طبيب بيطري كويتي

[مثلي ماصار]

مرحبا دكتور ومشكور على المجهود

بسألك عندك خبره عن السلاحف البرمائية..؟؟

 

[Loloki]

دكتوووور مشكووور ع رد

امس صارلتي مصيييبه بالكاسكووو ياريت تفيطني

ماطري امس او من يومين طالعه ع ريل كاسكوي لحمه حمرررررا وبارزه وطريه وتعوره

المهم شلعتها وخرت منها دم حطيت كلونيا. بعدين ديتول والحين الحمدالله كاسكوي مافي شي

هذا شنو هل هو مسمار لحم او بكتيريا او فطريات لان بصراحه اول مره يطلع بطيوري جذي

 

[Loloki]

دكتور وبعد شي ثاني ابي شي يوخر الحشرات من قفاصه الطيوووور شنو احط حق الاقاعهقفاصهالطيور ااناا احط جرايد لان مسببتلي قلق هالحشرات

ولوعه جبد انقذني بهالسالفه. قلت احط بف باف الكهربائي بدون ريحه بس اخاف يموتون

 

[Ayami]

رد ayami . ممكن تكون طفيليات ( ديدان ) اذا تقدرين تصورين أشوفها . لأن الفطريات علاجها غير الطفيليات .

مشكور دكتور ، طلع فيه رينق وورمز :eh_s(16):

الحين انا قاعده اعالجه والحمدلله ماشيين :rerrerek:

اهو اخذ غرفتي وانا تشردت :bbbiu:

دكتور سؤالي اهو شلون اعرف اذا الفطريات في نهايتها او اذا راحت ؟

 

[Om-Bashaar]

دكتور عندي قطوتي اسهال وترجيع ماني عارفه من شنو والا شنو اعطيها

 

[دكتور كويتي]

رد مثلي ما صار . ان شاء الله اعرف للسلاحف اي مساعده حاضر .

 

[دكتور كويتي]

رد loloki . هذا مسمار لحم طريقتج زينه بالعلاج. بالنسبه للحشرات في بخاخ ترشين القفص .

 

[دكتور كويتي]

رد ayami . يختفي اللون الأسود واذا بالجسم يطلع شعر .

 

[دكتور كويتي]

رد ام بشار . استخدمي betamox مضاد حيوي ممتاز

 

[Loloki]

امس جازفت دكتووور ورشيت هههههههه بس الحمدالله ماصار شي بطيوووري

دكتور هذا مسمار لحم مايطلعه مره ثانيه من شنو طلعله. بكون معاك صرييييحه

صارلي فتره هامله لطيووور وقاعاتهم من جذي طلع حشرات خخخخخخ ووويع ههههههه

وبقفص كاسكوي. دوووود الله لا يوريك دكتور لوعت جبد تهقه من جذي صار فيه جذي

 

[Catino]

السلام عليكم دكتور جزاك الله خير
بس هالايام قطوتي صايره تاكل كل شي خيوط من الكنب وورق واي شي قدامها تاكله مادري شالحل اخاف تاكل شي وتقص فيه وتختنق محد داري عنها .
المهم
وقبل يومين عطيتها زبادي ومن عطيتها حاشها اسهال قووي مدري شسوي فيها عشان يروح الاسهال انزين وسمعت البطاط المهروس يمسك البطن واليوم عطيتها اي وبعد عزك الله ريحته قوويه ! اي قبلها كان مع خروجها شي لزج شفاف مادري شنو --"؟
اي واهي تااااكل وايد لييين ترجع مادري ليش ؟؟؟؟ يعني عادي او لا !!! اي ماتعلج الاكل على طول تبلع ؟؟
وهذه هي الاعراض اللي مسويه لي قلق هالايام ياليت تكون دكتور فهمت كلامي لانه فوق بعض من التوتر مو قادرة ارتب الكلام وجزاك الله خير

 

[دكتور كويتي]

رد loloki . مسمار اللحم يطلع بسبب جرح قديم بالرجل أو التهاب في المنطقة يسبب نمو لحم جديد . أما بالنسبة حق الديدان لازم تنظيف يومي للقفص ورش المكان بالمطهر .

 

[دكتور كويتي]

رد catino . ممكن عندها نقص بالعناصر والفيتامينات لازم تعطينها فيتامين بالماء . علاج الاسهال betamox أو tylogen . البطاط زين . انتي غيرتي الاكل عساس جذي صار معاها اسهال . استخدمي المضاد الحيوي خمس ايام

 

[Loloki]

شلون ارش بالديتول ؟؟؟

 

[Ayami]

دكتور صارلي ٤ ايام الحين على العلاج الفطريات صار لونهم برتقالي غامج واذا جسته ينشال .، والشعر فيه اماكن الحمدلله قاعد يطلع ، ومستمره بالعلاج ان شاءالله.
بس فقد شهيته مو راضي ياكل لا اكل رويال ولا لحم بس يشم مو راضي ياكل حاولت فيه ؛((
ضعف من امس والاكل على حطته اليوم قاعد احاول اوكله لحم مو راااضي بس يشم .

 

[Catino]

يعطيك العافيه بس مو متوفر عندي مضاد حيوي حالياً للاسف
بس سؤال سمعت انه زيت الزيتون مع الماي يفيدها صح ؟؟ وبعد ممكن اعطيها نشا و شاي ؟؟ عادي !
و شنو اعطيها عشان يوقف الاسهال لانه كانه ماي وتكسر الخاطر توقف باللتربوكس وقت ومايجي شي ��
ومششششكور

 

[NaYoob]

السلام عليكم دكتور

عندنا طير في صدفيه بريله وبنحطله الدوا لين يطيب
بس هل صدفية الطيور تعدي اذا مسكناه ؟

 

[Ferkaita]

يعطيك العافية دكتور , عندي قطوة والدة صارلها ٣ اسابيع يابت ٣ الحمدلله صحتهم زينة ويرضعون من امهم كل ساعتين تقريبا , اليوم الصبح قعدت على صوت صراخ واحد من اليهال ورحت لقيت امه عاضته وكأنها تحاول تشلع شي منه بأضافرها و ما تركته الا لما مسكتها حيل وشلته من حلجها وطبعا رقبته انجرحت و بطنه تعور حيل ! شلته عنها وما ادري شسوي الحين ! اخاف ارجعه لها تذبحه .. ومادري شنو اعطيه ياكل ؟ واوديه المستشى يشوفون جروحه ياريت اترد علي وايد كاسر خاطري شكله يوعان

 

[دكتور كويتي]

رد loloki . في مطهرات مثل فيركون اس .

 

[دكتور كويتي]

رد ayami . لازم تعطينها مضاد حيوي + فاتح شهية .