شكلي لبسي كل شي يفششل !! ان بقيت كذا زوجي بياخذ الثانيه :(

[عيـون المهـآ]

سلام صبايا
اخباركم
ان شاء الله باحسن حال

قبل ماكتب موضوعي
انا ثقتي فيكم مالها حد ودائماً اشوف ان كويتيات من اكثر المنتديات الي تملك طيبة قلب واحساس لطرف الثاني
فـ لا تخلوني:eh_s(2):

بنات انا عمري 20 سنه بس شكلي مافيه انوثه مافيه دلع
احس لو قعدت على هالحال خلاص زوجي بيدور له على ثانيه لأن من جد ماكأني بنت !!
همومي مو بس شكلاً همومي كثيره خاصه الحمل مسبب لي ازمه اول كنت عادي بس اللحين صرت ماحب اقابل احد حتى بيت اهلي ماردي اروح بس اغصب عمري لا استجن مع هالجدران

بقولكم واحكموا

شعري ..
خششن .. قصير .. مجعد يطول بس اذا طول اطرافه ملمسها خششن مع اني ازيت الاطراف بس ابداً مادري ليش هي كذا
دائماً كنت اعاني من كلام اخواتي وامي اني ماستشور شعري
انا ماستشوره وللحين لان الاستشوار الكثيير يعور راسي
وغير كذا لاني اهتم فيه من ماسكات وحنااا واعشاب وحمامات زيت وبلسم
ف كنت ابيها فترة علاج وابعد فيها عن الاستشوار الي يسبب جفاف زياده وتقصف للشعر
كل يوم اعطي نفسي امل واصبر حالي بس تعبت ولله تعبت 6 شهور وانا استخم هالنا ماحسه انفرد
ناس يقولون مع الوقت تفرد الشعر طييب شعري ليش كل هالعبااااايل فيه !!
زوجي ينجن ع الشعر الناعم الطووويل ماتهمه درجة النعومه بس المهم ملمسه ناعم وطووويل حطوا الفين خط ع طويل
هو مايقول بس انا ادري خاصه ان يوم الي قصيته للرقبه تضايق وهذي غلطتي الي خلاص كرهتها شعري ماعندي له حل ع طول ملموم:eh_s(2):
هالشي يسبب لي فقدان في الثقه في النفس ،، احس بالنقص اذا مرت بنت ف التلفزيون ،، احس بغيره بس مابين لاني من النوع الكتوووم
الله لايراويكم هالشعور
انا الي كنت شعله من الامل واقولهم يوم الي بيصير ناعم بتعرفوا فوايد هالخلطات خلاص يأست عندي اليأس اسهل حل اللحين

جسمي
لونه مو موحد خاااصه منطقة الركب والاكواع والبطن
ومليان شعر ماكانه جسم بنت
يوم الي اشيل شعر ايدي ورجولي
يكون ناعم وحلو بس يوم الي بيقوم فيه الشعر يقوم وياه حبوب كبيره مادري ليشش

اظافري
عنده عاده اقصهم باسناني وشكلهم مافيه نعومه
وايدي مافيه اي نعومه

شفايفي
لونها اسمر مافيها لون وردي ابداً

وجهي دهني ومليان مسامات
انا احب لوني لانه حنطي وزوجي يحب هاللون
مايحب البيض بس هالمسامات مخربين كل شي

الحل مع كل هالاشياااء

ولله كرهت الطلعه
خاصه مع بنات خالي
وخالتي
الي ماشالله كل وحده عليها شعر وجسم وانوثه
وانا الي كاني ولد بينهم
كرهت نفسي وكرهت عيشتي
والي مخلني افكر بكل ذا الوحده
دوام زوجي من الصباح لـ 4 العصر ومن 7 تبدا اشغاله يوصل امه او ابوه ساعات
ويطلع من 8 او 9 لاصدقاه ومايرجع الا 11 اقعد وياه ل 12 وندخل ياخذ حاجته
وينام
وانا خلاص اسهر ماعندي شي
انا مو نقدي عليه وعلى وقته زوجي متفهم لو اقوله ابغاك تقعد وياي قعد بس انا الي ابغاه يطلع لاني
مابغاه يشوفني وايد من له يطلع وجهي

اسفه كثرت كلام
بس محتاجه وقفتكم وش اسوي وش اغبر
ابي اتغير ابي اكون غيييير
بالنسبه للكيراتين لاني متوقعه ايكون اول الحلول
بس انا مابيه مابي شي كيماوي خاصه ان الاشهر الي طافت قمت احني شعري
والحنا والفرد وراه ع طول بيضرني
وانا ابي شي طبيعي
حتى لووو انتظرت بس ابي اشوف هالتحسن على الاقل يطول بسلامه وصحه ومن دون خشونه
لاني مع الخشونه اظطر اقصه


ابي اصير غييير ابي مايطالع فيني الا انا
الله يعافيكم
انا كتبت هالموضوع وكلي امل فيكم وكلي حرقة قلب وقههههر
مابي ثقتي بينكم تكون نهايتها رد ار ردين او 3
ابي وقفتكم الله يعافيكم ويرزقكم من خير الدنيا والاخره
ويعطيكم حاجتكم
ويرزق كل بنت بالزوج الصالح والمحرومه من الذريه بالذريه الصالحه ويحفظ لكم والدينكم ويطول بعمركم

والي تساعدني وعد ليها دعوه بصلاة الليل

 

[العز انا]

لازم تهتم البنت بنفسها سواء متزوجه او عازبه
استقلي دوام زوجج الطويل بالاهتمام ابدي مع شعرك اشتري له زيت ينعم مثل السمسم و اشتري زيت حوز الهند يطول
و يوم وترك استخدمي زيت .
و سوي خلطة داهية مطير للتبيض تهبببل بالمنتدى موجوده

 

[ام عبد العزيز م]

اب اب

 

[عيـون المهـآ]

لازم تهتم البنت بنفسها سواء متزوجه او عازبه
استقلي دوام زوجج الطويل بالاهتمام ابدي مع شعرك اشتري له زيت ينعم مثل السمسم و اشتري زيت حوز الهند يطول
و يوم وترك استخدمي زيت .
و سوي خلطة داهية مطير للتبيض تهبببل بالمنتدى موجوده

ولله اني اهتم واضغط ع روحي حتى لو مزحومه
بس النتيجه ابداً مو قد تعبي
من كثر الاهتمام كانوا خواتي يلوموني انتي تصدقي هالخرابيط ومدري وشو
وصاروا مايأمنون بالخلطات والزيوت من كثر مايشوفوني احط واحط واحط والنتيجه صصفر
حتى مرات اخوي يقولون لاختي الي مو متزوجه مفروض تستشور وتهتم هذا شعرها مابيتغير خربان خربان !!
خلطة داهية مطير مشكلتها كريمات وانا وزوجي استقرينا ان خلاص نبي احمل
ف اخاف لو حملت يأثر ع الجنين او شي
مشكوره حبيبتي على ردك
عسى ربي يوفقك يارررب

 

[Mjnont '3lay]

حبيبتي بقولج نقطه يمكن انتي غافله عنها بس انا مابي افتي لكن قاعده اشوف هالشي بعيني انه شعري ناااعم < ماشاءالله
ولمن استشوره دايم يطيح ويتعب وشعر اختي ثقيييل وخشن ولمن تستشوره كل يوم ورى كل حمام اكرمج الله شعرها كلش مايتعب ولا يتقصف ولا يطيح لييييييييييييش !! انا اقولج لانه بصيلات الشعر الناعم ضعيييفه ما تتحمل الفرد والاستشوار والسيراميك والفير وهالسوالف وبسرعه تتعب فروة الراس غير الشعر الخشن والثقيل < يعني الكثيف
بالعكس اللي قاعده اشوفه انه شعري اختي لا قاعد يتعب ولا شي
انتي كل ما تدوشتي استشوري شعرج حبيبة قلبي وارتاحي او فيييي حل ثااااني اللي هو تسوين ستايل الكيرلي نفس مريام فااارس بالجل او الفوم الابيض ينباع بالجمعيات بجذي يالغلا رح تكونين مجدده ومسويه ستايل من غير ما تتعبين شعرج
وبالنسبه للشعر الخشن ماينفع وياه لا خلطات ولا عمات عين نصيحه لا تعورين قلبج لانه الخلطات ممكن تفك التشابك اللي صاير بالشعر وممكن تعطيه ليونه وممكن تقوي بصيلات شعرج وممكن تطوله وممكن تغذيه بس تنعممه مستحيل انسيييي لا تعورين قلبج على الفاضي فالحل الاول والاخير والنهائي الكراتين البرازيلي الاصليييييييييييي عشان ما يطيح شعرج سويه وارتاحي صدقيني غير هالحل لا تدورين لانج رح تتعبين وسلامة قلبج ..
الشغله الثانيه حبيبتي شفايفج سوي لهم سكراب يوميا قبل النووم وحطي لهم مرطب كل يووم واخذي العصار اللي صاير على شكل زبده من الصيدليه هذا علاج يفتح لون الشفايف الغامقه وحلو فتح لي شفايفي وثاني شغله في خلطه حق انل او عضوه ثانيه استغفرالله العظيم نسيت اسم العضوه بس هالخلطه عجييبه مع اني ماجربتها بس مبين من مكوناتها انها حلوه اللي صايره شكلها وردي حدها حلوه بحاول ادور الرابط واحطه لج ..
اما جسمج الله ماكثر هالتاجرات مليون تاجره بالمنتدى يالغلا وركن العنايه بالبشره والجسم ليش حاطينه الاداره مو عشان البنات يستفيدون منه !!! خلي عنج الكسل وسوي لج خلطات وكل اسبوووع جيبي لج وحده البيت تسوي لج حمام مغربي او دشي على بروفيال التاجره مس انقل miss angel منزله طريقه رووعه حق الحمام المغربي سويه كل اسبوع عشان جسمج يتوحد
واذا كلش مالج خلق وماتقدرين تجيبين وحده البيت روحي الصالون كل اسبوع او اسبوعين وسوي حمام مغربي وكل شهر روحي عياده خاصه او مستشفى وسوي تنظيف بشره
وبالنسبه لاظافرج حبيبتي انتي مره !!! عيب شنو تاكلين اظافرج باسنانج شنو خليتي حق الجاهال ياقلبي بطلي هالعاده السيئه والخايسه وسوي بدكير منكير حق اظافرج وسنفري ايدج كل يوم ورطبيها بمرطب تفتيح من الصيدليه خاص حق الايد
اما شعر جسمج !!!!!!!!!!!!!!!!!!!!!!!!! حبوبه بسألج خلي زوجج على صوب بس انتي ماتلوع جبدج من نفسج لمن تشوفين نفسج مشعره اصلا تدرين انه ما تنقبل لج صلاة الا لازم تنظفين قبل لايصير لج اربعين يوم وانتي مو شايله
وبعدين في شغله ثانيه انتي لمن تشوفين جسمج وهو مشعر ما تشمئزين انتي مره ياالغلا لاااازم تنظفين اول باول اذا مالج خلق روحي المستشفى سوي ليزر وارتاحي او كل شهر بعد ماتخلصين الدوره الشهريه سوي حمام مغربي مع شيره مع حف وجه وتشقير حواجب وبدكير ومنكير وتنظيف بشره وخلاااااص ارتاحي يعني دللي نفسج كل شهر مره وحده بالصالون
وباقي الايام اهتمي بنفسج عنايه بسيطه بالبيت
واذا كان وزنج زايد سوي رياضه دشي نادي سوي اي شي صدقييييني الرجال يكتم في صدره بس ما رده رح يمل وتطق جبده ويروح يدور البديل هذااني قلت لج تلاحقي عمرج ما دام الرجال لي الحين بين ايدج ترى اذا خانج مرح تقدرين تلومينه بعدين لانه التقصير والاهمال منج مو منه
ولا تزعلين مني اذا شديت عليج بالكلام بس كله عشان تصحين لنفسج وتتلاحقين عمرج قبل لا تشوفين شي من رجلج ما يسرج

 

[عيـون المهـآ]

اب اب

مشكوره ياقلبي على الرفع
ربي يجازيك خير الدنيا والاخره

 

[Mjnont '3lay]

ولله اني اهتم واضغط ع روحي حتى لو مزحومه
بس النتيجه ابداً مو قد تعبي
من كثر الاهتمام كانوا خواتي يلوموني انتي تصدقي هالخرابيط ومدري وشو
وصاروا مايأمنون بالخلطات والزيوت من كثر مايشوفوني احط واحط واحط والنتيجه صصفر
حتى مرات اخوي يقولون لاختي الي مو متزوجه مفروض تستشور وتهتم هذا شعرها مابيتغير خربان خربان !!
خلطة داهية مطير مشكلتها كريمات وانا وزوجي استقرينا ان خلاص نبي احمل
ف اخاف لو حملت يأثر ع الجنين او شي
مشكوره حبيبتي على ردك
عسى ربي يوفقك يارررب

ابعدي عن الكرتزون حبيبتي خلطة داهيه فيها كرتزون ابعدي عنها طالما تبين الحمل وبعدين بسألج شلون تبين تحملين وانتي لي الحين ما تخلصتي من البلاوي اللي فيج تبين تزيدين الطين بله انتي :eh_s(1):
بالاول نزلي وزنج وردي لونج موحد وحافظي على نفسج واهتمي عددددددل وبعدين فكري بالحمال اصلا الجسم خلاص طالما خربان مرح يتحمل زووود بعد الحمل الجاي رح يتدهور صدقيييني الله يعينج :eh_s(10):
اما سالفة انج مهتمه وتسوين كل شي و ما فاد اجل لزووم تروحين تسوين فحوصات شامله يمكن المشكله داخليه مو خارجيه فلمن تحلين المشاكل الداخليه باذن الله جسمج وشكلج وبشرتج تتسنع من بره
ولا تقولين مافيج شي مستحيييييييييييييل مافيج شي طالما تهتمين على قولتج عدددددل و تاعبه على نفسج عشان تصيرين بيرفكت وماصرتي معناته المشاكل اللي فيج داخليه من جذي مو قاعده تتسنعين من بره
واصلا وحده من الثنتين يا اما الاهمال من بره عشان جذي ماكو جمال ولا في انوثه
او في مشكله داخليه احتمال كبيير مشاكل بالكبد اهيا اللي تسبب تصبغات وما تخليها تروح الا اذا عالجتي مشاكل الكبد
يعني يا الاولى يا الثانيه بعد مالهم ثالث :eh_s(10):

 

[سعوديه خقوقه]

رديت عليك في الخاص


الله يفرجها عليك وعلى جميع المسلمين

دمتي بحب~

 

[Sweet Angle]

ياقلبي ولا يهمج شدعوه الدنيا ما تسوى ومدام انتي تبين تتغيرين راح تتغيرين

في خطوات اكبر من الخلطات

الخطوة الاولى انج تمسحين كل هالافكار السلبية من بالج (( انا مو حلوة _ احس اني ولد بين بنات خالاتي _ انا طول عمري جذي شعري خشن وماكو شي راح ينفعني ويغيرني .... الخ ))
طول ما هاذي الفكرة السلبية عن نفسج ببالج ما راح تنجحين كلش و تأكدي من هالخطوة و غيري كل افكارج عن نفسج كل سلبية قابليها ب ايجابية
انا مو حلوة = لا والله انا حلوة و اهبل مافيني عيب بس شوية اهتمام
انا مو انيقة = بالعكس ذوقي حلو الحمدالله
انا مو متقبلة نفسي بحالتي هاذي = انا متقبلة نفسي الحين وبعد ما ااتغير للاحسن هم راح اظل اتقبل نفسي


الخطوة الثانية الثقة بالنفس .. قولي انا واثقة بنفسي وادري اني جميلة والجمال من الله بس يبيلي اهتمام و شوية شغل و تعب علشان اصير اللي ابي ترى ماكو شي بسهولة



الخطوة الثالثه .. قعدي قعدة مع نفسج هاتيلج كوفي و ورقة وقلم كتبي عيوبج وابدي من فوق لي تحت
مثلا = شعر متقصف + رموش وحواجب خفيفة + بشرة غير موحدة و حبوب + اسنان مصفرة

و بعد ما تخلصين من سرد العيوب سوي مقابلها علامة = و كتبي شنو راح يكون العلاج

شعر متقصف = خلطات و زيوت
رموش وحواجب خفيفة = زيت خروع

...... الخ

بعد ما تخلصين فرفري بكل المنتديات النسائية واولهم كويتيات دوري عدل بكل الصفحات عن الخلطات اللي تناسبج و حطيهم بالمفضله بعدين اختاري


بالنسبة لبشرتج ياقلبي لازم تقشير علشان تخلصينها من العيوب و تنفع فيها الخلطات
وانصحج بخلطة بنت السلطان ويانا اهني بالمنتدى وانا جربتها شخصيا اكثر من روعه فعلا الخلطة موووووووصج اهما ثلاث كريمات تحطينهم على ويهج ورقبتج تقشرهم وتفتحهم حيييييييييييييل مو شوية ماشاء الله تبارك الرحمن تستمرين عليها لمدة شهرين بالتمام والكمال و اهيا راح تشيل عيوب البشرة و تفتحها لج

اهتمي بادق التفاصيل ... رموشج و الأسنان ... الخروع والفازلين للرموش .. والاسنان اختاري معجون يبيض عدل .. والاظافر سر انوثة وجمال

تأكدي انه ماكو شي مستحيل وكل شي له حل
بس خلي مزاجج رايق وقعدي قعدة الصبح وسويلج شي حلو و كوب كوفي شربيه و جهزي دفترج واللابتوب و سوي اللي قلتلج عليه

الريجيم مهم لو كنتي محتاجته
و قبل العناية الخارجيه اهم شي العناية الداخلية علشان توصلين للي تبينه

ضروري على الاقل 7 اكواب ماي في اليوم
شرب عصير برتقال على الريق
في اليوم كوب واحد شاي اخضر علشان تطردين السموم من جسمج
سلطة وفواكه يوميا
رياضة صباحية
النوم لوقت كاافي

وبجذي لما تعطين جسمج اللي يبيه راح تلاقين اللي تبينه
وخطوة خطوة لا تندفعين وتقولين راح اسوي واسوي واسوي كله بوقت واحد لانج راح تملين بالاخير وماراح تنجزين
اذا قدرتي روحي عند اخصائية بشرة .. حاجيها اكيد راح تفيدج وتعطيج اشياء مضمونة
هم التاجرات عندهم اشياء اكثر من روعة للجسم ممكن تفيدج


وبعد ما تخلصين كورس العناية والاهتمام

اطلعي للسوق و اشتري ملابس يديدة و مكياج يديد
و بهالفترة مع كورس العناية طالعي شنو جديد المكياج وتصفحي قسم المكياج وشوفي البنات بشنو ينصحون و قسم الازياء وخذي فكرة علشان لما تنزلين للسوق تكون صارت عندج فكرة عن اليديد و الحلو والمناسب لج

واتمنى اكون فدتج ياقلبي و ابي دعواتج

 

[عيـون المهـآ]

سععوووديه

فديت قلبك انا بنت ديرتي ^ـ*
عسى الي الأيد الي ربتك ماتمسها النار وماتمسك ياررب
من جججد مشكوووره جداً
يعطيك الف عافيه ياقمر انتي
واسفه على الوقت الي خذيته منك ^ـ^

سسسويت انجل

اول شي مشكوره قلووو ع الرد الحلو مثلك ماشالله عليك
عسى ربي يحقق امانيك يارررب ويحفظ لك والدينك <٣
انا ولله كنت ممليه أمل بس تعبت سنين وانا اهتم
بس بعد كلامك ردت لي الروح وان شاء الله بفضل الله ثم فضلك راح يتغير كل شي للافضل
وزي ماقلتي انا ملامحي ناعمه بس يبي لي اضبط اموري ف كذا شي واصير مثل ما ابي
راح اسوي الي قلتيه
وبقية النصايح الي قالوها البنات
وان شاء الله ربي مايضيع لي تعب والله كريييم

واكيد كل الدعوات ليكم بعد قلبببببي

لكم (الجوري ) جوريات <٣

 

[ام رينـاد]

ماقصرو البنات

 

[عيـون المهـآ]

يعطيهم العافيه ويعطيك الصحه آم رناد <٣
نورتينا

 

[fayzouza]

حبيبتي انا مو متزوجة لكن بعتني بنفسي لكن اشياء طبيعية و بسيطة
كل اسبوع اعمل خمام مغربي(الصابون الغربي +عصير ليمون+خنة) اضعه علي جسمي مدة 15د او 30د ثم افرك جسمي بالليفة و رجلي بالحجر
شعري قبل دخولي الحمام ادهنوا بزبدة كثير و الله روعة للشعر الجاف و المتقصف او مايونيز و اخليه 2 ساعات ما يهم ثم اثناء الاستحمام اغسله بشامبو elseve للشعر الجاف مليح كثير ثم اعمل ماسك تبع لهاد الشامبو و اغسله
في الاخير اغسل كل جسمي بجل دوشش palmolive مرطب لانه مصنوع من اللوز ثم امسح جسمي بزيت جونسن و خلاص و ارش علي جسمي ماء بارد (الشد) و وجهي
لما اخرج من الحمام بطلي ايدي و رجلي بالفازلين
و وجهي اغسله مرة ثانية بماء بارد لشد البشرة و غلق المسام و ادهنه بروب ثم اغسل و ادهنه مرة 2 بالعسل و اتركه لحين النوم و اغسله
ايدي و الله ما شاء الله اجمل حاجة في اغسلهم في كل وقت و مرات متعددة باليوم و افركهم بقطعة من الليمون افركهم جيدا اصابعي و اظافري جيدا ثم اغسل و اضع فازلين او اي كريم تفضلينه او زيت لا يهم الليمون مرطب جيد و يبيض و يجعل اظافرك تلمع و اللع يفكرون اني عاملة منكير وانا بعمري ما عملتو
ختي رجليك افركيهم باليمون .حبيبتي اتمني اني اكون افادتك .

 

[M!SS CANDY]

اب اب اب

 

[تتعب لومعي تلعب]

اب اب ماقصرو البنات

 

[ماكواسم2]

حطي الخلطات على نظافه علشان تطلع نتيجه .... وامدح لج خلطة انل ممتازة

 

[أ.س.م.ا.ء]

سويلج اشتراك بصالون ثقة للشعر والبشرة
وبما ان دوام ريلج طويل هالشي بساعدج انج تروحين وتردين قبله
وبالنسبة للجسم افضل حل الحمام المغربي مع الخلطات
اشتري خيمة الحمام المغربيث وسويه بالبيت مره بالاسبوع

ومثل ما قالت الاخت ( sweet engle ) لازم تزيدين ثقتج بنفسج
طالما انتي تشوفين نفسج بهالصورة اكيييييد الناس بشوفونج فيها لانه انتي الي توصلين لهم هالاحساس

وبالنسبة للاستشوار
اذا كان شعرج مثل ما تقولين خشن ليش ما تستشورينه كل يوم خصوصا جدام زوجج خليه يشوفج بشكل حلو ومرتب وهالشي بزيد ثقتج بنفسج ، واذا كنتي ما تبين الاستشوار عشان ما يتعب شعرج فاسمحيلي اهو بالاساس تعبان - على كلامج - اهتمي فيه بالماسكات والزيوت وباشتراك بالصالون ، لكن بوجود زوجج او لما تروحين بيت اهلج لازم ترتبين شكلج
اذا بشرتج مو حلوة حطي فاونديشن وميك اب خفيف عشان يصير ويهج صافي وحلو
عنايتج بنفسج بشعرج وببشرتج وبجسمج ما تعني انج تهملين شكلج جدام زوجج او جدام الناس عشان تنطرين النتايج الطبيعية تبين بعد جم شهر ، كل البنات يعتنون بنفسهم ويحطون ماسكات وكريمات ، وكل البنات يفضلون الاشياء الطبيعية لكن هذا ما يمنع انه احيانا نستخدم الاستشوار والميك اب او اي شي ممكن يساعد على انه يخلي شكلنا حلو ومرتب

 

[طيبة83]

بيييه انتي قصتج قصه

خل ارجع البيت ارد عليج ع سعه

 

[123kookoo]

البنات ما قصرو
بس نصيحه سوي كيراتين علاجي حق شعرج مو الفرد لا علاجي
عالاقل تحسين بنعومه بشعرج شوي ويعطيج ثقه اكبر
وما يمنع انج تستمرين عادل خلطات والزيوت
و سويلج اشتراك حمام مغربي بالأسبوع مره او خلي وحده اتييلج البيت واهم شي
الترطيييييييب لا تخلين جسمج ناشف وحتى ويهج كريم الليل والنهار
وحاميه من الشمس
و مره بالشهر روحي سوي تنظيف بشره بعياده
واخذيلج مكملات غذائيه للبشرة والشعر والأظافر من الصيديله
واذا تحسين جسمج من النوع اللي بسرعه يطلع الشعر سوي ليزر
وفكي عمرج
ان شالله تفيدج هالمعلومات وبشرينا بالنتايج
و شوي شوي راح تلقين النتيجة اللي تبينها

 

[شذى الدعوه]

البنات ماقصروا الله يعافيهم بكلمونج بكل حراره وان دل على طيبتهم

العيب فيج انت مافيه ثقه بنفسج والبنات يقولون لج وردك سلبى مافيه فايده مافيه فايده
اعتقد انت تشكين وتذمرين بس ماتسوين شى
لو بتمشين على اى طريقه من طرق حبيباتى بنات ديرتى ألى كلموج وعطوج اهتمامهم جان طلع معاج شى للافضل

كلمه حق
بنات ديرتى يلى مامثلكم أحد ولاديرتنا أحد
تعطون وتحبون وتنصحون من طيبتكم ألى يطلبكم فزعتوا له
نصحتوا علانيه مابخلتوا نصيحتكم بالعام لها ولغيرها
يارب تحرس ديرتى واهلها:eh_s(17):
ويبعد عنها كل شر
عساكم على القوه يابنات أحلى منتدى:eh_s(7):
منتدى الخير الأسم الثانى له:eh_s(7)::eh_s(17)::eh_s(17)::eh_s(17):
جعلكم للجنه جميعا