زوجي طقني مو قادره اكمل معاه افـكر بالطلاق تعباانه نفسيـاا :'(

[ReD&FoSHia]

وشصار الحين بدوية
طمنينا

 

[مــســك]

حبيبتي ما تستاهلين .. ويمكن الي صار فيج عين .. لكن الي بقوله .. كلش ولا تفكرين بالطلاق ..


مو من اول غلطه خلاص بتتطلق ...!!


اهو غلط وانتي بعد خذيتي حقج منه .. يعني كلكم سوا ب سوا ..


الحل .. التقرب الى الله ..

ثانيا .. غيري غرفتج .. الكفر .. الابجورة .. واذا كلش ما تقدرين تغيريين الغرفه بكبرها .. في استكيرز حلوين تحطينهم على الكبت ..


ثالثا .. والاهم .. لازم تجلسون جلسه صريحه من قلب للقلب .. وتتفاهمون ويطيح الحطب كله .. آدري جلستو اكثر من مره بس مافي فايده .. تدرين ليش ؟؟ لان انتي وزوجج مو متقبلين الوضع وكل واحد مو راضي ينسى الي صار ..


فـ قاعدين تعيدون وتزيدوون من جلساتكم الي مافيها فايده .. كلام على كلام وبالاخير مافي حل لان مو راضيين تنسوون !!


اهم شي تكييفين نفسج وتقولين بنسئ وبعيش حياة جديده ..


آشتري ملصقات اوراق صغيره وكتبي عليهم ببدا اعيش حياه جديده وسعيده مع زوجي وطفلي ..


آنا احب زوجي وطفلي .. آنا آمراة ناجحه في حياتي .. و و و الى آخره ..



لما تجلسون الجلسه الصافيه من القلب للقلب .. سووي جو لطيف .. شمووع .. وروود .. بخور .. .. وكوني كاشخه ..


صدقيني العطر ومع كشختج بتسااعد للتغيير النفسيه ..


قولي له كل الي بقلبج .. وخليه يقول الي بقلبه .. قولي بعيش حياة سعيده نبي نرجع لبعض ... آبجي جدامه اعتذري منه .. لميه احضنيه .. واهو راح يسوي مثلج واكثر ..


كلكم تكابرون حآليا .. لكن بالحياة الزوجيه مافيها مكابرة لازم في تنازلات وتضحيه من اجل حياة سعيده ..


والحين وقت الاذان صلاة الفجر عسئ ربي يسر امركم ويهديكم ويبعد عنكم العين وترجعون مثل اول واحسن ... وامييييييييييين





.. وطمنينا عليج ويااارب تبشرينا انكم تراضيتو وصرتو احسسسسسن من الاول ..:/

 

[موله الكويت]

سمعيني حبيبتي عدل ...

وسمعيني مو لاني خبيره ولا لاني استشاريه اسريه ولا شي ..

سمعيني لاني مريييت باللي مريتي فييه .. بس انا اكبببر اكبببر اكببببر ...

انا قريت لج كم موضووع من قبل ... وعرفت انتي اي نوعيه من الزوجات ...

تدرين انتي ليش تعيشين كل هالصدمه ؟؟

لانج تحبيييينه ... لانج تتوقعيين من اي احددد في الدنياااا انه يأذييج الا اهووو ... لانج اعتقدتي انه مهماااا صاار بينكم يبقى حبيبج اللي يخاف عليج ومستحييل يسوي شي مثل هذا ... لانج عطيتييه بكل مافيييج وشفتي كل اللي عطيتيه يضيع بموقف غضب ...

انا عارفه اهووو شلووون كاان شي كبيير كبيير في عييينج واللي صااار طيحه من عيينج .. انتي كنتي ماخذه راحتج معاااه وتقولين اللي تبينه واللي يخطر في بالج باي طريقه وباي اسلوووب لانه انتي واثقه انتي شنوو عند هالرجال وانه مارااح يحاسبج ومهما زعل راح يرضى عليج .. انا فاهمه كل هالاشياء ..

بس تدرين ليش احنا ننصدم كل هالصدمه ؟؟

لان احنا في بدايه حياتنا ... لان احنا كناااا صغاااار وتونا نكبببر ... لان عشنا في بيوت اهالينا مدللين مانعرف شي اسمه قسوه ولا ضروف صعبه ...

اللي مريتي فيه هذا سيئ اكييد ... بس تأكدددي انه بيقوووويج ... بيغير قناعاتج ... بيحدد اولوياااتج ...

احنا شخصياتنا مثل تضاريس الارض اللي تشكلها عوامل التعريه ...

شخصياتنا تتشكل بالعواصف اللي نتعرض لها في حياتنا ...

اللي صااار بينكم مارااح تقدرين تتجاوزينه انتي برووحج .. ولا اهوه برووحه ...

دام اهو مارضا يطلقج ودامج انتي رجعتي له معناته تبووون تكملوون حياتكم مع بعض ...

الشي اللي صار صحيح كبيير بس اكييد اللي تكنونه في قلوبكم لبعض اكببر ... والدليل انه للحين انتوا يجمعكم بيت واحد ...

خلاص ساعدوا بعض عشان الحياه تمشي ...

اللي انكسر صحيح صعب يتصلح .. بس تناسي .. لاتركزين اللي صار في بالج ... لاتفكيرن فيه على طوول ...

لاتصيرين جافه مع زوجج .. لبسي له كشخي له بادري له ... غصبي نفسج في البدااايه ورااح تشوفين نفسج شوي شوي تقربين له .. بمساعدته طبعا .. وانا متاكده اذا اهوو صج يحبج اول ماتبتدين انتي تكسرين هالحاجز اللي صار بينكم اهوو بيحاول معاج يكسره ...

مارااح تهتمين فيه الحيين .. انتي تصنعي الاهتماام .. اذا مافكرتي فيه رجعي فكري وقولي لنفسج انا لازم اهتم في زوجي ...

والله شوي شوي بتشوفين نفسج رجعتي له .. بس اهم شي العقل ... لانه اهوو اللي يتحكم في كل شي .. حتى قلوبنا ومشاعرنا ... لاااااتركزييين الشي في بالج انسيييييه ....


وهذاا كله مايمنع انه تغيرين اولويااتج ومفاهيمج لهالزوووج ..

زوجج ابوو عيالج حبيييه استانسي واستمتعي معاه ... بس لااااتعطينه كل مافيييج لاتعيشيين عشااانه ...

قالوها خبراء الحياه الزوجيه واصدقووا .. خلي زوجج اضاااافه لحيااااتج فققققط ... لاتخلينه اهووة حياتج ... عيشي مع اهلج مع ربعج مع ولدج واستانسي ... اهووو صار موجوود عيشي معاه كل لحضه بسعااده .. بس اذا ماصار موجود لاتضايقين ولا تحسين بنقص ...

توقعي منه اييييي شي وفي اييي وقتتتتت ... عطييه ثقتج ... بس لاتعطينه الثقه المطلقه ... لان الرجال اصلا طبيعته ورخصه الالهيه تعطيه مساحه خل نقول من الحريه اذا صح التعبير .. فلااا يجي يوووم وتنصدميين .. حتى لو ماااجاا هاليوووم وانشالله مايجي...بس عشان تكونين مستعده لاي شي ممكن يواجهج معاه وبعدين بتصير الاثار النفسيه عليج اقل ..

صدقيني بعد اللي صار بتصيرين عاادي تقدرين تسمعين منه شي قبل لو يقوووله ذبحتي نفسج صيااااح ... اول تشرهين عليه في كل شي وتعاتبينه ع كل شي وتنطريين منه واااجد .. الحين بيصير عااااادي عندج اي شي ..

هالشي صج صار من شي صعببب .. بس صدقيني يخلي الحيااه اسهلللل ...

وعسى ان تكرهوا شيئا وهو خير لكم ... اخذي الموضووع بايجابيه .. والله بتشوفين انها تجربه صعبه بس طلعتي منها بدروووس ... وبتحمدين ربج انه هالشي صااار الحيين ولا يصير بعددد سنييين اطول وعشررره اطووول .. ع الاقل ماتبتدين حياتج باندفااااع وجنووون وتهووور << اقصد جنووون المحبه

الله يخلي لكم ولدكم انشالله وتبلغوون فيه .. مادري ليش لازم تستوي مثل هالسوالف بعد اول بيبي ..

يمكن لان خلاص حياه المجاملاااات وشهوور العسل خلااص راحت وبدت الحياه الجددد ؟؟

ماكو رد برد جبدي غيرج
عسى الله يبرد قلبج يا بدويه ويسخره لج كلنا حاسين فيج وخلص الكلام
الدور عليييييييييييييج الحين وسمعي الكلام ولاتعاندين وتخلين ابليس يلعب براسج .. حمولتج مو زينه بالطقاق خلج اشطر واقوى منهم صدقيني مو بس انتي كلنا لازم يحوشنا هالطشار ..
يارب يارب ردج الياي يكون فيه بشاره ان الامور شوي شوي بدت تعدل

نصيحه من اخيتج : شيلي صوره ولدج لاخر مره البنات يقولون لج شيليها دشي قسم تأخر الحمل وشوفي البنات شلون يبجون ويتحسرون الله يكون بعونهم ويرزقهم ترا انا كنت معاهم فتره وحاسه فيهم بس صدقين هالفزه لاتستهينين فيها ​

 

[باحثة عن الامل]

حبيبتي اول شي اضم صوتي للي طلب تشيلين صورة ولدج لانج ممكن تنعرفين عن طريقها وتصير مشاكل لج لما يوصل لزوجج وانتي غنيه عن هالشي؟؟؟؟؟؟


ثانيا يا قلبي انتي تقولين وضربني وضربته وسبني وسبيته وسويلته شي قوي؟؟؟؟؟؟؟؟؟؟؟؟

يعني انتي خلاص بردتي حرتج ليش زعلانه موقف ورديتي عليه بغض النظر عن طريقتج بالرد اللي انا كليا ما اشجعج عليها بس خلاص دافعتي عن نفسج ليش الحره والحزن ؟؟؟ انتي كل موقف صار وصدمج من زوجج انتي بالمقابل رديتي عليه بصدمه لزوجج يعني اثنينكم نفس الشي فليش التحامل عليه وكوكب الحزن اللي حاطه نفسج فيه؟؟؟


سالي نفسج انا ابيه؟؟؟

والجواب اكيد اي تبينه وتحبينه؟؟؟

عيل السوال شنو اسوي؟؟؟

الاجابه ان الكرة بملعبج استردي زوجج لانه يحبج بعد واهو ندمان نفسج بس الريال نادرا ما يعتدر حبيبتي في حريم ازواجهم يخونونهم ويضربونهم ويطردونهم من البيت وغير؟؟؟؟

وما سووا سواتج لو زوجج ما يحبج جان طلقج من زمان حبيبتي راجعي الايام الحلوة اللي جمعتكم والايجابيات اللي بزوجج وراح تنسين هالصفحه على شوي شوي وربي يوفقج

 

[طيبة83]

أنا أحس انه أنتوا الاثنين تحبون بعض بس تكابرون

روحنا حق أخصائي نفسي له خبره بالعلاقات الزوجيه وفتحوا قلبكم

وان مالقي توا أخصائي شوفوا رجل دين لاهو من اهلج ولا من أهله وفتحوا قلوبكم واس تسمحوا من بعض

 

[رق رق]

اخييييييه عورتي قلبي . مريت ابنفس حالتج . وبعد سنه رد كل شي طبيعي . اذا ودج تتعرفين علي احد انا حاظر اكلمج ، اعطيج تلفوني

 

[طيبة83]

بدويه روحي عمره انتي وزوجج

قوليله ابيك توديني عمره

روحي عند الملتزم وابجي ابجي طلعي اللي بقلبج وادعي ربج يصلح بينكم

روحوا غسلوا قلوبكم

ترا هم شهور بيروح بايام صدقيني

 

[حظ من عنده انا]

ي عمرررري انتي


يااااارب بهاليوم الفضضيل وبهالساااعات المبارركه

ان الله يمسسح على قلبج ويروح الالم والوجع اللي فيج ياارب ياكرريم

وان الله يهدي سرركم ويزيين حيياتكم يااارب

 

[صعبه]

بدويـه حبيبــتي نصيحـه شلي صورة ولدج وحذفي الموضوع

حتى رابط الاسك شليه خلاص

الله يستر عليج يارب وويسخرلج زووج يارب

 

[دهن_العود]

تدرين ليش قاعدة تبجين هالكثر؟؟؟؟؟ مو لأنج ضعيفة و لا لأنج خايفة

أنا و بنات وايد نعرفج بالمنتدى و نعرف أسلوبج و شخصيتج

إنتي انسانة قوية وواثقة من نفسج و سنعة و طول الفترة اللي سبقت مشكلتج مع زووجج عبالج إنه تقدرين تمشين حياتج الزوجية و تسيطرين عليها و تخلينها ناجحة

بس الصدمة صارت لمه زوجج رفع إيده عليج و هذا لخبط الموازين عندج و عفسج عشان جذي قاعدة تبجين هالكثر.

شوفي في وايد حريم ازواجهم طقوهم بس هاذا مو معناته انه الحياة انتهت و خلاص ماكو مجال حق تصليح علاقتج مع زوجج, لأ بالعكس ماتدرين يمكن فيوم زوجج يعرف غلطه و يصيير هذا درس له و تصيير حياتكم سمن على عسل

بس عشان تتحسن المور لازم تلتفتين حق نفسج و تفكرين بالمستقبل و هو بييله يوم و ينسى و يمكن هروب ريلج من البيت يكون لأنه متحسف على اللي سواه و ماله عين يقعد معاج

هونيها و تهون و محد خالي و الحمدالله علىكل حال
الله يجبر خاطرج و يهون عليج يارب

أنا معها بكل كلمه عطي زوجك فرصه يعوض عليك

 

[مناير ...!]

بعد عمري الله يمسح على قلبج
طلعي من البيت وروحي عند اهلج اسبوعين ثلاثه
سافري غيري جو بس ليمن تقدرين تتقبلينه
طلبي منه ان كل واحد يعيش لحاله شويه انتو محتاجين مسافه

 

[نــNawafـوافKSA]

عاادي يابنت

انتي ليش تشوفينه معصب وتناقشينه خلاص كنسلي النقااش الين يهدا
بعدين عاادي طقك

الحريم الاولات ياكلن طق الين يشبعن ههههههههههاي

 

[ام يارا القمره]

بدويه كنتي تمدحين نفسك وزوجك حتى في هالمنتدى وتلقين حريم مب مرتاحات مع ازواجهم
ويمكن عين حاولي تقرأين على نفسك
لانك طيبه وتحبين تمدحين حياتك انا وزوجي نحب بعض وانا اسوي لزوجي في خصوصيات ماتكتب في المنتدى وهذا وجهه نظري

 

[غلا الغوالي]

ياقلبي الله يفرج همك عاجلا اولا ياعسل اللي صار عاااااااااااااااادي عااادي
كثير زوجات ينطقون لو كل من انطقت تطلقت ماقعد الاالقليل ومو معناه انك تسكتين اذا جاك طق لاااااا ماينسكت عليه علشان مايتمادا بس طريقتك
اكبببببببببببببببببببببببببر غلط وانا متأكده انك نادمه على فعلك اللي سويتيه
انتي رديتي الضرب ونشرتي له سسسر فضحه يعني انهنتي كرامته علشان كذا هو مو قادر ينسى المفروض يوم ضربك قمتي عنه والا رحتي لبيبت اهلك كم يوم درس له علشان يندم معليش كلامي قاسي حبتين بس راح يفيدك بعدين
الحل ياعسسل الان تتكشخين وتسوين جو رومانسي معليش اغصبي نفسك وتعنذرين منه وتتفاهمين معه ووضحي له ان المراه في هاالفتره نفسيتها تكون حساسه واي موقف يمكن يعرضها للاكتئاب بعد النفاس اللي يمكن انتي تمرين
فيه اللحين ويفضل لو تروحون لإستشاري اسري كثير في الكويت عندكم
كويسين وكلامهم يبرئ الجرح المختصر ان سسالفتك ماتسسستاهل الطلاق
ابداااااااااااااااااااااااااااا يبي لها اعتذار وتفاهم وتنازل والله يفرج همك
:eh_s(17):

 

[Bent AlNoor]

اول شىء غيري اثاث الغرفه عشان نفسيتج ما تتعب زود
ثانيا الريال يمكن فقد اعصابه...ماكو عذر بس الانسان مو كامل...مافيها شىء انج تاخذين قرار تبدين صفحة يديده...و الاهم اتفقي معاه ان اذا انتو تتهاوشون اب اعصاب زايده و كلام يجرح اتفقو ان تقولون كلمه سر بينكم اذا انقالت كل واحد يسكت و يطلع بره الدار ليما تهدون...ادري الموضوع مو سهل بس اللسان لازم ينحفظ منج و منه لان كلمه ورا كلمه تنهي العلاقه و تولد الحقد...اتفقو على كلمه جميلة تذكركم بشىء عزيز عليكم...و انشاءالله هذا الشىء يقلل من الكلام الجارح و الجرح الجسدي

 

[! بــدويه وآآيــد !]

،



للاسف موقادره انسى لان اهو الحين اسلوبه زفت معااي
يعني مشكلتي موبس الطق لا معاملته الخايسه حاليا
حياتي المومستقره
خوفي منه ومن نبرة صوته
يعصب علا اتفه سبب يدري اني اخاف منه ويفرد عضلاته اكثر واكثر علي

جدا تعيسه وضايعه وكارهته

اشكركم على ردودكم الي تمسح على قلبي وتهون علي خوات وماتقصرون الله لايقصر بعمركم

 

[latkt7as]

،



للاسف موقادره انسى لان اهو الحين اسلوبه زفت معااي
يعني مشكلتي موبس الطق لا معاملته الخايسه حاليا
حياتي المومستقره
خوفي منه ومن نبرة صوته
يعصب علا اتفه سبب يدري اني اخاف منه ويفرد عضلاته اكثر واكثر علي

جدا تعيسه وضايعه وكارهته

اشكركم على ردودكم الي تمسح على قلبي وتهون علي خوات وماتقصرون الله لايقصر بعمركم

الله يكون بعونج حياتي

شوفي نصيحه مني لاتبينين انج خايفه او مرعوبه منه
خليج مثل ما انتي لاتغيرين نفسج ادري صعبه ترجعين بيوم وليله
بس لما يشوف شخصيتج القويه مثل قبل بيخاف يخسرج مثل ماكان يخاف
لاتخلينه يحط فباله انه طقج خلاص خفتي

انا ماقولج لاسنيه ورادديه والعني خيره لاااااااا
قوه شخصيه مثل قبل ضيفي عليها الصمت
ادري تكرهينه ومو بالعته مرتين بهالشي
بس كنت وربي يشهد علي اقرب له واتودد وانا من داخلي ودي اخنقه من القهر
والحره
رجعيه لج لانج تدرين اهو يحبج
جربي ماراح تخسرين شي فاجئيه زهبي عشا رومنسي
طرشي مسج شوق
ادري صعبه ودج تدفنينه واهو حي
بس بينكم ولد وبتعيشون عمر مع بعض؟

تبين تجي وحده وتاخذ قلبه الي انتي فيه ؟
اكيد لا دوسي على قلبج ورديه لج بعدين تددللي عليه
زوجج والله اذا عاملتيه بحب وابتسامه وشوق شهرين ويرجع مثل قبل واحسن
ادري قرقت شكثر
تقبلي ممروري

 

[هيفاء الامورة]

الله يهديكم ويسخركم حق بعض
الله عطانا نعمت النسيان
مع الوقت بتنسين
​

 

[Pippa]

لحظه لحظه شنو يفرد عضلاته اهوا طقج عقب ذيك المره !!!!

اذا لا واتمنى لا خليه يولي حقريه لا تبينله خوفج استقلي بحياتج خلي تفكيرج حاليا بنفسج بالحاضر لااااا تفكرين بالماضي ولا بالمستقبل ولا فيه
كل ما فكرتي وانشغل بالج عن اللحظه الي انت فيها كل ما قطعتي رزقج لازم تكونين واااعيه علشان تستقبلين الرزق واعيه يعني ما تفكرين كلش ملش طالعي الحين ايدج ماسكه الايفون دققي فيه استوعبي الي حواليج اسمعي صوت تنفسج وتاملي مع الوقت بتصيرين واعيه استمتعي استمتعي استمتعي بحياااااتج بكل لحظه تمر قولي مابيها تضيع علي ابي كل لحظه تمر أكون مستمتعه مع نفسي من غير انتظار ولا وجود لسبب لللسعاده استانسي بلاااا سبب ديري باالج من الانتظاااار اهوا الي ياجل الرزق الي قاعد يصيرلج اهو انعكااااس للي داخلج وللافكار السلبيه احسني الظن بالله خلي افكارج ايجابيه حبي نفسج حبي نفسج عشان اهوا يحبج وخلج واعيه مو كله تفكرين انا أفكر اذا انا مفقود خلج موجوده بالعالم المادي الي حواليج ولا وجوووود للمستحيل في الوجود اما الي تارك جسمه وباله مكان ثاني اكيد بينقطع رزقه وبيكتئب وتزيد مشاكله ... الدنيأ حلووووه استمتعي باللحظه الحاليه

احبج ♥ وعلى فكره الخاص ذبحني كله فول ماشاءالله ))

 

[Pippa]

بدبد نصييييحه لا تلزقين فيه ولا تخافين ترىكل ماخفتي من شي يجيج ويخلي ذبذباااتج ضعيفه وتضعفين ومايجلب الخوف الا الشي المو زين الله يكفيج الشر

لا تكمتين البنات يقولون دوسي على قلبج وتحملي ماعليج منهم ترى مو زين الي فيج كتمان وكبت مو صمت لاااازم تطلعين الي بقلبج عشان ترتاحين
اخذي فتره نقاهه وتصفيه للذهن وتنسييينه وتنسين كل كل شي بهالفتره عشان تردين لحالتج الطبيعيه وغيري اثاثج وخلي بيتج شرح