مرحبا ي بنات ي ستات ي كويتيات ي خليجيات يعربيات ي علبة شكاليت شخباركم وشمسويين
حبيبتي طارحه المشكله ....مابي امدح في نفسي بس يعجبني اساعد واحل المشاكل
وانت بنفسج بنات المنتدى كل وحده ادلت بدلوها ما قصرت كانت تحب اتعين وتعاون المهم حبيبتي
انتو ملجين صار لكم 9 شهور يعني لو متزوجه جان حامل بالسابع ولا بالثامن والحمد الله انه ماتم العرس واعذريني يمكن كلامي يكون دفش عليج بس لصالحج اولا ي سكر اعتقد ان 9 شهور ملجه كفيله بان اتخلي الميانه اطيح من طرفه والدليل يقولج استانسي الحين وبعدين بيكون شي ثاني وانه يرمي كل كلمه ادفش من الثانيه عليج ويدس الجد بالمزح
اي سؤوال اتحسي انه من حقج تساليه لا تخلي حد يسأله بالنيابه عنج .
حتى بطريقة معاملته لج ساليه ليش اتعاملني بهالطريقه وهو ولد عمج يعني يعرف طريقة حياتكم واسلوبكم ..وبالنسبة للمهر ساليه متى بتييبو المهر متى بجهز مايمديني احجز ومن هالاسئله لا تخلي نفسج كانج ما صدقتي تلقي ريل لا خليج رززه وعززه وبنفس الوقت دلع بس متى ما انتي تبين واذا حسيتي انه مالج عليج ارضاء لهله لا بالله احسنلج حطي نقطه اخر السطر دامج عالبر
