~ياحلو ايطاليا وأهل ايطاليا~بلد الرومنسية والجماال//حياكم بتقريري

[نادين العتيبي]

ماشاء الله روعه الله يهنيك

 

[نقش حنه]

Uuup

 

["*آآآنؤؤؤقهـ*"]

عشت الجووو معااااج ام مريووم وااااو عليييييج بالعاافيه



صج احسه احلا وقت وقت سفرتج

 

[ناتشوو]

حمد لله ع سلامتج
جد استانست وانا اتابع
خاصة العروسا

ليش ماخذتي مريوما

 

[om MaRyooM]

حمدلله عالسلامه ام مريومه

في وصوره وانتي ماسكه المظله والشارع كله مطر

بدون مبالغه حسيت بنسمه الهوا البرااااااد

عجيبه
تتهنوووون يارب

الله يسللللمج حبيبتي مشكوورة


اي هالصورة ريلي مصورها وبقتها منه
لووول


شاكرة مرورج يالغلا

 

[om MaRyooM]

سؤال
وابيج تجاوبين بصراحه

ايهو احلاااااااا
تايلند ولا ايطاليا


ناطرينج كملي
الله يهنيكم

هلا بالحلوة نورتي موضوعي والله

شوفي بما اني احب اجواء الرومنسية والبرد طبعا ايطااااااليا طحت بغرامها

بس اذا صيف مارح اروحلها رح افضل تايلند

بس اهل ايطاليا يا حلوووووهم جميلين وراقين ويحبون يساعدون كافي لغتهم كلها دلع بدلع :eh_s(22):
:eh_s(22):

 

[om MaRyooM]

حمد لله ع سلامتج
جد استانست وانا اتابع
خاصة العروسا

ليش ماخذتي مريوما

الله يسلمج حبيبتي

صراحة ماخذيتها لأن كان عندي مؤتمر 3ايام فصعبه وين احطها !
خليتها عند الوالدة الله يحفظها


وحلات السفر بدووووون يهاااااااااال :d

وحياج حبيبتي نورتي الموضوع والله

 

[om MaRyooM]

يلا نكمل





*اليـوم الرابع

موعدنا مع المنطقة الجميـلة العريقة فينيــس/ البندقـية








جيكت الجو قبل لانطلع من الفندق .. عشان نعرف شنو نلبس

لأن عادة هالمنطقة دافية اكثر من ميلان











وخذينا المترو توكلنا على الله ورحنا منطقة السنتـرال الرئيسية
Milan Centrale
















المحطة كبيرة وفيها محلات وايد وكافيهات وبرجر كنج بعد








قصينا التذاكر

كانت الرحلة للشخص الواحد 72يورو عالقطار السريـع
يعني بحدود 30 دينـار ولشخصين 60 دينـار


حجزنا 11ونص الصبح والردة حجزناها الساعه 8بالليل


يعني بو4 او ساعات كافية للمنطقة












ولما قرب وقت الرحلة جيكنا على هاللوحة مكان القطار





تجيكون رقم الرحلة ويكتبلوكم على هالبورد اي خط القطار اللي تروحوله



السالفة وايد سهلة كنت خايفة لا أظيع وماعرف شي
بس كل شي طلع سهالات الحمدلله

اهم اهم شي تاخذون احتياطاتكم وتروحون مبجر لأي رحلة مخططين لها












صار وقت الرحلة


بسرعه بسرعه




كل واحد يقعد مكانه





اشوا الكراسي مريحة لأن الرحلة 3ساعات !





وطبعا مايصير رحلة من غير بلعه













ومشى القطار بالوقت المحدد















القطار يوقف كذا منطقة

يعني لازم تنتبهون عالمنطقة اللي تبونها والوقت اللي تنزلون فيه








وقفنا ليما طلعت علامة VENEZIA




هذي محطتهم











وأول مانزلنا من القطار تلقون المنطقة علطول



بس لازم تاخذون عبارة وتقصون تذكرة 7يورو للشخص الواحد وتروحون لمنطقة SAN MARCO سان ماركو
اللي اهيا المنطقة السياحية في فينيس


العبارة تكون زححمة طبعا لازم تدعسون روحكم....وتاخذ تقريبا نص ساعه على ماتوصل للمنطقة

بس المناظر توووونس ماتحسون بالوقت






























جو ثااني

سبحان الله تحسون فعلا عالم ثاني والدنيا كبيرة وايد شوفو الناس شلون عايشة


الحمدلله على النعمة اللي احنا فيها










الكروز يعووور القلب









احب هالصوووورة










نطروني اكمل ،،،،،،

 

[futooosh]

يعطيج العافيه على هالموضوع الروعه صراحه

 

[زوجة الوزير]

يعطيك العافيه

 

[zqertya]

وااو عجيب عليج بالعافية
كملي حبيبتي

 

[om MaRyooM]

وصلنا لساحة السان ماركو


كان زححححمة مشالله


والناس كلها تصور


وفيه وايد كشكات يبيعون سوفونيرات وماسكات اللي مشهورة فيها فينيسيا




























تهبل الماسكات

كان في جم وحدة لابسينهم

حنيت على بوالشباب البس واحد لأن غرامي هالماسكات ..عطاني النظرة اللي تقول .. طوووووووووط هههههه



المهم





















واللي يحب يركب الجندول النص ساعه ب80 يورو والساعه 120 يورو

بس ماركبناه لأن كان هواا




















جو ريلاااااااااااااااكس





























شوارعهم ظيجة وغريبة


















يلا نكمل ونتمشى داخل







قاعدة اصور ولا يطلعلي هالطير الحلو حلف علي الا يطلع بالصورة ! لووووول























جو المطاعم كان عجيب ..
كان اكثر من مطعم عندهم فرقة موسيقية ويعزفون

يعني حد ام الريلاااكس

بس وين بوفانيلة وصروال يفهم هالموضوع !! فديته جدي مايغشمر

خخخخخخ










واااااي يحلوهم شوفو اللي عاليسار شلون قاعدين يرقصون


حسيت نفسي بفلم ديزني حسناء والوحش لاتسالوني ليش



تنحت تميت واقفة سرحااااانة ورحت بعالم الخيال والرومنسية

ما وعيت الا واحد يشد ايدي // يلا يلا شفيج جذي واقفة !!

فديته رجعني الى عالم الواقع
ههههههه










بدت تظلم الدنيا

وقررنا نتعشى










طبعا مايبيله
بيتزااااا








الحمدلله عبينا كرشتنا وشبعنا
وصار وقت الاقلااااع ..

واحنا نتمشى كان في وايد محلات وسوالف حللللوة








والباستا الملونة

ماخذيت منها بس رفيجتي تقول لذيذه











ونطرنا العبارة تاخذنا لي محطة القطار عشان نرجع
























وخلصت رحلة فينيس الحمدلله

كانت ممتعة والجو كان بارد حيل بالليل تجمدنا







نطروني في اليوم الخامـــس ورحلتنا الى لوغانو الســـويسـرية

 

[عزاااه]

اب اب

 

["*آآآنؤؤؤقهـ*"]

لايووووقف

 

[عزاااه]

اب اب كملي

 

[نياره]

اب اب

 

[طيش سكر]

موضوعج عواااااااار قلب , حسيت اني مسافره وياج والله

تتهنين حبيبتي

 

[Mrs.Q]

تصدقين كلما اشوف ايطاليا بالتقارير تقمت قلبي ومابلعها بس بسم الله ماشا الله عقب تقريرج حبيتها بضمير ههههههه
يزاج الله خير وحبيت وصفج للاشياد بدقة الله يهنيج يارب ويرزقج كل سنة سفرة احلى من اللي قبلها
متابعين يالله كملي

 

[امرأتيه وافتخر]

وناسه تقريرج ماشاء الله كملي كملي


والله يهنيكم ويسعدكم يارب

 

[salwa93]

الحمدلله ع السلامه

التقرير رووووووعة كملي يالغلا