زوجي طقني مو قادره اكمل معاه افـكر بالطلاق تعباانه نفسيـاا :'(

[للصبر أخر]

واللي تقول القانون الكويتي مافي رادع للرجل..القانون الكويتي من اكثر القانون انصافا للمرأه الحمدلله

مجرد ما تاخذ تقرير بالطق من اقرب مستوصف وتروح للمحكمه يطلقها طلاق للضرر حتى لو الزوج رفض يطلق

غير يلزمونه يدفع تعويض مبلغ وقدره عن كل ضرر بدني او نفسي سببه لها نتيجة الطق!!

واذا الضرب سبب لها عاهه او تشوه عادي يدخل السجن كمجرم

واذا لزمت المرأه على الطلاق كل شي بيكون لصالحها يخلون الريال يكره الساعه اللي غلط فيها

 

[عز الخويه]

الله يهدي سركم

 

[انسام الكويت]

بدويه انا دايم اتابع مواضيعك وتعحبني

ونصحيه حصني نفسك وزوجك بالاذكار


وشغلي القران بشقتك


بدويه انتي دايم تنزلين مواضيع بقسم الحياه الزوجيه وانك سعيده ولله الحمد


فالبعض وبدون قصد تعطيك عين لان مو الكل سعيد في حياته وانتي شايفه شكثر مواضيع هنا بالقسم مشاكل الله يعينهم يااارب


عشان كذا لا تكتبين عن تفاصيل حياتك كثير لان العين حق وبعضهم غصب عنهم


الله يصلح حالك مع زوجك ايام وتعدي ان شاءالله


والايام الجايه احلى باذن الله

كلام هالاخت صح وانا من فترة قلت لج بأحد مواضيعج انه العين حق ولاتحطين مواضيع خاصه عن حياتج

ولانه محد يعطي خير او انه اي احد يعجب بموضوعج و بدون قصد يحسدج عاد الحين مواضيعك السابقة احذفيها

أفضلج ..وبخصوص المشكله انا مابي اقول رأيي لانه الحل بيدج انتي وريلج وانتم ابخص فيها لمن تهدي نفوس حلوا المشكله اللي بينكم

والاهم دوامي عالاستغفار والله يهدي نفوس اللي بينكم

 

[الدلـــع كله]

حبيبتي مالي داعي احلل واشرح المشكلة واقولج المفروض وغيره

بس حاليا سوي اللي بقولج عليه ..
كثري استغفاااااااااااااااااااااااااااار كثري كثري ... وتقربي لرب العالمين
عيشي اللحظة .. فكري بالحين بس ... وكل ما تذكري الموقف غيري مكانج او قومي توضي وصلي
اذا حاسة انج للحين فيج بجيه .. قعدي مع نفسج وابجي فرغي لا تخلين شي بقلبج موزين عليج
اذا موحابة هالفترة تواجهينه ... قعدي عند اهلج اسببوع اواسبوعين قوليله تعبانه .. وسوي اللي قلتلج عليه
وقولي دايما ( وافوض امري الى الله ان الله بصير بالعباد)
وصدقيني كل شي بيتغير للأحسن


وطمنينا عليج ...

 

[Canon~]

بدويه خلاص امسحي الموضوع لان زوجك يعرف نكك هنا وانتي كاتبه عن نفسك فكثير يعرفونك

والردود اكيد قريتيها


نصحيه لا تذكرين تفاصيل حياتكم بالمنتدى او حتى برا


وطمنينا شصار معك

 

[Patcholli]

حياتي بدويه وايد
انا احبج فالله ورب الكعبه وحيل احترمج واقدرج وتعجبني مشاركاتج بالمنتدى
وبرد عليج كأخت عن تجربه شخصيه تعرضت لها باول زواجي
صار موقف بيني وبين زوجي وانا تماديت عليه واهو غيب ماقام يشوف جدامه ومثلج طقني طق سنه بساعه
ورحت بيت ابوي وطلبت الطلاق وتدخلو الاهل وردينا
ماقص عليج اول فتره كنت كارهته وكان طايح من عيني ولايعه جبدي منه
مع الايام ردينا نفس اول وشفته يحاول ينسيني الي صار بس ماجذب عليج لي اليوم بقلبي جرح من الي سواه
انا ماكنت متوقعه انه بيستقوي علي بس اهو كلمني بكل صراحه
قالي لاتطولين لسانج ولاتعاندين لسانج يشيشني ماشوف جدامي
انا ريال اشلون انتي تتطاولين علي وتغلطين علي وماتحترميني كزوج .. تقدرين اتطولين لسانج على ابوج ؟؟
لو طولتي لسانج على ابوج مثل ماطولتي علي ماراح يطقج ؟؟
اهني استحيت وحسيت ان انا الي يبت هاذا كله على روحي
تدرين ليش بدويه لان انا حيل كنت اكبر السالفه يعني لو يجعمني اسبه
كنت حيل مندفعه ولساني طويل
ومن يومها عرفت طبع زوجي وقت الي يعصب ما اطول لساني عليه ولا اسب حتى لو كنت محتره منه اوخر عنه او اروح بيت ابوي جم يوم ولما نهدا ارجع
والحمدلله عقب هذاك الموقف عمره ما مد ايده علي
انتي تعرفين ان هاذا مو طبع زوجج ولا خصله موجوده فيه
بس قص عليه ابليس وصار الي صار
لاتبينيله انج نسيتي انا الحين مرت 3 سنين على السالفه وليلحين اقوله ماقدر انسى الي سويته فيه
ويوم ابوه توفى رد بليل باس راسي وقالي سامحيني عالي سويته
شتسوين بعد بدويه هاذي الحياة الزوجيه وصدقيني الي صارلج ممكن يصير لاي اثنين يموتون فبعض هذا مو دليل انه يكرهج بس الواحد ساعات يصير مينون ادري ماتتوقعين هالانسان الي تموتين عليه يسوي جذي
بس بليس الله يلعنه ساعات يتحكم بالبني ادم
وتذكري انتي شنو قلتيله الي خلاه يوصل لهالمرحله
وصدقيني انتي غلطانه يوم تطاولتي عليه
واهو غلطته اكبر بس ميخالف عشان ولدج حاولي تجاملين عشان بيتج بعد لايخترب

 

[Mrs_Efron]

امبي انا مو متزوجه ،لا شي ، دسيت بس عشان شفت اسمج اعرفج هني يعني من زمان اشوفج موجوده

انصدمت مادري ليش رديتي له اساسا !!! غلط المفروض تنتهي الحياه

الاحترام راح خلاص ما بقي شي
بتقوليلي عشان الولد لا سوري الولد من حقه ما يعيش اب حياه ان ابوه مستضعف امه و عادي يغلط عليها

عيل باجر يكبر و عنده ٠ احترام للبنات

غلط انا لو مكانج باي باي حتي لو ما يطلق بس ما اتجابل معاه ويه قطع طاف

 

[shak!shoka]

علشان ولدج لازم تنسين و تسامحين



غيري طريقتج معاه و تحاشيه

واكيد بيحس بغلطته


وصدقيني مع الايام كل ما يكبر ولدج راح ينسيج


الله يخلي لج ولدج و يصلح ما بينج انتي و زوجج ًو يهديه

 

[ام القمرات]

اولا احترم هنا كل المشاركات بس صراحه لايزعلون مني الاخوات لاني اشوف ان الغير متزوجات مالهم حق يبدون رايهم بهالمشكله ,المشكله اكبر من ان تجي بنت لاجربت شنو يعني زواج ولاشنو خسرت بدويه بمجرد زواجها ولا شنو تعني كلمة مطلقه وتجي تعطي رايها بكل صراحه يمكن يابنتي هذا رايك الحين لكن لو فهمت الزواج وجربتيه وخاصه اذا عندك طفل كان انت اول وحده بتسامحيه .لايزعلون مني الحلوات الله يرزقهم انشالله بالزوج الصالح اللي يكرمهم ولايهينهم ويسعدهم بس هذا اللي اشوفه موضوع مايحتمل دخول اي احد يناقشه غير اصحاب الخبرات والنصح .الرسول صلى الله عليه وسلم لعن من خبب امراة على زوجها ,ولايحتمل الانفعالات والدلع نرجع لبدويه حبيبتي انا ما ادري اذا انت لازلتي متواصله معانا او شنو الاحداث الحين اللي صارت معك بعد كتابة المشكله لكن نصيحتي لك اتقي الله يابنتي اتقي الله والله زوجك يحبك ولو مايحبك ماارجعك ولاتحمل منك اللي سويتيه له كيف تمدي يدك عليه يابنتي ابوك لو مد يده عليك بتضربيه؟؟؟ اخوك الكبير لو مد يده عليك بتمديها؟؟؟؟ فما بالك بالزوج اللي الله اعطاه من الحق اكثر من هؤلاء كلهم لاتقولي لا ماهو اعز منهم اسمحيلي انما كان قول المؤمنين اذا دعوا لله ورسوله ان يقولوا سمعنا واطعنا والرسول صلى الله عليه وسلم قال لو امرت احدا ان يسجد لاحد لامرت المراة ان تسجد لزوجها لعظم حقه عليها هذا موكلام كتب بس هذا كلام رسولنا اللي ماينطق عن الهوى ان هو الا وحي يوحى وغير هذا الكلام او الطعن فيه من اي شخص عليه يراجع دينه .نرجع لضربه هو اخطا وخطاه كان نتيجة خطاك بالاصل .بنتي ..مافي رجال في الدنيا يتحمل زوجته تغلط عليه او ترادده وبالخص اذا كان رجل شرقي وبالاخص البدوي شوفي اخوانك ,شوفي ابوك ,شوفي خوالك, عمانك, هذه سمة في كل رجل.مااظن انك تفضلين لو انه سكت على مراددتك وجلس مكسولر النفس مثل الجريح, الرجل جماله ورجولته بكبرياءه وعزة نسه والله لو علمت ان بنتي جاءها رجل لايقول لها لا لرفضت الرجل شخصيه وانا لااعني بكلامي انه اللي يقول لا شخصيه لا ولكن مافي رجل بالدنيا يرضى ان يهان او زوجته ترادده ويصمت ومن يفعل اعرفي بانك اول من سوف تشعري بنقص الرجوله لديه .انت كنت توك طالعه من النفاس قد تكون عين وانا لا انفي وعليك بقراءة الاذكار وبقراءة المعوذات واية الكرسي واول 10 ايات من سورة الصافات واخر سورة البقرة من عند امن الرسول بما انزل اليه... الخ الايات وتنفثي بالماء وتشربي منه وتشربي زوجك وحتى ابنك وتقري قبل ذالك بانك تريدين بدء حياة جديده مع هذا الرجل الصابر لانه يحبك .وتتوكلي على الله ولاتقفي تنتظري منه ان يبدء لانك جرحتيه جرح كبير ,اذا كنت يابنتي موقادره تنسين اذا شنو يقول هو؟؟؟الامر الاخر خطئك عليه اكبر من خطاه عليك انت زوجته المفروض يوجد احترام يلجمك انك تمدي يدك لكن خطاك غطى على خطؤه يابنتي المرة موكل يوم لها رجال وهذه اول غلطه له وهو خذاله مرة مو بنت صغيره تتدلع عليه لازعل وبزر ماتعرف من امور الحياه الزوجيه غير الوناسه, يابنتي جاءت رجل للرسول صلى الله عليه وسلم ومعه ابنته وقال يارسول الله هذه بنتي ترفض الزواج سالها رسول الله عن صلى الله عليه وسلم عن السبب قالت لااتزوج حتى اعرف ماحق الزوج على زوجته فقال صلى الله عليه وسلم لو ان من مفرق راسه الى اخمص قدمه قيح وصديد ولعقته مااديتي حقه...الخ الحديث لاتنجري يابنتي وراء الدعوات اللي تنادي بقوة المراة والشخصيه واهانة الرجل للمراة والخرابيط هذه لانه لوزوجك مايحبك ان رجعك وهو مجروح منك ومكسور والله لو وراك الف طفل مافي احد يسوي مثله انا امراة لي تجاربي وعمري ياهلني اني اتكلم بناء على تجارب سواء شخصيه او تجارب شفتها او سمعتها خراب البيت يبيله اثنين مو واحد اتق الله يابنتي انما هو جنتك ونارك والحياة الزوجيه موبس حبيني واحبك هي طريق تمشوها مع بعض بتجيكم مطبات ومتركات والام وولازم تضحياتك تكون فيها اكثر منه لانك الزوجه والام والصدر الحنون للجميع وعليك تحمل هباته وعقليته كيف ماكانت انتي ماعدتي طفله باحضان ابوك وامك انت الحين زوجه مقومة بيت .توكلي على الله ولاتتركي الاذكار ولاتفشي اسرار بيتك وخاصه السعيده منها وتمسكي بزوجك وحاولي تنسيه اللي سويتيه وانت حاولي تتناسين اللي سواه وغيري طبعك البنت مفلروض رقيقه ناعمه مهما حدث لاتفقدي اعصابك انتي عامود هالبيت لاتشمتي ناس كثيرين فيك .الزمن كفيل يمسح الامك لكن لاتجلسي تنتظريه يمسحه قومي خلي الله يشوف منك صدق التوبهوتزيني وابدعي لزوجك في حياتكم وخلي الالم اللي فيك اهمليه واذا صار اي مشاده بينكم تذكري الصبر وتذكري انك حتى لو طلقك بعدها ماتبين اخر شي يذكره عنك تصرفاتك المؤلمه هذه نصيحتي لك واتمنى انها ماتضايق احد ولاتفهي عني اني اعذره لا لان الرجل لانه رجل عليه كظم الغيض تاسيا بالرسول صلى الله عليه وسلم لكن اللي سال هنا هو انتي موهو والخير يابنتي في اللي يدلك على خطاك مو يشجعك عالخطا ولوهو مكانك وصار فيه عالامر ماكان سوى اللي سويتيه ولا كان سوى اللي قاعد يقوله لك الحين وبالتوفيق حبيبتي

 

[Gatwa DaloO3a]

اولا احترم هنا كل المشاركات بس صراحه لايزعلون مني الاخوات لاني اشوف ان الغير متزوجات مالهم حق يبدون رايهم بهالمشكله ,المشكله اكبر من ان تجي بنت لاجربت شنو يعني زواج ولاشنو خسرت بدويه بمجرد زواجها ولا شنو تعني كلمة مطلقه وتجي تعطي رايها بكل صراحه يمكن يابنتي هذا رايك الحين لكن لو فهمت الزواج وجربتيه وخاصه اذا عندك طفل كان انت اول وحده بتسامحيه .لايزعلون مني الحلوات الله يرزقهم انشالله بالزوج الصالح اللي يكرمهم ولايهينهم ويسعدهم بس هذا اللي اشوفه موضوع مايحتمل دخول اي احد يناقشه غير اصحاب الخبرات والنصح .الرسول صلى الله عليه وسلم لعن من خبب امراة على زوجها ,ولايحتمل الانفعالات والدلع نرجع لبدويه حبيبتي انا ما ادري اذا انت لازلتي متواصله معانا او شنو الاحداث الحين اللي صارت معك بعد كتابة المشكله لكن نصيحتي لك اتقي الله يابنتي اتقي الله والله زوجك يحبك ولو مايحبك ماارجعك ولاتحمل منك اللي سويتيه له كيف تمدي يدك عليه يابنتي ابوك لو مد يده عليك بتضربيه؟؟؟ اخوك الكبير لو مد يده عليك بتمديها؟؟؟؟ فما بالك بالزوج اللي الله اعطاه من الحق اكثر من هؤلاء كلهم لاتقولي لا ماهو اعز منهم اسمحيلي انما كان قول المؤمنين اذا دعوا لله ورسوله ان يقولوا سمعنا واطعنا والرسول صلى الله عليه وسلم قال لو امرت احدا ان يسجد لاحد لامرت المراة ان تسجد لزوجها لعظم حقه عليها هذا موكلام كتب بس هذا كلام رسولنا اللي ماينطق عن الهوى ان هو الا وحي يوحى وغير هذا الكلام او الطعن فيه من اي شخص عليه يراجع دينه .نرجع لضربه هو اخطا وخطاه كان نتيجة خطاك بالاصل .بنتي ..مافي رجال في الدنيا يتحمل زوجته تغلط عليه او ترادده وبالخص اذا كان رجل شرقي وبالاخص البدوي شوفي اخوانك ,شوفي ابوك ,شوفي خوالك, عمانك, هذه سمة في كل رجل.مااظن انك تفضلين لو انه سكت على مراددتك وجلس مكسولر النفس مثل الجريح, الرجل جماله ورجولته بكبرياءه وعزة نسه والله لو علمت ان بنتي جاءها رجل لايقول لها لا لرفضت الرجل شخصيه وانا لااعني بكلامي انه اللي يقول لا شخصيه لا ولكن مافي رجل بالدنيا يرضى ان يهان او زوجته ترادده ويصمت ومن يفعل اعرفي بانك اول من سوف تشعري بنقص الرجوله لديه .انت كنت توك طالعه من النفاس قد تكون عين وانا لا انفي وعليك بقراءة الاذكار وبقراءة المعوذات واية الكرسي واول 10 ايات من سورة الصافات واخر سورة البقرة من عند امن الرسول بما انزل اليه... الخ الايات وتنفثي بالماء وتشربي منه وتشربي زوجك وحتى ابنك وتقري قبل ذالك بانك تريدين بدء حياة جديده مع هذا الرجل الصابر لانه يحبك .وتتوكلي على الله ولاتقفي تنتظري منه ان يبدء لانك جرحتيه جرح كبير ,اذا كنت يابنتي موقادره تنسين اذا شنو يقول هو؟؟؟الامر الاخر خطئك عليه اكبر من خطاه عليك انت زوجته المفروض يوجد احترام يلجمك انك تمدي يدك لكن خطاك غطى على خطؤه يابنتي المرة موكل يوم لها رجال وهذه اول غلطه له وهو خذاله مرة مو بنت صغيره تتدلع عليه لازعل وبزر ماتعرف من امور الحياه الزوجيه غير الوناسه, يابنتي جاءت رجل للرسول صلى الله عليه وسلم ومعه ابنته وقال يارسول الله هذه بنتي ترفض الزواج سالها رسول الله عن صلى الله عليه وسلم عن السبب قالت لااتزوج حتى اعرف ماحق الزوج على زوجته فقال صلى الله عليه وسلم لو ان من مفرق راسه الى اخمص قدمه قيح وصديد ولعقته مااديتي حقه...الخ الحديث لاتنجري يابنتي وراء الدعوات اللي تنادي بقوة المراة والشخصيه واهانة الرجل للمراة والخرابيط هذه لانه لوزوجك مايحبك ان رجعك وهو مجروح منك ومكسور والله لو وراك الف طفل مافي احد يسوي مثله انا امراة لي تجاربي وعمري ياهلني اني اتكلم بناء على تجارب سواء شخصيه او تجارب شفتها او سمعتها خراب البيت يبيله اثنين مو واحد اتق الله يابنتي انما هو جنتك ونارك والحياة الزوجيه موبس حبيني واحبك هي طريق تمشوها مع بعض بتجيكم مطبات ومتركات والام وولازم تضحياتك تكون فيها اكثر منه لانك الزوجه والام والصدر الحنون للجميع وعليك تحمل هباته وعقليته كيف ماكانت انتي ماعدتي طفله باحضان ابوك وامك انت الحين زوجه مقومة بيت .توكلي على الله ولاتتركي الاذكار ولاتفشي اسرار بيتك وخاصه السعيده منها وتمسكي بزوجك وحاولي تنسيه اللي سويتيه وانت حاولي تتناسين اللي سواه وغيري طبعك البنت مفلروض رقيقه ناعمه مهما حدث لاتفقدي اعصابك انتي عامود هالبيت لاتشمتي ناس كثيرين فيك .الزمن كفيل يمسح الامك لكن لاتجلسي تنتظريه يمسحه قومي خلي الله يشوف منك صدق التوبهوتزيني وابدعي لزوجك في حياتكم وخلي الالم اللي فيك اهمليه واذا صار اي مشاده بينكم تذكري الصبر وتذكري انك حتى لو طلقك بعدها ماتبين اخر شي يذكره عنك تصرفاتك المؤلمه هذه نصيحتي لك واتمنى انها ماتضايق احد ولاتفهي عني اني اعذره لا لان الرجل لانه رجل عليه كظم الغيض تاسيا بالرسول صلى الله عليه وسلم لكن اللي سال هنا هو انتي موهو والخير يابنتي في اللي يدلك على خطاك مو يشجعك عالخطا ولوهو مكانك وصار فيه عالامر ماكان سوى اللي سويتيه ولا كان سوى اللي قاعد يقوله لك الحين وبالتوفيق حبيبتي

معاااااااااااها في كل كلمه ...............ونفس اللي كنت بقوله ،،،، واللي مو متزوجه وماعندها خبره لاتررررد وتزيد الطين بله

 

[Patcholli]

امبيه في بنات صح مسوين روحهم فيلسوفات لكن للاسف واضح من مشاركاتهم ان خبرتهم بالحياة ماميش؟؟
انزين خل نبدل الزوج ونحط مكانه الابو
اللي تقول تطلقي
لو كان ابوج الي طاق بيوم من الايام ؟
هل معناته انه يكرهج؟
هل معناته انه ظالم ؟؟
هل معناته ان تتبرين منه وتنحاشين من البيت ؟؟
تخرب بيتها عشان لحظه الشيطان دخل بينهم ؟
انزين يمكن الريال ندم ومنو قال الي يطق مره يتعود عالطق
لا مو شرط
ساعات الوحده اهي تغلط بحق زوجها وتطلعه عن طوره ..@@
اعرف وحده عفطت بويه ريلها من كثر ماسكت عنها واهي تمادت بالهوشه ووصلت فيها لي التعفط
لو انه خيخه نقول يسكت عنها بس اكيد ريال ورجولته ماتسحمله اكيد بيمد ايده

معقوله مافي وحده منكم ماطقت ولدها ولا اخوها الصغير ؟؟
بس عشان اسمه زوج قلتو اتطلقي ؟
اهو مو قاعد يمشي ويكفخ فيها بدون سبب
اهي قالت انها طولت لسانها وتمادت عليه وسبته ..!!!
تتوقعون في ريال بيرضى بالاهانه ؟؟
اذا سكت عن مرته واهي تسبه باجر شبتسوي بتطقه ؟؟ ولا ترفع نعال بويهه ؟؟
اكيد بيطقها ..!!

 

[Patcholli]

انا ماتكلم بس عن الاخت بدويه انا اتكلم بشكل عام عن بعض الحريم الي تتمادى عالريال واحس ان من حق الريال يمد ايده عليها

 

[دلوعةمآمآ]

امبي انا مو متزوجه ،لا شي ، دسيت بس عشان شفت اسمج اعرفج هني يعني من زمان اشوفج موجوده

انصدمت مادري ليش رديتي له اساسا !!! غلط المفروض تنتهي الحياه

الاحترام راح خلاص ما بقي شي
بتقوليلي عشان الولد لا سوري الولد من حقه ما يعيش اب حياه ان ابوه مستضعف امه و عادي يغلط عليها

عيل باجر يكبر و عنده 0 احترام للبنات

غلط انا لو مكانج باي باي حتي لو ما يطلق بس ما اتجابل معاه ويه قطع طاف

قولي خيراً أو أصمتي

لاتخربين حياة المره وتشيشينها !!

 

[دلوعةمآمآ]

بدويه أسال الله العلي العظيم أن يصلح حالك ويفرج همك ,

عليك ِ بكثرة الأستغفار وقوول (ربي إن مسني الضر وانت ارحم الراحمين)

ماراح انساك ِ من دعوآتي

 

[فجوره]

أذكر مره قريت لج موضوع عن عيد ميلاد أو زواج وكنتي توج متزوجه

وانصدمت من الموضوع لانه أدري شنو اللي بيتغير ورا هالموضوع

نصيحه لا تبينين لاي أحد سعادتج مع زوجج

 

[فجوره]

هم أذكر مره كتبتي انج ما تصلين فانتي لو صج ما تصلين

صلي حبيبتي وادعي ربج

 

[نونا**]

الصراحه اكتشفت من زمان العضوات اللي حيل يتكلمون عن حياتهم الشخصية سواء متزوجات او لا بعد جم شهر نلقاهم منزلين مواضيع صايرتلهم مشكله وكلهم مشكله ماكانت اساسا موجوده

يعني اللي احب اقوله العين حق العين تدخل الرجل القبر والبعير القدر

في ناس تتمنى لو ربع سعاده او هنا في حياتها وانتوا تستعرضون حياتكم لمليون عضوه لابد وماتصيب العين ولو اخطأت

بدويه انتي عشان ماعندج اخوان عشان جذي يمكن ماتعرفين طبع الرياييل الريال مايحب المرا اطول لسانها عليه حتى بينهم وبين بعض لو احد مد لسانه ع الثاني صارت مذبحه!!

نفس ماقالت باتشولي تخيلي انج صرختي على ابوج مو ريلج تهقين بيسكت

ترا مهما يكون الزوج له احترامه وهيبته ترا لو سكتلج كنتي ممكن تتمادين معاه وتزفينه باجر جدام عياله جذي الريال يفكر

انا اقول استخيري دام انكم تحبون بعض والحياه ترا مو مثاليه لابد ومايعترضكم مشاكل وازمات

 

[mi corazon]

اللي صار صار

حبيبتي النسيان نعمة من ربنا

هاذا بيتج وصدقيني لو يت وحده تحاول تاخذه منج بيحلى بعينج وبتصحين من هالغيبوبه

حياتي انتي الحين متزوجه وبينكم روح وجسد ولد من حقه عليكم الرعايه لا تفكرين بنفسج

تقربي من ربج صدقي انه بيقرب كل خلقه منج

انتي انجرحتي لانج كنتي حابته حيل ومتعلقه وايد فيه

علشان جذي جرح الحبيب ما ينسى

خلاص فتحي صفحه يديده لج ولولدج وتقبلي انه جزء من حياتج

حبيه لانه زوجج بس لا تتعلقين فيه علشان ما يصير سلاح ضدج

ربي يصلح مابينكم ولا يفرح ابليس

ترى هالضيجه من ابليس لانه الحين انتي بفترة ضعف روابط الزوجيه بينكم بيحاول بكل طريقه انه يفرق بينكم لان احب الاعمال عند ابليس هو الطلاق والتفريق بين الزوجين وهالشي حلال لكن الله يبغضه

شوفي هالفيديو


‫لذة العفو والصفح والتسامح للشيخ سليمان الجبيلان‬‎ - YouTube


وربي يصلح مابينكم ويهدي اموركم ويصلحها ويخليلكم وليدكم ويبعد عندكم من يبيكم بسوء وشر

 

[NaYoob]

حبيبي اول شي انا مرح اقول نفس البنات لو فرضاً سكتي بحزة اهو معصب لانا اللي صار صار

اول شي سويه اذ حسيتي بضيقة

1- تعوذي من أبليس وأقرى المعوذات

2- اقرى القرأن كل ما تتضايقين صج يفج عنج الضيجه

3- حافظي على صلاتج وكثرى من الدعاء في الركوع لانا العبد اقرب ما يكون من ربه وقت السجود

شغلى وقت فراغج بشغل البيت او النادي او دار القرأن

بعدين نصيحه مني لج بدام كل زاوية بالبيت تذكرج بهل شي قعدي مع ريلج وصارحيه بهل شي وقوليله لراحتنا

احنا الاثنين خل نغير المكان نروح شقة ثانيه ونبدي حياتنا من يديد يمكن نفسيتج انتي وريلج تتغير

واذا ماقدرتي تغيرين البيت غيري اثاث الغرفة فوق تحت والبيت ومع الوقت إن شاء الله تتغيرون للأحسن

وإن شاء الله تتعدل علاقتج مع زوجج والله يسخره لج ويسخرج له

 

[زبــــــــدة]

اللي صار صار

حبيبتي النسيان نعمة من ربنا

هاذا بيتج وصدقيني لو يت وحده تحاول تاخذه منج بيحلى بعينج وبتصحين من هالغيبوبه

حياتي انتي الحين متزوجه وبينكم روح وجسد ولد من حقه عليكم الرعايه لا تفكرين بنفسج

تقربي من ربج صدقي انه بيقرب كل خلقه منج

انتي انجرحتي لانج كنتي حابته حيل ومتعلقه وايد فيه

علشان جذي جرح الحبيب ما ينسى

خلاص فتحي صفحه يديده لج ولولدج وتقبلي انه جزء من حياتج

حبيه لانه زوجج بس لا تتعلقين فيه علشان ما يصير سلاح ضدج

ربي يصلح مابينكم ولا يفرح ابليس

ترى هالضيجه من ابليس لانه الحين انتي بفترة ضعف روابط الزوجيه بينكم بيحاول بكل طريقه انه يفرق بينكم لان احب الاعمال عند ابليس هو الطلاق والتفريق بين الزوجين وهالشي حلال لكن الله يبغضه

شوفي هالفيديو


‫لذة العفو والصفح والتسامح للشيخ سليمان الجبيلان‬‎ - YouTube


وربي يصلح مابينكم ويهدي اموركم ويصلحها ويخليلكم وليدكم ويبعد عندكم من يبيكم بسوء وشر

معاهااا ^^

والله يصلح بينككم ... :eh_s(17):