تجمع اللي راح يولدون بمستشفى الصباح ...

[ام عفراء]

السلام عليكم


زين لقيت هالتجمع

لانه وايد اسمع كلام اللي يذم واللي يمدح وماني عارفة


.....

نبي تجارب جديدة بالصباح

وبعرف الحين لما تروحين لهم فيج ولادة ؟ طبعا اللي اعرفه مايرضون تدخلين شي معاج ؟ صح ؟؟

شلون جنطة الاغراض وين اخليها والا هم يجيبونها لي .... ماني فاهمة وتلفوني بعد شلون ؟؟؟

احس عزلة عن العالم الخارجي


بليز اللي مجربة الولادة .. توضح لي هالسالفة:eh_s(7):

 

[انجبر قلبي]

انا نفس الاستفسار ياليت اللي والده هالسنة تطمنا عن الولاده اهناك و الخياط سواء قيصري او طبيعي بليز بنات و ابره الظهر لي جم سانتي مسموح لي اخذها و هل لازم يكون عندي ملف عشان اولد عندهم مايصير حزة الولاده يفتحون ؟

 

[HaMboOoSha]

ام عفراء

و

انجبر قلبي

انا ولدت بجري بالصباح ب٢٠١١

المعامله حلوه ويهتمون فيج بغرفة الولاده بس طبعا مايخلونج اتدخلين شي معاج لا تلفون لا جنطه لا ملابس ولا اي شي

وانا عطوني ابرة ظهر لان ولادتي تعسرت ٢٣ ساعه وانا بغرفة الولاده و والله لو مستشفى خاص جان ما صبرو علي وعلى طول فتح بطن بس هذيل صبروا

وطبعاً توفير لأبعد الحدود

بس العيوب: نادر ماتحصلين خصوصي
حمامات تلوع الجبد ونظافه قليله

بس ما تتحملون يومين بس؟؟

انا عندي عادي اتحمل يومين ولا اقط فلوس بالخاص انا والبيبي اولى فيهم

 

[انجبر قلبي]

مشكوورة حبيبتي


والله ياختي نتحمل بس الخوف من الخياط هذي المجازفه لان ماتقدرين تختارين الدكتورة او الدكتور اللي تبينه


بس شلون ما اتييبين معاج ملابس شتلبسين عيل


وشلون عالاغراض اللي تحتاجينها

 

[HaMboOoSha]

انجبر قلبي

وربي وربي الخياط عجييييييييب سوته لي دكتوره كويتيه صغيره

والملابس بس تولدين و يودونج الجناح انتي تكونين مجهزه جنطتج واييبونها لج اهلج

بس من ناحية الخياط الحمدالله يارب حده حلو ومرتاحه منه

 

[HaMboOoSha]

اي وبعد عقب يومين يتني الدكتوره قالت ها ارخصج فلتلها لا بعد ابي يوم برتاح شوي وخلتني يعني حيل يهتمون فيج

 

[انجبر قلبي]

همبوشه فديتج علا هالكلام اللي يريح القلب والله عسا الله يريحج

انشاللله من نصيبنا هالدكاترة الللي لهم خبرة بالخياط


يقولون ماتختارين الدكتو ر



انزين يعني حزة الولاده صج كل من يشوف اللي تحت فشله كلمن هب و دب قلنا حكومة بس مو جذي فشله

 

[HaMboOoSha]

انجبر قلبي والله شوفي انا لان استعسرت ولادتي ٥ دكاتره وقفو على راسي اهتموووو حيل فيني وسستر واقفه على راسي تمسح على راسي وتبلل اكلنكس وتمسح ويهي وتحطلي فازلين على شفايفي تقولي عشان اذا ولدتي البيبي يشوفج حلوه ههههههه ياحليلها صج صج اهتمت فيني ويارب ينولج نصيب من الاهتمام اللي حصلته ..

بس انتي اذا ولادتج سهله باذن الله السستر تولدج انا لما انفتح الرحم خلاص السسترات ولدوني

انتي بچر والا والده من قبل؟

 

[kareeb]

انا عن تجربه ولدت مرتين عندهم يهتمون فيج وبالهم طويل وأخذت بالمرتين إبرة ظهر
والخياط الحمد لله ممتاز مع أني مو موصيه على دكتوره معينه
وكلها سهالات من الله

 

[HaMboOoSha]

كاريب
الحمدالله خيتي والله على نياتكم ترزقون مشكوره ع نقل تجربتج لنا

 

[M!Ss Smart]

بنات منو تعرف د ابرار العنجري بصباح يمدحونه ؟؟؟

 

[انجبر قلبي]

انجبر قلبي والله شوفي انا لان استعسرت ولادتي 5 دكاتره وقفو على راسي اهتموووو حيل فيني وسستر واقفه على راسي تمسح على راسي وتبلل اكلنكس وتمسح ويهي وتحطلي فازلين على شفايفي تقولي عشان اذا ولدتي البيبي يشوفج حلوه ههههههه ياحليلها صج صج اهتمت فيني ويارب ينولج نصيب من الاهتمام اللي حصلته ..

بس انتي اذا ولادتج سهله باذن الله السستر تولدج انا لما انفتح الرحم خلاص السسترات ولدوني

انتي بچر والا والده من قبل؟

هههههه يحليلها

سامحيني توني اشوف مشاركتج

انا هذا ثاني حمل انشالله بس ولادتي الاولي قيصري عشان نبض البيبي ضعف

من جذي فكرت بالصباح قلت يمكن يصبرون علي و يولدوني طبيعي

رحتلهم طواري ذاك اليوم سوولي تحليل دم و تخطيط و دخلت عالدكتورة والله زينين

بس ان مشكلتهم فوضا ماكو تنسيق بالطواري اقصد ماكو دوور لو في دور جان احسن

الحين انا اراجع بالسيف اخر مره حولوني الصباح قالوا مانستقبل حالتج عشان عندي نقص بالصفايح

بس اخر مراجعه قالت لا النسبه ارتفعت وكل شي اوكي وانشالله تولدين بالسيف

ف الحين تشتت خلاص

نشوف حزتها اللي كاتبه ربي يصير انشالله

 

[M!Ss Smart]

اب اب اب


بليز بنات منو تراجع عند دكتور مايكل النيجيري زين ولا لا انا اول حمل اجهضت والحين حامل الحمدلله وخايفه ومدحولي هالدكتووور

 

[قرارك صعب]

قووووووووة بنات
انا بجر وناويه اولد بالصباح لان اختي وامي كله فيه وزوجي يقول كيفج تبين خاص ولا الصباح
اختي من تجاربها تقول يهتمون وينطرون عليج بس عيبهم النظافه والنفسيه بس كله تنسينه لما تشوفين ضناج
وبنات خالتي راحو خاص وكلهم قيصريه قالو ما انطرونا تاخرنا بس 4 ساعات وع طول فتح بطن خفت انا مابي قيصريه
وبنفس الوقت خايفه من الخياط فكرت اولد بالصباح واسوي تجميلي بالخاص بس ما قررت للحين
والصباح والله اريح نفسيا وتحسين بالامان كل االلي ولدو فيه ما يذمون العنايه الطبيه بس الاسلوب والنظافه وهذا ما اعتبره مقياس
بس اللي اعتبره مقياس جسمي ووطفلي اذا كلهم زينين المستشفى زين يعني مومعقوله بروح خاص واقط فلوسي عشان نفسيه سستر ما راح اشوفها الا يومين اذا مو يوم حتى

والله بروح الصباح وبقولهم عندي واسطه وابي كل شي كمام وابره وكل شي عندكم ههههههههههههههه
وانا قلت للزوجي اذا حكومي لازم تجيبلي واسطه مابي ولا هندي او جنسيه ثانيه يمي وغرفتي تكون زاهبه الخاصه قال ابشري وبس ماعندي سبب اروح خاص


والله يسهل علينا ياااارب ويرزق كل محروومه
يارب

دعواتكم

 

[بنفسجيه_Q8]

الله يهون عليكم

 

["*آآآنؤؤؤقهـ*"]

الله يهون علييييكم

 

[مشتطـه]

بنات الصباح حلو بس انصح البجر تولد بالخاص لسبب واحد فقط


ان الصباح يحرمونج من امج وقت الولاده

وانا شفت الموت بعيوني يوم يتني ولادة مبكرة مت من البجي الكل يشوفني وانا اودع امي

الكل قام يسأل شفيها

قالو مادخلو امها وياها

والسسترات عورت قلبهم لاني بجر ما اعرف شي

والاجواء صعبه كانت علي


مأساه مستعده ادفع الف بس اهم شي امي تكون يمي

بنات الولادة تجربه يديدة لازم امج يمج تهديج

وشوفتها يمي ترد الروح

عسى الله يحفظها لي يارب


الحمدلله كنت داشه الولادة بالصباح وانا بالثامن

بس ماولدت بفضل من ربي الحمدلله الحمدلله

وامي بره مانامت تنطرني

وفيه مصريه كانت تنقل كلامي لامي وتنقل كلام امي لي

مأساه عسى الله لا يعودها

وانا وحده مستحيل ادش غرفة ولاده من غير امي عسى الله يخليها لي يارب يارب قولو امين امانه بنات

والحين انا بالغربه ولو فكرت احمل الحمل الثاني قايله لامي ما احمل الا لما توعديني
تجيني


تخيلي هذا وانا مو بجر


نصيحتي للبجريات

 

[مشتطـه]

اي نسيت اقول ولدت بالتاسع بالسلام ودشت امي وياي طول الوقت بغرفة الولادة
تقرى علي قرآن وماسكة ايدي لما ياني الطلق

ومجرد شوفتها تريح بالي بعد الله

الحمدلله ....

 

[craft82]

رفع.

 

[craft82]

معقوله مافي احد يرجع بالصباح يلااا ابي نشاط لنا اول مره افتح ملف