15 سنة في القفص الذهبي و ما فوق ... تعالي شاركينا

[أم حسيب]

أكمل ال 15 سنة في ديسمبر ان شاء الله ومن ناحية القفص هو فعلا قفص بس مش ذهبي شكله صدى مع السنييييييييييين

 

[قطوووة]

منكم نستفيد

 

[قلب زوجي وولدي]

قريت أول صفحه وانحشت ضاق خلقي مابي أكمل طبعا ما صارلي
15 سنه توني عنونه





​

 

[غلآ نوآف]

امبيه بنات والله الردود تسد النفس
انا توي عروس وحامل بالشهر ال9
وبداية شهور زواجي كلها مشاكل وعدم تفاهم بيننا انا وريلي رغم خذينا بعض عن رضى وحب
عقدتوني ان الامور تزيد بعد الطفل الاول
ترا ادري ان الحال راح يتغير ويسوء ممكن
بسبب المسؤولية وعدم اخذ الراحة و ضيق الوقت
ياربي بصراحة شي يقهر طيب ش له تزوجنا ؟؟!!

علشان بس نبتلش باليهال
واننا نذبح روحنا علشان نظل شباب بعيون ازواجنا
جمال ورشاقة و دلع وانوثة واناقة
وعيالنا حلوين ومرتبين

تحطيم والله

 

[ام الدرر]

الموضوع قديم بس مفيد
حبوبات لا تتشاؤمون
بالعكس انا اشوف
مع سنين العشرة
تقل المشاكل
قبل الزواج الريال
في بيت اهله وخاصة شباب هالوقت ماله صلاحيات اوسلطة
ياالله ولبه يفتر بالشوارع او لاهي بشغله او هوايته وربعه
لما يتزوج يدش مرحلة فرد العضلات بيت وزوجه
والزوجة
نفس الشي
بيت اهلها مدلعه طلعات وروحات ام وابو متكفلين بكل شي لها وخدامة تغسل وتكوي وتجهز اكل
وتدش عش الزوجية
تنصدم
تنظيف وغسيل وكوي واوامر لا تلبسين لا تحطين ميك اب لا تروحين لاتتاخرين
فيحصل التصادم
بعد جم سنه
كل واحد يطخ ويتعب
هو يلهى بامور ثانية
وهي تتعود على طبعه او يرضخ لها
حبيباتي ابتدائي ومتوسط الزواج
المشاكل تقل مع العشرة وتختفي بشوية صبر وتنازلات وتغافل وتغاضي ​

 

[ايمان الغساني]

الله يديم عليـــكم المحبه ويهدي سر كل وحده مب مرتاحه .......

دعـــواتكم الطيبه لي بالزوج الصــالح اللي يحبني واحبه

 

[Patcholli]

موتني ظحك العنوان

اهم شي ذهبي

قولي نحاسي

قولي مصدي

قولي ماله لون ولا طعم ولا ريحه

بس ذهبي قويه

 

[احلا المزايين]

الموضوع حلو حيلبس نبي نستفيد نبي شي مفيد
بس اكثر وحدة اعجبتني اللي اتقول انها محافظة علا جسمها واهي وبناتها جنهم خوات
ومناقدة شكل المرة اللي تلبس دراعة ورافعة شعرها فعلا اتعسسس شكل يضيييق الخلق
واعجبتني لمن قالت انه الزوج مو محور حياتها بصراحة أحيييها فعلا زوجة ناااااااااااجحة

 

[همسات ليالي]

ههههههه الله يتمم عليكم يارب

انا صار لي 16 سنه واكيد في شغلات تغيرت

عقلت وصرت ما اكبر الشغلات واعطي كل شي حجمه

بس هموم العيال ومشاكلهم كثرت والله يعين

 

[حسن الخاتمة]

الحمد لله رب العالمين صار لنا خمسة عشر ه عاما واحنا بالقفص والله اعتقد انه ذهبي الحياة الزوجيه تبي صبر وتحمل والأهم الحب والتضححيه والبعد عن الأنااانيه اكييد تغيرنا عن اول ايام الزواااج والعسل والنظرات الي لها اول وما لها آخر بس صدقوني كوني بسيطه ودوده محبه حق زوجك بيكون لك احسن مما تتمنين والرومانسيه لازم يكون لها مكان بحياااتكم لا تنتظرين كله اهو الي يبادر خليك انتي بعد متفاعله معاه غيري في الروتين اليومي الممل والحياة اعتقد مع شريك يحبك ويفهمك بتكون سعيده ولو طالت السنين وبهل مرحله نكون الحمد لله يبنا العيال ودخلو المدارس وبنينا بيت العمر وكلها مستجدات وتغيرات تزيد من الألفه والتجديد بالحياة الزوجيه

 

[جوري الغرام]

ومنكم نستفيد​

 

[أحلى همبه كويتية]

ماشاءالله تبارك الرحمن

16 سنة
يوم حلو ويوم مر
اول 3 -5 سنوات اختبار
وعقب تعرفين مفتاح الزوج
مافي سعادة دايمه ولا حزن طويل
اهم شي لا تخلين زوجج اكبر همومك واهتماماتك
والمركب تسيييييييييييييييييييييير
بإذن الله​

صح لسانك حبيبتي ام الدرر

والله صدقتي بهالجملة

اهم شي لا تخلين زوجج اكبر همومك واهتماماتك ​

الحمد لله 15 سنة زواج
يوم حلو ووايد مر ههههه عادي تعودنا
لو نفتك بس من شر هاللي يتدخلون مثل السوس بحياتنا كناااااااااااااا بخير والمشكله لهم مكان بقلبه :eh_s(1):

والمفتاح ضايع بمزاجي مالي خلق ادور علي :eh_s(4):
صارت وايد شغلات ممله وروتينيه وبصراحة الريال يستخف من يصير بنص الأربعين مراهق في الــ 50
بس لما اطالع عيالي تهون علي الحياه شوي


انا من يومي عصبية والحين نااااااااااااااااار وشرار الا تيزاب وبركان:rgewrg:

بس مثل ما يقولون الأولين
زوجك هو جنتك ونارك

الحمد لله على كل حال

الحمد الله 17 سنة تزوجنا زواج تقليدي خبط لزق حتي ما شافني عمري 19 وعمرة 28 اول سنة صراع الجبابرة وثنينتنا روس ونطحنا بعض لين قلنا بس مشكلتة يقارني بفلانة وفلنتانة وانا ماا احب المقارنات ومالي شغل باحد وقائمة الممنوعات الطويلة العريضة بس والله بالحب والمسايسة وانا طبعي هادي واخد الواحد علا قد عقلة عرفت مفتاحة بالطيب اكسر عينة ما ادري احس المرة بالزواج تظل هي الطرف الاعقل والاحكم وهي اللي بايدها تمشي المركب او توقفة ولازم تضحي وتتغا فل وتصييير غبية مرات وتعطي الرجال جوة ولا ما تعيش

صاجه والله عرففت مفتاحة بالطيب اكسر عينة))

بس عاد الطيب بخلص مني ليه متي كله طيبه:eh_s(2):

الموضوع حلو حيلبس نبي نستفيد نبي شي مفيد
بس اكثر وحدة اعجبتني اللي اتقول انها محافظة علا جسمها واهي وبناتها جنهم خوات
ومناقدة شكل المرة اللي تلبس دراعة ورافعة شعرها فعلا اتعسسس شكل يضيييق الخلق
واعجبتني لمن قالت انه الزوج مو محور حياتها بصراحة أحيييها فعلا زوجة ناااااااااااجحة

100/% ووالله كل مرأة وشطارتها
:ggdw:

 

[hooryah q8]

في ردود اتبشر بالخير وفي ردود حلوة
الله يتمم و يبارك بين كل اثنين ويديم الحب و التقاهم بينكم


انا بكمل سبع سنوات زواج الله يكتب لنا انكملهم على خير وحب وتفاهم ويبعد عنا المشاكل

بتابع الموضوع وبستفيد من خبراتكم

 

[ام دليار]

صار لي سبع سنوات متزوجة حاس حالي بعدني عروس
الحمدلله زوجي من النوع الهادي
الحمد لله مافي مشاكل حياتنا كتير حلوة
الابتسامة والضحك بتخلي الحياة حلوة أني دائماً مبتسمة حتى. وانا نايمة ههههههه

الله يرزقنا الذرية الصالحة
أدعولي

 

[مثلي ماصار]

انتي وهدفج من الحياة..
يعني اللي تحط الزوج هو هدفها ومنتهى املها.. اكيد الدينا بتخيب املها

اللي تخلى رضى الله والجنه هو هدفها هي اللي تعيش بسعاده باذن الله..

خلي الزوج اخر اهتماماتج.. ما اقول قصري لا سوي الواجب وزيادة..

حبي نفسج بالاول.. وبعدين اهتمي فيه وفي عيالج..