** حــالتي تكســـــر الخاطر في الدوام **

[برستيجي مآركة]

عزيزتي عادي مايستحمل تروحين طبيب نفسي عشان الخجل انتي كل خجلج من الرجاجيل وهذا عادي مااشوفه عيب
واذا البنات كذا ش حادج عليهم خلج بروحج اريح لج واذا مافيه شغل وايد اطلبي من المسؤوول او اشغلي نفسج بأوقات فراغج في العمل بأمور ثانية
واذا على صديقتج اشهد انه بعدها خيره زين منج تحملتيها وصبرتي كل هالفتره اكره ماعلى الانسان يصادق حسود وغيور منه

 

[الاستاذة نونو]

البنات الللي في الاول ردوا علي بأني سلبية بسبب عدم مقدرتي على مخالطة الريايل انا وافقتهم الراي لان خجلي حرمني من وايد اشياء وفرص وهمشني انا اقدم بنت معاها شهادة عالية بالادارة واللي ياو عقبي ترقوا وصاروا رئيسات قسم واانا محلك سر رغم ان شغلي يبين في الورق لكن ماعرف اسوي استعراض واني اشتغلت وسويت وفكرت

حتى لما اقترح مشاريع للاسف ماكانوا ياخذونها مني ولما يجي واحد يسرق فكرتي ويقدمها ياخذونها ويطبقونها

البنات اللي قالوا اني ايجابية والحياء هو المطلوب في الانثى اقولهم صح لكن مب في العمل ! في العمل مايبون وحده نفس شخصيتي الطيوبة اللي مالها صوت بس تكرف وهي ساكته لدرجة اسوي شغل غيري مر ات وما اعترض لو وحده غيري اعترضت
واللي لسانها طويل وتمازح هذا وذاك ترقت وصارت رئيسه قسم وهي شهادتها ضعيفه وخبرتها اقل مني!! شفتوا الفرق الحين !!!

القهر لما اكلم مسؤلي ماحس قلبه علي او يدور مصلحتي بس يقول ياحرام انتي محكورة لا عندج مكتب عدل ولا تقدير لكفائتج!! لانه كل ماطلبت بحقي طنشوا الموضوع لان مسؤلي مايراكض لي واذا انا بنفسي راكضت لعمري مايعطوني ويه لاني رسميه وكلامي رسمي وعلاقتي سطحيه وايد ماعندي غير الشغل وبس

 

[انت مناي]

اااااااااااااااااب

 

[بكيزة هانم]

اب اب

 

[الاستاذة نونو]

احبااااااااااااااااااااااااااااااااااااااااط

 

[نور التفاؤل]

اب اب

 

[المكسيكيه]

الله بالعون

 

[جوهانة]

شوفي ياعسل اول خطوه حاولي تغيرين نفسك اول شي يعني ابدي سلمي ع الي يمر من عندك مو قصدي الرجال بالعكس جزاك الله خير ع حرصك ع دينك وانك ماتحبي الاختلاط بس خليكي مع العالم وانتي ماره ردي السلام والا مري ع صديقتك بمكتبها وعزميها والا باحد الايام وزعي تشكلت ع الى معاك بالدوام واذا سالوك عن السبب تحججي لهم باي شي , يقلون الجنه من غير ناس ماتنداس فما بالك بالدنيا
ثاني شي بالنسبه لشغل دقي ع مسولك وقولي لك صباح الخير ابو فلاان مافيه شغل اليوم لاني بصراحه اتمنى تكلفني بشغل كثير لاني احب هالشي
وجيبي معاك جهازك اللاب توب واذا فضيتي تصفحي النت بس لاتنسين هالمنتدى العسول , وسلامتك
اتمنى اكون افتك
ايه صح نسيت اقول شي .
خوذي الامور ببساطه لانك اذا بسطيها راح تمشي امورك

 

[جوهانة]

البنات الللي في الاول ردوا علي بأني سلبية بسبب عدم مقدرتي على مخالطة الريايل انا وافقتهم الراي لان خجلي حرمني من وايد اشياء وفرص وهمشني انا اقدم بنت معاها شهادة عالية بالادارة واللي ياو عقبي ترقوا وصاروا رئيسات قسم واانا محلك سر رغم ان شغلي يبين في الورق لكن ماعرف اسوي استعراض واني اشتغلت وسويت وفكرت

حتى لما اقترح مشاريع للاسف ماكانوا ياخذونها مني ولما يجي واحد يسرق فكرتي ويقدمها ياخذونها ويطبقونها

البنات اللي قالوا اني ايجابية والحياء هو المطلوب في الانثى اقولهم صح لكن مب في العمل ! في العمل مايبون وحده نفس شخصيتي الطيوبة اللي مالها صوت بس تكرف وهي ساكته لدرجة اسوي شغل غيري مر ات وما اعترض لو وحده غيري اعترضت
واللي لسانها طويل وتمازح هذا وذاك ترقت وصارت رئيسه قسم وهي شهادتها ضعيفه وخبرتها اقل مني!! شفتوا الفرق الحين !!!

القهر لما اكلم مسؤلي ماحس قلبه علي او يدور مصلحتي بس يقول ياحرام انتي محكورة لا عندج مكتب عدل ولا تقدير لكفائتج!! لانه كل ماطلبت بحقي طنشوا الموضوع لان مسؤلي مايراكض لي واذا انا بنفسي راكضت لعمري مايعطوني ويه لاني رسميه وكلامي رسمي وعلاقتي سطحيه وايد ماعندي غير الشغل وبس

حبيبتي ماعليك منهم حلوه ذي يعني علشان يعطونك حقوقك لازم تقطين الميانه وتضحكين معاهم خير وش يحسون فيه , اذا تبين الصدق هم يدورون مصلحتهم يبون بنيه تضحك لهم وتسولف معاهم بس علشان يرفهون عن انفسهم لانهم لو صدق يهمهم الشغل كان شافو مجهودك وشغلك مو سوالفك معاهم
ماعليك منهم انتي ردي السلام عليهم وبس بعدين انتي صح لما ترفضين الاختلاط واحنا بزمن انتي عارفه نضرت الرجال للحريم خليك مثل ماانتي بالنسبه لرسميتك بالتعامل معاهم والدنيا مو واقفه عليهم
خوذي دورات وخليك واثقه من حالك وانتي تحكي معاهم لاتحسسيهم انك ضعيفه

 

[دعابة الشـتاء]

حبيبتي كسرت خاطري المشكلة مو فيج المشكلة في

المكان اللي انتي فيه نصيحتي انج تنتقلين مكان ثاني

يناسبج تلقين فيه نفسج ومكانتج وكفائتج و راحتج اذا

ما قدرتي الحين اشغلي نفسج لين ربي يفرجها عليج

اخذي اجازة واخذي دورات او دوري أي شي يشغلج

في الدوام كوني علاقات خارج الدوام عشان ماتحسين

بجو الدوام اذا ما لقيت جوج في دوامج دوريه برى

دوامج واذا ما عندج مشكلة تتركين الشغل اتركيه الحياة

مو لازم كلها عمل في اشياء واجد بالحياة تشغلنا غير

العمل انتي ادعي ربج وربي يسهل عليج دربج ويفتح ابوابه لج ...

 

[كويتية222]

لا تحاولين تبحثين عن صديقة في دوامج هذيلا يسموون زميلات عمل فقط ​

 

[الجذابـة2022]

حبيبتـــــي ...

انت انسانة سلبيــة ,,, وبعدين احسن لج اتمين في مكتب لحالج ...احسن لج من مخلاط البنات لان سوالف البنات ماتخلص حتى

لو مافيج شي يطلعون لعيوب فيـج انتي وعاد ذيكي الساعة تصرفي ....

وبعدين لاتقعدين في المكتب قومي طلعي روحي شوفي وش اللي يصير والتغيرات اللي تصير كلما رحتي وشفتي وسالتي

بالعكس اتشجعن وتحمسين اكثر ,,,

انا عن نفسي في حالي فالدوام مااحتك في احد بس اروح اسال اروح حق مدير اسولف معاه اشوف الاشياء اذلا في شي ولا لا

برغم في بنات مااعارفهم مالي علاقةو فيهم بس يجوني يسلمون علي اروح اسلم عليهم يقعدون عندي بس مااعطيهم يتجاوزن

فوق لحدود اكون معاهم سطحيـة ماتخلين الشخص يتجاوز حددوة,,,

قومي طوري من نفسج اذا ماتقدرين تطلعين وتحتكين بالموظفين على الاقل تواصلي مع مديرج دقي له من مكتب سلمي عليه

عاى شان يعرف انج موجودة قولي له اقدر اساعدك في شي .. تكلمي حركي نفسج ,,, غيري الروتين اللي انتي فيه

دخلي نفسج بين الناس لا تمين جي لان راح تكرهين نفسج ...فحركي نفسج دخلي نفسج لا تخلين احد يكون احسن منج

طوري من نفسج .. وانا اشوف تختلطين بالرجال احسن من الحريم بس تكونين محدودة بينج وبينهم سلام وحدود الشغل

ولما تخالطين الناس بشغل راح تبرزين نفسج وطلعين نفسج اكثر ....

​

 

[Ǻl.Ĝ₥ąl L3Ъẗў]

على فكرة قسمنا بس بنتين انا وهي ومسؤل فوقنا ماكو حد معانا
وفكرة اني انقل عندها مو حابة هالفكرة لان المكان مثل ماقلت كله ريايل مب حلوة في حق سمعتي اقعد وسطهم واني اتم بمكاني قهرررررررررر لاني صرت مهمشة ومتحطمه ودايما اتفشل لما حد من المراجعين يسأل عن شي واكون انا اخر من يعلم لان التواصل صار بينا مقطوع ماعرف شنو يسوون ولا حد يقول لي عن المستجدات

شنو اقتراحاتكم لاني والله مليت من حياتي وكرهت كل شي وكل يوم اصحى الصبح ودي ار جع انام واغيب عن الدوام وحاولت ادور شغل ثاني مالقيت حاولت انقل ادارة ثانيه كلها بنات رغم اني ماحب شخصياتهم شوي فالتات ومطيحين الميانه مع الموظفين وانا اكره اتعامل مع هالنوعيه من البنات الفالته بس شاسوي اقول لعل وعسى اتعرف على وحده وتصير لي صديقة

عزيزتي الكلام الي قلتيه فوق مايجوز ، البنات الي يسولفون مع زملائهم بحدود العمل والشغل وبحدود الزماله مانسميهم فالتات مايصير هالكلام,,
احنا ديرتنا اغلب اداراتنا مختلطه بين بنات وشباب وين بتلقين مكان ماكو شباب او اتصال مباشر مع زميل عمل ..!
مو كل وحده سلمت على زميلها او سولفت معاه فالته وخفيفه !
بالعكس انا افضل اتعامل مع رجل بالدوام ولا اني اتعامل مع بنت لان الرياييل نعرف حدودنا معاهم وشنو يبون من البنت فنحط حد للتعامل
لكن البنات البعض منهم اللهم ياكافي غيره وحسد ونقل حجي وسوالف ومن تحت الحزام تضرب فيج ..
عن تجربه التعامل مع الرجل في العمل افضل بمليوووون مره من البنت واريح من الدوخه والقيل والقال والغيره ..

بالنسبه لموضوعج حاولي تلهين نفسج بقراءه او دشي هالبرامج او قروبات مع رفيجاتج بالتلفون تضيعين الوقت ، وكلمي مسؤولج يعطيج شغل عادي بالعكس بيستانس ولهي عمرج فيه

او نقلي مكان ثاني او وزاره ثانيه ..

 

[الاستاذة نونو]

عزيزتي الكلام الي قلتيه فوق مايجوز ، البنات الي يسولفون مع زملائهم بحدود العمل والشغل وبحدود الزماله مانسميهم فالتات مايصير هالكلام,,
احنا ديرتنا اغلب اداراتنا مختلطه بين بنات وشباب وين بتلقين مكان ماكو شباب او اتصال مباشر مع زميل عمل ..!
مو كل وحده سلمت على زميلها او سولفت معاه فالته وخفيفه !
بالعكس انا افضل اتعامل مع رجل بالدوام ولا اني اتعامل مع بنت لان الرياييل نعرف حدودنا معاهم وشنو يبون من البنت فنحط حد للتعامل
لكن البنات البعض منهم اللهم ياكافي غيره وحسد ونقل حجي وسوالف ومن تحت الحزام تضرب فيج ..
عن تجربه التعامل مع الرجل في العمل افضل بمليوووون مره من البنت واريح من الدوخه والقيل والقال والغيره ..

بالنسبه لموضوعج حاولي تلهين نفسج بقراءه او دشي هالبرامج او قروبات مع رفيجاتج بالتلفون تضيعين الوقت ، وكلمي مسؤولج يعطيج شغل عادي بالعكس بيستانس ولهي عمرج فيه

او نقلي مكان ثاني او وزاره ثانيه ..

حبيبتي السوالف مع الموظفين في حدود العمل مطلوب ولا زم عشان ينجز العمل

انا ماقصد جذي

اقصد فيه نوعيه بنات وايد سوالفها تتعدى للحدود الشخصية تتكلم عن نفسها وحياتها ومشاكلها مع زوجها مع الموظف تمشي جنبه في المرات وضحكاتها عاليه تقوم تشوته بريولها وتسوي نفسها تمزح وهذا كله شفته قدام عيني مب كلام سمعته
قدام عيني يسوون حركات قليلة ادب وانا طالعه من الدوام تسوي روحها تعبت من الشنطه تقول لزميلها اللي يمشي معاها من اول الممر لنهايته حمود شوي امسك عني الشنطه !! وهو مثل الاهبل يشيل شنطتها !!!
حركات ثانية مثلا تقوله وااااو حلوة ريحة عطرك اليوم شنو اسم هالعطر !!
حركات مثل موظف يقول للموظفة اليوم فيج شي متغير ويهج متغير او عبايتج كشخه

وترا هالمكان يعتبر من انظف الاماكن يعني هالحركات على خفيف في اماكن اعبر واعبر

لا تقنعيني ان باماكن العمل المختلطة كل السوالف بين الموظفات والموظفين رسميه جدااااااا ...... طبيعي تصير تجاوزات وطبيعي تجي وحده تنشر كل بياناتها ويومياتها الشخصية للموظفين بحكم انه اخو او زميل عمل

انا ماحب هالشي ولاني رسمية ماسولف مع حد عن اموري الشخصية صار الكل واقف بعيد عني لما احتاج مساعدة مثل ترقية او شغل ااضافي او دورات محد يراكض لي حتى مسؤلي رغم ان له علاقات ويقدر يخلص لي اي شي ابيه بتلفون

 

[الاستاذة نونو]

حبيبتـــــي ...​

انت انسانة سلبيــة ,,, وبعدين احسن لج اتمين في مكتب لحالج ...احسن لج من مخلاط البنات لان سوالف البنات ماتخلص حتى ​

لو مافيج شي يطلعون لعيوب فيـج انتي وعاد ذيكي الساعة تصرفي ....​

وبعدين لاتقعدين في المكتب قومي طلعي روحي شوفي وش اللي يصير والتغيرات اللي تصير كلما رحتي وشفتي وسالتي ​

بالعكس اتشجعن وتحمسين اكثر ,,,​

انا عن نفسي في حالي فالدوام مااحتك في احد بس اروح اسال اروح حق مدير اسولف معاه اشوف الاشياء اذلا في شي ولا لا ​

برغم في بنات مااعارفهم مالي علاقةو فيهم بس يجوني يسلمون علي اروح اسلم عليهم يقعدون عندي بس مااعطيهم يتجاوزن ​

فوق لحدود اكون معاهم سطحيـة ماتخلين الشخص يتجاوز حددوة,,,​

قومي طوري من نفسج اذا ماتقدرين تطلعين وتحتكين بالموظفين على الاقل تواصلي مع مديرج دقي له من مكتب سلمي عليه ​

عاى شان يعرف انج موجودة قولي له اقدر اساعدك في شي .. تكلمي حركي نفسج ,,, غيري الروتين اللي انتي فيه ​

دخلي نفسج بين الناس لا تمين جي لان راح تكرهين نفسج ...فحركي نفسج دخلي نفسج لا تخلين احد يكون احسن منج ​

طوري من نفسج .. وانا اشوف تختلطين بالرجال احسن من الحريم بس تكونين محدودة بينج وبينهم سلام وحدود الشغل ​

ولما تخالطين الناس بشغل راح تبرزين نفسج وطلعين نفسج اكثر ....​

زين اهني مشكلة شلون اروح لهم ؟ اقط ويهي يعني

استحي امر على حد جذي اقول يمكن مشغولين او وجودي مزعج احس صعبه امر عند مسؤلي بس عشان اسولف معاه !! وخاصة ان مكتبه دايما مليان صعبه

 

[مودي كويتي]

شلون يعني مكتبك معزول عن الدوام مكتبك بصحرا حسستيني انك بخيمه شوفي عزيزتي الحل الوحيد انك تنقلين اي مكان ثاني او تطلعين من مكتبك ساعه او ساعتين على الاقل تروحين عند زميلتك اللي كانت عندك تسلمين عليها لاتعاونينها بشي لانها بتحقد عليج وبتفكرج جايه تساعدينها لا روحي جلسي عندها سلمي عليها يوم يومين اذا عجبك الوضع حاولي تنقلين عندها او نقلي مكان ثاني

 

[Patcholli]

حبيبتي كلمي المسؤل خل ايب موظفات يدد يقعدون معاج بالمكتب وانتي اذا زهقانه اخذي لاب توبج معاج وقزري وقتج

 

[A.E]

صح انا سلبية والسبب حيائي وخجلي

تقولون اروح للاقسام الثانيه اووووف اموت ولا احس اني قاطه ويهي

مرة رحت لقسم ثاني وكلمت المسؤل طبعا بعد مشاورات مع نفسي شهور اروح او ماروح لاني ماعرفه ومستحيه اكلم شخص ماعرفه المهم كلمته وقال اذا فيه شاغر بيطلبني بس احسه انصدم لما شافني لاني مستتره ومنقبه احس يكشون من المنقبه يبون وحده حيوية ترد وتعطي وتسولف وتسلم انا لا بحالي حتى مسؤلي اللي معاه سنين لو اشوفه بممر ماسلم عليه كلشششش احط عيني بالارض شاسوي بخجلي وحيائي الزايد اللي ضيع علي وايد فرص

انا اداوم واطلع ماشوف حد ولا حد يشوفني كله صاكه على عمري بالمكتب ادري غلط ولازم اكون حيوية بس انحرج وايد وحقي ضايع ومهضوم بسبب خجلي
ماكذب عليكم فكرت وايد اقط النقاب واغير من شخصيتي خاصة بعد ماراحت زميلتي وصار فيه فراغ كبير عندي بس خفت يطلع علي كلام ويقولون عني كانت ملتزمة والحين فكت!! ر غم اني في قرارة نفسي البس النقاب عادات وتقاليد

اختي هذي وسوسة الشيطان وفتنة المراه في وجهها يعني وكلي امرك لربك وربي يوفقك وحطي براسك لبس العباايه وغطاء الوجه عبــــــــــــــــاهـ
وليس عااااده



بالتووفيق اختي

 

[أحلى البشر]

انتقلي

 

[MnoOoLy]

ما شاء الله البنات ما قصروا .. ربي يحفظهم كل وحدة شاركتنا رايها و عطتنا حل .. عسسـآكم ع القوة

حبيبتي انا بقولج رايي و ان شاء الله افيدج لو بالشي القليل ..

وحدة من الخوات " خانها حظها " قالت شغلات و من هالشغلات في شي عجبني ..
قالت انتي اللي بادري و اقترحي شغلات ع المسؤوول .. ، و هالشي صحيح مية بالمية ، خاصة مثل حالتج انج
بروحج و معزولة ، و الشغل كله لربيعتج ، و اغلب المستجدات ما توصلج و هذا اكبر غلط .. طبعا ما نعرف طبيعة شغلج عسبن قدم لج اقتراحات تخص الاشياء اللي ممكن تبادرين فيها ، بس انتي شوفي شغلج و
شوفي شو الافكار اللي ممكن تعطينها للمسؤول و فعلا تكون افكار مميزة و تقدر تبرزج جدام المسؤولين ..
صدقيني عقب انتي بتكونين الكل ف الكل ، حتى المسؤول اذا اعتمد عليج عادي ييج و ياخذ رايج ف شغلة
معينة من كثر ما انتي شغولة و افكارج حلوة ..


بعطيج مثال ع المبادرة و تقديم الاقتراحات .. انا ف الصيف اللي طاف تدربت انا و زميلتي ف مستشفى منطقتي
و هذا جزء من برنامج الجامعة .. طبعا بحكم تخصصي تدريبي كان ف الادارة ف قسم العلاقات العامة ، اول 3
اسابيع كان القسسم كئيب كئيب بمعنى الكلمة ، و بما ان انا و زملتي مجرد متدربات ما حبينا نفرض نفسنا
عليهم ، يعلمونا شغله و نطبقها ، نستقبل المراجعين يعني الامور الروتينية ، و فجأة نقلو لنا ف القسم وحدة
يديدة .. ف البداية كنت اكرهها لان تبا الشغل بس لها مووول ما تخلينا نسوي شي ، عقب لو تشوفينها شو سوت
بالقسسسسسسم .. فظيييعة قسم بالله ، اول اسبوع انتقلت فيه عندنا رتبت المكتب فوق حدر و ثاني اسبوع
كله فعاليات و حملات و ندوات .. كله افكارها هي و شغلها و طبعا اوقات نساعدها .. يعني شوفيها اول
اسبوعين برزت نفسها ، هي اللي اقترحت ان تسوي الندوة الفلانية و هي و هي و هي .. حتى اغلب
الموظفين يسألون عنها وين فلانة و وين فلانة .. و مسوين اكبر طاف لمسؤول المكتب ..


ثاني شي بخصوص ان الدوام فيه رياييل مب يعني ان هالمكان فيه تجاوزات بين الجنسين ، يمكن هالشي يستوي بس مب دوم ، اذا المكاتب المفتوحة فيها شغل وايد روحي عندهم ، شوفي اذا عندهم شغل زايد
ساعديهم فيه ، و دامج منقبة و متسترة مستحيل احد يتحرش فيج او يضايجج ف كلمة ، و مب معناته ان
الموظفين رياييل يعني ما ارمسهم و لا اتواصل وياهم و لا احتك بهم .. طبيعة الشغل تفرض جيه بس بحدود ..


ما فيها شي لو رحتي و اشتغلتي ف المكاتب المفتوحة ، اكيد بتستفسرين عن شغله ، بتتعاملين مع ناس يداد " مراجعين و مراجعات " ، كل هذا ما يعني انج مب محترمة او انج فالته .. بما انج محتشمة و متسترة لا تخافين ..
شوفي وين مصلحتج و الشي اللي يريحج سويه ، اما انج تنتقلين لوظيفة ثانية ما انصحج ، خلج بوظيفتج اللي
عارفة لها و فاهمتها بس انتي بادري و لا تخافين اذا المكان فيه رياييل انتي افرضي احترامج و هيبتج و ان شاء
الله محد بيتجاوز حدوده معاج ..


و ع فكررة .. بعد ربيعتج عنج اكيد خيرة ..

السموحة ع الإطالة .. بس ما حبيت اقرا موضوعج بدون ما اشارك برايي ^^
​