بعد ما افتكينا من ال 90 وتقلقصنا بال 80 نبي ننجز وندخل ال 70 يلا بنات قووواهد

[Hyoonaaa]

بنااات شلوونكم شخباركم انا وزني وصل ل ٦٦ ورديت تقريبا ٧٠ اهئ اهئ اهئ بس ان شاآاءالله تخلص الاختبارات من عطله نص السنه ببدي رجيم لين اوصل للي ابيه ان شااءالله اهلين طموح وامل وشتاء الحب نورتوا

 

[algamar]

وااااااااااااو هالتجمع لسه مفتوح مو مصدقه . .

غارقه ماشاء الله الله يحفظهم لك ويرزقك الولاده الجميله @@ : )

ميلوو انتي نفسي
ميزاني خرب من كم شهر واخذت راحتي ولقست وطلع مزودني 87 او 88 اقول مضيع

ورحت شريت جديد الصدمه كانت بالتسعينات : (
اللهم لا اعتراض
بس جايتني شراهه بالاكل مو صاحيه ودي ع طول اكل : (

ياربي ارحمني
عاد نويت هالاسبوعين اتخس والله يقويني ودي ب 4 خمس ككيلو ادري شوي كثير
بس الله يقدرني + زوجي بيجي بعد اسبوعين ودي يجي يلاحظ فرق

ببدء رياضه قويه ..
الدايت او النظام مو عارفه وش اسوي .. للحين ..
ربي يعيننا


الحلوين الي كانوا معنا ماتدرون اين اختفوا .. : )

 

[Melo]

عروستنا ميمي
مبرووووك يا قلبي الله يوفقج
الله يبارك لكم و فيكم و عليكم و يمع بينكم بالخير >>> يايه متاخره طوفي لا تدققين حبيبتي
عادي حبيبتي اهم شي تحافظين
اللهم امين والقايل غناتي

القمر
انتي ارحم مني انا الحين وزني 97 و ان شاء الله من باجر ببدى رجيم الديتوكس ان الله اراد
ما انوقع احد تشره مثلي على الاكل و لا اوقات غلللللللط و اشياء دمار لا مثيل له الحمدلله رب العالمين
ما ادري نكمل بهالتجمع و لا نفتح واحد يديد
ابي تشجييييييييييييييييع

 

[Candya]

,خوووش تجمع انا بعد بالثمانينات ابي اوصل سبعينات باجر انشاء الله اول يوم لي مع دايت كير ومشتركه نادي بس وين الي يروح ههههههههههه

 

[strong will]

أي وإلله خووووش تجمع وووودي أشارك
أنا اللحين 85 وزني كنت بالسبعينات بس من الولاده
وطولي 157
هدف أول 75
هدف ثاني 65

وان شاء الله نووووووصل للي نبيه

 

[meee]

سلالالالالالالالام بنات

ماتوقعت التجمع الى اللحين موجود سحبت ع الرجيم وخبصت كثير

وصار وزني من 68 الى 74 وانا ماجله كورس وناويه ابد في الرجيم

وببدا معكم بس مااادري اي ريجيم بسويه راح اخلي وقت الغدا زبادي قليل الدسم والعشاء طماطم

وحبة خس وخياره بس الفطور مافكرت فيه وش احط للفطور

بحاول انتظمم فيه ان شاء الله

 

[Melo]

السلام عليكم و رحمه الله
يا هلا والله بنوتات
خلاص ان شاء الله نرجع بالتجمع مره ثانيه و نشجع بعض
بس احس نفتح تجمع يديد أحسن بس ما اعرف شنو القوانين و جذي
ان شاء الله اقراهم بالويك اند و افتح التجمع ان الله أراد يوم الاثنين

وناااااسه في تشجيع و همه

 

[miss $_$ semsem]

اهلين انا بعد تقلقصت بالثمانينات
واحس معجعجة فيها بس اليوم بديت رجيم اللبن والتمر وباستمر عليه ان شاء الله لي الاربعا يعني 4 ايام ابي اكسر وزني الثابت

 

[meee]

حلوووو ميلوو متى راح تفتحين التجمع

انا ببدا وكل يوم اقول بكرا مااادري

متى ابدا بس لازم

 

[shosho]

يابنات ملاحظه اغلبكم لما وقف الرجيم زاد وزنه
انا مثلكم زمان

كنت 80 ونزلت للـ 65 ورجعت للـ 80 للاسف

بس الحين بديت دايت من جديد والحمدلله ماشيه الامور

وقلت اذا وصلت لهدفي الاخير

بحاول لو اكلت شي دسم او حلا امشي بعدها ساعه عشان احرقه
يعني اول بأول احرقي اللي تاكلينه عشان مايزيد وزنك


بس حبيت افيدكم وموفقات يارب

 

[Melo]

اهلين انا بعد تقلقصت بالثمانينات
واحس معجعجة فيها بس اليوم بديت رجيم اللبن والتمر وباستمر عليه ان شاء الله لي الاربعا يعني 4 ايام ابي اكسر وزني الثابت

نصيحه خيتو لا تسوين هالرجيم النزول فيه وهمي و ترجعينه مجرد ما توقفين
كسري الرجيم بأخذ يوم أو اثنين أوف

 

[Melo]

حلوووو ميلوو متى راح تفتحين التجمع

انا ببدا وكل يوم اقول بكرا مااادري

متى ابدا بس لازم

ادري وعدت أني أفتحه هالاسبوع بس تعبت شوي و لا قدرت أسوي شي يكفيني ضغط الدراسه
بس باذن الله راح أفتحه يوم السبت أو الأحد ان الله أحيانا

 

[Melo]

يابنات ملاحظه اغلبكم لما وقف الرجيم زاد وزنه
انا مثلكم زمان

كنت 80 ونزلت للـ 65 ورجعت للـ 80 للاسف

بس الحين بديت دايت من جديد والحمدلله ماشيه الامور

وقلت اذا وصلت لهدفي الاخير

بحاول لو اكلت شي دسم او حلا امشي بعدها ساعه عشان احرقه
يعني اول بأول احرقي اللي تاكلينه عشان مايزيد وزنك


بس حبيت افيدكم وموفقات يارب

حياج الله شوشو
شنو الدايت اللي ماشيه عليه

ان شاء الله كلنا نوصل للي نبيه باذن الله

 

[^جود^]

السلام انا من زمان اتابعكم اليوم حبيت اشارك وياكم لانه كان وزني ٨٨ ونزلت لحد ٧٩ ورديت الحين ٨٧.٨

 

[HOWAIDA]

*,


بالتوفيق يا حلوين

 

[Melo]

السلاااام عليكم بنات
و الحمدلله رب العالمين فتحت تجمع اليوميات مثل ما وعدت
حياكم الله و شاركونا

 

[dnyay_mll]

السلام عليكم

ماشاءالله التجمع لي الحين موجود بس بنات وايد زايده اوزانكم غريبه توقعت الكل ضعفان
انا مكمله عالرجيم لي الحين اكل ولما اوصل الثمانين ارد اسوي رجيم

حاليا وزني 78 ومستمره عالرجيم لي رمضان ان شاءالله لاني تعودت عليه اصلا
ماكو رجيم محدد كل شوي غير
واذا حبيت اكل في مطعم اكل وجبه في اليوم
واحب عشاي يكون خفيف لبن او روب او فواكه
نظامي حاليا شبيه بالديتوكس بس احط شوية بروتين بالغدا شي بسيط واشرب شاي ابيض وشاي اخضر واعشاب 3-4 اكواب باليوم والرياضه معده والقاري مرتين بالاسبوع وان شاءالله بعد الدوره بزيد الايام بخليه 5 ايام بالاسبوع ان شاءالله

يلا شدو الهمه

 

[بنت حاتم الطائي]

هاااااااااااااااااااااااااااااااي احلى كويتيات


الطول : 167

الوزن :85

العمر: 27

وزني اللي ابيه : 65

ويالللللللله راح انطلق معاكم

 

[{meme}]

صباح الخير

وحشني التجمع
اخباركم بنات

انا برجع للرجيم .. تركته 3 شهور وخبصت تخيلو يوم عرسي كان وزني 71.6 تقريبا وعقب مارجعت من شهر العسل وصلت 70.5 اما الحين 73.9 كله مني كنت اكل بشراهه
بس خلاص قلت برجع للرجيم ابي البس واكشخ بثقه
بشترك في نيوترشن ان شاء الله هالاسبوع
وبمشي كل يوم نص ساعه لان صعبه امشي اكثر
وان شاء الله مايخلص شهر 4 الا انا فالستين يارب

 

[Melo]

السلام عليكم و رحمه الله
شلونكم بنات شخباركم
أهنئ البنات اللي نزلو و اللي حافظو على اوزانهم

للأسف صارت لي ظروف و ما قدرت ادخل المنتدى فطلبت تكسير اليوميات و أساسا محد سجل و شارك
و أتمنى هالتجمع يستمر و كل البنات يؤصلون الوزن اللي يبون بصحه و عافيه
و أن شاء الله من تتعدل ظروفي راح ارجع اكتب و التزم معاكم
طبعا مع النفسية صعب أني أتحكم بالشهيه بس بحاول قد ما اقدر أني أمسك عمري و لا اسمن
دعواتكم بنات
و يارب ما ارجع الكويت و انا سمنانه يااااااارب