** تجمع الي مسوين جراحة الفك**

[Esraa.a]

السلام عليكم
اشلونكم بنات
انا عندي مشكله بالفك العلوي (ابتسامتي كلها لثه)
ولفكين غير متطابقين
بعد التشخيص من اكثر من دكتور قالولي لازم عمليه للفكين العلوي والسفلي
ف رحت عيادة اسنان وعرضوني على دكتور بشار رجب وهم نفس الكلام
وطلعت منهم ورحت عيادة الدكتور نائل الهزيم ونفس الشي احتاج جراحه
سؤالي للبنات اللي سوو العمليه عند هالدكتورين شنو تنصحوني فيه ؟
للحين محتاره ومادري مع اي دكتور ابدأ خطة علاجي لازم اقرر خلال هاليومين علشان نبلش ركضه ههههههه
انا اللي اعرفه ان دنائل متخصص بجراحة الفك بس ابي اخذ راي مريضاته ابي اعرف النتايج ودكتور بشار والنعم فيه بس اعتقد جراح تجميل مومتخصص بالفك
الله يخليكم بنات ساعدوني حدي محتاره وافكر واستخرت والله يكتب اللي فيه الخيره

هلا والله

دكتور بشار بصراحه ما أعرفه ولا أعرف احد مسوي عنده >> فمابي اتكلم وأظلمه
ممكن يكون شغله حلو .. ماااااااااادري .. الله أعلم


بس دكتور نائل الهزيم ودكتور عادل العصفور ممتاااااااازين ما عليهم كلام
أغلب البنات مسوين عندهم وانا منهم

 

[Esraa.a]

السلام عليكم
انه عندي مشكله ب الفك السفلي متقدم عندي انزين وي عورني من اكل
رحت ٣ دكاترة واحد قالي سافري لل خارج واحد قالي عمرج يكون ١٨ لازم يا الله أنسوين تقويم و الثالث قالي يعورج بسبب ضرس العقل
شسوي تره محتاره

العملية يفضل تسويها بعد سن ال 18


وبالنسبة للمشكلة

انتي تشوفين عندك مشكله بالفك مأثرة على شكلج الخارجي ؟؟

شكلج مضايقج ؟؟ من ناحية بروز أو تراجع بأحد الفكين ؟؟

 

[Esraa.a]

أخيرًا ولله الحمد أرسلوا لي كلمة مرور بديلة

شكرًا إسراء على إيصال السلام لـ purity الغالية، والتقينا في العيادة والحمدلله()
عمليتي قريبًا بإذن الله مع دكتور عثمان الطويرقي، حفظه الله.

العفو ولو

نحن بالخدمة :eh_s(17):

 

[Esraa.a]

ملفكم وايد شجعني انا من الامارات عندي تراجع ف الفك السفلي وتقدم في العلوي المهم رحت مستشفى خليفه كنت ابا دكتور ميشيل بالذات لانه مسوي لربيعتي انصدمت انه استقال وحطوني عمد حسان النابلسي للامانه ارتحتله بس كلام وجده هني خوفني شوي ف ترددت الحين انا سجلت ف المنتدى عشان اشارك بتجربتي واستفيد منكم ،،، امممم الخين سؤالي حد مجرب عند النابلسي وحد مجرب عند النابلسي؟ او توماس

هلا وغلا بأهل الإمارات


بما إني قديمة بالمنتدى .. ومرت علي أغلب التجارب


بنات الإمارات اللي نعرفهم سووا العمليه عند د.ميشيل وتوماس ... لكن النابلسي ما مرت علي بنت بالمنتدى سوت عنده

 

[Esraa.a]

السلام عليكم .. لي سنه عنكم بس حبيت ابلغكم اني خلصت العمليه الحمدلله مع دكتور بدر الجندان مستشفي الرعايه في الخبر

مدة العمليه 8 ساعات
وفي اشيااااء وااجد ابي افيد فيها خواتي المقبلين عالعمليه
انا مشكلتي كانت ارتخاء في مفصل الغك اليسار وظهور اللثه ( القمي سمايل ) وتراجع الفك السفلي شي بسيط << شامله كل مشاكل الفك ههههههه يارب لك الحمد اللهم لااعتراض​

......​

المهم حبيباتي الحين لي تقريبا عشر ايام اول خمس ايام صعبه جدااا جدااا نفسيا وجسديا تعب تعب لازم تهيئين نفسك لهالشي عشان ماتتعبين بعدها تدريجيا يبدا الورم يخف والالم اول الايام بالنسبه لحالتي كان شديد والمسكنات ماتلحق وخشمي كان يالمني وااجد مدري وش سوو فيه بغرفة العمليات المسكين
حسيت خشمي ارتفع التب حقه شوي وصار احلا من اول .. بس ثاني يوم انصدمت فيه انتفخ واجد كانه ورم وفرش شوي ( بس اتوقع من الورم )
المطاطات : ماحطلياها الدكتور ولاسكر فمي بعد العمليه .. سالته ليه ؟.. قال عضتك ممتازه وتقدرين تسكرين فمك فمايحتاج !!! (لين الحين مش مقتنعه بكلامه احس المطاطات مهمه .. بس الدكتور افهم طبعا )​

اممممم نجي للاكل والشرب .. اول ماتطلعين من غرفة العمليات وجهك كااامل ماتحسين فيه ومايشربونك الا بعد ساعتين عشان ماترجعين .. بس مع ذلك الله يكرمكم رجعت اكثر من مره ( دم ) اللي بلعته وقت العمليه .. عطوني في المغذي دوا للغثيان والترجيع ​

كنت مااقدر ابلع من الالم اللي بحلقي ( لان انبوب التخدير مجرح حلقي مررره ) ومااستطعم االعصيرات زين بس حاولت اتغصب
ابتعدو اول يومين عن الحليب واللبن لانهم ثقال عالمعده خلكم عالعصيرات والماي اريح
ثالث يوم بديت اشرب شوربه شوي شوي لاني مقدر افتح فمي واجد بس كنت اجووع واكثر شي عجبني في المستشفي شوربة الشوفان البيضا ...والكريم كراميل
رابع حاولت اكل زبادي يريح المعده واشرب عصير منقا فقط الباقي ماحبيت طعمهم الله يديم النعمه .. اممم طلعت البيت رابع يوم وفالبيت بديت اشرب حليب حلبه + شوربات ماجي+ شوربة عدس + شوربات الكريمه البيضا لانها تشبع
بعد العمليه باسبوع حاولت ابتكر اكلات هههههه دايجستف اذوبه بحليب حار لين يصير مهروس واحاول اكله ماش بوتيتو واحط معاه ملعقة جبن كرافت .. ملوخيه واقطع فيها بريد صغار واكلهم يكونون ذايبين.. كورن فليكس وحليب بالخلاط واشربه كانه كوفي بكوب الصباح يعني حاولت منا ومنا قد مااقدر مااخلي بخاطري شي
انا وزني 62 ومااحب النحف كنت خايفه انحف
امس اشتهيت رز ههههههه سويت لي رز ابيض وكثرت الماي لين صار لينننن وسويت لي مرق دجاج قطعتهم صغاار مع خضار وبطاطس صغار خليتهم يطبخون وقت طووويل يلن ذابو لاني تعقدت من الخلاط يضيع طعم الاكل ​

وطبعا لازم مع كل وجبه لك تحرصين على ان الباب مقفول عليك ههههههه لان الشكل بيكون ماسااه اكل في كل مكان الحمدلله علي نعمة الصحه والعافيه يارب
واحط فوطه بحضني تحسبا لاي لقمه تسقط سهوا ​

يتبع ...​

نجي للنوم .. ماساااااااااااااااااه وربي يابنات ماابالغ بالمستشفى كنت ماانام الا بابرة الترامال اللي بالعضل .. وه§ي ممنوع تنعطي اكثر من مره او مرتين للحاجه القصوي بس المي كان شديد والصداع النصفي ملازمني ويشتد وقت النوم ( يتسلط )

بس انا مقويه قلبي وعارفه انها بتفرج من عند الله فكنت اصبر واتحمل والحمدلله كل يوم عن يوم احسن لكن لازلت اعاني من مشاكل وقت النوم ... ماتدرين وين تحطين راسك تبلشين فيه ههههه ان حطيته يمين تالمني العضمه ويسار كذالك انسدح علي ظهري ظهري يذبحني ماعرفت وش اسوي ... اقدر اقول لين الحين مانمت نومه كويسه احس اني انام نوم خفيف مايشبع ولا يريح .. الحمدلله​

اول ماتقومين من النوم بتحسين وجهك متخشب ومتورم وفيه الم كانه الم رضوض او كدمات ( في حل اكتشفته يهدي التخشب هذا كثيييير ويخفف الورم الي بالوجه ويساعدك تتنفسين بصوره احسن .. فوطه صغيره مستطيله تغسلينها بماي وتعصرينها وتحطينها بالمكرويف دقيقه وبعدها بتكون حاره لاتحاتين غمضي وانسدحي وحطيها علي وجهك ليييين تبرد .. كرري العمليه اكثر من مره الصبح والمسا قبل النوم وادعيلي )​

بالنسبه للادويه رفضت اخذ ادويه سايله واكتفيت بالكبسولات وكان يساعدني عالبلع عصير المنقا لانه لزج فالحبه تنبلع اسرع ..
عانيت وقت النوم من جفاااف الفم ماادري ليه مع اني قبل العمليه بعد كنت انام فمي مفتوح ماكنت اصحي فمي جاف كذا مع العلم اني اشرب كميه كبيره من الماي قبل النوم ​

صار معاي مشكله من الهوكس الي ركبوها عالتقويم ،، بعد العمليه دخلت في شفايفي من فوق وماحسيت فيها بس ثاني يوم شفتها بالمرايه ،طلبت من الدكتور يشيلهم فسوالي موعد مع دكتور التقويم يعد ماطلعت من المستشفي رحلته ،قال مقدر اشيلهم اخاف االمك بقصهم ووافقت وياليتني ماوافقت لما قصهم حطلي علي اطرافهم كرات من الصمغ عشان مايجرحوني بس بعد يوم من التفريش طاحت كرات الصمغ وبقا الحديد يجرح بشفايفي من داخل وانسجة خدي وانا ماااحس لانه كله منمل بس التهببت الشفايف من داخل والخد من داخل وسببولي بعدها الم رهيييب مع حرقان كان شفايفي مسلوخه من داخل ( باطن الشفه والخد ) رحت للدكتور وعطاني مرهم كان يريحني بس مافي فايده الحدايد ترجع تخدش اللحم وتالمني .. طلبت من الجراح يشيلون السير نهائيا ويحطون لي غيره عطوني موعد الاحد باذن الله افتك منه اففف ​

عموما النتيجه عاجبتني الحمدلله .. وجهي اول طويل ونحيف وملامحي حااده وخشمي نحيف بس طويل بزياده.. حاليا وجهي اقصر بس من الورم مو قادره احكم علي ابتسامتي ولا خشمي لان الشفه اللي فوق مع منطقة الشنب كلهم منملين مااحس فيهم،الخشم واارم حيل ​

اشجع اي بنت مقبله علي هالعمليه بقوووه لانها تجربه جديده بحياتك والدكتور يقول 90 بالميه النتايج اكيد للاجمل والافضل لانهم يصححون اخطااء عظيمه بالفك وتكوينته .. توكلو علي الله وحاولو تقرون كثيييير عن العمليه افضل عشان تكونون بالصوره .. اي شي جديد بحاول اكتبه واتمني اللي عندها اي سؤال ماتتردد وتسالني .. انا استفدت من البنات الي هنا وسووها قبلي اشياااء كثيره وجا دوري افيدكم.. ​

ألف الحمدلله على سلامتج وما تشوفين شر ياقلبي

فعلاااااااا أخيس شعور .. ترجيع الدم بعد العمليه >> يااااااااااااااااااي شعور مؤرف جدااااااااااااااااااااااااااااااااااااااااااااااااااا :cxxxp:


لكن نرجع ونقول اللي يبي الدح ما يقول اح :eh_s(3):
هي ان شاء الله فترة وتعدي





ان شاء الله تبدين تتحسين بشكل تدريجي .. وياااااااااااااااارب تحصلين على النتيجة اللي تتمنينها وأفضل بعد



وشكرا على ذكر تجربتج مع التفاصيل بهدف الإفادة :eh_s(7):

 

[Esraa.a]

القائمه الحديديه








1- أحب أمي ( انتهت من العمليه 18-5-2010) الكويت >> د.عماد النجاده
2-antonya ( انتهت من العمليه 12-8-2010) الكويت >> د. ناجي ابوشبل ( لبنان)
3- emo princess ( انتهت من العمليه 28-11-2010) الكويت >> د.أحمد الدنف
4- صدى صوت ( انتهت من العمليه10-12-2010) السعوديه >> د.عبدالعزيز الوتيد
5 - e7sas.majro07 (انتهت من العمليه 24-1-2011) الإمارات >> د.ميشيل
6- maha al (انتهت من العمليه3-3-2011 ) السعوديه >> اشرف ابو كركي ( الأردن)
7- عيون عليا (انتهت من العمليه 5-3- 2011) الكويت >> د.نائل الهزيم + د.عادل العصفور
8- غلااا الروح (انتهت من العمليه 3-2011) الكويت >> د.نائل الهزيم + د.عادل العصفور
9- jnona (انتهت من العمليه 8-3-2011) الكويت >> د.عماد النجاده
10- غلاااااه (انتهت من العمليه 20-4-2011) السعوديه >> د.حامد البارقي
11- دلوعة شيوخها (انتهت من العمليه 3-5-2011) السعوديه
12-عبير الصباح ( انتهت من العمليه 6-5-2011 ) السعوديه >> د.مازن المصري
13- ego-girl (انتهت من العمليه 6-5-2011) الإمارات >> د.مارك كراش
14- black & white (انتهت من العمليه 24-5-2011) الكويت >> د.بيتر
15- nenna92 ( انتهت من العمليه 1-6-2011 ) الكويت >> د.نائل الهزيم + د.عادل العصفور
16- reem.m ( انتهت من العمليه 8-6-2011) السعوديه >> د.صالح البازعي
17- دموع منسيه ( انتهت من العمليه 30-6-2011) السعوديه
18- innocence ( انتهت من العمليه6-7-2011 ) السعوديه >> صالح البازعي
19- كتكوته 2010 ( انتهت من العمليه14-7-2011) السعوديه >> د.أحمد اليماني
20- miss l ( انتهت من العمليه 5-7-2011) الكويت >> د.عادل العصفور
21- عصي الدمع (انتهت من العمليه 14-8-2011) السعوديه >> د.عثمان الطويرقي+د.فراس الخيال
22- barbie girl (انتهت من العمليه 10-9-2011) الكويت >> د.نائل الهزيم + د.عادل العصفور
23- ساره ( انتهت من العمليه 1-10-2011) السعوديه >> د.ناصر النوح
24- فطامي ( انتهت من العمليه18-10-2011 ) الامارات >> د.لويس (لندن)
25- جمانة الرياض ( انتهت من العمليه 19-11-2011) السعوديه >> د.ناصر النوح
26- princess.78 ( انتهت من العمليه 20-11-2011) السعوديه >> د.بيشي القرني
27- سيزر تفاح ( انتهت من العمليه 3-12-2011) السعوديه >> د.عبدالله العتل
28- noona 12 ( انتهت من العمليه 1-1-2012 ) عمان >> د.محمد النبهاني
29- لينك ( انتهت من العمليه 5-1-2012) السعوديه >> د.أحمد اليماني
30- Esraa.a ( انتهت من العمليه 22-1-2012) الكويت >> د.عادل العصفور + د.نائل الهزيم
31- خوخة1990 ( انتهت من العمليه 30-1-2012) الإمارات >> د.توماس
32- سمنه ع عسل ( انتهت من العمليه 4-2-2012) السعوديه >> د.عثمان الطويرقي
33- الحمدلله ( انتهت من العملية 16-2-2012) السعودية >> د.بدر الجندان
34- الامل القريب ( انتهت من العملية21-2-2012) السعوديه >> د.عبدالعزيز الوتيد
35-reematy ( انتهت من العملية 26-3-2012) الامارات >> د. ناجي ابوشبل ( لبنان)
36- أم الفاتنات ( انتهت من العملية2-4-2012) الامارات >> د.توماس
37- توتة بنوتة ( انتهت من العملية 11-4-2012) الامارات >> د.ميشيل
38- الوفاا.. ( انتهت من العملية 18-4-2012) الامارات >> د.مارك
39- ملامح ناعمة ( انتهت من لعملية29-4-2012) البحرين >> د.غسان ضيف
40- Ms.PinK ( انتهت من العملية 4-6-2012) الكويت >> د. عماد النجادة
41- حبيبة الحسن ( انتهت من العملية10-6-2012) السعوديه >> د.عبدالله العتل
42- asmaz ( انتهت من العملية 16-7-2012 ) السعوديه >> إيهاب شحاته
43- الهاجريه ( انتهت من العمليه 1-8-2012) الإمارات >> د.ميشيل
44- براونا ( انتهت من العمليه 13-8-2012) اليمن >> د.حامد شاهين ( مصر)
45- q6ryah ( انتهت من العملية 21-8-2012) قطر >> د. نوبرت ان (ألمانيا) praxis
46- da3doda ( انتهت من العمليه 18-9-2012)الكويت >> د.عادل العصفور
47- ابتسامة حلوه ( انتهت من العملية 31-9-2012) السعودية >> د.منصور القضاة
48- هديل جداوي ( انتهت من العملية 3-10-2012) السعودية >> د. حامد البارقي
49- hope ( انتهت من العملية 9-10-2012) السعودية >> د. عبدالعزيز الوتيد
50- روح_( انتهت من العملية 6-1-2013) الكويت >> د. بشار رجب
51- purity22 ( انتهت من العملية 7-2-2013) السعودية >> د.عثمان الطويرقي
52- هلااوي ( انتهت من العملية 7-2-2013) الكويت >> د.نائل الهزيم
53- ahoud ( انتهت من العملية16-2-2013) السعودية >> د.بدر الجندان









53-لابيرلا
54- دنيا الحب
55- قهوة تركي
56- شتآآت
57- ليلى
58- توته مربربه
59- ستايلك
60-نرجس
61-ريهام
62-sendrila
63- miss_o
64- رعشة الخفوق
65- مس لزيزه
66- s h o u g
67- diana*
68- هتانة الغيمة
69- اخت الرجال 29
70- كوكب..
71- روان المؤدبه
72- طبيبة أسنان
73- ذكرى الحبيب
74- robyrose
75-خوووخه 1
76-roun
77- Bero777
78- أمورة كل حد
79- ترتيل
80- morningtulips
81- فستان أحمر
82- dalal12




العدد قابل للزيادة بإذن الله ​

 

[ahoud]

ألف الحمدلله على سلامتج وما تشوفين شر ياقلبي

فعلاااااااا أخيس شعور .. ترجيع الدم بعد العمليه >> يااااااااااااااااااي شعور مؤرف جدااااااااااااااااااااااااااااااااااااااااااااااااااا :cxxxp:


لكن نرجع ونقول اللي يبي الدح ما يقول اح :eh_s(3):
هي ان شاء الله فترة وتعدي





ان شاء الله تبدين تتحسين بشكل تدريجي .. وياااااااااااااااارب تحصلين على النتيجة اللي تتمنينها وأفضل بعد



وشكرا على ذكر تجربتج مع التفاصيل بهدف الإفادة :eh_s(7):

مشكوره ياقلبي تسلمين .. بس خايفه على خشمي انتي لك سنه الحين صح ؟ تحسين خشمك رجع مثل اول والا ؟ انا وارم ويابس واذا لمسته يالمني متى يوصل للنتيجه النهائيه؟
وابتسامتي تضحك كني عجوز ماعرف ابتسم ههههههه الشفه اللي فوق مقطوعه عن الخدمه للحين مااحس فيها فما تتحرك....
افيديني متى رجع احساس الشفه العلويه عندك والخشم كيف ومتى بدا يخف

 

[نسمة هدوء]

السلام عليكم
وحشتوني بنات بس مررره مشغوله عشان كذا ما ادخل كثير
المهم بقلكم ايش صار معاي وابغى مشورتكم لاني مررره محتاره وحالتي صارت حاله من كثرة التفكييير انا حجزة عند الدكتور احمد يماني في عيادة سمايا ورحت قالي المشكله عندك في الفكين+الذقن وتكلف العمليه لحالها 60,000 المبلغ صراحه جداا كبير ما اقدر عليه :eh_s(11): و من غير التقويم ورجعت المدينه انا من سكان المدينه ورحت لمستشفى الملك فهد بالمدينه قالي الدكتور ان موجود عندهم دكتورين الدكتور سعيد البلوي كان في مستشفى العسكري بالرياض والدكتور احمد تريك تدرب في فرنسا اللي تعرف اي شيئ عن الدكتورين ياريت تقولي
مرررره محتاره فيييين اصلحها :eh_s(10):
بنات ادعولي ربي يخترلي الاصلح لي:yaaaaaarb:

 

[نسمة هدوء]

ahoud
الف حمد الله على السلامه
ان شاء الله تشوفي النتيجه اللي تعجبك

 

[Esraa.a]

مشكوره ياقلبي تسلمين .. بس خايفه على خشمي انتي لك سنه الحين صح ؟ تحسين خشمك رجع مثل اول والا ؟ انا وارم ويابس واذا لمسته يالمني متى يوصل للنتيجه النهائيه؟
وابتسامتي تضحك كني عجوز ماعرف ابتسم ههههههه الشفه اللي فوق مقطوعه عن الخدمه للحين مااحس فيها فما تتحرك....
افيديني متى رجع احساس الشفه العلويه عندك والخشم كيف ومتى بدا يخف

ايي أنا عديت السنه .. الحمدلله


بصراحه ما حسيت احساس إنه وجهي رجع طبيعي باالكامل مع الاحساس إلا بعد السنه

راح تبدين تشوفين تحسن من بعد ال 6 أشهر



قبل هالفتره احتمال كبيييييير والكلام موجه لجميع البنات المقبلات عالعمليه تكرهون نفسهم وتندمون إنكم سويتوا العمليه

لكن بعد هالفتره ان شاء الله كل شي تمااااااام :wqedqw:



الخشم كثيييييير تحسن بعد السنه .. لكن بصراحة ما رجع نفس قبل

وانسي موضوع إنه يرجع نفس قبل بالضبط



احساس الشفايف واللثة يطول على ما يرجع

 

[Esraa.a]

السلام عليكم
وحشتوني بنات بس مررره مشغوله عشان كذا ما ادخل كثير
المهم بقلكم ايش صار معاي وابغى مشورتكم لاني مررره محتاره وحالتي صارت حاله من كثرة التفكييير انا حجزة عند الدكتور احمد يماني في عيادة سمايا ورحت قالي المشكله عندك في الفكين+الذقن وتكلف العمليه لحالها 60,000 المبلغ صراحه جداا كبير ما اقدر عليه :eh_s(11): و من غير التقويم ورجعت المدينه انا من سكان المدينه ورحت لمستشفى الملك فهد بالمدينه قالي الدكتور ان موجود عندهم دكتورين الدكتور سعيد البلوي كان في مستشفى العسكري بالرياض والدكتور احمد تريك تدرب في فرنسا اللي تعرف اي شيئ عن الدكتورين ياريت تقولي
مرررره محتاره فيييين اصلحها :eh_s(10):
بنات ادعولي ربي يخترلي الاصلح لي:yaaaaaarb:

أسعار جراحة الفك غاااااالية .. تقريبا نفس الأسعار عندنا
واحنا أغلى بعد


أنا من الكويت ما أقدر أفيدج بدكاترة السعودية .. لكن د.أحمد معرووووووف وشغله تمام
الدكاتره الباقي اللي ذكرتيهم .. ما مرت علي بنت من السعودية ذكرت أسماءهم من قبل



والله يختر لج الأفضل ياااااااااااااارب

 

[التوت المحروق]

السلام عليكم
وحشتوني بنات بس مررره مشغوله عشان كذا ما ادخل كثير
المهم بقلكم ايش صار معاي وابغى مشورتكم لاني مررره محتاره وحالتي صارت حاله من كثرة التفكييير انا حجزة عند الدكتور احمد يماني في عيادة سمايا ورحت قالي المشكله عندك في الفكين+الذقن وتكلف العمليه لحالها 60,000 المبلغ صراحه جداا كبير ما اقدر عليه :eh_s(11): و من غير التقويم ورجعت المدينه انا من سكان المدينه ورحت لمستشفى الملك فهد بالمدينه قالي الدكتور ان موجود عندهم دكتورين الدكتور سعيد البلوي كان في مستشفى العسكري بالرياض والدكتور احمد تريك تدرب في فرنسا اللي تعرف اي شيئ عن الدكتورين ياريت تقولي
مرررره محتاره فيييين اصلحها :eh_s(10):
بنات ادعولي ربي يخترلي الاصلح لي:yaaaaaarb:

مومشكلة اذا الدكتور احمد يكتب لك الاستشارة واعرضيها على دكاترة الحكومي

من تجارب الحكومي خذي خطة علاج كاملة لازم تكوني فاهمتها قبل تبدئي

الله يسخرهم لك وتفرج معاك

 

[التوت المحروق]

يسعد مسا الصبايا

ان شاء الله بنضم للقائمة الحديدية
انا كانت لي تجربة بالجراحه بس للأسف بشهادة الدكتور أحمد ماكان فيه خطة علاج من قبل..

الحين ببدأ اول بشيل كل شيء انعمل في العملية الاولى وابدأ في التقويم ثم العمليه التجميلية بعدها..
احتمال تأخد الحالة سنتين

دعواتكم والله يوفقكم يارب

 

[قوة قلب]

ملفكم وايد شجعني انا من الامارات عندي تراجع ف الفك السفلي وتقدم في العلوي المهم رحت مستشفى خليفه كنت ابا دكتور ميشيل بالذات لانه مسوي لربيعتي انصدمت انه استقال وحطوني عمد حسان النابلسي للامانه ارتحتله بس كلام وجده هني خوفني شوي ف ترددت الحين انا سجلت ف المنتدى عشان اشارك بتجربتي واستفيد منكم ،،، امممم الخين سؤالي حد مجرب عند النابلسي وحد مجرب عند النابلسي؟ او توماس

هلا أختي يوم استقال ميشيل حولوني على توماس اما حسان ما سمعت عنه شي ً ويوم وأواني الصور اللي عنده تحمست الصراحة الشباب والبنات طالعين يجننون ماشاء الله

بنات تنصحوني اسوي ألعلميه الاولى بعد ماخلص من هالسمستر ولا ف شهر 4
انتي استخيري وانا بعد بستخير والله يكتب اللي فيه الخير:yaaaaaarb:

 

[نسمة هدوء]

أسعار جراحة الفك غاااااالية .. تقريبا نفس الأسعار عندنا
واحنا أغلى بعد


أنا من الكويت ما أقدر أفيدج بدكاترة السعودية .. لكن د.أحمد معرووووووف وشغله تمام
الدكاتره الباقي اللي ذكرتيهم .. ما مرت علي بنت من السعودية ذكرت أسماءهم من قبل



والله يختر لج الأفضل ياااااااااااااارب

تسلمي اسراء على الرد
والله يوفقك ويسعدك:eh_s(7):

 

[نسمة هدوء]

مومشكلة اذا الدكتور احمد يكتب لك الاستشارة واعرضيها على دكاترة الحكومي

من تجارب الحكومي خذي خطة علاج كاملة لازم تكوني فاهمتها قبل تبدئي

الله يسخرهم لك وتفرج معاك

انا رحت للدكتور احمد قالي الفكين + الدقن
وان شاء الله بكره راح اروح لدكتور التقويم في مستشفى
الملك فهد وبشوف ايش يقول

انتي ايش صلحتي حبيبتي فين بتصلحي عمليتك
الله يسهلك ان شاء الله :yaaaaaarb:

 

[ليلى...~]

نجي للنوم .. ماساااااااااااااااااه وربي يابنات ماابالغ بالمستشفى كنت ماانام الا بابرة الترامال اللي بالعضل .. وه§ي ممنوع تنعطي اكثر من مره او مرتين للحاجه القصوي بس المي كان شديد والصداع النصفي ملازمني ويشتد وقت النوم ( يتسلط )

بس انا مقويه قلبي وعارفه انها بتفرج من عند الله فكنت اصبر واتحمل والحمدلله كل يوم عن يوم احسن لكن لازلت اعاني من مشاكل وقت النوم ... ماتدرين وين تحطين راسك تبلشين فيه ههههه ان حطيته يمين تالمني العضمه ويسار كذالك انسدح علي ظهري ظهري يذبحني ماعرفت وش اسوي ... اقدر اقول لين الحين مانمت نومه كويسه احس اني انام نوم خفيف مايشبع ولا يريح .. الحمدلله​

اول ماتقومين من النوم بتحسين وجهك متخشب ومتورم وفيه الم كانه الم رضوض او كدمات ( في حل اكتشفته يهدي التخشب هذا كثيييير ويخفف الورم الي بالوجه ويساعدك تتنفسين بصوره احسن .. فوطه صغيره مستطيله تغسلينها بماي وتعصرينها وتحطينها بالمكرويف دقيقه وبعدها بتكون حاره لاتحاتين غمضي وانسدحي وحطيها علي وجهك ليييين تبرد .. كرري العمليه اكثر من مره الصبح والمسا قبل النوم وادعيلي )​

بالنسبه للادويه رفضت اخذ ادويه سايله واكتفيت بالكبسولات وكان يساعدني عالبلع عصير المنقا لانه لزج فالحبه تنبلع اسرع ..
عانيت وقت النوم من جفاااف الفم ماادري ليه مع اني قبل العمليه بعد كنت انام فمي مفتوح ماكنت اصحي فمي جاف كذا مع العلم اني اشرب كميه كبيره من الماي قبل النوم ​

صار معاي مشكله من الهوكس الي ركبوها عالتقويم ،، بعد العمليه دخلت في شفايفي من فوق وماحسيت فيها بس ثاني يوم شفتها بالمرايه ،طلبت من الدكتور يشيلهم فسوالي موعد مع دكتور التقويم يعد ماطلعت من المستشفي رحلته ،قال مقدر اشيلهم اخاف االمك بقصهم ووافقت وياليتني ماوافقت لما قصهم حطلي علي اطرافهم كرات من الصمغ عشان مايجرحوني بس بعد يوم من التفريش طاحت كرات الصمغ وبقا الحديد يجرح بشفايفي من داخل وانسجة خدي وانا ماااحس لانه كله منمل بس التهببت الشفايف من داخل والخد من داخل وسببولي بعدها الم رهيييب مع حرقان كان شفايفي مسلوخه من داخل ( باطن الشفه والخد ) رحت للدكتور وعطاني مرهم كان يريحني بس مافي فايده الحدايد ترجع تخدش اللحم وتالمني .. طلبت من الجراح يشيلون السير نهائيا ويحطون لي غيره عطوني موعد الاحد باذن الله افتك منه اففف ​

عموما النتيجه عاجبتني الحمدلله .. وجهي اول طويل ونحيف وملامحي حااده وخشمي نحيف بس طويل بزياده.. حاليا وجهي اقصر بس من الورم مو قادره احكم علي ابتسامتي ولا خشمي لان الشفه اللي فوق مع منطقة الشنب كلهم منملين مااحس فيهم،الخشم واارم حيل ​

اشجع اي بنت مقبله علي هالعمليه بقوووه لانها تجربه جديده بحياتك والدكتور يقول 90 بالميه النتايج اكيد للاجمل والافضل لانهم يصححون اخطااء عظيمه بالفك وتكوينته .. توكلو علي الله وحاولو تقرون كثيييير عن العمليه افضل عشان تكونون بالصوره .. اي شي جديد بحاول اكتبه واتمني اللي عندها اي سؤال ماتتردد وتسالني .. انا استفدت من البنات الي هنا وسووها قبلي اشياااء كثيره وجا دوري افيدكم.. ​

عهوود ..
الحمدلله على السلامه حبيبتي..
يلااا ماعليه تحملي كلها فتره وتعدي أن شاء الله على خير ..

أنا كنت عند د.بدر ثاني يوم من عمليتك وقالي ان القمي سمايل عندك شبيه بمريضه سويت لها امس العمليه وقال للممرضه جيبي اشعة عهود ..
وحط صور اشعة فكي والاشعه الفك حقتك وقال شوفي تقريبا متشابهه..

وأسمك علق في مخي

أنا مشكلتي قمي سمايل والدقن متراجع قال لي الدكتور برفع لك الفك وبقدم الدقن ..
وعمليتي أن شاء الله قريبه بس للحين ماتحدد الموعد

 

[التوت المحروق]

انا رحت للدكتور احمد قالي الفكين + الدقن
وان شاء الله بكره راح اروح لدكتور التقويم في مستشفى
الملك فهد وبشوف ايش يقول

انتي ايش صلحتي حبيبتي فين بتصلحي عمليتك
الله يسهلك ان شاء الله :yaaaaaarb:

ان شاء الله خير
بكمل مع الدكتور أحمد مشكلتي بالفك السفلي قال ( الحقيقة فيه مشاكل بس اللي يقدر عليه وتكون النتيجه بالفك السفلي)

الله يسهلها ..دعواتك

 

[ريم السهيل]

لكل من يريد أن يعرف معنى .............................. جراحة فك ....................تجميل أسنان ....................ليشاهد هذه الصورة
.... ثم يتابع الرابط تحت الصورة ليعرف كيف أصبحت

تابعوا هذا الرابط لتعرفوا النتيجة
http://www.youtube.com/watch?v=dDEHySYmabw

 

[fa6amy_uae]

ملفكم وايد شجعني انا من الامارات عندي تراجع ف الفك السفلي وتقدم في العلوي المهم رحت مستشفى خليفه كنت ابا دكتور ميشيل بالذات لانه مسوي لربيعتي انصدمت انه استقال وحطوني عمد حسان النابلسي للامانه ارتحتله بس كلام وجده هني خوفني شوي ف ترددت الحين انا سجلت ف المنتدى عشان اشارك بتجربتي واستفيد منكم ،،، امممم الخين سؤالي حد مجرب عند النابلسي وحد مجرب عند النابلسي؟ او توماس

انا بعد حطوني عند النابلسي و حطلي خطة علاج بس وايد قريت ف المنتدى عن توماس و بالاضافة سنة 2008 نصحني دكتور اروح اجوف توماس و حولت عنده عشان اجوف خطة العلاج معاه و بختار اللي برتاحله و افضل خطة