابعة عيالهم في كل شي ومعرفة النقاط السلبية عندهم ومحاولة علاجها باسرع وقت ​

لا تقولون ماعندنا وقت نجابلهم وتقطوهم على المدرسين الخصوصيين :rerrerek:​

انتو الاولى في متابعتهم ومعرفة شنو يحتاجون له ​

بالنسبة لعيال رفيجتي بدو اسم الله عليهم يكبرون ومع كل سنة دراسية يتغير تفكيرهم واسلوبهم ​

وانا كنت ماشيه معاهم على هوا تغيرهم من ناحية طريقة دراستهم واسلوبهم​

بتكلم الحين بالنسبة للواجبات المدرسية :​

الطالب ان تركنا له مجال يهمل واجب من واجباته رح يتعود ​

ضروري جدا متابعة الواجبات حتى يحس بالمسؤولية وانه عليه شي لازم يسويه ​

وحاولوا تسوون له نشاط لاي مادة من المواد بعمل وسيله او مجسم حتى ياخذ علامة نشاط ومشاركة
وقتها رح يستانس انه قدم شي مميز واخذ عليه علامة :rerrerek:​

اسلوب التحفيز والتشجيع وايد مهم يا امهاتنا العزيزات ​

مو شرط بتقديم الهدايا دايما ​

ممكن بالكلمة الحلوة ​

(عفيا عليك ،، ماشاءالله عليك تدرس عدل )​

​

واليوم رح اكتفي بالحديث عن تجربتي مع عيال رفيجتي ​

واذا ودكم اكمل معاكم قولولي يا خواتي ومستعده لاي سؤال منكم ​

عسى ربي يوفق عيالكم في دراستهم ​

بقلمي الخاص
أختكم​

نهى الأحمد​

 

[ابدا يالغالي مانساك]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

يالباااااااااكك نهوووي

تسلمين لنااا وكملي نااطرينككك

 

[نهى الأحمد]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

يالباااااااااكك نهوووي

تسلمين لنااا وكملي نااطرينككك

هلا والله ياقلبي بدبد

الله يسلمج حبيبتي

مشكووووووووره

ان شاءالله رح اكمل معاكم الحديث

 

[مطلقه وأفتخر]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

اولا الحمدالله على سلامتج يارب

وثانيا الموضوع قمه بالروعه ونصائح من ذهب
جزاج الله خير عنا جميعا وبميزان اعمالج يارب



استفدت حيل من هالنصايح وخصوصا سالفة خلص وراي شغل!
وماكنت اعطيه بريك كلش!


بس ياليت تقولين اشلون نتعامل مع الصغار طلبة اولى وثانيه لانهم للحين مو مستوعبين سالفة الدراسه عدل

 

[نهى الأحمد]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

اولا الحمدالله على سلامتج يارب

وثانيا الموضوع قمه بالروعه ونصائح من ذهب
جزاج الله خير عنا جميعا وبميزان اعمالج يارب



استفدت حيل من هالنصايح وخصوصا سالفة خلص وراي شغل!
وماكنت اعطيه بريك كلش!


بس ياليت تقولين اشلون نتعامل مع الصغار طلبة اولى وثانيه لانهم للحين مو مستوعبين سالفة الدراسه عدل

هلا حبيبتي

الله يسلمج يارب

مشكووره ياقلبي
وان شاءالله اكون عند حسن ظنكم وافيدكم بكل ما تحتاجونه



ان شاءالله رح اتكلم عن طريقة التعامل مع الصغار اللي بصف اول وثاني

وبقول لكم على طريقة سهلة جدا :eh_s(7):

 

[ابدا يالغالي مانساك]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡


اب
اب
لعيووونكك

 

[حديث الروح]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

نصائح قيمة جداً وطرق سليمة مثمرة أقولها عن خبرة بالتدريس وتجربة في مساعدة أولاد بنت أختي والأقرباء وجزاك الله كل الخير

التدريس في البيت يبي صبر وليونة وطولة بال ومهارة في توصيل المعلومات ومكافآت على التقدم وايضا حرمانه من شيء يحبه في الإخفاق

جزاج الله خيراً ولك جزيل الشكر ...

 

[أم عبووووود]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

هلا وغلا نهاوي

حبيبتي مشكووورة وماقصرتي عالاهداء

وتسلمين ياقلبي على هالموضوع الاكثر من رائع راح يفيدنا وااايد باذن الله

معلومات ونصائح قيمه ماشالله تبارك الله

في انتظارج يالغاليه لتكملة الموضوع القيم

 

[يحبنى الله *]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

طيب عليمنى شلون نحفظهم قرآن خاصة الحين يبون تلفونات واى بود واقصد الصغار

وشلون تاسيسهم من اولى ابتدائى

او من اولى روضة

يا ريت سؤالى يلاقى غجابة مع الدقة فى الشرح وجزاك الله خير وماااا قصرتى

 

[نهى الأحمد]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

اب
اب
لعيووونكك

رفع الله قدرج ياقلبي
تسلمين

نصائح قيمة جداً وطرق سليمة مثمرة أقولها عن خبرة بالتدريس وتجربة في مساعدة أولاد بنت أختي والأقرباء وجزاك الله كل الخير

التدريس في البيت يبي صبر وليونة وطولة بال ومهارة في توصيل المعلومات ومكافآت على التقدم وايضا حرمانه من شيء يحبه في الإخفاق

جزاج الله خيراً ولك جزيل الشكر ...

هلا والله بالغاليه روح

عدل كلامج ياقلبي
التدريس يبيله صبر وليونه ومهارة في توصيل المعلومه وتشجيع

نورتي الموضوع يا الغاليه

 

[نهى الأحمد]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

هلا وغلا نهاوي

حبيبتي مشكووورة وماقصرتي عالاهداء

وتسلمين ياقلبي على هالموضوع الاكثر من رائع راح يفيدنا وااايد باذن الله

معلومات ونصائح قيمه ماشالله تبارك الله

في انتظارج يالغاليه لتكملة الموضوع القيم

هلا وغلا فيج يا الغاليه ام عبووود

تستاهلون والله حبيباتي

العفو ياقلبي والله يسلمج حبيبتي

حاضر على امركم

والله اني اشعر مع كل ام تتعب علشان تشوف عيالها ناجحين

الله يعطيكم الصحة والعافيه

 

[نهى الأحمد]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

طيب عليمنى شلون نحفظهم قرآن خاصة الحين يبون تلفونات واى بود واقصد الصغار

وشلون تاسيسهم من اولى ابتدائى

او من اولى روضة

يا ريت سؤالى يلاقى غجابة مع الدقة فى الشرح وجزاك الله خير وماااا قصرتى

هلا اختي

شخبارج

الله يخلي لج عيالج ويوفقهم

حاضر ياقلبي

نطري اجابتي اليوم

 

[شادن33]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

ماشالله نهووووي في كل شي شاطره احسج هاديه عشان جذيه ينتبهون لج اليهال

انا ساعات اوترهم

اول ما يدخلون البيت ها عليكم بأجر امتحان اذا قالوا لاء ارتااااح واذا نعم أتوتر يلا يلا خلص غدا بسرعه خخخ

هالكلام لما كانو بالابتدائ بس الحين لا معطتهم وي اشويه هههه اخليهم يلعبون سوني عقب العصر نبتدي

بس الصغيره اراجع وياها الواجبات

بس صج انا بس اتلعوز معاهم بالانجليزي قطططططع اعرف القواعد بس الرايتنق صعب علي يوم يقولون لي ماما علينا امتحان رايتنق اعررررق خخخخ

ادور بالنت المواضيع والخصها واخليهم يحفظونها

الباقي شاطره في اغلب المواد

والعربي بعد صار صعب ممثل قبل والله

بس معاهم اول باول لأني انا بتعب بعدين

 

[شادن33]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

اقول نهوووي ما دامج شاطره بالانجلش عيل بدوخج خخخخ

 

[نهى الأحمد]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

هلا والله شدونه حبيبتي

نورتي الموضوع

بس لاتكثرين طلبات خخخخخخخ


ترا اتغشمر معاج

رح ارد عليج بس بالاول ارد على الخوات اللي قبلج

 

[مطلقه وأفتخر]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

موضوع قيم وتوقيته صح

احنا يا أولياء الامور اللي مستنفرين وحالتنا حاله ومتوترين وموترين عيالنا




نهى قبل كل شي شكرا مره ثانيه وجزاج الله خير على هالموضوع وياليت يثبت لانه مهم جدا جدا لكل ولي امر




وثاني شي ياليت تقولين اشلون نقسم لهم الوقت ومتى نبلش معاهم بالدراسه ومتى نساعدهم ومتى نخليهم يعتمدون على انفسهم

 

[نهى الأحمد]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

بس ياليت تقولين اشلون نتعامل مع الصغار طلبة اولى وثانيه لانهم للحين مو مستوعبين سالفة الدراسه عدل

أختي العزيزة

بالنسبة لسؤالج


الصغار اللي بالصفوف الاساسية اول ابتدائي وثاني ابتدائي يحتاجون اهتمام كبير فيهم

بما انهم توهم ينطلقون للدراسة وواجبات غير عن الروضة معظم يومهم كان لعب وتعلم احرف وكلمات بسيطة جدا ورسم ورحلات وغيره

ولما يجي الطالب يدش صف اول يكون متعود على شي اسمه لعب وفرفشه ورسم وكلمات بسيطة
علشان جذي يلاقي صعوبة شوي في البداية

انه الطالب يحب الدراسة سواء كان صف اول او ثاني يعتمد على امرين :

المعلمة : طريقة تدريس وتاسيس صحيحة منها للطالب

الأم : متابعة الأم لولدها او بنتها في كل شي

لما يرد من المدرسة تستقبله بابتسامة حلوة ( ها يمه شلون المدرسة ،، شسويت اليوم )

شوفي جنطته والقي نظرة على كل شي خذوه

لما يشوفج مهتمه فيه هني رح يكون بداية حبه للدراسة

لاتستخدمون اسلوب الضغط عليهم في هذي المراحل من الدراسة اول وثاني ابتدائي

لاني قلت لكم مو متعودين على حل واجبات ودروس وغيره

يحبون اللعب اكثر


لما يرد من المدرسة خليه يسوي اللي يبيه ويرتاح شوي ويلعب

وعقبها يبتدي الجد

عنده واجب قعديه يمج مع كلمة حلوة واسلوب حلو منج حتى يحل الواجب مع كلمات تشجيعيه بعد منج

وحوافز مثل :

قوليله اذا تصير شاطر وتحل واجباتك وتدرس
رح اشتري لك مثل هذا الدفتر مثلا

او اشتري له شي يحبه



وصدقوني طولة البال مع اليهال ولو كان الطفل عسر شوي ماعليه تحملوا يا خواتي

لانه رح يثمر معاكم ويجيب نتيجة ايجابية

 

[نهى الأحمد]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

طيب عليمنى شلون نحفظهم قرآن خاصة الحين يبون تلفونات واى بود واقصد الصغار

وشلون تاسيسهم من اولى ابتدائى

او من اولى روضة

يا ريت سؤالى يلاقى غجابة مع الدقة فى الشرح وجزاك الله خير وماااا قصرتى

هلا اختي

صرنا في زمن التكنولوجيا والتطور ونادرا ما نلاقي طفل ما يحمل تلفون او يمتلك ايبود او ايباد
يطقطقون طول اليوم على مثل هذي الاجهزة ويلعبون ويضيع وقتهم ويومهم

بس لو كل ام خصصت لعيالها الصغار وقت معين للعب بمثل هذي الاجهزة يكون افضل
وتخشه عنهم ليما يخلصون دراستهم ويحفظون عدل

اهم شي لا تستخدمون اسلوب الشدة وياهم لانهم رح يعاندون ومايدرسون


بالنسبة لمسألة تحفيظ القرآن هذا يعتمد عليج وعلى المعلمة اللي في المدرسة

ويختلف الاسلوب من شخص لي الثاني


لكن بامكانج تتبعين هذا الاسلوب :

لنفرض خذو سورة الاخلاص

امسكي اول آية ( قل هو الله احد )

اقريها جدامه واهم شي انه يكون مركّز شنو تقولين وخليه يعيد من وراج

وبعدين انتقلي للآية الثانية ( الله الصمد ) واتبعي نفس الطريقة لباقي الآيات

وطول ما انتي قاعده لما تشوفينه قوليله يلا عفيا عليك حبيبتي خلينا نقرأ سورة الاخلاص مع بعض

مرة على مرة رح تلاقينه حفظها وهذا يعتمد على مدى تركيزه


وبالنسبة لسؤالج عن طريقة تدريس الصف الاول والروضة

شوفي ردي اللي قبل هذا الرد

 

[نهى الأحمد]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

ماشالله نهووووي في كل شي شاطره احسج هاديه عشان جذيه ينتبهون لج اليهال

انا ساعات اوترهم

اول ما يدخلون البيت ها عليكم بأجر امتحان اذا قالوا لاء ارتااااح واذا نعم أتوتر يلا يلا خلص غدا بسرعه خخخ

هالكلام لما كانو بالابتدائ بس الحين لا معطتهم وي اشويه هههه اخليهم يلعبون سوني عقب العصر نبتدي

بس الصغيره اراجع وياها الواجبات

بس صج انا بس اتلعوز معاهم بالانجليزي قطططططع اعرف القواعد بس الرايتنق صعب علي يوم يقولون لي ماما علينا امتحان رايتنق اعررررق خخخخ

ادور بالنت المواضيع والخصها واخليهم يحفظونها

الباقي شاطره في اغلب المواد

والعربي بعد صار صعب ممثل قبل والله

بس معاهم اول باول لأني انا بتعب بعدين

هلا حبيبتي شدوووونه

نورتي الموضوع ياقلبي

اي انا الحمدالله هاديه وهالشي مساعدني في بعض الامور

حلو انه الانسان يتحكم في نفسه من ناحية هدوء الاعصاب عنده ويبعد عن العصبية والنرفزة لانه يشتت اللي قاعد جدامج


وهالكلام ينطبق مع اليهال


حبيبتي شدونه

بعدي عن التوتر لانه اليهال ممكن يتوهقون وما يركزون بدراستهم

ان قالولج عندهم امتحان

بيني لهم انه الامر طبيعي حتى يحسون بالراحة

وان حسوا بالراحة رح يدرسون عدل

طبعا مع متابعتج لهم

مو بالطق :rerrerek: هههههههههه

بالكلمة الحلوة ياقلبي

وبالنسبة لامتحان writing

سالفته بسيطة ياقلبي

والنت ماخلى احد محتاج شي

اهم شي خليهم يتعودون على القراءة خاصة مادة الانجليزي والعربي

اقول نهوووي ما دامج شاطره بالانجلش عيل بدوخج خخخخ

حاضرين للطيبين ياقلبي

ماطلبتي شي


I am ready in any time

:eh_s(15):

 

[هونها يارب]

رد: ○☼彡تجربتي الناجحه في تدريس عيال رفيجتي،،تجربة مثمرة الحمدالله○☼彡

مشكوره حبيبتى والله يعطيج العافيه استفت من كلامج ويريت تكلملين وبسال اذا ولدي مو مهم عندا يحفظ مايبى ويروح المدرسه مومهم يحل والا لا عندا عادي يعاند وايد