زوجي طقني مو قادره اكمل معاه افـكر بالطلاق تعباانه نفسيـاا :'(

[همس الخفوووووق]

عليك بالاستغفار

 

[جوري 2007]

في مرة عاقله اذا ريلها صرخ اتقوم تصرخ هي بعد شي طبيعي بيمد ايده شوفيهم بالشارع اللهم ياكافي بس بيتهاوشون على اتفه الاسباب

المهم

لزمي الاستغفار وبس

استغفري طووووول الوقت وعقب شهر شوفي النتيجه اللي بتسرج

 

[Maryomah_q8]

لا حول ولا قوة إلا بالله
الله يعينج وإن شاء الله بتنسين وترد حيااتكم
مثل أول وأحسن بعد ياارب ..

 

[حوريه ...]

انا مثل البنات انتظر اقرا منقول او انها لوحده من رفيقاتك

صدمتيني ان القصه لج

مو عارفه شقولج بس اهم شغله تعوذي من ابليس
ابليس لقا له مدخل قاعد يزين حياتج بدون زوجج
قاعد يذكرج باللي صار وانج مستحيل تنسين
حبيبتي مافي الم ووجع اكثر من الولاده ومع ذلك ننسا ونحمل
النسيان نعمه من رب العالمين
واتوقع هروبه من البيت يااما انه ندمان ع اللي سواه لج او انه منصدم من الفضيحه اللي انتي سويتيها
وترا زين منه مااطلق للحين الرجال بالعاده اذا فضحتيه فضيحه عوده طلق واردى مايشوف اللي فضحته
نصيحه اصبري وشوفي يمكن يتغير ع ايدج
وانتي تقولين ان كله من اهله اخاف يستغلون بعدكم عن بعض ويزيدون تحريش
اعرف ناس كذا
من تشوف ولدها زعلان ع زوجته تصير له الزوجه والام والاهل كلهم وبدال ماتنصح تخرب بينهم وتطلع عيوبها وتكرهه فيها

 

[حوريه ...]

انتي ماقلتي لما رجعتي هو اللي راضاج ورجعج
والا انتي رجعتي من كيفج؟؟؟؟؟؟؟

الله يفرج همج ويكون بعونج

كثري استغفار وصلة ليل وقران يشرحون الصدر

وترا مافي بيت خالي

كل البيوت مشاكل

 

[انثى عاشقة]

بوبا
يابعد قلبي انا ما قلت الرجال مثالي
لكن في نفس الوقت حنا مو مثاليات
بس الطق وبهالاسلوب ماله مبرر نهائيا
انا مو قصدي اشيش بدوية او غيرها
انا اتكلم بشكل عام
وانا حاااااسة باحساس بدوية لان طبعي نفس طبعها
طيبة حيل وحبيبة بس اذا انجرحت احقد من كل قلبي
وصعععععععععب انسى واسامح
اسوي روحي سامحت عشان تمشي الحياة
لكن ما انسى ابدااااا

لا طق ولا خيانة ولا اي شي يشفع للريال يغلط
صار الريال بهالزمن عادي يسوي النون وما يسطرون
وكل مصيبة يسويها معذوووور

 

[انثى عاشقة]

كلي دلع نقاشنا في صلب المشكلة وانتي تناولتي التحليل النفسي للموضوع
والبنات ماشا الله حاولو يحطون اكثر من سبب للمشكلة
عشان يحاولون يوصلون فكرتهم لبدوية
لكن يبقى الشرع فوق اي نقاش لما توصل ان احد الزوجين يتجاوز الخط الاحمر
وكلنا متفقين ع الكلام الي قلتيه لبدوية مع اختلاف الاسباب
يبقى القرار لها وبيدها هي وبس
تنسى وتكمل
او تنفصل

وكلنا نأيد عدم الانفصال لان بينهم ولد هو الي راح يتشتت

 

[mima]

عورتي قلبي حيييييل
حبيبتي مابي اسوس لك ولا احب هالاشياٱ لكن فكره من ضمن الافكار
روحي لشيخ خليه يقرا عليك اختمي البقره يوميا حافظي على اذكارك
بعد هالخطوه ابدي خطوه ثانيه
بليله رايقه ظبطي شكلك ولبسك مو تلبسين قميص نوم او فستان مغري البسي تنوره قصيره وبلوزه رايقه
ارفعي شعرك وخليك ذكيه...هالاشياٱ لها تأثير نفسي
خففي الاضاه او حطي شمع بالغرفه اتفقي معه انه يجي
من يدخل ويجلس اكسري اللي بداخلك وضميه وقولي له انا تعبانه ابيك لكن اللي صار كاسرني
وكاسرك ادري تحبني وادري اني جرحتك الشيطان دخل بينا انا اعتذر لك من اللي سويته
انا تعبت اشوف المكان اللي صار فيه جرحنا لبعض وقلبي مايتحمل اشوف ايدك اللي كانت اماني صارت خوفي
انا ابيك تساعدني انسى ابيك تقولي اذا تبيني وبتساعدني او انت جالس معي تحصيل حاصل
اذا تبيني ساعدني واذا لا قولي وانا اطلع من حياتك بهدوء
حاولي تسوين اللي قلت لك وربي يفرج همك ويصلح مابينكم ويسعدكم

 

[بنك بااستا]

انا ماقول غير جمله وحده لاسف الشديد ماكو بالكويت حق يحفظ حقوق المراه من الضرب باكندا ولاباامريكا الاطق مرته تقدره تشتكيه ويبهذلونه بس لاسف مني الريال يطق ولااكو قانون يمنعه

 

[نسمات 26]

الله يعينج حبيبتي

 

[ببي جونسون]

الله يهدي النفوس

 

[نونه المنكوشه]

الله يبرد ع قلبج ويلهمج النسيان اول شي كل اللي يصير لنا من حصاد ايدينا وكل الضيقات والامراض كله بسبة ذنوبنا والله صج يعني انا صارلي 8 شهور موانا منعفسه حياتي وتعبانه وقعدت مع نفسي وقلت انا شنو مسويه المهم ابتعدت عن كل الذنوب اللي كنت اسويها وتبت توبه نصوحه لله وربي ان ع التعب اللي انا فيه بس احس نفسي مطمئنه الحمدالله اول شي قبل لاتحلين مشكلتج مع ريلج شوفي تقصيرج مع الله واصلحي علاقة مع الله تنصلح حياتج كلهاااااااا وصلي قبام الليل وابجي وطلعي كل اللي بقلبج وادعي ان ربي يمسح ع قلبج وينسيج ويختارلج الخيره واستغفري واااايد قد ماتقدرين ودايم ادعي يارب لاتعلق قلبي اله فيك تري اذا قلبج تعلق بغير الله عذبج فيه انا ماقول هالحجي اتفلسف لأ انا سافرت ورحت وكل شي كان متوفرلي لكن مالقيت الراحه والسعاده اله بقربي من الله حتي لوانتي بوسط التعب والالم الله يريحج مايخليج جذي ودوام الحال من المحال لابد مره فوق ومره تحت وتري اذا انتي ماحليتي المشكله اغلب الريايل مايبادر انتي قعدي معاي وشيميه واكبر غلط انج اتردين عليه ونصيحه لاتخلينه امسكيه وقوليله انا تعبانه ابيك اتريحني قولي اسف بوس ايدي وريولي ههههه واوعدني انك ماتسوي جذي فيني احلف ع القران ان بعد ماتمد ايدك لاتخلينه يطلع اله انتي واهوه مرتاحين انا لوكنت مكانج والله ماسكت اقرقر ع راسه لين ارتاح الحين وخاصه انه اول مره يسويها وانه اهوه من قبل زين معاج يعني هذي زله ودرس لج انه اتحطين ابالج حياتي موكلها ريلي لانه اغلب الحريم اتنازل بكل شي علشان ريلها وتري الريال عادي يقلب ف انتي كل يوم تعبانه ومتعذبه ولااكو فايده من البجي يعني لاسمح الله يسير فيج شي ليش حبيبتي امسكينه وعاتبيه لين ترتاحين وتري ع فكره حتي اهوه تعبان ومومرتاح لكن موعارف شلون يعبرلج وله يبدي بالموضوع تري نادري ماالريال يبادر اويصلح الموضوع

 

[مافن]

حبيبتي الله يوفقج ويصلح حالكم ياارب. موضوعج اثر فيني حييل. بس يا قلبي زعلج هذا كله من زود حبج لريلج. وانه شلون سوا فيج جذي. وإذا اهو علي قولتج مايهتم ولا دري عنج صدقيني من زود فشلته. متفشل منك ويدري انج مؤ راضيه تعطينه ويهه. ميخالف حبيبتي حاولي تنسين وسامحيه. وحاولي تذكرين حسناته. اهو أكيد في خير. وصدقيني مشكلتج بسيطه بين مشاكل هالناس. عيل لو تدرين بحالي. قولي الحمدالله يا قلبي ولاتزعلين عمرج واايد. صحتج اهم شئ.وهالولد الفقير محتاجج الله يخليه لج ياارب. هونيها وتهون.​

 

[همي رضى خالقي]

حبيبتي انتي غلطتي سبيتيه ومديتي ايدج عليه اكيد راح يمد ايده ويزيد بالطق انتي خليتيه يزيد لانه بروحه معصب وزدتي عليه

انا اقول تعزذي من ابليس وانتي توج عروس وعندكم ولد

روحيله فهميه انه بنعيش حياتا طبيعين نحب بعض نخاف على بعض ونبني بيت وحياة كريمه

انتي تصالحي وياه حتى لو اهو غلط لا تنسين انتي غلطتي بعد

وصدقيني اذا ردتيله راح تنسين كل شي صار

الحلو ماينسي والمر بسرعه ينسي

الفراش الي كرهتيه غيريه غيري مكانه والكفر

وتذكري من ملجتوا شنو احلى الاشياء الي سوالج اياها وشنو المواقف الي تثبت حبه لج

وردي حبكم وحياكم مثل اول واحلى والله يوفقج ويبعد عنج عيون الحاسدين

 

[مولاي الفرج]

الله يعينج وتنسين باذن الله

بس اذا متحسف عطيه فرصه خصوصا ان تقولين هذي اول مرة

 

[فواصل]

بدويه

الغلط مو منج ولا منه


الغلط انج من زمان بالمنتدى تكتبين عن مميزات حياتج الزوجيه

ومميزاتج و مميزات زوجج


ومو كل من تقرا موضوعج وردج حياتها مثلج

والنفس تفز ولو بدون قصد وتصير من بعض العضوات في المنتدى يقارنون
بين حياتج حياتهم

بين زوجج وازواجهم


اقري قران وتحصني هذي عين

والعين مكتوبه بالقران والعين حق

عالجي نفسج وبيتج وزوجج بالرقيه الشرعيه

كلامها عين العقل .

الناس صاروا ما يرحمون احد يا كافي الشر

 

[عطاء أنثى]

الله يسخركم لبعض

 

[attoosh]

يا قلبي انتي حاسه بموعاناتج بس انسي وهذي دنيا يامه بتمر عليج سوالف تجرح وبتقهرج ياما حريم ازواجه سوو فيهم الهوايل خيانات وطق واشياء وايد ماهي زينه وكملو حياتكم بس والله لو ريلج مو زين جان قتلج خليه بس اهو زين وعاملج عدل بس بدر منه غللط وغلطه كان جايد وكبير بس انشالله بتكون اخر غلطه وسامحييه وصدقيني ربي بعوضج خير وخلي ثقتج بربج

 

[Perfume]

حبيبتي طمنينا عليج

 

[للصبر أخر]

بنات انا مستغربة من شغلة وحدة بس
في بعض الردود يقولون رد فعل طبيعي الطق بهالشكل اذا عاندتيه ولا رفعتي صوتك
اذا كان في الشرع هالشي مايجوووووووز لو المرة ناشز
ما يكلمها زوجها يهجرها في الفراش واخر شي الطق والعلماء قالو مقدار هالشي
ان الزوج ياخذ مسواك ويطقه خفيف ع كتف المرة
هذا الطق الي حدده الشرع
وبعد يعتبر انه كافي يهين المرة ممكن ترتدع
وهو طقها طق سنة بساعة تقولون الغلط منها
فعلا اذا استفزته وكانت غلطانة رفعت صوتها
او شو ما صار
الطق ماله مبرر نهائيا شي ما يقبله شرع ولا عقل

بعيد عن الردود الي تدعي المثالية
ومعطية الرجال اكبر من حجمه الي ربي خلقه له
واعجبي !!!!!!

معاج بكل كلمه قلتيها..انه مو بس استغربت من الردود انه انصدمت!!

معقوله واحنا بهالوقت والبنات كلهم واصلين لأعلى مستويات التعليم والشهادات جذي تفكيرهم؟؟

ان مدة الإيد وطق الريال لزوجته شريكته ام اعياله عادي!!!

شنو عادي بأي دين باي مذهب باي ملة باي قانون عادي؟؟

من وين حللتوا على الريال اللي الله بسابع سما حرمه ان يمد ايده على زوجته ويهينها؟؟

من وين حللتوا هالجريمه البشعه اللي قوانين الدنيا جرمتها؟؟

واللي تقول بالدين واضربوبهن هذي ما تفهم شي اصلا بالدين..الدين بدا بالتدرج نصيحه هجر بالفراش..وآخر حل بعد كل المحاولات الضرب الخفيف غير المبرح اللي ما يترك اي اثر واتفقوا
العلماء كالضرب بالسواك والقصد منه الزجر مو ضرب الوحوووش؟؟

وينكم عن رفقا بالقوارير..هذا كلام خير البشر شبه النساء بالقاروره الزجاجه سريعة الخدش والتأثر من رقتها..وينكم عن افعاله صلى الله عليه وسلم عمره ما ضرب خادم ولا إمرأه؟؟

هذا الدين اللي نعرفه...مو الدين اللي بمزاجنا كل شي حلال بلال على الريال وحرام على المرأه لو دافعت عن نفسها ولا ردت عليه ولا رفعت صوتها؟؟

يعني اهو عنده مشاعر ويغضب ويكسر ويطق ويهين ويطلع الدم منها كل هذا عادي..بس اهي صخر جماد ما تتأثر ما تحس حرام تعصب حرام تتنرفز!!!

الرجوله احتواء عطف حكمه..تقدير للمرأه والرفق فيها والتغاضي عن هفواتها واكرامها

هذي الرجوله اللي نعرفها وتربينا عليها..وصدقيني اللي عادي عندها وتبرر الضرب اكيد تربت في بيت الضرب فيه عادي جدا..متعوده تشوف ابوها يكفخ امها ولا اخوها يطق زوجته متعودين المراه عندهم مطقاقه..مثل اللي تقول امهاتنا ينومونهم بطق ويقعدونهم بطق..لا ياماما وين قاعدين..

رجاءا لاتعممين احنا مو عايشين بالغابه ولا عمرنا شفنا امهاتنا وجداتنا انطقوا ولا احد رفع ايده عليهم لهم كل الحشيمه والإحترام والتقدير...اصلا احنا تعلمنا عند اهلنا المتزوجه ما تهد بيت زوجها لو شنو بينهم مشاكل الا اذا تجرأ ومده ايده عليها اهني ما تسكتله ولا تقعد عنده ..لأن اللي يمد ايد على زوجته مو ريال كفو يصون بنتهم..ولأن اللي بيطق مره بيكررها مرات وبنتهم مورخيصه

تعبوا فينا وكبرونا عشان واحد يطقها ويسوي فيها عاهه ولا اعاقه ولا تموت بين ايده!!

ورجاءا كافي اعذار بايخه ان الريال ما يطق بدون سبب..لا في وايد يطقون ومستقويين على حريمهم على اتفهه الأسباب مدام هذي ردود وعقليات بعض البنات ان الطق شي عادي!! ..وحتى لو كان شنو السبب مو من حقه يمد ايده عليها..في عندها اهل يتفاهم معاهم..في قانون محاكم تحكم بينهم

الطق عمره ماكان حل..بالعكس شوفوا نتيجة الطق والعنف شي بينهم انكسر..قلب المرأه كبريائها

احترامها انكسر..حبهم البعض انكسر!!اهي بصوب واهو بصوب وكل واحد يعاني من صوب!!

اختي بدويه وايد زعلت عشانج بس اللي تعانينه الحين لأنج رجعتيله بسرعه ما خذيتي وقتج انج ترتاحين ..وتفكرين وتهدين بعيد عنه..ماعطيتي نفسج فرصه تعيدين حساباتج من نفسج وتتعدل نفسيتج ..رجعتيله وانتي تعبانه وانتي مضغوطه وانتي تتألمين تعانين

الله يهدي سركم ونصيحتي لج تستخيرين وتدعين قبل كل شي