طبيب بيطري كويتي

[بحيرةالبجع]

رد بحيرة البجع . الدم المتجلط يروح مع الوقت بس لازم تكملين العلاج عموما الأبر مضاد حيوي + فيتامينات .

ما يحتاج تزيدين بالأكل بس عطيها مجموعة فيتامينات + أملاح بالماء .

عفوا دكتور مافهمت شنو املاح بالماء

شكرا لك

​

 

[دكتور كويتي]

رد غزلان 2 . لازم تكملين مدة العلاج 5 أيام . اذا نشلة ممكن من الجو التكييف بالبيت أو متسبح خصوصا شهر 10 + شهر 4 تقلبات بالجو . اذا مشكلة بالتنفس لا تستخدمين بيتاموكس في أحسن تايلان ( tylosin ) لمدة 5 أيام ويصير زين ان شاء الله . حاولي تعطينه أكل بس بكميات بسيطه .

 

[دكتور كويتي]

رد بحيرة البجع . أملاح ( كالسيوم / مغنسيوم / فسفور / بوتاسيوم / زنك / نحاس / حديد / وغيرها ) مصطلح يطلق عليها أملاح أو معادن موجوده على شكل سائل يحتوي على جميع العناصر .

 

[بحيرةالبجع]

السلام عليكم

الله يخلييك دكتور الحق على قطاوتى

شريت لهم دراى فود وحطيته لهم البارحه والصبح لمن شلت الصحن لقيت فيه دود من الدراى

فود يعنى اكيد كلو الدود شسوى علشان انظف معدتهم قبل لا يصير فيهم شى

ولاحظت جم واحد فيهم حايشه اسهال اليوم يمكن يكون من الدراى فود

لان الله يسامح هالمحل قبل هالمره شريت منه دراى فود وبعد طلع فيه دود ورديت الباكيتات لهم

اعطيهم دوا الدود ولا شسوى​

 

[دكتور كويتي]

رد بحيرة البجع . اي وحده فيها اسهال عطيها بيتاموكس مرتين باليوم نص مل لمدة خمس ايام . بالنسبه للأكل في ديدان . وقاية لازم تعطين دواء ديدان جميع القطط . وتعيدين العلاج بعد اسبوعين .

 

[غزلان-2]

دكتور صار معاي شي غريب قطوي عمره شهر يرضع من امه وشحلاته مافيه الا العافيه
حاطتلهم بيت نظيف والمكان دافي والارض نظيفه ومعقمه وشحلاته متعافي اهو واخوانه
اليوم الصبح شفته مافيه شي جيكت عليه المغرب
الصدمه لقيته منسدح على جنب ويحتضر وطالع منه عزك الله نفس الي يسوونه الكبار
--دكتور شلوووووون مايدش العقل غرفتهم فاضيه مافيها غيرهم ولاقطعه بالارض ولا اكل الام اذا بوكلها اطلعها برا تاكل واردها لهم
--دكتور القطو عمره شهر بس يشرب حليب من امه فقط لاغير
شلون يسويها؟ واللي سواها تقريبا حجمها كبير حالها حال القطاوه الكبار
ان شاء الله فهمت شرحي دكتور؟؟
--
حاليا اهو طايح يحتضر شالحل شي مايدش العقل احترت من شنو بالضبط عمره شهر وشحلاته نشيط ويلعب ويناقز ويشرب من امه كل ساعتين
فجاه طاح ولازق فيه من ورا عزك الله شكبرها -- طالع منه لان نظفته ورد سواها

شالسبب؟ وهل في حل قبل لايموت؟

 

[دكتور كويتي]

رد غزلان 2 . ممكن ينتقل من الأم ، عموما لازم تعطينه مضاد حيوي بيتاموكس + فيتامين ، لازم يخفف الحليب من الأم .

 

[Catino]

دكتور السلام عليكم انا سبحت قطوتي ونشفتها عدل بس من رجليناها مو ويد المهم بعد ماخلصت واهي قبل لا اسبحها كانت ماكله دياي ويوم خلصت سبحتها اللي اهو قامت ترجع بعد ماخلصت والله خرعتني فرغت كل اللي بمعدتها وانا خايفه عليها هل اهو من البرد يعني عادي او لا واذا حاشها برد شلون اتعامل معها و اوخر هالبرد عنها �� والله صبت عظامي خرعتني

 

[A.M ART]

دكتور ماعليك امر شوف موضوعي ذا وطمنا عليها تكفى

قطوتي زاوجوها اثنين بوقت واحد

 

[دكتور كويتي]

رد catino . ممكن دخلها برد . اذا رجعت مره وحده مافي اي مشكله . بس إذا تكرر لازم تعطينها مضاد حيوي .

 

[دكتور كويتي]

رد a m . تم الرد على الموضوع .

 

[Hope Soon]

السلام عليكم

دكتور الله يسلمك ... انا عندي قطوة شيرازية عمرها شهر ونص .... هل تحتاج حليب عشان تكبر بسرعة ولا ما تحتاج اقصد حليب خاص للقطاوة من الصيدلية ؟؟؟ ... وهل بعد يصير اسبحها بشامبو خاص وهي بهذا العمر ولا ما يصير لاني اخاف عليها تمرض اذا سبحتها ؟؟؟

 

[دكتور كويتي]

رد hope soon . ما تحتاج حليب خاص . اذا تبين تسبحينها أهم شي الجو معتدل بالغرفه عساس ما يدخلها اي بروده . قبل ما تسبحينها بساعه التكييف مغلق وبعد ما تخلص ساعه بعد عشان ينشف الجسم .

 

[Loloki]

هههههههه ع طاري كاسكوي

 

[Loloki]

نا كاسكوي خذيته فذخ يعني اعسه طلع ربوووووه حده بس مشكله يغار يطق يلوناب ههههههههههه وصير مصارعه

ولما اقول امازوني تفو عليك كاسكوي يضحك ههههههههههههه فديته

تشرفنا فيك دكتور ترا هم انا دكتوره بس بدون شهااده خخخ بس اعرف اربي طيور واعس خرفان ههههههههههههههههههه

دكتور لك خبره بالطيور انا عندي يلوناب ابي شي يساعده يشلع ريشه لان مو مترتب رحت بت زون خذيله ادويه فاده بس ماشلع عدل

 

[Loloki]

وعليا عليك يا دكتور مشكله اهي الكل يحب قطاوه محد صوب طيور بس انا وقروب هاويات لطيور بس انا مو هاويه بس جنايه بعد

الحين قاعده انتج طيور lineoleted parraket طلع لون ازرق واصفر وان شاءالله راح احطلكم ياهم وهذيله يعتبرون نوادر والحين عندي يوز بايض ماشاءالله

 

[Ayami]

السلام عليكم ورحمة الله وبركاته ..
يعطيك العافيه دكتور ،،
دكتور عندي قطو هملايا ذكر عمره 3 شهور وخرده ، قبل 10 ايام شريته . واليوم الثاني وديته بيطري الدهما قالو سليم ، اليوم وانا افتش شعره لقيت 6 حبوب بيض صغار وحولهم قشور نفس اللون .
هل هذي فطريات ؛( ؟
وشنو العلاج .، علماً بان القطو بغرفتي مافيه مكان ثاني له" عندنا ترميم "

 

[Loloki]

upup up

 

[دكتور كويتي]

رد loloki . حياج الله اختي اي شي تبين بالطيور علاج وقاية حاضر .

 

[دكتور كويتي]

رد ayami . ممكن تكون طفيليات ( ديدان ) اذا تقدرين تصورين أشوفها . لأن الفطريات علاجها غير الطفيليات .