حياكم يابنات بالتجمع اليديد للي تبي تودع المتن وايامه

[مس هنادي]

السلام عليكم


شخباركم يالغاليات ؟

الصراحه يابنات مليت من المتن وخصوصا اللي جربت الضعف تنقهر لما تمتن وتضيق عليها هدومها وربي اني اطالع بخدودي واتحسب خخخخخخخخخخخخخخخخخخخخخخخخ
المهم انا بسوي هالتجمع واحط فيه يومياتي بالصور وابيكم تشجعوني وتشدون الهمه وياي

واليوم كنت عنددكتورة التغذيه واخذت منها هالريجيم واللي حابه تمشي عليه براحتها على كلام الدكتوره ينزل بالاسبوع 3كيلو

من باجرراح ابدا فيه ان شاءالله
وهو
قبل الريوق ماي دافي وكمون منقوع

الريوق والعشاء:خبزخفيف بدون سكر اسمه الرغيف الصحي مع شريحه جبنه قليلة الدسم

بعدالريوق والعشاء:ماي زعتر

الغدا:مرتديلا او مشويات او تونه مع سلطه

بعدالغدا :ماي زعتر

بين الوجبات روب خالي الدسم او تفاح اخضراو عصيرسيزراناناس

وبس

تابعواااااااااااااااااااااا يومياتي وحطوا بعد يومياتكم وشدوا الهمه

 

[الضوء الخافت]

حبيبتي الله يقويك انشالله وتوصلي للي تبينه انا حابة اشترك وياك لانه شتركت بتجمع ثاني ماستفدت لانه كان مافي حماس انت كم وزنك وطولك ؟ انا حابة الاقي تشجيع والله حابة انزل ٤ كيلو بس الحين وزني ٦١ وطولي ١٦١ وابي اوصل ٥٧ بس من وين نجيب هلخبز ؟ واسفة علاطالة

 

[حبيبة قلبها]

انا خاطري انزل 4 كيلو
طولي 156 ووزني 54
ابي اوصل للـ50 بس الاكل حلووو
شنسوووي

 

[عروووب21]

أنا بعد وياكم بس برجيم الصيام المعكوس وودي أنزل 12 كيلو خلال هالشهر بإذن الله

وزني 110
الطول 172
الهدف اﻷول 99
أبي أنزل عن الميات...تعبت

 

[مس هنادي]

هلا حبيباتي

اليوم الحمدالله ماشيه عدل بدون تخبيص والحين بامشي على السيرنص ساعه وعقب باخذ شور وانزل لكم صور يومياتي

 

[مس هنادي]

حبيبتي الله يقويك انشالله وتوصلي للي تبينه انا حابة اشترك وياك لانه شتركت بتجمع ثاني ماستفدت لانه كان مافي حماس انت كم وزنك وطولك ؟ انا حابة الاقي تشجيع والله حابة انزل ٤ كيلو بس الحين وزني ٦١ وطولي ١٦١ وابي اوصل ٥٧ بس من وين نجيب هلخبز ؟ واسفة علاطالة

هلا حياتي حياج وان شاء الله نشجع بعض
انا وزني 83وطولي 160يعني تقريبا ابي انزل 20كيلو
والخبز تحصلينه بكل الجمعيات
وبالتوفيق حياتي

 

[مس هنادي]

انا خاطري انزل 4 كيلو
طولي 156 ووزني 54
ابي اوصل للـ50 بس الاكل حلووو
شنسوووي

يابنت الحلال بسيطه بس خففي مايحتاج تمسكين دايت وترهقين نفسج

وبالتوفيق ياروحي

 

[مس هنادي]

أنا بعد وياكم بس برجيم الصيام المعكوس وودي أنزل 12 كيلو خلال هالشهر بإذن الله

وزني 110
الطول 172
الهدف اﻷول 99
أبي أنزل عن الميات...تعبت

هلا ياقلبي حياج تبين الصج على وزنج انصحج تتبعين ريجيم دشتي واكتبي يومياتج ويانا
لان بصراحه مانزل وزني قبل الا هو بس مااقدرارجعله لان البروتينات على طول تملل بس انتي حاولي تتبعينه والله يهبل
وبالتوفيق يالغاليه

 

[جود2011]

موفقة حبوبة تنزلين
بصحة وعافية
متابعينك

 

[((shoOoshoOo))]

انا بس ابي 10

اوووووووووووووف من وين نييب الاراده لو تنباع شريتها والله


سجليني معاج

وزني قسته اليوم 68.2

 

[مس هنادي]

توني خلصت اخذتي شوروحطي على جسمي جل قودباي سولولايت من نيفيا

المهم يومياتي
الريوق والعشا نفس الشي خيار وفلفل اخضررومي وشريحه جبن قليله الدسم والمفروض معاها رغيف صحي اسمر بس انا لغيته علشان انزل بسرعه



والعشا همبرقرمشوي وسلطه



وبين الوجبات تفاح اخضر



ومشيت على السير نص ساعه وعلى الاوربتراك خمس دقايق



وطبعا شربت تقريبا لترين ماي وعقب الغدا اخذت حبتين زينيكال

وبس الحين حدي تعبانه بنام سي يو ليتير

 

[مس هنادي]

موفقة حبوبة تنزلين
بصحة وعافية
متابعينك

الله يسلمج حياتي وياج

 

[مس هنادي]

انا بس ابي 10

اوووووووووووووف من وين نييب الاراده لو تنباع شريتها والله


سجليني معاج

وزني قسته اليوم 68.2

اه على الاراده وربي شي صعب لاكن احنا قدها وقدود شدي الهمه وتقريبا يبلج شي بسيط وتوصلين للوزن المثالي
يالله حطي يومياتج وكل اسبوع نحط الوزن اليديد

 

[ألبندري]

شدي حيلج وانا معااج
ان شاء الله انا عاد وزني كبييير ​

 

[الضوء الخافت]

حبيبتي مس هنادي نصيحة لاتلغين شي عشان ماتجوعين بلبدايو خليها بلاول نص بعدين ربع وبعدين الغي احسن وموفقة انشالله انا ليوم فطرت نص خبزة وملعقتين لبنة وشاي بحليب قليل الدسم انشالله ما اخربطت بس انا مشكلتي الكرش والجوانب الله يسهل والتزم عدل ترا بنات اذا خبصت زفوني����عشان التزم عدل

 

[أمي قرة عيني]

الله ينحففففففففففففففكم كلكم بصحة وعافية

ودي أشارك وياكم بس أعرف روحي ما أدش كل يوم

 

[مس هنادي]

الله ينحففففففففففففففكم كلكم بصحة وعافية

ودي أشارك وياكم بس أعرف روحي ما أدش كل يوم

هلا حياتي حياج
عادي ياروحي ادخلي بالوقت اللي يريحج

 

[مس هنادي]

شدي حيلج وانا معااج


ان شاء الله انا عاد وزني كبييير ​

ماعليج اذاالتزمتي راح تنزلين اقل شي بالشهر 7كيلو شدي الهمه وربي ماراح تندمين
وبالتوفيق حياتي

 

[مس هنادي]

حبيبتي مس هنادي نصيحة لاتلغين شي عشان ماتجوعين بلبدايو خليها بلاول نص بعدين ربع وبعدين الغي احسن وموفقة انشالله انا ليوم فطرت نص خبزة وملعقتين لبنة وشاي بحليب قليل الدسم انشالله ما اخربطت بس انا مشكلتي الكرش والجوانب الله يسهل والتزم عدل ترا بنات اذا خبصت زفوني??عشان التزم عدل

ماادري حياتي احس النشويات هي اللي تزيد وزني
بالعافيه عليج ويومج روعه استمري يالغاليه

 

[مس هنادي]

اليوم تريقت نفس ريوق امس خيار وفلفل اخضر وشريحة جبنه قليله الدسم وبس للحين منسده نفسي عن الاكل بس بحاول شوي اكل وجبة الغدا واللي هي مشويات وسلطه