عرسج مطول !!! تعالي شاركينا افكارج ( الجزء الثالث )

[طعنـــة غـــدر]

احجزي مركز عنايه بالبشره ممتاز

اختاير عياده ممتازه ولاتستخصرين علي نفسك شي اطلبي علاج بالاشعه تحت الحمراء
Infrared Light Treatments
قبل التصوير او المناسبه باربع او ست اسابيع عشان البشره ترتاح وطبعا العلاج بالاشعه تحت الحمراء افضل من التقشير الكميائي و الليزر عشان مايسبب حروق عشان يعزز الكولاجين و يقلل التجاعيد و الخطوط الرقيقه حتي الاقنعه لا زم تسوينها قبل الجلسه باسابيع


رطبي بشرتك

حافظي علي رطوبه البشره عشان تقللين من التجاعيد لان الجفاف يكبر العمر ويبين التجاعيد


دلكي بشرتك

تدليك البشره لمده 10 دقايق يوميا يقلل التجاعيد و يعيد النشا لخلايا البشره و يعطيها نظاره ".


ليني شفتك

الخطوط في الشفاه تعطي عمر اكبر قشري شفتك و استخدمي مرطب يوميا عشان تحافضين علي رطوبتها و علي لونها الوردي لان الجفاف يعطيها لون رمادي شاحب
.
رطبي الوجه قبل الاساس

استخدمي مرطب قبل الاساس عشان يمنع جفاف الاساس ويتالي حدوث الخطوط الرقيقه

اخلطي عاكس الضوء مع الاساس

اخلطي الاضائه الخاصه بالوجه مع الاساس ليعطي انعكاس للضوء علي كامل الوجه بتالي اخفاء لتجاعيد

اختاري خافي عيوب مميز

اختاري خافي عيوب مميز و استخدميه بعد الاساس مو قبله حطيه تحت العين و بالاماكن الملونه بجسمك و وجهك عشان يعطي لون موحد للبشره

استخدمي قطرات عيون

اذا عيونك تتحسس من الضوء او من العدسات وتقلب حمر في ذي الحاله استخدمي قطره تصفي العين

اصحي بدري

اصحي بدري عشان بشرتك ماتتنفخ ولاجفونك و لاتحمر بشرتك واذا ما امداك سوي كمادات بابونج بارده توخر الانتفاخ و تقلل الحمار و تعطي حيويه للبشره

لا تحطين اساس كثير

اذا سويتي الي قلتلك قبل ماتحتاجين اساس كثير لا الاساس كثير يبرز التجاعيد و المسام عشان كذا اكتفي بنقط علي وجهك و اذا احتجتي حطي بالمكان الي احتجتيله بس مثل الجبهه او الخد

لاتحطين بودره كثير

لاتكثرين بودره بعد الاساس لانها تزود التجاعيد و اذا ملزمه استخدمي حقت فور ايفر البيضاء لانها تعطي ملمس مخملي او حقت جيرلان و البنات يمدحون حقت سمارش بوكس

اعملي سكرب

اذابشرتك جافه سوي اسكرب اوتقشير لجسمك ولركبك واكواعك عشان تخففين من جفاف بشرتك وتشيلين الجلد الميت وتوحدين لونها


شيلي شعر وجهك وجسمك

اهتمي بشيل شعر الوجهه بعنايه و شعر الجسم قبل الجلسه علي الاقل ب 3 ايام عشان ماتحمر البشره وتتهيج و ماتظهر حبوب مع ان يفضل انك تشقرينه عشان ماتتعب البشره اذا كان خفيف بس اذا تقيل الل يعينك لازم شيل

اهتمي بشعر

اهتمي بشعرك و اعملي استشوار مضبوط او بلبليه بالماء حسب اللوك الي حابه تظهرين فيه و اذا كان شعرك مصبوغ انتبهي من الجذور لاتكون مو مصبوغه و قصي اراف شعرك عشان تبان صحيه و استخدمي بخاخ حمايه علي شعرك قبل التصوير

اخيرا وليس اخرا حافظي علي ابتسامتك

طبعا ابعدي عن ملونات الاكل و الكركم والبهارات والمشروبات الغازيه و فرشي اسنانك قبل المناسبه و يمدحون لصقات كريست للامانه ماجربتها الي مجربها يعلمنا لاني جربت التبيض بالليزر ولا فاد اسبوعين ورجعت مثل ماكانت واكتشفت اخيرا ان الاسنان تعطي جمال للشكل وتزيده جاذبه يعني اذا اسنانك مفرقه سوي بريسز واذا مسوسه او متكسره سوي حشوات تجميليه او لبسيها يعني تعبري بعمرك لانها مهمه جدا
وعموما حافظي علي البسمه لانها مفتاح القلوب و البسمه في وجه اخيك صدقه و كمان في ناس مثلي ودك ماتشوفينهم لا ما ابتسوما يصيرون متكبرين وتبعدين عنهم ولا ابتسموا صاروا جنت الدنيا

اتمني تكون نصائح مفيده و جديده للبعض وتمنياتي بجلسه تصوير رائعه

 

[طعنـــة غـــدر]

ممــــآ رآآقَ لــــــيّ..,,


وِطٌبّعـــآ منٌقَــوِل ٱحًتُجَتُــۂ لنٌفُسًــــيّ وِقَلتُ خٌل ٱفُيّــدُكم حًتُــى لــوِ مجَـــردُ قَرآآءۂ
ٱللـــيّ رآآحً ٱطٌــرحًۂ لكــم منٌــوِع لٱكــنٌ بّٱلمفُضـــلۂ عنٌـــدُيّ : )





"حياتي...... شكي "

ربما قد سمعتى عزيزتى عن المقولة التى تقول"أنت لا تستطيع أن تحب أى شخص آخر الا عندما تحب نفسك"، فهذه المقولة القديمة صحيحة فى العديد من الجوانب، وربما تكون مرتبطة بمحاولتك لأنقاذ زواجك خلال الركود.

واذا كنتى لا تستطيعين تقدير ذاتك، فأنتى بالطبع لا تستطيعين تقدير العلاقة التى تربطك بزوجك والنهاية ستكون حتما زواج غير سعيد.

حبى نفسك وانقذى زواجك
فربما قال لك زوجك " انا أحبك" العديد من المرات التى لايمكنك أحصائها خلال زواجكما .. ولكن هل تصدقيه فى ذلك؟

فعند سماع هاتان الكلمتان كثيرا ما نسمع معهما صوت نابع من داخلنا يقول "من الممكن ألا يكون صادقا" .. فكثيرا منا يفعل ذلك.

ويرجع السبب هو أننا نرى دائما أنفسنا لا نستحق الحب والتقدير من أى شخص، وهذه مشكلة شخصية بحتة، كما أن عدم تقدير الذات يعود بالسلب على الزواج أيضا.

واذا كنتى لا تعتقدين فى حب زوجك لك، فستجدين صعوبة بالغة لرد هذا الحب، وربما قد تضعين العديد من العقبات والشروط فى هذا الحب المتبادل بينكما
وهناك سبب آخر هو اذا

كنتى لا تعرفين ما هى الأشياء التى تجعلك شخص جيد للغاية، فأنتى بلا شك سوف تفقدين القدرة على معرفة مدى أهمية زواجك، فأذا لم تتمكنى من أضافة شىء جديد الى علاقتك مع زوجك واذا كان هو لم يحبك كما تتصورين، اذا فلماذا استمر زواجكما حتى الآن؟!

ويجب ان تعلمى عزيزتى أنه كلما استمر هذا الشك بداخلك، فسوف يعمل الى اضعاف زواجك وسيحل الركود به وربما ينتهى الأمر الى الأنفصال.

الزواج السعيد يبدأ من عندك
فأذا أردتى انقاذ زواجك فستكون الخطوة الأولى هى التغلب على الشكوك الداخلية التى تساورك، وأن تدركى كم أنت حقا شخص رائع يستحق كل الحب والأحترام.

واذا اتهمتى زوجك بأنه لا يحبك، فأنتى بذلك تتهميه بالجنون!

فعندما تتخطين تلك العقبة، فسيكون بأمكانك اعادة هذا الحب الى زوجك وربما أكثر بكثير، ومن ثم اقامة حياة زوجية سعيدة أنتما الأثنان تستحقونها.

 

[طعنـــة غـــدر]

منقـــول..


ماسك الشاي الأخضر |~


فوائد الشاي الأخضر للبشرة ( كماسك أو كريم )

- واقي ممتاز من أشعة الشمس الضارة وَ يعالج حروق الشمس

- يقي من سرطان الجلد

- يجدد خلايا البشره وَ يزيد من مرونة البشره

وَ يقاوم التجاعيد وَ يساعد على شد الجلد .

- يهدئ البشرة وَ مضاد للإلتهابات وَ الحساسيه

- مضاد للكتيريا ، يحارب حبوب الشباب وَ يقي منها

- يساعد على تفتيح لون البشرة


لصنع المآسك نحتاج لـ
ملعقة طعام زبادي كامل الدسم

كيس شاي أخضر ( أو شاي أبيض)
[ الخيآر لك أختاري إللي تَبينه الأخضر آو الأبيض ]


الطريقه ~

في وعاء نظيف نضع ملعقة الزبادي وَ أحبها تكون مليانه ،
وَ نقص كيس الشاي وَ نفرغ محتواه داخل الزبادي
الأفضل يكون الشاي ناعم عشان يكون أسهل بالمد
وَ تخرج خلاصته بسهوله ، مو بالضروره طبعاً
أستخدمت أوراق خشنه نوعاً ما ..

نخلطه زين ، وَ نغطيه وَ نخليه ينقع نصف ساعه على الأقل
شخصياً أحطه بالثلاجه وَ أخليه ليلة كاملة ،
من ثم نمده على وجهنا وَ نتركه من 15 إلى 20 دقيقه ،
من ثم نغسل وَجهنا بماء فاتر

بعده راح تحسون بإنتعاش مو طبيعي
الماسك أقدر أسميه رفريشنق ماسك ، ماسك يعيد الحيويه ،
وتحسين بالنشاط بعده ، يفتح لون البشره ، يقفل المسام ،
ينقي و يشده البشره يناسب قبل المناسبات يعطيك حيويه ،
أيضاً مناسب بعد البخار وَ تنظيف الوجه .


الماسك يناسب جميع أنواع البشرهـ
وَخاصه البشرة الناضجة

 

[طعنـــة غـــدر]

ماذا في جسمك :

أول مشكله جماليه تأثر ع شكل جسمك هو الشعر الزايد
طبعا كلنا نعرف طرق التخلص........ وألخ
زبدة الموضوع سوي ليزر ع الأقل شهر العسل مافيه شعر []
برضوا ماجربت الليزر بس من الي قريته له أيجابيات كثيره وهو الأفضل حاليا
من أيجابياته :
*مافيه شعر مدة شهر على الأقل
* مافيه شعر تحت الجلد
* مافيه مسامات
اذا اعجبك الليزر
اركضي احجزي لك جلسه []
نجي حق المشاكل الثانيه ( سواد / سترش مارك / آثار حبوب وطقات []/سيلولايت )
مالها علاج آمن وسريع المفعول إلا الي رح اقولكم اياه

طبعا أول شيء الي رح أقولكم الي مستعده تخلي من وقتها 3 ساعات كل يوم تكمل قرايه
والي عجازه وبتقول نفسيه وأرق ودلع مالها عندنا شيء []

أول شيء أخلطو كميه من السكر مع ربع الكميه زيت زيتون وربع الكميه عصير ليمون

يعني كيف []

يعني مثلا حطيتي فنجان سكر حطي ربع فنجان زيت زيتون
وربع فنجان عصير ليمون اهم شيء مايكون سايل خلو الخليط زي العجينه
اذا صار سايل زيدي السكر ين يصير زي العجينه []

طيب وبعدين

روحي الحمام وأذا عندك سلولايت دلكي جسمك بـ هذي الفرشاه معروووفه ببودي شوب او اللي تكون مالت الظهرر




تلقيناها عند بودي شوب وممكن في اي مكان ثاني بس احرصي انه تكون قاسيه
دلكي بأتجاه القلب وبحركات دائريره ضاغطه بس مو تمشخين جلدك اضغطي بدون قوه

ليش ؟؟
عشان تحركين الدم ويمشي ويغذي البشره الخارجيه ويزيل السموم والماء المتجمع قريب من طبقة الجلد الخارجيه ويخفف من مظهر السلولايت

شلون تعرفين اذا عندك سلولايت أو لا []

تربعي وأقرصي جلد الفخذ من الجهه الداخليه اذا شفتي جلدك صار متعرج زي قشر البرتقاله
معناته للأسف انتي تعانين من السلولايت

ايش هو السلولايت:

السيلو لايت هو الدهون المتجمعة في منطقة الأرداف والفخذين وقد يتجمع في أعلى الذراعين
وهي كتل دهنية تتجمع بها بعض السوائل والخلايا الدهنية وسموم الجسم
ومن هنا ينشأ ضررها وهي ممكن القضاء عليها نسبياً
بالرياضة والتلدليك معاً لكنها تحتاج للصبر والجهد والمثابرة
وهي تصيب النحيفات والسمينات لكن في السمينات أكثر
وهي سببها قلة الحركة وتكرار الحمل والولادة
كما أن عامل الوراثة يلعب دور في مسألة السيلو لايتاذا ما عندك سلولايت اتركي هذا الجزء

بعد ما تدلكين جسمك جيبي الدش وخليه دافي ومستوى الضخ ع اقوى شيء
وحطيه في الأماكن الي يتجمع فيها السلولايت وحركيه على شكل دوائر
والأمكان الي ينتشر فيها السلولايت هي ربلة الساق
والفخوذ والباك والبطن الزنود حاولي توجهين الماي لـ هالمناطق
وتقربينه منها وتحركينه بـ حركات دائريه بطيئه

خلصنا جيبي خلطة المقشر الي سويته
وقشري جسمك بحركات دائريه على خفييييييييييف لا تدعكين ابد

خلاص اغسلي جسمك بمويه وبعدين جيبي هذي الصابونه صابونه البابايا



تلقينها بالصيدليه أو بالعطاراين

وغسلي جسمك فيها بدون ليفيه رح تخلي جسمك جاااااف ورح توخر السواد والحبوب خطيره هالصابونه

وبعدين غسلي بمويه باااااااااااااااااااااااااااااااااااااارده مره

نشفي جسمك رح تحسين انو جسمك جاااااف مره

استخدمي كريم ترطيب غني
مثل زبدة الككاو من فازلين أو هذا الكريم انا استخدمه



خلصنا من الحمام ونعيما []
الشيئ الأخير
سوي رياضه شدد واركز على كلمة شد
ليه لانك كـ عروسه سواء نحفتي رح تحتاجين تشدين أو سمنتي رح تحتاجين لشد
تمرين بسيطه 30 دقيقه تكفي وحاولي تكون رقصه او شيء تتعلمينها من اليوتيوب وتوسع صدرك
وتبعدك عن التفكير

اخر شيء انصحكم ياعرايس خلوكم ع الفواكه والماي وأبعدون عن البطاطس والملح والمقليات
عشان ما تنفخكم
وبعد الفاكة تاكلينها احسن من تشربين عصيرها

اقل كالوريات / تشبعك / تخلي بشرتك نظره []

وبس خلي هذا برنامجك اليومي

 

[نجدية2011]

إيمان الكويت
ياحياتي انتي بسوي اللي قلتيه
المشكلة الحرمة عاتبت وحده من الجالسات لانها شالت فخوذها
تقول الشعر قليل
فانا شكلي بكتفي بالساق

 

[Riema]

من صجج لو بالجهرا المهم يكوون عندي


وعلى خلطة الخطوط اخذي مالت مآي ورد هذي
ما استغني عنها كل ما خلصت شريتها ..

واشتري من سيتي سنتر كريم بالمرز للتشققات + الكولاجين تلقينه مو مكتوب
عليه شي بالعربي وطويل كرتونه لون بيج على بني عجيب وربي ..
دايما رطبي جسمج كله في حده عجيب ..​

ايمان حبيبتي اذا ناعليج امر ممكن تنزلين صوره الكريم الكولاجين او تعطيني اسم المنتج

الحمدالله خلصت كل المشاكل بس باجي الخطوط لاعت جبدي
وفي كذا وحده مدحت لي خلطه ماي الورد باجر بطرش مسج واطلب منها

 

[Riema]

انزين ريما حبيبتي شلون ع مقاديرهم كلهم نفس المقدار والا لا ؟!.
ومايصير اخلطهم واحطهم بعلبه ؟!.

قفشه من السدر وقفشه من كركم الجسم وباجي الزيوت قفشتين

 

[ريناد السعودية]

ربي يسعدكم والله يتمم لكم فرحكم

انا بصراحه دخلت لارضاء فضولي

دعواتكم ان الله يرزقني

وان شاء الله انخطب قريب

وحلمي زي اي حلم بنت اكون ام يارب

والله حبيتكم كلكم وتمنيت لكم السعادة

واهم شي يابنات تحافظون على ورد يومي من القران

يالله دعواتكم

 

[Riema]

طعنة قدر

مشكوووره ماقصرتي اليوم بجرب ماسك الشاي الاخضر وبشتري الفرشه من بدي شوب


يعطييج العافيه

 

[عبيرر22]

:eh_s(17):

 

[قآنون كيفكـ!!]

مساء الورد ...
شلونكم !!
اليوم سويت حمام مغربي وزيت شعري بخلطة البقدونس حلوة شعرج يصير منظرة صحي وايد
بس مالاحظت انة كثر كاسر خاطري شعري ...
...
بنات تعرفون جلامور السعودية اللي بقسم المكياج دشيت انسقرامها منزلة صورة لمجموعة خاصة للشعر تمدحها
وشعرها مبين بالصور كثيف وحلو ماشاء الله الله يحريها
من جربت المجموعه حقتها من نزية لونها اخضضضر ..

 

[كلي هداوه]

ربي يوفقكم
بس لتكثرون استخدام الليفه الخشنه مالت لصابون المغربي وايد
تجيب السيلولايت ..

 

[دلوعهـ ع الصامت]

بناااااااااات حبوب كبد الحوت يطول ويكثف الشعر وربي بنت خالتي مجربته مع انه صعب يطول شعرها ولله تفجأت ما شاء لله

وليه شهر استخدمه ولاحظت حتى اضافيري تطول بسرعه وقويه بعد انصحكم تستخدمونه

 

[عذبـة الاطبآع]

ايمان الكويت روحي الحواج تلقين عنده الفازلين البنفسجي

انا نفسج كنت ادور عليه وانصدمت اني لقيته عند الحواج !! ,واي حواج بالكويت تلقينه عنده

يلا ادعي لي وياج ;p

 

[بحرينية بحرانية]

مرحبا بنات
و الله تجمعكم حلوو
انا مخطوبة و عرسي بيكون ان شاءالله بعد 2 ل 3 سنوات
ادري واايد
بس المدة تناسبني على ما اتخرج من الجامعة و يطول شعري ان شاءالله
جسمي حلوووو ماشاءالله
ما لي مشاكل فيه
بس هالايام قاعدة افكر انفخ شفايفي
من جربت تسويها؟
او جربت منتج يا ريت تفيدني حدي محتارة

 

[إيمــآن الكويت]

ايمان حبيبتي اذا ناعليج امر ممكن تنزلين صوره الكريم الكولاجين او تعطيني اسم المنتج

الحمدالله خلصت كل المشاكل بس باجي الخطوط لاعت جبدي
وفي كذا وحده مدحت لي خلطه ماي الورد باجر بطرش مسج واطلب منها

اذا خذيتي خلطة ماي ورد تكفي عن هالكريمات كلها
خلطتها ترطب وتخفي الخطوط وتنعم وتفتح وربي اتينن ..

انا بما ان ما عندي شغل لا كليه ولا دوام ولا حتى تجهيز
فـ قاعده ارطب جسمي بدقيقه واخلط كل اللوشنات مع بعض
اقري الصفحة الي قبلها كاتبه شنو اهم ، ارطب جسمي كله
من رقبتي لين تكرمين ريلي ..
​

 

[إيمــآن الكويت]

.
.


بنآآآآآآآآآآت باركولي اخيـرآآآآآ لقيت لوشن فازلين البنفسجي
لقيته بجمعيـــة النزهـــة من الوناســه خذيت 3 علب :eh_s(9)::eh_s(22):​

 

[Riema]

ع البركه ايماان زين حصلتيه

انا استخدم فازلين البنفسجي تعجبني ريحته

 

[قآنون كيفكـ!!]

مرحبا بنات
و الله تجمعكم حلوو
انا مخطوبة و عرسي بيكون ان شاءالله بعد 2 ل 3 سنوات
ادري واايد
بس المدة تناسبني على ما اتخرج من الجامعة و يطول شعري ان شاءالله
جسمي حلوووو ماشاءالله
ما لي مشاكل فيه
بس هالايام قاعدة افكر انفخ شفايفي

من جربت تسويها؟
او جربت منتج يا ريت تفيدني حدي محتارة

هلابج الله يوفقج ويتمم فرحتج يارب ..
تفخ الشفايف مادري ماجربتة بس سمعت عن كريم ستيفز كولاجين
يعطيج امتلاء حلو ..
وبالنسبة للي ماايد التفخ بالعيادات طالعي الفنانات اطراف شفايفهم تلوع الجبد
جنها مترهله ..

 

[قآنون كيفكـ!!]

والله الايام تركض رككككض
عسى الله يوفقنا يارب ..........