التربيه الاساسيه بيئه غير صالحه للمعيشه!!

[شقرديه كويتيه]

اووك بنااات كلامكم بالمنتدى عمررره ماراح يغير شي نبي فعل يس ششنو مدري << اوجه المايك لكم

 

[miss.dolly]

هذااا كل من البناااااات صراحة حدايق وضخة من البنات ياكلون ويقطون تحتهم الخدم صراحة شلون يلحقون علي جم الف من الطالبات الاستراحة وصخة من طالبات انا اشوفهم بعيني
لا تقطون اللوم علي الهيئة الكلية وصخة من بنات يعني منو الي قاعد يكتب علي طوف والادراج اليني لااا البنات منو من صباح الله خير يروحون الحمام ويلطخون ويهم مكياج ولالا تغسل وراها اللوية كلا من بنات صراحة وايد وضخيين الهيئة مالم شغل

 

[غدووور الكويت]

المسجد والمغاسل الللي حق الوضوء ضييييييييييم
حتى صلاة ما نقدر انصلي قاعدين البنات ويسولفون
الاستراحه اتلوع الجبد
الكفتيريا اتييب اليهد والبنات حتى ما يعرفون شي اسمه بالدور وطابور اشلون بيربون ويخرجون اجيال ؟؟!!
احس الطالبات يبيلهم برامج ودورات عن النظافه واحترام الدور والمحافظه على املاك البلد
اتحاد الطلبه لازم يكون لهم دور اكبر وخصوصا بخصوص الحمامات والمسجد والاستراحه

 

[نــدوشــ]

تقول بنت من المستقله هالسنه راح يفتحون الي بالعارضيه

 

[حنطاويه عسل]

جاان زين يفتحونها

بس ماتوووقع

 

[مريومه النزغه]

بنات الخبر الاكيد المبنى جاهز وخالص بس السالفه بين التجار والشركه اللي يشترون منها اثاث الكليه مو راضين ينزلون السعر

 

[Memi]

بنات انا يصيرلي دكتور بالتطبيقي وسألته عن المبني للتربية اساسية بنات اليديد يقول اصلا خالص بس التطبيقي توهقو فيه لانه القاعات صغيييره وماتشيل كل الطلبالبات وقالوا بيخلوون المبنيين للبنات وقاعات مني ومناك بعدين توهقو بسالفة الشباب وين يحطونهم يعني المبني فااااضي ومايدرون شيسوون، سالفة التأثيث عذر بس الله اعلم يمكن يبطلونه السنه اليايه او عاد شوفو شيسوون من اهني لي ٣ سنين جدام لول

انا اكررررره الشاميه ويع ويع المبني قديم والله المدارس مبانيهم ارحم! المكتبة اللي عندنا صغيرة والكتب مو مرتبه قاطينا قط عالرف والكمبيوتر قديم حتي المدارس ماعندهم كمبيوترات جذي وماكو اشراف ولا شي عكس مكتبة الجامعه لو شنو مايخلونج تسولفين او تاكلين يطردونج.

الكفتيريا انا بتكلم عن الجامعه انا رحت كفتيريا الاداب والتربية والهندسة كللللهم مطاعم معروفين وستاربكس واللي ماعندهم ستاربكس عندهم كوفي ريبابلك وغير المطعم اللي عصاير فرش ودونكن دونتس يعني كشششششخه وترا اصلا ماكانو جذي الكافتيريا اللي عندهم كله من الطلبه اهما وصلو هالموضوع للقوائم واهما اللي عدلو وسوو كل هذا! احنا الاتحاد شسوو لنا؟ حتي موقع تسجيل نفس الاوادم ماعندنا

دورة المياه؟ ويييع وييييع مرض وريحه ومابي اتكلم لوووعه؟ ماكو خدامه مسؤوله عن الحمام ونظافته ولو اخترب شي او مفتاح او شي تكلم الادارة يعني ماكو اهتمام بالمره، انا رحت دورة مياه كلية الهندسه تقولين داخله دورة مياه الافنيو من النظافه والاهتمام وحتي شكله كشخه وخدامه تهتم بالصابون والكلنكس واحنا حدث ولا حرج

كراسي واماكن نقعد بالكفتيريا او استراحه ماكو، القااااار والله معاناة حتي الشارع القار اللي فيه ارتب.
البنات طبعا مو كلهم بس البعض مايهتم بالنظافة، عن نفسي انا من دخلت الكليه مافكرت اوصخ او حتي اطلب من الكفتيريا لانه ادري ماكو اهتمام، اليوم دخلت قاعه عندي محاضره اضطريت انظف الكرسي من الاوراق والوصخ اللي قاطينه البنات عشان اقعد تخيلي قاعه كله اوراق مشققه ووصخ يعني بنات مايعرفون شي عن النظافه شلون بيصيرون معلمات؟
انا يمكن تكلمت وااايد وتحلطمت عن الكليه بس ٣ كلمات توصف المبني باختصار : مبني آيل للسقوط.​

 

[عسل سل]

الي تقوول التجاري المبنا مالهم احلى <<اذا عاجبج مبناهم رووحي لهم وخلي البكلريوووس لاهله ..

صح المبنى مش ولابد بس مو بالوصف الي توصفوونه !! شدعوووه !! في كلام مبالغ فيه حييل
ما اقوول ان المبااني وااو بس زينه !!
والملحق احلى وارقا من الرئيسي اتوقع كلكم من زوار الرئيسي

 

[دمبوووشه]

الي تقوول التجاري المبنا مالهم احلى <<اذا عاجبج مبناهم رووحي لهم وخلي البكلريوووس لاهله ..

صح المبنى مش ولابد بس مو بالوصف الي توصفوونه !! شدعوووه !! في كلام مبالغ فيه حييل
ما اقوول ان المبااني وااو بس زينه !!
والملحق احلى وارقا من الرئيسي اتوقع كلكم من زوار الرئيسي

حبيبتي ردج دليل انج ماشفتي ولا جامعه غير التربيه الاساسيه
وبعدين احنا نتكلم من كثر التعب لاكراسي بالممرات اشكالنا صارت بشعه حيل وجنا هيلقيات مو جنا بنات الكويت المرتبات والكشخه
وربي كليتنا تفشل..وومايغثني ويبط جبدي غير الدكاتره لي علقو باستهزاء ع منظر الطالبات بالممرات والدرج والله حرام من الصبح والبنيه هلكاااانه من المشي وقلة الاماكن السنعه ..حتى كراسي مااكو بالممرات يعني وين نقعد مثلا ترى احنا بنات مانتحمل التعب ..بس مالومهم الصراحه هالدكاتره قاعدين بهالبراد وعالكراسي والبنات لهم الله مساكين يعني مو مسنعين كليتنا ويعيبون ع منظرنا

ماحب هالشعوور هذا

ويييع ويييع شالحيااه

واهم من هذا كله وسااخة هالبنات وربي تقول الوحده جايه من الشارع ماتعرف النظافه ماكو تربيه الله يهديهم

 

[nono18]

^
^^
نفس كلام دمبوووشه
​

 

[عسل سل]

امبلا رحت وشفت جاامعات وتأكدت ان ما في شي كاامل وبعدين بالنهايه هذي جاامعه وهذا تطبيقي !

 

[بـآربيـآ]

اامبيه لهدرجه اناا بالجامعه وبحول عندكم الكورس الثاني بس صدمتوني معقوله كل هذا !

 

[حنطاويه عسل]

انا مع دمبوشه

مافي مكان نقعد فيييه لا استراحه ولا كفتيريا كله زحمه ولا كراسي والمكتبه لي الساعه 1 ويطردوناااا

بصراحه انا وحده حييييييييل انصدمت من المبنى كنت متوقعه انه يلوع الجبد بس مو لهدرررجه وغير العلوج الي ملزقينها

البنات تحت الطاولات قطيييييييييييعه ارررررف شالبيئه الي عايشين فيهااا صجججججججج فررررق عن الجااامعه انا وحده

لو ماكنت حاابه التدريس جان ماقعدت فييييها ورحت دخلت جامعه خاصه ويليت المستقله يتحركون ويسوون شي يسنعون الكليه ولا

ينقلوونا المبنى اليديد بس حديييييييييي مستغربه من البنات الي يقولون لا مانبي ننتقل الشاميه احلى علىىىىىى شنو احلى بالضبط شي يحيررر

 

[Ritaoi]

امبلا رحت وشفت جاامعات وتأكدت ان ما في شي كاامل وبعدين بالنهايه هذي جاامعه وهذا تطبيقي !

والله ثم والله ان مبنى مدرستي الثانويه ارقى من هذا
و شنو معناته هذي جامعه و هذا تطبيقي ؟؟ نفس الدرجه العلميه ماكو شي يفرق
وليش مثلاً التطبيقي جايين من الشوارع؟
-
المفروض مستوانا اصلاً احسن من الجامعه لان بنربي اجيال
ان شاء الله المستقله يودونا العارضيه والله الوضع لايحتمل غير الباصات اللي ماتجي ملحق 2 الا بالحسره
تخيلوا يومين راده الرئيسي من ملحق 2 مشييييييي و الساعه 5 بعد !!!!!!!!!!!
محاضرات تطوف و نكلم بوطاهر و عمك اصمخ!!
ماكو كراسي نقعد فيها و تنتقدون البنات اللي يقعدون ع الارض ؟؟؟؟؟ وين يقعدون وين يريحون ؟؟؟؟
و صراحه سكند كب شغله مو شي اضطر مرات اشتري منه كرمكم الله رجعت من اكلهم !! لان الكفتيريا يا ماعندهم خرده ولا عندهم كي نت

-
مراقبه الرئيسي مانشوفها كلش و اذا فلحت قامت تناحي البنات اللي يشحنون فوناتهم تقول ممنوع ممنوع هذي املاك الدوله ؟؟ نعععععععععم!!!!!!!!!!!!!!!!!!!!

و غير هالالات اللي بالممرات اللي تاكل خردتنا و ماتطلع شي!!!! و اهم شوي اساساً!!!!!
صج صج مبين ان محد يشتغل بهالكليه! والا ماكان حالها جذي! ولاتحطون اللوم بس ع البنات
و لو في شغل جان ع الاقل سوو حملات توعويه عن النظافه بس للاسف !

 

[Ritaoi]

اللي حار قلبي وودي ابجي

مبنى 2 !!! :eh_s(2)::eh_s(2)::eh_s(2)::eh_s(2)::eh_s(2):

احنا حاسوب يعني نشتغل بالتكنلوجيا حاطينا بروضه ؟؟؟؟؟؟؟؟؟؟؟؟؟؟؟؟؟
القاعات فيه مادري شقول صراحه !!!! ضييييجه و دايما مقفوله حتى لو بدت المحاضره تتم مقفوله لين يجي الدكتور !! و الاقتصاد و المكتبات بانيلهم مباني سنننعه احنا حذفونا بروضه !!!!!

والله ظلم!! :eh_s(2)::eh_s(2)::eh_s(2)::eh_s(2):

استخسروا يبنون لنا مبنى يرتقي لمتطلباتنا ؟؟ :eh_s(2):
اول ماجيت عشان مقابلتي اخترعت عبالي الباص غلطان بالمكان او شي!! عبالي بيت مهجور شي والله حتى بالشكل مايبين انه "كليه" حتى لما صورته لرفيجاتي بالجامعه ماصدقو قالو احلفي هذا تدشينه ؟ متاكده مافي زومبي داخل ؟؟ :eh_s(2):

هذي صور له للي ماشافه :eh_s(2):

بس صراحه بنات الحاسوب مافي ارقى منهم على ان المبنى صج صج يلوع الجبد الا ان كل شي نظييييييف و الطاولات نظييييفه

 

[Nanoosa]

اااااااخ سكتي لايعه جبدي من هالكلية اكرهها

مع ان المواد ماكو اسهل منها و تونس بس كارهه المبنى و كارهه البنات اللي فيها

الصراحة قليلات ادب يعني وين ما اروح الاقي علوج ملزقة الاقي قواطي عصير قراطيس صج صج يايين من بيئة وصخة

اصلا ساعات ودي اسحب اوراقي و اروح اي كلية ثانية من سبة البنات و المبنى مع ان التخصص حابته


الله كريم

 

[e.ngland]

أنا مو معاكم
أنا بلجامعه بس العلوج اللي تحت الطاولات شنو هذا بنات قذاره بمعنى الكلمة حشاكم وبعدين حبيبتي شكلج غلط وانتي اتعلجين جنج صخله جدام الرايح والراد والله عيب تعلجي ابيتكم يعني انتي إذا رحتي السوق بتعلجين خنأقولج شغله ي ام علج احنا البدو ومادري عن الحضر إذا شفنا وحدة اتعلج برا نعتبرها ماتستحي. تخافين من ريحة الحلج فرشي سنونج الصبح وتريقي ومراح يصير في ريحة وبنات اعذروني انهديت لان الطاولات تجيب العله والاشكال مغززه وين راحت الانثى الخجوله انقرضوا الظاهر