ليش منصب "دكتور" بالجامعه شبه مستحيل؟

[الحورية الصغيرة]

متوسط طلبة الجامعه يتخرجون 4 سنين و نص يعني أعمار أغلبيتهم 23و شي

و على ما ينطرون الإعلان و يرحون يقدمون و يدقون عليهم و المقابله و التوفل و هالسوالف يبيلها سنه أو سنه و شي

يعني أعمارهم صارت تقريبا 25

بعد ما ينقبلون بالبعثه يبيلهم أكثر من سنه يراسلون الجامعات عشان القبول و هذا إذا مو التعليم العالي عقدها

يعني أعمارهن صارت 26

و الماستر يبيله بين سنتين و يمكن أكثر اعمارهم صارت 28 و على ما يناقشون رساله الماستر صاروا 29 و بعدين تبدي نفس السالفه للدكتوراه سنه يدورون جامعه و مقابله و جذي اعمارهم صارت 30 و 3 او 4 سنين دكتوراه 33 او 34 اعمارهم و على ما يردون الديره و يتوظفون و يمسكون شعبه صارت اعمارهم 36

و بعدين غالبيه الدكاتره لما يتوظفون يكونون بأول الثلاثينات

طبعا في تخصصات أبسط من جذي بس و يخلصون بسرعه و في ناس أذكيه يبون القبول من الجامعه قبل قبول البعثه

هذي دكتوره مو بالساهل تنوخذ لو كانت سهله كل من خذاها

 

[الحورية الصغيرة]

و على فكره الدكتوراه بامريكا و أوروبا تدرسين من الصبح لي الليل

مو نفس مصر و الأردن و ربعهم

 

[Dr.Nouf]

جامعه 4 سنوات

ماستر 2 سنوات

دكتوراه 4 سنوات

يعني اقل شي يتخرج 28 والا غلب يتأخر بالدراسه يعني يتخرج من الجامعه يتوظف بعدين ياخذ اجازه دراسيه بعد اربع سنوات من الوظيفه وبعدها يمكن يتزوج وبعدها يسافر بره للدكتوراه الخ,,,,,,,,,
نادر اللي يدرس جامعه وماستر ودكتوراه صبه وحده لابد تمره ظروف فمن جذي على مايخرجون الا اهمه كبار بالثلاثينات

صح كلامج!

وحسب التخصص بعد

 

[وربي فديتني]

خووش موضوع .. ولو ما عندي خبره بهالموضوع بس لو نفتك من شي اسمه واسطه جان حنا بخير وجان حنا في تقدم ..

لان صارت مو واسطه الا ظلم ..

عالعموم قاعد اقرا واقول لنفسي انسي تكمليين دراسة ههههههههههههههههههههههه

 

[Alrem_q8]

في شي لازم تعرفونه اذا واحد ابتعث عن طريق الجامعه لما يخلص وياخذ الدكتوراه او الماجستير ((يلزمون)) عليه انه يشتغل بجامعة الكويت بعدد السنين اللي كان مبتعث فيها برا !'.، يعني اي واحد اخذ دكتوراه غصب يدرس بالجامعه
مثلا واحد اخذ باكلوريوس بالكويت بعدين قدم ع بعثه ماستر ودكتوراه مدتها ٦ سنوات لما يتخرج
غصب لما يرجع يصير دكتور بجامعة الكويت لمدة ٦ سنوات وبعد هالست سنوات عاد هني كيفك ياتكمل ياتشتغل بمكان ثاني
لان هذا نوع من انواع التعليم المكلفه جدا جدا
بس لو ياخذ باكلوريوس ع حساب الحكومه يشتغل وين مايشتغل على كيفه
فيعني لو اصلا في واحد كويتي سني شيعي بدوي حضري كمل الدكتوراه عن طريق جامعة الكويت غصب يخلونه يشتغل بالجامعه فمن خلال هالشي اعتقد ماكو واسطه لانك غصب تشتغل
وبالنسبه ليش كلهم كبار بالسن لان الدكتوراه مو سهله يبيلها وقت
وفي شي ثاني بعد الحين مثلا انا تخرجت من جامعة الكويت عمري ٢٢ وكان ودي اكمل ماستر بالكويت بكلية الدراسات العليا في شروط ! ومن احد هالشروط بالنسبه لخريجين كلية التربيه ان لازم تكون عندهم خبره وضيفيه يعني لازم اشتغل ثلاث سنين او سنتين ع حسب برنامج الماستر الللي ابيه بعدين انقبل
فبهالحاله اتخرج واتوضف عمري ٢٣ اشتغل ٣ سنوات اصير ٢٥ وممكن يطوف علي وقت التسجيل فراح اتأخر سنه كامله وعلى مااخذ الماستر وعلى ماانقبل دكتوراه واخلصها الا مضى الكثير من العمر ^_^ وصرنا بالثلاثينات
وهم سمعت في شرط حق اللي بيصير دكتور بالجامعه ان لازم بعد يكون له خبره ومدرس بالجامعات من قبل او المعاهد هذا بالنسبه للوافدين جذي تلقينهم كبار لان لازم يكون عندهم خبره
واعتقد يمشي هالنظام على اللي دارسين بحسابهم الخاص فهني ممكن تمشي الواسطه عليهم ^_~

 

[فـــخـــر]

الواسطه داشه بأماكن أقل اهمية من جامعة الكويت شلون عاد جامعة ومميزات ودنيا

اللحين مومهم واسطه ولا لا المهم المشكلة اللي صايره بالجامعة ازززمة نقص شُعب

والسبب ماكو دكاتره شنسوي لكم ؟!

 

[ظبية بوظبي]

ما علش داخله عرض بس مب مشكله المهم اقدم شي يكون مفيد
اولا حابه اقول ان مب كل شي يصير نقول عنه واسطه الحمدلله احنا في خير ومحد يحتاج لواسطه ولا لرشوه عشان يوصل
هالكلام يمشي اكثر فالبلدان الفقيره عشان يعيشون

اما الشي الثاني الي ابقوله
اني تذكرت وحده كانت معانا فالكليه كانت نسبتها فالثانويه جدااااا ضعيفه يمكن فالخمسين او اقل ما اذكر
وستغربنا كيف قبلوها فالكليه حتى هي بروحها كانت مستغربه ههههه
وانا عاد ماني من الناس الي تفكيرهم سلبي وسيده مثلا بقول واسطه
سالت لين ما عرفت
طلعت لما قدمت امتحان القبول فالكليه قدمت وحصلت على نسبه عاليه واحنا فالكليه اهم شي الانقليزي لان كلها بالانقلش وهالشي كان مصعب عالطلبه
فقبلوها
يعني في معاير احنا ما نعرفها لكن المؤسسات تركز عليها وتقبل على اساسها
ولان اش فايده يقبلون طلاب نسبهم حلوه لكن اللغه الانقليزيه عندهم ضعيفه ويمكن بعد كذا سنه وبعد ما خسرت الدوله عليهم يقومون ويرسبون وينطردون !!!
هم يحسبونها صح

 

[MiSs^^3OoBa]

الواسطه داشه بأماكن أقل اهمية من جامعة الكويت شلون عاد جامعة ومميزات ودنيا

اللحين مومهم واسطه ولا لا المهم المشكلة اللي صايره بالجامعة ازززمة نقص شُعب

والسبب ماكو دكاتره شنسوي لكم ؟!

انا معاج بهذي في ناس من سنة 2005 ناتخرجوا بسسب نقص الشعب

ووالله يابنات انا كنت رايحه باي فورس بكيفان وحده جنبي قاعده تكلم بنت من احد القوائم تقولها
انا صارلي سنتين بالجامعه وليلحين ماتخصصت وسبب مافي مواد او شعب مسكرره واهي مخلصه بس 24 وحده انا سمعت كلامها قلت الله يسستر :eh_s(11):
يعني نبي دكاتره والدكتور ماينزل لا اكثر شي حده 4 شعب وكل شعبه 50 ولا60 طالب

...لكن مانقول غير الله كريم
**سوري طلعت عن محور الحديث )بس لان حتى هالموضوع مهم لازم يلتفتون له:eh_s(10):