صباحكم فل وجوري
طمنتيني ع الرد مدريدية وشوي شوي بظبط يومي اكثر ،، الاجانب عندهم المشي او الرياضة مثل اهمية الاكل والنوم واحنا يا حظي على فضاوتنا وعلى مزاجنا .. عشان جذي لازم نتبع اسلوب صحي يستمر معانا لمدى الحياة طبعا بدون حرمان بدون تعب او اعصاب .. واصلا اثبتت الدراسات انه الشوكولا السودا مفيدة وفيها مضادات اكسدة حالها حال البروكلي والرمان والاكلات الي فيها قيمة غذائية << بشرط تكون كمية صغيرة ..
المهم
يومي امس ممتاز ولله الحمد ..
غداي كان برجر دياي حطيتها بالفرن بدون ولا نقطة زيت وصمون اسمر نخاله مع جبن سلايز لايت مع نتفة كتشب ونتفة مايوو لايت وشريحتين ملفوف .. وشربت عصير برتقال .. كان وقتها الساعه 6 بس الساعه 3 شربت شوربة عدس وما اكلت العيش الي مسوينه مع انه مشحول ،، بس اشتهيت البرجر لاني من زماااااااااااااااااااااااااااان مو ماكلته ..
العشا كان صاج حلوم مقصصة 3 انصاص واكلت الربع منها وحسيت اني مو شبعانه بس رحت شربت قلاص ماي واستحيت ع دمي
لانه وزني ثابت مليت منه فابي انزل بسرعه تعبت بطلع من شبح الستينات .. وع الساعه 10.30 سويت ايربكس مع جوليان مالت ذا بيق لوزر مدة 20 دقيقة .. وبليل جعت ف اكلت نص موزة مع شوي رمان بحجم قبضة اليد ..
واليوم ريوقي
كوب حليب مع كورن فلكس فتنس اللوز مع العسل وبقزرها شاي اخضر ونسكافيه لين يخلص دوامي وارد اتغدى ..
بنااات عشان الموضوع يحلى يريت ننزل صور اكلاتنا عشان انحس انه احنا مراقبين:
..
وبليز الله يخليكم يا حلوات الي تحس نفسها ارادتها ضعيفة او تخربط وايد لا تقول هالشي لنا وتعدل نفسها بسرعه <<< مانبي اي طاقة سلبية نتأثر فيها .. تخيلي تسمعين جمله امس خربتها و و و الخ .. انتي نفسيا رح تتأثرين وتقولين اوكي شالمانع اذا خربطت شوية كا هذي خربطت وكملت @@
ولو كلنا كنا جاديين وبراسنا الهدف ونبي نتايج حلوة رح ننظبط غصب عنا لاننا قعد نتأثر ببعض ونشجع بعض ..
فديتكم لا تزعلون مني والله هالشي لمصلحتنا كلنا
