السلام عليكم
أنا عمري 21 سنه
وزني 98
طولي 165
أنا مثل ما إنتوا شايفين وزني ، متييييينه بططططه ، بس أحمد ربّي طويله لو مو طويله يمكن شكلي إصير شاشة بلازما
المهم انا اتوقع أكثر إنسانه جربت دكاترة رجيم و حبوب سد شهيه ،
راح أطوِّل عليكم بس إستحملوني شوي
اول مره رحت حق دكتور تغذيه ( دكتور محمد ربيعه ) رجيمه بالبدايه كان حلو وبعد اسبوع رحت نازله ثلاث كيلوات ، إستمريت شهر وما اذكر جم نزلت بهالشهر ، بس كانت نتيجه حلوه لكن شنو المصيبه مليييييت و زهقت
بعدها بفتره قلت اروح حق دكتور ثاني ( دكتور طالب الشمري ) رجيمه بالبدايه كان حلو لكن ممل وااايد وتقريبا حق العموم يعطي نفس برنامج التغذيه و رجيمه يعتمد عالنسكافيه وايد نفس الشي مليت و زهقت
بعدها فتره قلت اروح حق دكتور ثالث ( دكتور أحمد ليري ) من أفضضضضل الدكاتره الي رحت لهم والله والله !!
المواعيد منظمه ، اول شي إدخلين مع السستر تاخذ وزنج و طولج بعدين فحص كمية الماي و الدهون الي بالجسم وبعدها تقعدين بالانتظار و الدكتور بنفسه يطلع ويناديج ويفتح لج الباب وطوول الوقت مبتسم ، اول لقاء يدردش معاج يسألج شنوو تاكلين وتشربين طول اليوم وبعدها يقولج ابي تحاليل تبين إتسوين عندنا والا بره على راحتج ، انا سوّيت عندهم ، المهم انا خلال شهر و نص نزلت 13 كيلو و صادف رمضان بعد ، بعدها صارت عطله ماذكر عطلة شنو ، وسافرت ورحت شاليه ، تقريبا شهر وشي قطعت الرجيم ورجع وزني للأسف
وماكان لي ويه أروح حق الدكتور مررره ثانيه مع العلم لي يومكم هذا بخاطري اروح حقه بس وايد مفتشله ،
ووبعدها رحت حق دكتور رابع ( دكتور يوسف بو عباس ) اول اسبوع نزلت معاه اربع كيلوات و بعدها كان الصيف وسافرت رحت مصر وبعد شهر رجعت وماشاف رقعت ويهي
وبالأخير قبل فتره رحت مستشفى الصباح ودخلت عند اخصائية تغذيه و ماعجبني كلش نظامهم
و عن حبووب سد الشهيه ،
انا جررربت اول شي حبووب زين الأتات كنت برابعه ثنوي الصبح خذيت حبه ورحت المدرسه والظهر أغمى علي ، فتحت عيني والإسعاف عند راسي وابوي المهم خذوني المستشفى و طلع معاي خلل بخلايا المخ مؤقت وبعدها بجم يوم صرت زينه الحمد لله ومع العلم محل زين الأتات بلبنان صاكينه
وجرربت حبوب من وحده مع جاي و مافادني أحس شهيتي انفتحت اكثر
وجرربت حبوب ليبو زن و هالحبوب لازم رياضه قويه و ماكو وقت مع الجامعه لووووووويه ، و ضربات قلبي قويه صارت و وقفته
و بالأخير أممممس الصبح خذيت حبوب الآساي بيري ، وحده إتبيعهم ، من خذيتهم وانا والحمام عزكم الله صرنا أصدقاء ، انا عبالي هذا شي زين ، بعدها صار فيني صداع لي المغرب نزل الصداع لي نص راسي و طبعا شهيتي مسدوده و ماقدرت و رفيجتي ودتني الطبيب ، ضغطي نازل و الخروج الوايد طلع مو زين ، وعطوني مغذي الي ينحط مع الماي واشربه على يومين وطبعاً الكتوره قالت أقطع هالحبوب
المههههم ، عاد اليوم الصبح قعدت من النوووووم وتذكرت قبل جم سنه أعرف وحده كانت متينه و فتره طويله ماشفتها ، بعد فترررره يمكن أشهر تقريباً ، شفتها والاّ ماشاء الله عليها تبارك الرحمن صارت ضعيييييفه المهم قالت لي كانت بس تاكل كورن فلكس !!!
واسم الله عليها بعدها بفتره تزوجت ، الله يهنيها
حست بالنت وشفت عن رجيم الكورن فلكس
خل انقل لكم الي لقيته بالنت اوك /
الإفطار: كورن فليكس + حليب قليل الدسم
الغداء: كورن فليكس + حليب قليل الدسم
العشاء: كورن فليكس + حليب قليل الدسم
وممكن توزعي وجباتك على 6 أو 5 حصص يوميه و هذا الرجيم هو من رجيمات السعرات الحرارية المنخفضة ...
وممكن تتفنني في اختيار نوع الكورن فليكس الذي فيه مكسرات أو فواكه أو أي شيء وخاصة انه به كل الفيتامينات المفيدة مع حليب قليل الدسم
وممكن البراون أو الحبوب الكاملة ... يعني أنت وما تحبيه
ومن الاختيارات الموجودة :
الكورن فليكس أبو ديك
وكورن فليكس الرشاقة
والبراون كورن فليكس
بس بدون أي سكر والحليب لازم يكون قليل الدسم أو ممكن تستفيدي من موضوع السعرات الحرارية وتأخذي كامل الدسم
هذا حسابي ل4 وجبات كورن فليكس = 724 سعرة حرارية في اليوم وممكن تكملي على راحتك بالفواكه والخضروات والعصائر حسب جدول السعرات الحرارية إذا كان متوفر لديك و
واشربي الماء أي وقت بالإضافة إلى الأعشاب
والشاي بدون أي تردد إذا كنت تراعي انه الحليب خالي الدسم وسكر خاص بالرجيم
الوجبة الوحدة = كوب كورن فليكس 95+ كوب حليب خالي الدسم 86 = 181 سعرة
السعرات الحرارية في كورن فليكس كوب (25 جرام ) = 95 سعرة حرارية وممكن تشوفي اللي موجود على الجدول اللي أي على العلبة وتحددي ...
السعرات الحرارية في حليب قليل الدسم 1%
1 كوب
102
السعرات الحرارية في حليب قليل الدسم 2%
1 كوب 121
السعرات الحرارية في حليب خالي الدسم
1 كوب 86
ولازم الوجبات ما تزيد عن 5 أو 6 وجبات فقط في اليوم... توزيعيها براحتك...
للبنات اللي ما يستغنوا عن النسكافيه أقدم لهم هذا
الجدول الصغير..
إذا احتوى على 2 معلقه شاي سكر وكانت كل معلقه سكر تساوي 20 س صارت40
إذا احتوى على2 معلقه شاي حليب وكانت كل معلقه حليب تساوي 50 س صارت 100 س
إذا احتوى على 1 معلقه شاي نسكافيه و كانت كل معلقه نسكافيه تساوي 5 س صارت 5 س
يعني كوب الحليب بالنسكافيه = 145 سعرة هذا النسكافيه العادي
وإذا قليل أو منزوع راح تكون اقل بكثير..
والشي المهم في الموضوع انه شربه ابد ما يمدك بسعرات حرارية تمتن .. السعرات الحرارية موجودة في السكر العادي والحليب العادي ... ويمكن استبدالها على حسب مزاجك
ولا تنسي الرياضة لو نص ساعة 5 مرات في الأسبوع
المهم انا من باجر راح أبدي هالرجيم وراح أعطيكم إن شاء الله نتايج إسبوع بإسبوع لين أوصل حق الوزن المناسب حق طولي
كلمه اخيره حق الي نفس حالتي ،
لازم من هاللحظه هذي تاخذين القرار إنج تضعفين وتعدلين من نفسج ،
ليش ؟
انا اقولج ،
إذا حافظتي على اكلج وصار اكلج صحّي ،
-راح تبتعدين عن الأمراض / السكر ، الضغط ، القلب و امراض ثانيه
-راح إنتي من داخلج تكونين راضيه على نفسج
-راح النوم يتعدل عندج
-راح تكونين نشيطه اكثر
-راح تلبسين ملابس طول عمرج تتمنين تلبسينها
انا صراحه اخير موقفين الي خلوني فعلاً أبي اضعف خلاص /
إتصلت وحده على أمي تقول قاعده إتشوف حق ولدها بنت ، و حددوا مع امي موعد عشان إشوفوني واقعد مع الولد عشان نتناقش ويشوفني ، المهم وصار هذا اليوم وانا كنت مستانسه وخايفه بنفس الوقت وكنت متوقعه إن ماراح يصير نصيب لأن انا متينه ،
بعد الموعد بثلاث أيام الأم إتصلت تقول البنت بشوشه و حليوه بس ولدي يبي شوي أضعف ،
هذا شي يحز بالخاطر صراحه بس هذا الواقع ، الواحد شنو يبي بوحده متينه !!
و الموقف الثاني والله وانا قاعده اكتب الموضوع ياني إتصال من صديقتي قاعده اقولها عن امس شنو صار فيني مع الحبوب ، قالت لي خلاص انتي راح إتكون طول عمرج متينه إرضي بالامر والواقع لا حبوب نفعوا معاج ولا رجيم ، و واااايد حز بخاطري هالكلام لكن انا مستانسه إنها قالت لي هالكلام لأن عطتني دافع إنّي اضعف ،
يارب يارب يارب وفقني و وفق الجميع
يلا حبيبتي كوني معاي في هذي التجربه وخلونه نعيش حياة صحيه
أنا عمري 21 سنه
وزني 98
طولي 165
أنا مثل ما إنتوا شايفين وزني ، متييييينه بططططه ، بس أحمد ربّي طويله لو مو طويله يمكن شكلي إصير شاشة بلازما
المهم انا اتوقع أكثر إنسانه جربت دكاترة رجيم و حبوب سد شهيه ،
راح أطوِّل عليكم بس إستحملوني شوي
اول مره رحت حق دكتور تغذيه ( دكتور محمد ربيعه ) رجيمه بالبدايه كان حلو وبعد اسبوع رحت نازله ثلاث كيلوات ، إستمريت شهر وما اذكر جم نزلت بهالشهر ، بس كانت نتيجه حلوه لكن شنو المصيبه مليييييت و زهقت
بعدها بفتره قلت اروح حق دكتور ثاني ( دكتور طالب الشمري ) رجيمه بالبدايه كان حلو لكن ممل وااايد وتقريبا حق العموم يعطي نفس برنامج التغذيه و رجيمه يعتمد عالنسكافيه وايد نفس الشي مليت و زهقت
بعدها فتره قلت اروح حق دكتور ثالث ( دكتور أحمد ليري ) من أفضضضضل الدكاتره الي رحت لهم والله والله !!
المواعيد منظمه ، اول شي إدخلين مع السستر تاخذ وزنج و طولج بعدين فحص كمية الماي و الدهون الي بالجسم وبعدها تقعدين بالانتظار و الدكتور بنفسه يطلع ويناديج ويفتح لج الباب وطوول الوقت مبتسم ، اول لقاء يدردش معاج يسألج شنوو تاكلين وتشربين طول اليوم وبعدها يقولج ابي تحاليل تبين إتسوين عندنا والا بره على راحتج ، انا سوّيت عندهم ، المهم انا خلال شهر و نص نزلت 13 كيلو و صادف رمضان بعد ، بعدها صارت عطله ماذكر عطلة شنو ، وسافرت ورحت شاليه ، تقريبا شهر وشي قطعت الرجيم ورجع وزني للأسف
وماكان لي ويه أروح حق الدكتور مررره ثانيه مع العلم لي يومكم هذا بخاطري اروح حقه بس وايد مفتشله ،
ووبعدها رحت حق دكتور رابع ( دكتور يوسف بو عباس ) اول اسبوع نزلت معاه اربع كيلوات و بعدها كان الصيف وسافرت رحت مصر وبعد شهر رجعت وماشاف رقعت ويهي
وبالأخير قبل فتره رحت مستشفى الصباح ودخلت عند اخصائية تغذيه و ماعجبني كلش نظامهم
و عن حبووب سد الشهيه ،
انا جررربت اول شي حبووب زين الأتات كنت برابعه ثنوي الصبح خذيت حبه ورحت المدرسه والظهر أغمى علي ، فتحت عيني والإسعاف عند راسي وابوي المهم خذوني المستشفى و طلع معاي خلل بخلايا المخ مؤقت وبعدها بجم يوم صرت زينه الحمد لله ومع العلم محل زين الأتات بلبنان صاكينه
وجرربت حبوب من وحده مع جاي و مافادني أحس شهيتي انفتحت اكثر
وجرربت حبوب ليبو زن و هالحبوب لازم رياضه قويه و ماكو وقت مع الجامعه لووووووويه ، و ضربات قلبي قويه صارت و وقفته
و بالأخير أممممس الصبح خذيت حبوب الآساي بيري ، وحده إتبيعهم ، من خذيتهم وانا والحمام عزكم الله صرنا أصدقاء ، انا عبالي هذا شي زين ، بعدها صار فيني صداع لي المغرب نزل الصداع لي نص راسي و طبعا شهيتي مسدوده و ماقدرت و رفيجتي ودتني الطبيب ، ضغطي نازل و الخروج الوايد طلع مو زين ، وعطوني مغذي الي ينحط مع الماي واشربه على يومين وطبعاً الكتوره قالت أقطع هالحبوب
المههههم ، عاد اليوم الصبح قعدت من النوووووم وتذكرت قبل جم سنه أعرف وحده كانت متينه و فتره طويله ماشفتها ، بعد فترررره يمكن أشهر تقريباً ، شفتها والاّ ماشاء الله عليها تبارك الرحمن صارت ضعيييييفه المهم قالت لي كانت بس تاكل كورن فلكس !!!
واسم الله عليها بعدها بفتره تزوجت ، الله يهنيها
حست بالنت وشفت عن رجيم الكورن فلكس
خل انقل لكم الي لقيته بالنت اوك /
الإفطار: كورن فليكس + حليب قليل الدسم
الغداء: كورن فليكس + حليب قليل الدسم
العشاء: كورن فليكس + حليب قليل الدسم
وممكن توزعي وجباتك على 6 أو 5 حصص يوميه و هذا الرجيم هو من رجيمات السعرات الحرارية المنخفضة ...
وممكن تتفنني في اختيار نوع الكورن فليكس الذي فيه مكسرات أو فواكه أو أي شيء وخاصة انه به كل الفيتامينات المفيدة مع حليب قليل الدسم
وممكن البراون أو الحبوب الكاملة ... يعني أنت وما تحبيه
ومن الاختيارات الموجودة :
الكورن فليكس أبو ديك
وكورن فليكس الرشاقة
والبراون كورن فليكس
بس بدون أي سكر والحليب لازم يكون قليل الدسم أو ممكن تستفيدي من موضوع السعرات الحرارية وتأخذي كامل الدسم
هذا حسابي ل4 وجبات كورن فليكس = 724 سعرة حرارية في اليوم وممكن تكملي على راحتك بالفواكه والخضروات والعصائر حسب جدول السعرات الحرارية إذا كان متوفر لديك و
واشربي الماء أي وقت بالإضافة إلى الأعشاب
والشاي بدون أي تردد إذا كنت تراعي انه الحليب خالي الدسم وسكر خاص بالرجيم
الوجبة الوحدة = كوب كورن فليكس 95+ كوب حليب خالي الدسم 86 = 181 سعرة
السعرات الحرارية في كورن فليكس كوب (25 جرام ) = 95 سعرة حرارية وممكن تشوفي اللي موجود على الجدول اللي أي على العلبة وتحددي ...
السعرات الحرارية في حليب قليل الدسم 1%
1 كوب
102
السعرات الحرارية في حليب قليل الدسم 2%
1 كوب 121
السعرات الحرارية في حليب خالي الدسم
1 كوب 86
ولازم الوجبات ما تزيد عن 5 أو 6 وجبات فقط في اليوم... توزيعيها براحتك...
للبنات اللي ما يستغنوا عن النسكافيه أقدم لهم هذا
الجدول الصغير..
إذا احتوى على 2 معلقه شاي سكر وكانت كل معلقه سكر تساوي 20 س صارت40
إذا احتوى على2 معلقه شاي حليب وكانت كل معلقه حليب تساوي 50 س صارت 100 س
إذا احتوى على 1 معلقه شاي نسكافيه و كانت كل معلقه نسكافيه تساوي 5 س صارت 5 س
يعني كوب الحليب بالنسكافيه = 145 سعرة هذا النسكافيه العادي
وإذا قليل أو منزوع راح تكون اقل بكثير..
والشي المهم في الموضوع انه شربه ابد ما يمدك بسعرات حرارية تمتن .. السعرات الحرارية موجودة في السكر العادي والحليب العادي ... ويمكن استبدالها على حسب مزاجك
ولا تنسي الرياضة لو نص ساعة 5 مرات في الأسبوع
المهم انا من باجر راح أبدي هالرجيم وراح أعطيكم إن شاء الله نتايج إسبوع بإسبوع لين أوصل حق الوزن المناسب حق طولي
كلمه اخيره حق الي نفس حالتي ،
لازم من هاللحظه هذي تاخذين القرار إنج تضعفين وتعدلين من نفسج ،
ليش ؟
انا اقولج ،
إذا حافظتي على اكلج وصار اكلج صحّي ،
-راح تبتعدين عن الأمراض / السكر ، الضغط ، القلب و امراض ثانيه
-راح إنتي من داخلج تكونين راضيه على نفسج
-راح النوم يتعدل عندج
-راح تكونين نشيطه اكثر
-راح تلبسين ملابس طول عمرج تتمنين تلبسينها
انا صراحه اخير موقفين الي خلوني فعلاً أبي اضعف خلاص /
إتصلت وحده على أمي تقول قاعده إتشوف حق ولدها بنت ، و حددوا مع امي موعد عشان إشوفوني واقعد مع الولد عشان نتناقش ويشوفني ، المهم وصار هذا اليوم وانا كنت مستانسه وخايفه بنفس الوقت وكنت متوقعه إن ماراح يصير نصيب لأن انا متينه ،
بعد الموعد بثلاث أيام الأم إتصلت تقول البنت بشوشه و حليوه بس ولدي يبي شوي أضعف ،
هذا شي يحز بالخاطر صراحه بس هذا الواقع ، الواحد شنو يبي بوحده متينه !!
و الموقف الثاني والله وانا قاعده اكتب الموضوع ياني إتصال من صديقتي قاعده اقولها عن امس شنو صار فيني مع الحبوب ، قالت لي خلاص انتي راح إتكون طول عمرج متينه إرضي بالامر والواقع لا حبوب نفعوا معاج ولا رجيم ، و واااايد حز بخاطري هالكلام لكن انا مستانسه إنها قالت لي هالكلام لأن عطتني دافع إنّي اضعف ،
يارب يارب يارب وفقني و وفق الجميع
يلا حبيبتي كوني معاي في هذي التجربه وخلونه نعيش حياة صحيه
