زوجي طقني مو قادره اكمل معاه افـكر بالطلاق تعباانه نفسيـاا :'(

[بحور العنا]

تقربي لربك واكثري استغفار وتسبيح وان شاء الله ربي ماينسى عبده

بعدين نصيحه لوجه الله لاترفعين صوتش على زوجش ولاتسبينه صدقيني للومهما سوا الزوج المره ماترفع صوتها ولا تسبه اذا تبين تعيشين معاه بسعاده ادمحي زلاته وبعدين في الاول والاخير هذا زوجك ابو اولدك وانتي تحبينه على كلامك واللي يحب عمره مايكره

 

[حبيبه ببي]

اب اب

 

[ورد فاخر]

الموضوع خذا اكبر من حجمه وصاحبة المشكله مو راده ولا معبره احد

زبده الكلام الي تتصرف جذي تستاهل الطق لان ماتفهم غير لغه الطق

الكلمه الطيبه. صدقه

والي ماترضينه. ع نفسج لاترضينه ع الناس




اختي. صاحبه. الموضوع
النسيان. نعمه. ورحمه. كبيره من الله. حاولي. تنسين
وعطي نفسج فرصه

الله يسخركم لبعض

 

[floragucci]

الكلمه الطيبه. صدقه

والي ماترضينه. ع نفسج لاترضينه ع الناس




اختي. صاحبه. الموضوع
النسيان. نعمه. ورحمه. كبيره من الله. حاولي. تنسين
وعطي نفسج فرصه

الله يسخركم لبعض

اختي انا كان لي رد هني قبل ردي الاخير ردي الاخير بخصوص تطنيشها للموضوع واهيا لها ردود بمواضيع ثانيه هني عرفت ان البنيه هي يابت الطق لنفسها وانا ضد الطق مهما كانت الاسباب

 

[طالبة انجلش]

الله يهدي سركم يااارب

انصدمت من شفت نكج
ماعرف شقول لكن الله يصلح الامور بينكم ياارب

 

[قلب زوجي وولدي]

بصراحه اثنينكم غلطانين بس انتي بديتي بالغلط وخليتيه يوصل
لي الطق تبين تراددين وتعصبين وطولين صوتج وما يسوي شيء مستحيل
مو بس زوجج كل الرياجيل ما يرضون بهالشيء وفوق هذا فضحتيه شلون تبينه
يرد لج مثل قبل ؟؟؟؟ أصلا زين اذا نسى ورد مثل قبل بعد كل اللي سويتيه لانه الرجال
ما ينسى انتي رديتي له لانج تحبينه واهو يمكن للحين يحبج ولا جان مطلقج من زمان
بس كرامته ما تسمح له يرد مثل قبل بعد للي سويتيه

والله يهدي النفوس


​

 

[ورد فاخر]

اختي انا كان لي رد هني قبل ردي الاخير ردي الاخير بخصوص تطنيشها للموضوع واهيا لها ردود بمواضيع ثانيه هني عرفت ان البنيه هي يابت الطق لنفسها وانا ضد الطق مهما كانت الاسباب

اسمحيلي. اختي. مانتبهت

 

[floragucci]

اسمحيلي. اختي. مانتبهت

لا عادي حبيبتي انا مستغربه ردود البنات مو بالدين الحريم ناقصات عقل ودين شلون الريال الي انتوا مبجلينه يحط عقله بعقل مره دام اهو كامل يهدلها البيت لين تهدى او يقضبها الباب اذا موعاجبته الي تقول عادي امهاتهم انطقوا واصبروا والي تقول انها انطقت وعقب نست ؟ عشان محد يفهم غلط انا ماشجعها عالطلاق بس البنيه صار فيها مرض نفسي عقب هالطقه الي ابي اوصله الابو والاخو والزوج عزوه لبنت سند ظهر سكن لها مو مطقاقه هذا الريال الصجي والي تقول انتي فضحتيه ترى باين انها شتكت عليه لان شكله الطق دخلها المستشفى والمستشفى يسوون تحقيق وتقرير عشان يعرفون سبب الاصابه وطبعا بحالتها شي طبيعي تشتكي الزبده الي عاجبها الطق خل تنطق دام الاحترام والعشره صار مالها قيمه

 

[lace]

انا ما قريت ردود البنات للامانه لان ماعندي وقت و يمكن يكون الكلام مكرر
بس عندي كلمتين وابي اقولج اياهم..
شوفي يا بنت الحلال
اناا اقرا موضوعج وقلبي متقطع عليج والله احس ان جنه هالشي يصير لي انا
ودعيتلج دعوه من قلبي ان يفك عوقج
اثنينكم صح واثنينكم غلط بنفس الوقت
انا ما اشوفج غلطتي لما رديتي عليه
وبرايي ان الرجل اذا طق مرته ترد له الطقه علشان ما يستعرض عضلاته عليها
لان لو بتسكت له اليوم بيرد يطقها باجر
ماعليه مو موضوعنا
بس انا اشوف ان الي صار بينكم هو فقدان ثقه
مثل ما اهو طقج و آلمج انتي بعد طقيتيه بالحركه والبهذله اللي سويتيها
اكثر اهانه تتعرض لها المرأه الضرب صح؟ لان تحسين انج ضعيفه وماكو شي تقدرين تسوينه
نفس الشي اكثر اهانه يتعرض لها الرجل.. التبهذل .. لان يحس انه ضعيف ،،، انتي اذا حسيتي انج ضعيفه شوفي شنو يصير فيج فما بالج الرجل
قهر الرجال
لما تنصدمين منه انه طقج نفس لما انصدم منج انج بهذلتيه
كل واحد صدم ثاني بلحظه غضب.. انفقدت الثقه
يعني شفتي الشعور الي انتي تحسين فيه شلون تشوفينه بنظره غير وخايفه منه وتحسين انج ماتعرفينه ؟ نفسه هالشعور اهوا يحسه تجاهج... ما يقدر يأمن عليج
علشان جذي
انا اقترح اذا في امكانيه تروحون ل معالج متخصص بالمشاكل الزوجيه
تتفقين انتي وياه ان اثنينكم غلطانين
اذا انتي مستعده
اذا انتي تحسين ان يحبج
او حبج صج
لاتتخلين عنه بهالسهوله
انا اقول fight for your relationship
علشان خاطر الحب الي كان بينكم وعلشان خاطر البيبي
اللي صار ما يتصلح بيوم وليله
لا يكون الطلاق اول فكره ببالج
بتندمين وتندبين حظج
صدقيني حياة المطلقه مو سهله ... خصوصا بمجتمعنا... واصلا مو هذي السالفه
السالفه انج اذا ولهتي عليه وذبحج الوله ماتقدرين تردين له
انا اقول تقعدون جلسه تتفقون مع بعض
لا يكون فيها الحساسيه
جلسه تفتحون صفحه يديده
لاترددين ان تحطون شروط يديده نفس الشي لا تستغربين اذا حط شروطه
تتفقون انكم تعدلون حياتكم
لان ماتوقع ان اهوا مرتاح في هالحياة بعد
والله يكتب الي فيه الخير لج ياربي

 

[Gomrhom]

والله استغرب من البنات اللي تقول المرة تنطق عادي وتنسئ، ليش المرة مو انسانة من لحم ودم مالها مشاعر واحاسيس ودمعة يعني فوق مو صاينة عرضة وشرفة وقايمة بواجبة واجب بيتة وتربي لة ولدة ويمد ايدة عليها بعد؟ ليش أهي بهيمة وين كرامتها؟ والله كل رجل يمد ايدة علئ مرة جباان بمعنئ الكلمة وعندة نقص مايقدر يطلعة برة فايطلعة علئ مرتة لانها ضعيفة، ولة لو ريال مثلة مااسترجئ يمد ايدة علية. بس مااقول إلا ياحيف علئ زمن مابغئ فية رجاجيل

 

[كويتية توتة]

انا انصحج
اقري ع نفسج انتي وزوجج والله ماتدرين يمكن عيون الناس
بعدين لاتفكرين بالطلاق هذا رايي يمكن صارت بحالة غضب ويمكن كان متضايق من شي وبعدين صارت سالفتكم
تعوذي من ابليس وبينكم ولد والطلاق مو حل قعدي معاه افهمي منه ليش جذي سوا وتعوذي من ابليس اقري البقرة كثري قيام الليل ان الله يهديكم لبعض
وتذكري ايامكم الحلوة بيحن قلبج
وقوليله اخر مرة اسمحلك تمد ايدك علي

 

[رحماك ربي **]

الله يصبر قلبك ويفرج همك ويصلح الحال بينكم
امبين من كلامك انه حساسه حيييييل
وغير كذا انتي لين الحين تحبينه وهو بعد يحبك
لو مايحبك ماردك عقب ماقلتي انك فشلتيه بسالفه
لاتخلين الشيطان يلعب بعقلك ويقول لك انه يكرهك
شوفي الرجال اذا صارخ ديري بالك تراددينه
انا لسى مخطوبه ودايم امي تنصحني ذي النصيحه تقول لي
اصحى تراددين زوجك اذا صار بينكم مشكله
عشان لا تكبر وتغلطون على بعض
وصلي الليل وادعي والله مافي احلى من صلاة
بجوف الليل تدعين فيها ربك واستغفري
​

 

[! بــدويه وآآيــد !]

,



اشكر كل من ردت علي كل وحده باسمها واشكر الي اهتمت وحاتتني
والله الشاهد اني قريت كل الردود مره وثنتين وثلاااث
وآسفه على التاخير بالرد لان صارت لي ظرووف اجبرتني ما ارد
فدتوني وريحتوني وقعدت افكر بكل رد من الردود الي كتبتوها انا فعلا ضااايعه منهاااره حااسه نفسي مكسوره وضعيفه عشان جذي كنت ابي من يوقف معاي وفعلا اخذتوا بايدي وكنت كل ما اتضايق ادش اقرأ الردود مره وثنين وثلاااث
والي دشت تقول استاهل الطق وما ادري شنو لاني مارديت عليها اقولها شكرا لانج تقدرين ظروف الناس وفعلا باين انج كتبتي رد شفتيني مارديت تحسفتي عليه وقعدتي تقولي استاهل الطق
الحمدلله ما اطنش بخواتي وفعلا التمست خوفكم ومحاتاتكم لي الله لايحطكم مكاني ولايحرمكم السعاده ولاراحة البال
واعتذر مره ثانيه عن التأخير

 

[Perfume]

^^^^
حبيبتي الله يسخره لج
ويوفقكم مع بعض

 

[عيني عليه]

سمعيني حبيبتي عدل ...

وسمعيني مو لاني خبيره ولا لاني استشاريه اسريه ولا شي ..

سمعيني لاني مريييت باللي مريتي فييه .. بس انا اكبببر اكبببر اكببببر ...

انا قريت لج كم موضووع من قبل ... وعرفت انتي اي نوعيه من الزوجات ...

تدرين انتي ليش تعيشين كل هالصدمه ؟؟

لانج تحبيييينه ... لانج تتوقعيين من اي احددد في الدنياااا انه يأذييج الا اهووو ... لانج اعتقدتي انه مهماااا صاار بينكم يبقى حبيبج اللي يخاف عليج ومستحييل يسوي شي مثل هذا ... لانج عطيتييه بكل مافيييج وشفتي كل اللي عطيتيه يضيع بموقف غضب ...

انا عارفه اهووو شلووون كاان شي كبيير كبيير في عييينج واللي صااار طيحه من عيينج .. انتي كنتي ماخذه راحتج معاااه وتقولين اللي تبينه واللي يخطر في بالج باي طريقه وباي اسلوووب لانه انتي واثقه انتي شنوو عند هالرجال وانه مارااح يحاسبج ومهما زعل راح يرضى عليج .. انا فاهمه كل هالاشياء ..

بس تدرين ليش احنا ننصدم كل هالصدمه ؟؟

لان احنا في بدايه حياتنا ... لان احنا كناااا صغاااار وتونا نكبببر ... لان عشنا في بيوت اهالينا مدللين مانعرف شي اسمه قسوه ولا ضروف صعبه ...

اللي مريتي فيه هذا سيئ اكييد ... بس تأكدددي انه بيقوووويج ... بيغير قناعاتج ... بيحدد اولوياااتج ...

احنا شخصياتنا مثل تضاريس الارض اللي تشكلها عوامل التعريه ...

شخصياتنا تتشكل بالعواصف اللي نتعرض لها في حياتنا ...

اللي صااار بينكم مارااح تقدرين تتجاوزينه انتي برووحج .. ولا اهوه برووحه ...

دام اهو مارضا يطلقج ودامج انتي رجعتي له معناته تبووون تكملوون حياتكم مع بعض ...

الشي اللي صار صحيح كبيير بس اكييد اللي تكنونه في قلوبكم لبعض اكببر ... والدليل انه للحين انتوا يجمعكم بيت واحد ...

خلاص ساعدوا بعض عشان الحياه تمشي ...

اللي انكسر صحيح صعب يتصلح .. بس تناسي .. لاتركزين اللي صار في بالج ... لاتفكيرن فيه على طوول ...

لاتصيرين جافه مع زوجج .. لبسي له كشخي له بادري له ... غصبي نفسج في البدااايه ورااح تشوفين نفسج شوي شوي تقربين له .. بمساعدته طبعا .. وانا متاكده اذا اهوو صج يحبج اول ماتبتدين انتي تكسرين هالحاجز اللي صار بينكم اهوو بيحاول معاج يكسره ...

مارااح تهتمين فيه الحيين .. انتي تصنعي الاهتماام .. اذا مافكرتي فيه رجعي فكري وقولي لنفسج انا لازم اهتم في زوجي ...

والله شوي شوي بتشوفين نفسج رجعتي له .. بس اهم شي العقل ... لانه اهوو اللي يتحكم في كل شي .. حتى قلوبنا ومشاعرنا ... لاااااتركزييين الشي في بالج انسيييييه ....


وهذاا كله مايمنع انه تغيرين اولويااتج ومفاهيمج لهالزوووج ..

زوجج ابوو عيالج حبيييه استانسي واستمتعي معاه ... بس لااااتعطينه كل مافيييج لاتعيشيين عشااانه ...

قالوها خبراء الحياه الزوجيه واصدقووا .. خلي زوجج اضاااافه لحيااااتج فققققط ... لاتخلينه اهووة حياتج ... عيشي مع اهلج مع ربعج مع ولدج واستانسي ... اهووو صار موجوود عيشي معاه كل لحضه بسعااده .. بس اذا ماصار موجود لاتضايقين ولا تحسين بنقص ...

توقعي منه اييييي شي وفي اييي وقتتتتت ... عطييه ثقتج ... بس لاتعطينه الثقه المطلقه ... لان الرجال اصلا طبيعته ورخصه الالهيه تعطيه مساحه خل نقول من الحريه اذا صح التعبير .. فلااا يجي يوووم وتنصدميين .. حتى لو ماااجاا هاليوووم وانشالله مايجي...بس عشان تكونين مستعده لاي شي ممكن يواجهج معاه وبعدين بتصير الاثار النفسيه عليج اقل ..

صدقيني بعد اللي صار بتصيرين عاادي تقدرين تسمعين منه شي قبل لو يقوووله ذبحتي نفسج صيااااح ... اول تشرهين عليه في كل شي وتعاتبينه ع كل شي وتنطريين منه واااجد .. الحين بيصير عااااادي عندج اي شي ..

هالشي صج صار من شي صعببب .. بس صدقيني يخلي الحيااه اسهلللل ...

وعسى ان تكرهوا شيئا وهو خير لكم ... اخذي الموضووع بايجابيه .. والله بتشوفين انها تجربه صعبه بس طلعتي منها بدروووس ... وبتحمدين ربج انه هالشي صااار الحيين ولا يصير بعددد سنييين اطول وعشررره اطووول .. ع الاقل ماتبتدين حياتج باندفااااع وجنووون وتهووور << اقصد جنووون المحبه

الله يخلي لكم ولدكم انشالله وتبلغوون فيه .. مادري ليش لازم تستوي مثل هالسوالف بعد اول بيبي ..

يمكن لان خلاص حياه المجاملاااات وشهوور العسل خلااص راحت وبدت الحياه الجددد ؟؟

 

[حبيبة قلبي]

السلام عليكم ورحمة الله وبركاته حبيبتي

هذا ابتلاء الله يطلعج منه مجبورة الخاطر للامانه ماقريت كل الردود بس الاخت lace وايد عجبني كلامها 100% وحبيت اضيف نقطه .

الطق اللي صار غلط بس اختي انتي ساعدتس ان الوضع يوصل للطق تقدرين تنطرين لين يهده وعقبها اطلعين الكلام اللي بقلبج كله وراح يقدر .

وانتي تحبينه حييييييل علشان جذي رديتي له واهو يموووووت عليج لان داس على كرامته وردج له غي بيته ..

حبيبتي بدويه وايد هل انت ضامنه ان زوجك مابكى ؟؟؟؟ قهر النساء اكككككبر من قهر الرجال لان الرسول عليه الصلاة والسلام تعوذ من قهر الرجال ماتضمنين يمكن بكى و بكى بروحه وانتي ماتدرين يمكن قعدته بالبيت هروب من ذكرى كرامته المكسوره .

حبيبتي بيتج مملكتج والبنت تخلي مملكتها سعيده او تعيسه بقلبج وعقلج لاتكابرون اكثر كل واحد فيكم روحه بالثاني واذا حابه بالاستشاره استشيري بالعكس شي جيد بس يكون شخص محايد .


الله يتمم عليكم وانشوفكم اسعد زوجين بالدنيا ويترس بيتكم بالذريه الصالحه ....

الموضوع الياي نبي منج قصة حلج لمشكلتج وان شاءالله تكونين طايره من الفرح ونفرح معاج .

استودعتج الله وسامحيني عالاطاله

 

[أم زايد ويزن]

عورتي قلبي عليج
ربي يهدي سركم ياااارب

 

[أكذب عليك]

انتي منكسره ومنغثه ومنجرحه لانج قويه بالاساس وكنا متعودين عليج متمرده
بدويه انتي ماجربتي تنكسرين هالشي اللي ماثر فيج
انتي بمرحله انتقاليه ياا تكملين حياتج وصدقيني بتنسين وبتتغيرين وهذا شي زين لانه
الحين انتي ام وموظفه وبتكون اعصابج اكثر تحكم

مافي دكتور ولااستشاري يعالج شي انتي تحسينه لانج قاعد تكبرينهً
لاتعيشين بعناد فكري بالايجابيات وفكري بنغير لنفسج ولا اهو لايهمج
لاتغيرتي انتي بيتغير


تراج مومغصوبه ع الرده لكنج تحبين الاستقرار ورب ضارة نافعه وانا اختج
اعتقد اللي بالصوره يستاهل تبتسمين وتستانسين الحياه مودايمه لحد وانا اختج


وانصحج دامج فاضيه اقري مقالات الدكتوره ناعمه الهاشمي دام تغيرت حياتج ممكن هالمقالات تغيرها لج اكثر
وتاخذين من هالانكسار شب جميل ويفيدج

 

[ملگه]

حبيبتي بدويه
انتي لوسگتي والله ماتوصل لطق
بس الي صار صار
وعليگ بالدعاء
بعدين انتي فگري زين هل هو گان طيب معاگ گان حبوب گان يحبگ گان مايرفض لج
يعني حنا مانعرف تصرفاته لگ قبل المشگله الي حصلت تراا شي طبيعي ارجال لمي يعصب انتي تسگتين لين يهداء ثم عاد تبدين بنقاشگ معاه خذا احسن حل الله يهديه يارب
ويسخره لگ،
ويهديگ

 

[ملگه]

الله یسخره لگ
الله یهدیه
حسیت فیگ والله
بس ماقول غیر ربي یحل مشگلتگم
یارب