حملة sunshine . . إذاً سوف نسمن ")

[عتيبيه ذوق]

عتيبيه

مشكووره ي قلبي
قصدك هاذي :

بسألك وشلون استخدامها ؟ ومتى بينت نتيجتها ؟​

لي شهر استخدمها ... اجوع بشكل فضيع وبس أبي اكل .. فيها كل الفيتامينات حتى الحديد ... شوفي لازم تأكلين عدل مدل وبعد الاكل أخذي لج حبه مره وحده باليوم .. الانج لو اخذتيها والمعده مو مليانه راح يجيج مغص ... بالعافيه ياقلبي ..

 

[عتيبيه ذوق]

بنات عندي اقتراح اشرايكم ندخل نادي .!

 

[اسطورة الزيـن]

^^^
عتيبيه
الله يعطيكك العاآفيه قلبي ماقصرتي

بالنسبه للنادي اذا بخاطرك تدخلينه انا أأيدكك وبقووووووه بعد خصوصا انو الأكل بعد الرياضه يمتن والعكس صحيح
يكفي الرياضه تعطي نشاط وترسم الجسم رسسسم حتى لو نحيفه
انا عن نفسي ماعندي وقت ابداً للنادي بس احيانا اسوي تمارين في البيت عندي اثقال لليدين واحاول استمر عليها​

 

[عتيبيه ذوق]

الله يعافيك ي قلبي ... حلو والله .. يعني فيه رياضه معينه لسمنه ولا لا ؟!

 

[اسطورة الزيـن]

اي اكيد في تمارين معينه مثل : نحافة اليدين وفيه للمؤخره بس انتي اسألي المدربه وقولي لها ابي اتمرن عشان امتن واهي تفيدك أكثرر

​

 

[عتيبيه ذوق]

ياخي المشكلة لما تروحين لنادي وكله امتاااان وانتي الوحيده نحيفه احس النظرات مادري اشلون .. انا مره رحت مع اختي وهي بتسوي لياقه لجسمها بس ولا النظرات علي انه ليه جايه انتي

 

[اسطورة الزيـن]

مااعليييك منهم لااايهموووونك وبعدين اذا هم فاهمين بيعرفون ان الرياضه موب خاصه بالمتان
حتى الضعاف يتمرنون
يعني اذا رحتي خليك وااثقه من نفسك وحطي هدفك قدامك ولا كأنهم موجودين
واذا وحده سألتك قولي لها : انتي فاهمه الرياضه غلط , اذا تعتبرين الرياضه بس للمتان احب اصحح معلوماتك : الرياضه مهمه لكل الاجسام حتى الضعاف تفتح شهيتهم وتحرك اجسامهم للمتن مع نظام غذائي >> ناويه تشيييشك ع الناس هههههههههههههههههههههه

​

 

[عتيبيه ذوق]

ههههههههههههههههههه .. انا ان شاء الله بدخل النادي وانتي بعد ادخلي .. تدرين حلوه سوالفنا لو انه فيه شات بالمنتدى هههههه

 

[اسطورة الزيـن]

هههههههههههههههههههههه الحين تجي حسووس معسسبه بتشوف الموضوع قلب سوالف موب يوميات
بس والله اننا قاعدين نفيد بعض :eh_s(2):​

 

[عتيبيه ذوق]

اي والله ههههههه ..

 

[احآسيس هآدئه]

كل وحده تأخذ حبة

 

[احآسيس هآدئه]

اسطورة و عتيبية
ههههههههههه بالعكس سوالفوا
نعطي شوي جوو بالحملة


تبون الصراحة اسوي الرياضة بالبيت اصرف لي
لانه لارحت بالنادي كلن يناظرك على قوله عتيبية
كأنك جاية بكوكب ثاني
وحتى لو سألتك وحده جسمك مايحتاج رياضة وجيتي انتي وفهمتينها انها موب شرط تكون للسمان
بكره تجيك وحده ثانية وتسألك نفس السوال يعني كل يوم بتمرين على هالاشكال وينشف ريقك
وانتي تفهمينهم ههههههه


يعني سوي تمارين بالبيت مو مجهدة بس تعطي لياقة :weight_lift:

 

[اسطورة الزيـن]

يسعد مسساآكم جميعاً

حسووس
شكراً ع القلب ي قلبي >> صددقت

تدرون بناات الكل لاحظوا تغيير بفيسي وخصوصا وحده من خالاتي من زمان عنها من الصيفيه تقول وجهك فيه حياه احسن من اول >> يعني قبل ميته مثلا :eh_s(2):
ومحد علق ع جسمي مع اني كنت لابسه تنوره ضيقه يعني يبيلي اشد حيلي اكثرر عشان تبين اللي ماتسمى




​

 

[اسطورة الزيـن]

بنات شوفوا الموضوع هذا
صراحه كلام البنت مقنع احس اننا ع كثر اكلنا مانوصل لاحتياج الجسم من السعرات يوميا

بأي بأي نحافه كل السالفه أني ألتزمت ب 2000 سعره حراريه فاليوم  - منتديات عالم حواء

​

 

[توووووتة الحلوة]

اهلين بنوتات

اخيييييييييييرا طلعتووووووووا صبح صبح :ggdw:

اسطورة

بصراحة احيج :rerrerek: تدرين ليش لانج مهتم في الرياضة، للاسف كثير من القروبات المخصصة للنحاف يركزون على الاكل اكثر من الرياضة. مثل ما قلتي الرياضة ترسم الجسم رسم بالاضافة انها تساعد على تنشيط الدورة الدموية و تحسن النفسية. اهنيئك على الثقافة اللي عندك :ggdw: شي حلو اننا قاعدين نوعي بعض

عتيبيه

ان كانت النظرات تضايقك، ما فيه احسن من رياضة المشي تسد الجسم شد. انا امشي ساعتين باليوم ما ابالغ ان قلت لك ان جسمي مشدود شد :rerrerek: تقولين بطلة اولمبية حتى اختي اللي كانها فيكتوريا بيكهام تقول لي انتي ما عندك كرش كلش

حسوس

شكرا على البالونات :eh_s(17): و عيدك مبارك يا عسولة


بنات نصيحة سواء للضعاف او المتان تبون جسم حلو لا تستعجلون على النتايج ما يأتي سريعا يذهب سريعا >> علمي روحج بالاول :krkrkr:

 

[توووووتة الحلوة]

لي عودة في المساء اذا طلعتوا راح اطلع و اذا ما طلعتوا ما راح تشوفون رقعة ويهي >> لاااااااا ياشيحة خفي عليهم ههههههههههههه :d

 

[احآسيس هآدئه]

اسطورة
كووويس ماشاء الله فيه شي لاحظوه
اهم شي النفسية لانها عامل رئيسي للاكل
ماعليك ماراح يبين لك لانه الزيادة تتوزع لين يتناسق
وبتلاحظينها اذا زدتي ثلاث او اربع كيلو حسب جسمك

انا من النوع الكسول في حساب السعرات
والا المفروض هذا من الاشياء اللي لازم نسويها




توووته
احس جسمك الحين بيرفكت بس يبي لك تمارين وتنزلين حبتين لو حبيتي
لاماراح نطلع ان شاء الله نبيك دوووم ويانا

 

[التوق]

السلام ..

سجلت معاكم بالتجمع , مشكووورة آحاسيس هادئة :*
وإن شاءالله أبلش معاكم يوميات أول بأول *)

هذي بياناتي :


النك نيم : التوق
الوزن السابق : 45
الوزن الحالي : 44
الوزن المطلوب : 54​

 

[توووووتة الحلوة]

توووته
احس جسمك الحين بيرفكت بس يبي لك تمارين وتنزلين حبتين لو حبيتي
لاماراح نطلع ان شاء الله نبيك دوووم ويانا

ايه صح، احس عندك الحاسة السادسة، بس ماراح ارتاح لين يصير وزني 55 : انا عيني على 50 الصراحة :eh_s(2):

اكيد ح كون معاكم، ورازه فيسي هههههههه، بس كنت اتغشمر و اتحرش في نفس الوقت، ما ايوز هههههه

السلام ..

سجلت معاكم بالتجمع , مشكووورة آحاسيس هادئة :*
وإن شاءالله أبلش معاكم يوميات أول بأول *)

هذي بياناتي :


النك نيم : التوق
الوزن السابق : 45
الوزن الحالي : 44
الوزن المطلوب : 54​

اهلا فيج يا اختي التوق، بس ما ذكرتي كم طولك؟

 

[اسطورة الزيـن]

يسعد مسساآكم جميعاً

توووته
تسلمين حبيبتي منووووره

حسووس
الله يسمع منك حبيبتي

التووق
حيااك حبيبتي
والله الله بالحمااس نبي نطلع من هالحمله بجسم بيرفكت

موووفقين ي رب
​