تهقون بيستمر زواجهم ؟

[رحيق الجنه]

السلام عليكم


متزوجات بحكم انتو عندكم خبرة

اذا واحد تزوج وحدة اصغر منه بثلاثين
سنه هل ممكن يستمر الزواج

خالتي تزوج عليها رجلها هو عمره 46
والبنت إلي متزوجها تدرس بثانوية عمرها 17*ما تزوجت من قبل

هل مثل هالزواج
ممكن يستمر ؟

 

[ناتشوو]

مقدرة مشاعرج المتعاطفة مع خالتج
بس هالاشياء في علم الغيبواكيد الزوجة الجديدة
لها حسبتها قبل موافقتها
وغالبا بيكون الجسد مقابل المال
خالتج خاصة اذا كان بينهم عيال
عندها الكثير تشغل نفسها فيه
من مسؤوليات و توجيب ،، الخ
ومشاعرها كل شهر عن شهر عن سنة بتقل حدتها
اذكر لقاء مع يوسف البدر
قال بما معناه
القديمة ماراح تقدر تنافس الجديدة
بالجمال والدلع والجسم الجديد الشاب
لكن عندها العشرة
وهي عارفته وخابزته
كلش لا تدش بمشاحنات مع الجديدة
وخل تتجنبه هالفترة
مردها بتطخ مشاعره واحاسيسه الجديدة

 

[ام اريج 22]

السلام عليكم


متزوجات بحكم انتو عندكم خبرة

اذا واحد تزوج وحدة اصغر منه بثلاثين
سنه هل ممكن يستمر الزواج

خالتي تزوج عليها رجلها هو عمره 46
والبنت إلي متزوجها تدرس بثانوية عمرها 17*ما تزوجت من قبل

هل مثل هالزواج
ممكن يستمر ؟

ح:eh_s(10):شقصدج

 

[كليـ دلعـ]

مسلمه انتي!؟

اكيد!؟

دام مسلمه مااعرفتي ان علم الغيب عندالله سبحانه!؟

ربج هو اللي يدري


مافي قااعده معينه

اعرف وحده ريلها اكبر منها ب٢٥ سنه

عايشه معاااه احلاحيااه واستمر معاااها ع طوول



واعرف نفس الحاله بعد لكن طلقها خلال اسبوع!!


يعني ماكوو مقياس

هذي توافيج

 

[كويتيه فرنسيه]

والله استمرار الزواج او فشله شي مايعلم فيه الا ربنا

خلاص دام خالتج رضت انها تقعد على ذمته الشكوى لله خل تتحمل وتلتهي بعيالها وبالزوارات واذا مو قادره تتحمل خل تنفصل عنه ترا المطلقه بالكويت تعيش ملكه بيت ومعاش وخير من الله

 

[سندس 90]

الله يعينها

 

[lemonda]

مو فارق السن الي يحدد استمرار الزواج هو توفيق من الله

 

[(حكاية قلب )]

أنا خالتي ريلها أكبر منها بـ35 سنة
يعني اكبر من ابوها الله يرحمه
~
ومحد يدري اذا زواجهم بيستمر الآ عالم الغيب
​

 

[مشتطـه]

ما اظن لانهااااا ياااااااااااهل بيتمتع فيها ويطلقها

رياييل الحين مو مثل قبل
عادي يطلقون بسهوله

 

[نـعـومـه]

بيييه مع احترامي في بنات قامو يتفلسفون ويشككون بديانه البنت !!

البنت قالت تعتقدون يعني من خبرتكم بالحياه فيدوني هذا قصدها !

والله حبيبتي فرق العمر حيل كبير صعب يتفقون ويتوالمون وغريبه منو يرضى يزوج بنته بثانويه لشخص بهالعمر!! الا اذا كانت اجنبيه وفقيره!!

الله يعين خالتج

 

[mmloo7a]

ما اظن لانهااااا ياااااااااااهل بيتمتع فيها ويطلقها

رياييل الحين مو مثل قبل
عادي يطلقون بسهوله

إلا العكس
البنات اهمه اللي يطلبون الطلاق على أسباب تافهه ونسبة الطلاق وصلت فوق ال40% والسبه دلعهم الماصخ
الا بحالات خارجه عن ارادتهم :eh_s(4):

 

[نـعـومـه]

زمن اول يمكن عادي فارق سن بس الحين صعبه

 

[مدّهره !]

الله أعلم ....~

 

[ام لعيال]

متطلبات الجيل الحالي ما تناسب الجيل السابق بيشوف ان كل اللي تسويه منقود ومهما حاولت ماراح تقدر ترضيه ولا اهو بيريحها خصوصا الطلاعات في عمره راح ايحب يقعد ف البيت اكثر واهي تبي تلبس عباتها ومن مكان لي مكان تتونس لانها اخلصت من تحكم الاهل وبطيح في تحكم الزوج المسن​

 

[ام الحلوااات]

يــجـــــوز يــنــجــح ويــســتــمــر لانــه نــفــــس حــالــة
واحـــد مــن مــعـــاارفــي ومــاشـــآء اللــه مــسـتـمــر​

يــرجـــع للــزوجـــه الــجــديــده اذا كــان الــزوج عــاجــبــهــا
ومــقـتـنـعــه فــيـه وراضــيــه بــظــروفــه والـزووج راااضــي مــمــكــن يــسـتــمـــر وبـنــســبــه كــبــيــره
امــا لــو الــزوجــه مــغــــصــوبــه ومــو رااضــيــه بــاالــزوج
ولا عــاجــبــهــا تــكــوون الــثــانـيــه والــزوج اذا كــانــت اســبــاابــه
للــزواج غــيــر مــقــنــعــه بــس طــيــش
واســـم انــي بــاهــاالــعــمــر تــزوجــت بــنــيــه صــغـــيــره يــتــشــبــب يــعــنــي
فـــي هـــاالــحـــااالــــه شــكـــل الــزوااج نــــزوووووه وتــعـــــدي
عــمـــومــآ هـــــذا بـــعــــلــــم الــغــــيــــب ​

 

[فرزاشيهـ]

امممم بالنسبه لي صعبه لان مثل ما قالت الاخت ام العيال

جيله غير عن جيلها ف بيشوف نص الاشياآء اللتي تسويها او تلبسها مفروضه و فاارق ٣٠ سنه !!! صعبه

كبر ابوها يعني شلون راح يفهمها و يفهم طريقه تفكيرها ! استغرب من البنات اللي توافق عل واحد كبير ولا متزوج بعد ! ابني حياتي عل خراب بيت ثاني !

 

[حبي مودي..]

الله اعلم ,, الله يكون بعون خالتك

 

[ناتشوو]

بس مرة سمعت طارق الحبيب
اظن سماها الشخصية الهستيرية
هذي عادي ممكن تستمر بزواج رغم فارق السن
يعني تتزوج اهم شي فلوس تسوق انطلاق
مايهمها علاقة حميمة او تفاهم
وهذا شي يبيه كبير السن
مايقدر ع كثرة اللقاءات الزوجية لكن مستعد يصرف
ويدلع

 

[Patcholli]

ممكن اي وممكن لا
حسب الظروف واسباب الزواج ودوافعه

 

[Tom ♥ Jerry]

,


يمقن ايه يمقن لا !