*رواية حصرية للكاتبة (ودع مآحبكم) : (عليج ضحكه تزلزل آركآن عشقي)

[طـيـف ♥!]

ككملي ححلوه الروايهه

 

[حرمان طفلة]

الرواية حلوه
كملي ننتظرك

 

[ودع مآحبكم]

البارت الحادي عشر :
(بيت بو بدر ,, غرفة روان , بعد اذان المغرب )
خلصت روان ,, وكانت لابسه (تي شيرت عليه صورتها اهيا وشهد وجاكيت , رسمي رمادي , و جوتي (تكرمون) رمادي , و لابسه جينز اسودو سكارف حطت ماسكارا و ايلاينر ( راحت روان حق امها و طقت الباب
عبير (ام بدر): تفضل
روان : السلام عليكم يمه و شلونج , شخبارج ؟؟
عبير : تمام وانتي شلونج ويينج من زمان ما شفتج كله قاعده بغرفتج ماتقعدين وياي نفس اول
روان ابتسمت بألم ,, : اسفه يمه , بس تعبانه , وباست راس امها
عبير خافت : سلامتج ماتشووفين شر حبيبتي , تبين نوديج الطبييب , ؟؟
روان : لا يمه , يمه برووح بيت خالي عبدالعزيز بزور ماماعوده عادي ؟
عبير : اي عادي وسلمي على خالج وخالتج و امي ,,
روان : ان شاءالله ,, يلا انا عشان بمر اخذ حلويات واروح بيتهم
عبير : اوكي , ديري على نفسج
روان : ان شاْءلله , مع السلامه
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
(بيت بو عبدالله ,, باالصاله )
راحت نورة قالت حق الخدم يسوون قهوه وجاي (شاي) وراحت تبدل
وطقت الباب على عايشه و جنى وقالت لهم بنت عمتهم روان بتيي
وراحت لبست لها دراعه و تكشخت ونزلت تسولف ويا خالتها (الجده)
ونزلووا جنى وعايشه واهما كاشخين <<< كل هذا عشان روان -,-
وقعدوا ويا يدتهم و قعدوا يسولفون , وفجاااااه
.............................................................
(بيت بو بدر ,, غرفة بدر و دانه )
} أعشقـها ,, عندما ترتكب اي شي ,, ليثير غضـبي } فقط { ثم تطلق ضحكهتـها في الهـواء و تقـول ببراءهـ : }+ آخر مـرة + {
دانه منسدحه وحاطه بنتها على بطنها ,,
دانه رفعتها من على بطنها و قامت تقطها وتمسكها و فجاه
رجعت (تكرموون ) بنتها على وييها ,, ووصل ترجيع (تكرمون)ريم لي ملابس دانه , دانه صرخت من قمممت راسهاااا : وييييييييييييييييييييييييييييييييييييييييييييييييييييييييييييييييييع , ريمووووه يالخايسه , شحققققه ترجعييييين علي
قامت دانه و حطتها على السرير و راحت الحمام معصبه و اهيا لايعه جبدها من نفسها , قطت ملابسها , وخذت لها شور عالسريع
ولبست ( شورت لي الفخذ , و بلوزة نص جم , و نشفت شعرها و سوت عنقوصتين (شعرها لي جتفها) و رشت عطر )
راحت خذت بنتها و بدلت ملابسها و و نومتها
دانه راحت الصالة و فجت الـtv و حطت قناة وناسه و طولت شوي و قامت ترقص من الملل الي فيها ,, كانوا حاطين اغنية , سحرني حلاها ,,

سحرني حلاها و قلبي هواها و اختلى ..
اراكض وراها وادور رضاها يا ملا ..
انادي يا حصه منيرة جواهر يا مها و على بالي تبرق ويطلع معايا اسمها ..
ادور الشوارع اطالع و ضايقت البشر يخانقني هذا وهذا مو جايب خبر ... الخ
دخل الغرفة وراح صوب الصالة شاف دانه ترقص قعد يمشي شوي شوي عشان ماتحس , واهوا متلثم بالغترة
و مسكها من خصرها , دانه صرخت من قمة راسها ,,ولفت و قامت تسحب دشداشته من الخرعه ليمن انشقت : ااااااااااااااااااااااااااااااااااااااااااااااااااااااااا يمااااااااا حراااامي ,, دزته على الارض وانحاشت
دانه ركضت و دخلت الغرفة مخترعة ,وقفلت الباب , و مسكت فونها ودقت على بدر ,,
وسمعت رنت فونه برا , واستغربت
سدته , و استوعبت ان الي كان برا بدر
طلعت معصببببه حدها , دانه : بدوروووووووه , وركضت صوبه
بدر بس شافها تركض قااام من مكااانه , و راح صوب المطبخ يركض واهيا تركض وراااه
وقاموا يدورون حوالي الطاولة الموجودة بالمطبخ
دانه بعصبيه وتعب : بدوروه يالخااايس , بغى يووووقف قلبي والسبه انت ,, وقققققف لا تركككض بس تعبت
بدر يضحك : ماااني مووقف , اكيييد راح تتعبين يالبطة , يالمتييييينة , طلع برا المطبخ و قام يناقز على القنفه
دانه بس طلع من المطبخ شربت ماي , و راحت تركض الصالة , شافته يناقز عالقنفات راحت تنااقز وياه جنهم يهال
دانه بعصبيه :تعااااااااااااااااااااال هننني اقوولك ,,
بدر باستعباط : ماني ياي شنو بتسوييين يعني ههههههههههههههههههههههههههههههههههه
دانه بـ خبث ,, سوت نفسها زعلانه و مدت البوز: اوكي يا بدوووروه ,, هذا ويهي اذا خليتك تنام بالدااار اليووم l
راح بدر لها صدق انها زعلت : دندوووون اسف حياتي ماكان قصدي اخرعج ,, قاعد اتغشمر وياج
دانه : مابي وخر انا زعلت وبعديييين هذي يسمونهاااا غشمرة اذا غشمرتك جي صايرة مابيها -.- وراحت صوب غرفتهم ,,
بدر راح وراها صوب الغرفه بسسس ,,

صكت الباب بويهه ..
بدر عصب من حركتهاااا ,,: دانووووووووووووووووووووووووووه فجييي الباب لا اكسر البااااااب
دانه تضحك : مارااااااااااااااااح افتحه و روووح نااام بالصالة خل غشمرتك تنفعك , ههههههههههههههه
بدر بعصبيه : اوكك يا دانه لا تفجين الباب ,, طلع وصفق الباب باقوى ما عنده
دانه تطمنت انه طلع بس تضايقت يوم تذكت ان طلع متضايق و دقت عليه رن الفون بالصاله و عرفت انه نسى فونه
انسدحت على القنفه و قامت تفكر ان شلون تراضيه و تعبت من التفكير و ونامت
.............................................................ز
انطق الجرس j , راحت روز (الخدامه) تفتح الباب
وكانت رووان ,, رحبوا فيها و سلموا عليها
روان (مبتسمه) : شلووونج خالتي ,,؟
نوره : تمام
روان : شلونكم جنى و عويش ؟؟
عايشه و جنى : تمام الحمدالله , وانتي ؟
روان : الحمدالله .. قامت و راحت قعدت يم يدتها
شيخه : شلونننج حبيبتي ؟؟
روان : زينه الحمدالله , وانتي شلونج و شلون السكر وياج ؟
شيخه : الحمدالله يا بنيتي ,, شلون نتيجتج عساها حلووة ؟؟
روان : ما طلعت لما الحين ,, يقولون ان السستم خربان
شيخه : اها , ان شاءالله نسبتج تكوون زينه ؟؟
قعدوا يسولفون ويا بعض , شوي و قاموا عايشه وجنى و نورة اييبون الجاي والقهوه والحلويات و عطتهم روان الحلوو الي يايبته وياها
نورة : لييه كلفتيي على نفسسسك حبيبتي ؟
روان ابتسمت : لا كلافه ولا شي .. عااادي
راحت نورة ويا بناتها المطبخ
شيخه : يا بنيتي ابي منج شي !!
روان : شبييك لبيك روون بين ايديج امري تدللي عيووني لج
شيخه ضحكت : ابي اشووف شعرج من زمااان ماشفته واهوا مفلول
روان استحت من يدتها : لا ماماعوده مابي افله و احد يشوفه
شيخه : و اذا يدتج مشتهيه تشوف حفيدتها الي تموت فيها
روواان : والله ماخليها بخاااطرج بس بغرفج > طبعا الي مخليهم يبون يشوفون شعرها , اهو لونه الي يلفت و طوله و كثافته و نعومته ,,
قاموا و راحوا الدار و صكروا الباب و قعدت يدتها
ومسكت ربطت شعرها و فلته , ومن كثر ما اهو ناعم طاح على عينها و صار شكلها حلوو و بريئ
(بالمطبخ)
كان طلال و نورة وبناتها يجهزون > طلال دش من الباب الي بالمطبخ لان يوعان و كان داق على امه عشان تسويله اكل
طلال : ها يالوالده جهزتي الاكل يوعااااااااااان حدي
نورة : اي خلصت
طلال قرب بياخذ الصينيه بس قالتله امه
نورة :لحضه قبل لا تروح جيب من عند جدتك كسرت البخور الي جايبها خالك من السعوديه
طلا ل : الحين ما صدقت على الله اخذ الصينيه تطرشيني
نورة : شسوي بعد الخدامه مادري شمغسله الحمام فيه صايره ريحته خااايسه و صاير مايندخل فققلت اخذ من الي يابه خالك عالاقل اكسر الريحة شوي ,,
طلال : انا مو قتلكم ان هالخدامه ما منها فايده بهذا البيت ماغير تخرب بشغلنا , مرة ثانيه ان خربت شي , بكت عليها بانزين بولع فيها , يلا بعد شنسوي بروح اييب البخور و امري لله

طلع من المطبخ واهوا يتحلطم و يقول : لو داق على احمدوه ومخليه يعشيني برا احسن لي
راح صوب غرفة يدته يمشي شوي شوي , عشان ما تزفه يدته لانها ماتحب الصوت العالي


وفجااااااااااه


تنح بلي جدااامه لان اول مره يشوف جمال بريئ مثل جمال روان و قام انخش ورا علاقه الملابس لان شاف روان تتلفت خايفه احد يشوفها لان حست بحركه وكانت يدتها قاعده بمكان بحيث ان ماتشوف الي وراها
قالت حق يدتها : لحظه بروح الحمام
اول ما سمع كلامها ياي بيركض جان يتعرجب بعباية يدته الي معلقه ودخلت ايده بجم العبايه الي خلها علاقه الملابس تطيح ع راسه ,, و طلع صوت مع طيحته
شافته و نقزت من مكانها من الخرعه و غطت شعرها بالسكارف الي لابسته و الي خلا يدته تصرخ و تعصب من الصوت الي سمعته و سالت روان
شيخه : منووو الخبل الي طلع هالصوت
روان مرتبكه : طاحت علاقه الملابس ,,
شيخه : اكييد من الملابس الي معلقتهم الخدامه من كثر الملابس طاحت ,,
طلاال طلع برا الغرفه و صعد غرفته بسرعه
(عقب ساعه ونص )
دقت ام روان وقالت لها ان بيمرها عشان يويدها السايق السوق لان ماكو احد بالبيت
روان : لا انا بروح الجمعيه بعدين بيت رفيجتي لان تبيني اروح لها ( طبعا هذا مو صج لان كانت تبي تسويه بس كانت تبي تتطمن على راس طلال اذا صار فيه شي ) وسدته
بعد ربع ساعه ,, دق السايق عليها عشان تطلع له
و قالت لهم انها تبي تروح بيت رفيجتها لان تبي منها شغله اول ما طلعت ركض وراها طلال وقالهم ان رفيجه دق عليه يبيه بشغله
وكان لابس كاب لان كان متعور حيل و مايبي امه و يدته يشوفونه
قبل لا تدخل السياره سمعت صوت طلال وراها يناديها و لفت ولقته واقف وراها و قال لها ان يبي يكلمها بالحديقه
راحوا الحديقه ولما وقفوا طاحت عينه بعينهاا نزلت راسها بسرعه مستحيه منه و قالها واهوا مرتبك : ترااا ,,ان ااااء ا , ماااا اااء كان قصدي اشوفج > لان يدري ان ماتحب احد يشوف شعرها > اسفه عالسبب الغبي بس في بنات جي ماتحب تفج شعرها لان ماتبي تلفت النظر و الناس تتحجى عن شعرها )
روان بحيا :لا عادي
طلال :متاكده ما زعلتي
روان : لا بس ,,و سكتت
طلال : بس شنو ؟؟
روان بحيا و ارتباك: تعورت ؟!
طلال ابتسم على جنب : ايي شوي
روان : يصير اشوف راسك ,
طلال : لا بعدين امي تغار ,
ضحكت بصوت خفيف وقالت : يلاا بس بشوف شوي اذا فيه براسك شي ولالا !
طلال يشيل الكاب شوي شوي .. و شهقت من كثر الدم الي يطلع من راسه
روان بعصبيه : كلل هذااااا و مافييك شي ,, سحبته من ايده و دششته بالسياره وقالت حق السايق ان يروح المستشفى بسرعه
وصلوا و نزلوا و قالت حق كومار ان ييب كرسي متحرك لان قاعد يدووخ و راحت بسرعه وايها تدزه خايفه عليه
و خيطو راسه ب 7 غرز
كان مغمض لان تعبان , و يسمع الي بين روان و الدكتور
روان تسال عنه و تسال شنو ادويته و متى يشيل الغرز
ابتسم
بعد ما طلعوا من المستشفى و ركبوا السياره
قعدت تقوله متى ياخذ الادويه الي كتبوها له و اهوا سرحان فيها و مبتسم و اهيا تتكلم , يقاطها ويقول ,,: لهدرجه تخافين علي ؟؟
نزلت راسها مستحيه و قعد يضحك عليها
وصلوا ووصلته لين باب بيتهم
طلال بجذب واهوا ماسك ضحكنته: ماراح توصليني لين باب غرفتي احس اني داايخ و بالغصب امشي وجني جني بطيح ,,
سووه نفسه ان بيطيح و مسكته من ايده روان بسرعه قبل لا يطيح
طلال ضحك ماقدر يمسك ضحكته , وقال : ترا جذب علييح
روان عقدت حواجبها و مدت بوزها
طلال ابتسم ,, : فديت المعصبييين انا ,,
روان هدته و قالت : بروج الحين تبي شي ؟؟
طلال : لا سلامتج و ديري بالج على روحج واسف مره ثانيه
روان : يسلمك ربي و انت بعد و لا عادي ,, و مدت الكاب له و قالت : نسيت الكاب مالك وراحت
عقب ماراحت بخمس دقايق انزلت امه تبي تشرب ماي شافته و طالعت راسه مخترعه
نورة : وي وي شنووو هذاا الي براااسك ,, شحقه لافينه لك شصاير
طلال بجذب : متهاوش ويا واحد يتحرش ببنت , و دزني و طق راسي بحافة الطاولة مالت المطعم , قام واحد ووداني المستشفى جزاه الله خير و الله يوفقه وووصلي البيت
نورة : مايستحي على وجهه يطقك واهوا الغلطان يتحررش ببنات خلق الله شنووو هذا ماعنده خوات
طلال : يمه انا بصعد تامرين على شي ؟؟
نورة : ماتبي تاكل ؟؟
طلال : لا يمه مشكورة شبعان يلا بنام مع السلامه
نورة : نوم العوافي
صعد فوق وجط راسه على المخده و اهوا يفكر بـ روان
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
(بيت بو بدر ,,, بالصالة , الساعه 10:45 )
دشت روان واهيا تصكر الباب
لقت امها و ساره و احمد يسولفون
بس شافت احمد نزلت عيونها
عبير (ام بدر): ليييش تاخرتي لي عالحزه ببيت رفيجتج
روان بجذب : يمه كنا نسولف و انشغلنا واحنا نجهز حق الحفلة
عبير : مممم اها ,, عيل روحي ارتاحي
روان : انشالله و ترا خالتي نورة تسلم عليج
صعدت و بدلت ولبست بجامتها و انسدحت على سريرها وقامت تفكر بطلال
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

(عند بدر ودانه ,, قبل 3 ساعات )
طلع بدر معصب من دانه و شاف ان دشداشته مشقوقه وراح غرفتهم و دش
لقى دلنه نايمه عالقنفه واهيا منكمشه على نفسها من كثر ما اهيا بردانه
كسرت خاطره و راح صوبها وشالها
دخل غرفتهم حطها على سريرهم وراح يبدل دشداشته عشان تاخر على ربعه
خلص و لبس بدله اريح له من الدشداشه
اهوا يعدل شعره ,, ماحس الا بـ من وراه
,,,,,,,,,,,,,,
وخلص البارت

 

[اسيل الصمت]

يسلموووؤؤؤ

رووووعة بوحك وطرحك احلى
ننتظر القــادم بكل شوق

تحيــاتي

 

[بنت قابوس_ مسقط]

nice story
up dear ​

 

[فردوس_الاعلى]

السلام عليكم
حبيت اسآل و آستفسر ....؟
آلحين آلروايهه وقفت ولآ مآرآح تكملينهه حبيبتي ؟؟
لآن آنآ حيل آندمچت بآلروآيه''ةة و إشترككت بآلمنتدى عشآنهآ ...؟
اتمنى آحد يدر علي ...!! :

 

[ودع مآحبكم]

السلام عليكم
حبيت اسآل و آستفسر ....؟
آلحين آلروايهه وقفت ولآ مآرآح تكملينهه حبيبتي ؟؟
لآن آنآ حيل آندمچت بآلروآيه''ةة و إشترككت بآلمنتدى عشآنهآ ...؟
اتمنى آحد يدر علي ...!! :

وعليكم السلام الصراحه اسعدتيني
و انا ان شاءلله راح اسعى اني اكملها باسرع وقت

و مشكورة على المتابعه الحلوه

 

[ودع مآحبكم]

البارت الثاني عشر :
دخل غرفتهم حطها على سريرهم وراح يبدل دشداشته عشان تاخر على ربعه
خلص و لبس بدله اريح له من الدشداشه
اهوا يعدل شعره ,, ماحس الا بـ احد يبجي من وراه يوم لف شاف دانه تبجي و اهيا متلحفه , راح صوبها وقال
بدر : لييييش تبجين
دانه تبجي و تشاهق : اسفه ماكان قصدي بس انت خرعتنني بغى يوقف قلبي ,, و قلت اردها لك والله ماكان قصدي اخليك تعصب ,,
بدر وخر الحاف عنها , وقال ببرود : لا عادي ,,اصلا, و راح بسرعه و خلاها بالدار تبجي
وقعدت بروحها الليل كله واهيا متضايقه لين غفت ,, فجاه سمعت صياح بنتها وراحت ركض ,, و خذتها من غرفتها و شالتها و قامت تسكتها شوي و حطت بنتها على السرير ..
وراحت الحمام (تكرمون) تغسل ويها ,,
واهيا تغسل ويهها سمعت صوت طيحه قوية على الارض , طلعت مخترعه شافت ريم طايحة على الارض و تبجي شالتها و من الخرعه ان بنتها صار فيها شي دقت على بدر كذا مره و مايرد (بدر كل ماشاف اتصال منها قام يحقرها عشان تتعلم مره ثانيه ما تصك الباب بويهه ) قعدت تبجي ودقت على الاسعاف (لان كان بجي بنتها مو طبيعي )و نزلت بسرعه تدور عمتها و اي احد بس مالقت غير الخدامه ,, صعدت فووق لبست عبايتها و حجابها و خذت تلفونها و نزلت تنطر الاسعاف برا ,, و فجااااااااه وقف بجي بنتها اخترعت شافت ويهها جان تطلع متشجنه وويها يقلب بنفسجي و الوااان ..
شوي الا الاسعااف واصله خذوهااا بسرعه وركبت وياهم سيارة وحطووا حق بنتها جهاز عشااان تقدر تاخذ نسم
ودقت على اخوها الدكتور ,, وقالت له شنو صار عشان يقعد وياها ويساعدها ,,
وصلوا وقالهم الدكتوور الحين كل ماصارت تبجي لمدة طويلة يقل عندها الاوكسجين فـ لازم يسوون لها فحوصات عشان يتاكدون ان ماصار لها شي من الطيحه ,و اهما ينطرون الفحوصات كان يزفها اخوها ويقول

حمد معصب : ويييييييين زوجج هذا الاثووول , شلوون مخليكم بالبيت بروحكم حتى امه مو وياكم ولا حتى رياااال وياكم
دانه منزله راسها و متوتره : حمد ماالي خلق شي الحين بعدين نتناقش بهذا الموضوع
(طبعا الحبيب بدر يسولف ويا ربعه ويضحك و مايدري شصاير ببنته )
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,
} اليوم الثاني {
كانت سارة تسولف ويا احمد
دق تلفونها وشالته وكانت شهد
ساره مبتسمة : اهليييييييييييييين وسهلين , عااش من سمع هالصوووت ,,
شهد : عاشت ايااامج ,, شلونج شخبارج ؟؟
ساره : الحمدالله , وانتي ؟
شهد : الحمدالله , الا بسالج وين روان ؟ من الصبح وانا ادق عليها و ماترد ؟؟
ساره : والله من امس سهرانه و نامت الساعه 5 الصبح
(طبعا كان احمد شوي و يقعد بحظن ساره عشان يسمع صوت شهد )
شهد : سارون فييج شده تطلعين وياي .. ولا عيزانه , عشان بشتري نفنوف حق باارتي اخت رفيجتي (اروى)!!
ساره استانست : افااا علييج في احد يلقى طلعه و ما يطلع ,, السااااعه جم ؟؟!
شهد ضحكت : اوك عيل تجهزي الساعه 4 العصر عشان يمديني اخلص شغلي
احمد دش عرض : اااااء برووح وياكم ,, بس اي سووق ؟؟ لان انا عندي جم شغله بشتريها , اذا هذا انا اقطكم بـ طريجي
ساره : لحظه لحظه خل اسالها ,, شهد اي سووق تبين تروحين ؟؟
شهد : ممم مادري يمكن 360 او الافنيوو !! ليش تسالين؟؟
ساره : لا بس , احمد سال عشان بيروح السوق فقال يقطنا على طريجه..
شهد استحت من طاريه : اي عادي الي يناسبه
ساره : انا اقووووول شرايكم نروح 360 احسن ,, موافقيين ؟؟
احمد و شهد : اي موافقين ..
ساره : عيل اوكك انا برووح اقول حق روين اذا تبي تروح ويانا .. انا بسده الحين باي
شهد : اوك , باي
صعدت ساره فوق و طقت الباب على روان بس ماردت عليها روان ,, دشت الغرفه وقعدتها
ساره : روووووااانوووه قومي بقوولج شي
روان تغطي ويهها و تصرخ : ذلففففففففففففففففففففففففففي ابي اناااااااام .. بعدين قوليلي ,, طلعي و صكري الباب ورااج
ساره اخترعت من صراخها : انزين الشرهه علي يايه اقولج ان بنرووح 360 اليوم و يا شهود
روان فزت : ويييييين وين بتروحوون ,, ؟؟
ساره : 360
روان : ابيييييييييييييي اروح وياااااااااااااكم
ساره : لا ماتروحيييييييين
روان : مو كيفج بدق على شهووود و اقولها بروح وياكم ,, الا منو بيوديكم ؟؟
سارة مادة البوز لان روان بتيي وياهم : مممم احمد بيودينا
روان تضايقت : لا خلاص ماني رايحه
ساره : لييش ؟؟
روان : لا بس حسيت اني تعبانه وايد
ساره: والله الي يشوفج تو مايقول انج تعبانه الحمدالله والشكر بس "وتقولها وهي تضحك"
روان: سارووه
ساره:عيونها !!
روان:ذلفي لا اصكج بمطارة الماي اللي عندي
ساره:انزين جامليني على الاقل ..
روان:ذذذللللففففففيي واهي ماسكه المطاره تهدد ساره فيها
ساره:ول ول ول ناار ناار بسرعه تعصبين وتقعد تضحك على ويه روان واهي معصبه وتخلي الباب مفتوح وتفتح الليتات "للاضاءه" وتنحاش .....وروان اقعدت تصرررخ لمن قالت بس وساره مطنششه لابعد الحدود....
.........................................................

"لحظه نسيت اقولكم شنو صار مع دانه وبدر"
ريم صارلها يوم بالمستشفى "
ودانه حرقت تلفون بدر من كثر ما تتصل عليه واهو مطنش ونايم ويا ربعه بالشاليه وناسي مرته وبنته
حمد يطق باب غرفه ريم بالمستشفى ..ويدخل
دخل وشاف ام بدر قاعده يم ريم ودانه حاطه ايدها على راسها من التعب" صارلها يوم مو نايمه عدل وماتدري عن ريلها الي مايدري شنو صاير فيها وببنتها "...
ويقول :السلام عليكم شلونكم وشلونج , عساج بخير ..
ام بدر : الحمدالله يزاك الله خير .. انت شلونك شخبارك شلون الشغل معاك ؟؟ عسى مو متعبك ..
حمد: والله الحمدالله , لا الشغل الحمدالله ماشي الحال الا بسإلج خالتي وين بدر عسى ماشر شنو مايدري عن الي صار في بنته ؟؟ ..
ام بدر متفشله : والله يا وليدي مادري عنه حالي من حالك صار له يوم كامل مايرد علي .. ولا عارفه وينه , عالعموم انا بروح وباجر راح ايي لكم ان شاء الله بس بلغوني اذا صار اي شئ معاكم .. مع السلامه
دانه وحمد : ان شاء الله .... مع السلامه ..
انطرت دانه ام بدر لمن تطلع علشان تكلم حمد ,,
دانه : ما قالولك شئ عن ريم ..
حمد: لا بس قالوا باجر تطلع نتايج الفحوصات ..وان شاء الله ما فيها شئ ..
دانه:ان شاء الله , الله يسمع منك ... حمد شفيك داش على خالتي بقوه حسيتك شوي بتطقها ..
حمد:اذا بطق بطق ريلج وين قاعدين لمن الحين مايدري شنو صاير لبنته !!..آآآآخ بس لو اشوفه جان لتتيته كف يعدل ويها اللي ما حلاه ربي ,,
دانه: اقول بس مالي خلق نجره وهواش بروحا اللي فيني مكفيني
(نرد حق شهد وساره واحمد وسالفتهم مع 360)....
احمد: سااااروووه ويهد خلصينا مادري شنو تعدلين بويهج بتظلين جيكره لو شنو رقعتي فيه
خلللصي تاخرنا على البنت ..
ساره:ويعا ويعا ويعا ترى الساعه 3 , وانت حنا حنا اول مره تطلع مكاان الصرااحه , "باستهزاء"ما عرفتك طلعت تلتزم بالوقت ..
احمد: اقول خللصي دام النفس عليج طيبه , اوو اصلاً بروح اغسل السياره واترسها بانزين ..
ساره: شدعواااااااااا , انا اقول حط وروود عليها وحط اغنية نسم علينا الهواا ,, ترى شهد اللي بتروح معانا مو اليزابيث الحمدالله والشكر صير ثقيل ..
احمد:ذللفي ذلفي , وبعدين شنو شايفتني بالله خرووف ؟!
ساره:لا اقولك بس !! "واهي ميته من الضحك عليه "
ركبوا السياره و راحوا غسلوها وعبوها بانزين ولمن اوصلوا بيت شهد.. دقت ساره على شهد ..
ساره : ألوا اليزابيث , "يتلها كفخه من احمد على راسها" .. اقصد شهد يالله ناطرينج نزلي بسررعه ..
شهد تضحك : شدعوااا يالله , كاني يايه بس خل آخذ كرت البنك مالي لا انساه ..
ساره : اي يالله , مو مشكله بس لاتطولين ..
شهد : اوك , لاتحنين ما احب الحنااا ترى -.- ..
ساره : آسفيين , عسى ما ازعجنا سيادتج .. !!
شهد تضحك : اي إِسْتَعْدِلَّي .. افف صكي التلفون يالقرقا علشان اقدر اخلص بسرعه , وانزل
ساره :انزيين , اففففففف كله مدقريني اليوم .."تصك التلفون "
............................................................................
(خـــــلص الــــبــارت )

 

[فردوس_الاعلى]

بلييييز كمليييي ماااصدقت تكملييين لااا توقفيين

 

[فردوس_الاعلى]

ممممممم ممكن اكملج خااص ؟؟؟ ابيج بشي ضرووري حييل حيييل .!!!

 

[ودع مآحبكم]

ممممممم ممكن اكملج خااص ؟؟؟ ابيج بشي ضرووري حييل حيييل .!!!

اي ممكن حبيبتي :*!

 

[فردوس_الاعلى]

اممممم بس شلون اكلمج خاص ....!!
توني مشتركا ما اعرف حق منتدى واايد ...؟؟

 

[ودع مآحبكم]

البارت الثالث عشر :
ساره :انزيين , اففففففف كله مدقريني اليوم .."تصك التلفون "
انطروا شوي الا شهد طالعه من البيت ..
ساره: يلا يلا .... كاهي يت " تقعد تصفق "
أحمد:حمدالله والشكر , مافي انوثه كلش كلش ..
ساره:كيفي كيفي , واااااااااااااااااااي قاعد لي عظمه بالبلعوم .. اففف قطييييعه ..
أحمد : سكتي سكتي بس , " ابتسم " كاهي يت يت ..
ساره:شدعوااااااا .. " تقعد تضحك عليه "
أحمد:انطمي .. شوفي شكلي زيين .. " لف عليها "
ساره:اي اي اي , افففف
شهد ادخلت السياره ... و قعدت ورا احمد ..
شهد :السلام عليكم , آسفه على التأخيير ..
أحمد و ساره : وعليكم السلام والرحمه ..
ساره :ذبت ذبت من الحر , مره ثانيه لا تتأخرين ..
أحمد يصقعها على راسها ..
أحمد :هههه لا عــادي (طبعاً شهد مستحييه) ..
.................................................
( نرد حق بدر ودانه )...
بدر يدخل البيت وضحكته شايله وأمه اسمعته ....
أم بدر:ويعا حتى ويعا , انت شنو ما تستحي على ويهك .. ؟؟
بدر يرد " مستغرب ": يماا شفيج شابه علَّي الله , يهدااج حتى ما خليتيني أسَلِمْ ..
أم بدر: صج جليل حيا , ماتستحي , انا اعلمك بعديين ..
بدر: لابعدين ولا شئ شصاير .. " معصب"
أم بدر معصبه : انت تدري مرتك وبنتك وينهم .. ؟؟
بدر: يعني اكيد بالبيت او زايرين , واليوم زوارتهم اصلا ..
أم بدر: انزرعقل العدو قول آميين ..
بدر: يماا شفيج ,, !! شصايرعاد قوليلي بس معصبه وتزفين .. " عصب زياده "
أم بدر:انت تدري ان مرتك وبنتك بالمستشفى ..
بدر: نععععععععععععععععم .. يما شنو يعني بالمستشفى " منصدم " ..
أم بدر معصبه : شنو شنو ؟؟ يعني بنتك ومرتك , صار لهم يومين بالمستشفى وانت ماتدري عنهم , ولاترد على تلفونك ماغير فالح لي تنام لي بره ويا الخممممه الي بالدوااانيه , وهاد بيتك ومرتك وعيالك ..
بدر بخوف : يماا تكفيين قولي , فيهم شئ ..
أم بدر: يعني بالمستشفى وصار لهم يومين أكيد فيهم شئ , عيييل رايحين يوزعووون ماي و يردوووون .. " بعصبيه " : بنتك طايحه من القنفه مادري السرير وتشنجت علينا ..
بدر منصدم : وكل هذا متى صار ,,
أم بدر باستهزاء : يوم كنت حاظرتك نايم لي براا ..
بدر: انزين اي مستشفى وانتي بتروحين الحين لهم ..
أم بدر : اي يلا خلص روح بدل وتعال معاي ..
بدر :ان شاء الله خمس دقايق خمس دقايق واخلص ..
ركض حق غرفته بسرعه ولبس وخلص ونزل
...........................................................
(نرد حق شهد وساره وأحمد )
ساره بحمااس : يلا يلا وصلنا ..
صفطوا السياره ودخلو السوق ....
ساره باستغراب : امبييه شفي العالم كلها تخز .. !!
أحمد : قاعدين يشوفون منو هالجيكره اللي قاعده تمشي ..
شهد وأحمد يضحكون عليها ..
ساره تضايقت من كلامه , وقطاته القوية اللي طول اليوم يقطها عليها ..
ساره عصبت وقالت : اقول انتوا مالت عليكم , ذلفوووا بروحكم مالي خلق سخافاتكم انزيين ..
أحمد : شدعوا عليج يعني معصبه حلايا هالويه , تقول صخله فيها عقنقز ..
ساره عصبت : انت ماشفت ويهك الحمدالله والشكر بس , تقول ثور حول ..
كان أحمد راح يرد بسس سكتته شهد
شهد: هو هو شفيكم ياجماعه لا تكبرون السالفه .. بعدين ترا احنا بمكاان عام مو بالبيت عشان تتهاوشون ..
ساره: افففف .. تدرون شلون .. !! روحوا تسوقوا بروحكم وانا بتسوق بروحي , وحتى ما ابيكم توصلوني انزين , بدق على وحدة من رفيجاتي احسن منكم ويع ويع استغفر الله ...وتروح عنهم ..
أحمد : تعالي يالخبله ..
شهد تمسك ايده وتقول : أحمد خلها انت الله يهداك واايد ضايقتها
أحمد بتناحه : هاا ان شاء الله خالتي (طخ عقب ما مسكت ايده )
و قعدوا يتمشون ..
..............................................
( بالمستشفى )
بدر يطق باب الغرفه .. طق طق طق
دانه تفتح الباب واهي بتقول منو .. تفاجأت من اللي واقف جدامها !
دانه: بدر !!!! (مستغربه)
بدر بتوتر : دانه شلونج .. ؟
دانه تنزل راسها متضايقه وما تبي توري بدر انها متضايقه تبي توريه انها تقدر تعتمد على نفسها , وما ردت عليه ..
بدر حس ان اهي متضايقه , اختصر الحديث ودخل الغرفه وشاف بنته على السرير ..
بدر راح حق بنته وقعد يبوسها و دانه قاعده تطالعه واهي واقفه .. دشت ام بدر وقالت ..
أم بدر : كا دليت المكان انا الحين بروح حق ام سعود اللي بالطابق اللي تحت وبعدين ايي لكم ..
دانه: مو مشكله خالتي اخذي راحتج .. وطلعت
بدر يوقف ويقول : دانه انا آسف والله ماكنت ادري ..
دانه : لو سمحت بدر انا مالي خلق اتكلم الحين .. ممكن تأجل الموضوع حق بعدين .. ؟!!
بدر:دانه حبيبتي والله ما ادريـ ........
تقاطعه دانه " بصراخ " : بدر قلت لك انا تعباانه وماالي خلق ... خلااااااااص اسكت ..
بدر يقرب منها :حبيبتي حبيبتي انا آسف ..
لمن كان يبي يحضنها وخرته عنها
دانه:لو سمحت لو سمحت , لاتقرب مني ..
بدر:دانه شفيج علي ..
دانه : شفيني عليك !! ..انت تدري اليومين هذولي شلون مَرَوْ علي !! وانا بروحي ماغير اروح من مكان لي الثاني ؟؟ , تدري ان صارلي يومين وانا ما ذقت طعم النوم ! "وخنقتها العبرة " تسالني بكل برووود شفيني وبنتك مادري ليلحين شفيها ... تكفى تكفى لا تقعد تتكلم معاي انا مالي خلقك الحين ......
بدر: ياقلبي والله آسف وخلاص راح أخليج على راحتج بس بقعد معاكم اليوم ..
تدخل دانه الحمام وتقعد تبجي بصوت خفيف علشان مايسمعها ..
بدر خايف يصير بدانه شئ او تسوي بنفسها شئ ..
و لكن قعد على الكرسي ينطرها تطلع من الحمام علشان يطمن على حالهم الحين اكثر ...
بسس دانه طولت صار لها اكثر من نص ساعه داخل الحمام وقام يطق عليها باب الحمام وماترد عليه .. رد طق الباب مالقى رد ..
بدر: دانه حبيبتي فتحي الباب ...دانه دانه , ويطق الباب حيل وما ترد
راح يكلم واحد يشتغل على الاصنصير مال المستشفى , علشان يفتح له باب الحمام ويركضون اهم الاثنين حق الغرفه , ولمن حاولوا يفتحون الباب انفتح ....
لكن لقى دانه طايحه على الارض ويقعد يصرخ: رووووووووووووح ناااد الدكتوووووووووور ,, وطلع الريال ينادي اي احد من الدكاتره ايي ويشوفها
يا الدكتور والممرضات , وشالوها وودوها حق الغرفه علشان يقيسون ضغطها ..
كلم بدر امه ان تصعد حق ريم بنته .... لان دانه طاحت غشيانه ..
بدر:ها دكتور طمني عليها ...
الدكتور : لا الحمدلله مافيهاش اي حاقه بس ضغطها مرتفع و ارهااق وان شاء الله مع الراحه والاكل حترقع زي الاول , واحسن كمان بس عاوز أؤلك حاقه عايزها ما تتدايِئش (تتضايق) لان هيا متدايئه كتيير يعني فاهمني سيادتك !!
بدر: اي فاهمك دكتور مشكور ماقصرت ..
الدكتور: العفو يابني ماعملناش حاقه ..
بدر يروح حق دانه , وطبعاً دانه نايمه ويمسح على راسها ويبوسها و يقرا عليها قرآن ..
وبعدين دقت عليه امه وقالت انها راح تنام عند ريم ويطمنها على داانه
...........................................................
( بـ 360 )
" عند شهد وأحمد "
احمد دق على ساره بس ماترد ..
أحمد معصب : ترى هذي مو قاعد ترد علي والله ان شفتها ياويلها مني ..
شهد تحاول تهديه : احمد خلاص خلها على راحتها المفروض ماتضايقها من اول .. وانت سويت لها شئ ترى راح اتضايق منك حييل
أحمد باستعباط عقب ماهداا : انتوا يالحريم ما ينقدر لكم بسرعه تخلون الواحد يطخ .. تسحروون الواحد ..
شهد قعدت تضحك ..
أحمد:هذا المحل حلوو شرايج ندشه .. ؟؟
شهد : توني بقولك , يلا ..
دخلوا المحل وقالهم الي يبيع : أهللين وسهلين شرفتونا ..
شهد :هلا فيك .. لو سمحت ابي نفنوف حلو وهاادي ..
الي يبيع ابتسم : شو لزواجكون ان شاء الله ..
شهد ضحكت : لا لا بس عندي حفله وابي آخذ لي نفنوف بسيط ..
اللي يبيع:آآآآآه فكرتكم معاريس جدد لهيك سألتِك بعتذر ...
شهد: لا عادي (مستحيه)
وأحمد مستاااااانس
اللي يبيع :لو سمحتي تفضلي هون لتورجيكي (توريج) " لينا " اللي عندنا
شهد: اوكي ثانكس ..
لمن لبست طلعوا كلهم حلويين عليها وما اعرفت اي واحد تختار .. فقالت لها "لينا" توري أحمد اللي ناطرها براا ..
لمن ورته أحمد صار امفهي مايدري وين الله قاطه .. بعدين قالها اي واحد حلو عليها واختارته ..
لمن يت بتدفع مارضى أحمد..
أحمد: لا عيب شدعواا انا لازم ادفع ..
شهد استحت ووافقت بس بعد ما عصب عليها
وخلصت كل شغلها اهي واحمد ...............
امما عند ساااره !!!!
خل اقولكم شصار من البداايه ..
كانت تمشي و فجاه يالها واحد وتحرش فيها
الصبي : لو سمحتي اختي ..
ساره لفت : نعم اخوي ..!
الصبي : الجماال والجسم هذاا يايبته من وين لان حداا نااااار و دمااااار ..
ساره عصبت : خيييييييييييييييييييييير !! اقول اذلف عن ويهي انزين ..نااس ماتستحي على ويها قطيييعه .. و كملت طريجها
الصبي : شدعواا شدعوااا ليش معصب الحلووو !!
ساره تنرفزت : وااااااااااااااانت شكوووووووووووووووو .. يهمك يعني !افف وخر لزقه لزقه وييييع ..
الصبي : ابوووي اللي متضايقين اروح لهم فدوه !!
ساره من قلب : راحت روحك ان شاء الله قول آميين ..
واحد : آمييييين اذا بيرضيج آميييين ..
وقام يحاول يحط الرقم بـ جنطتها يوم شافته ..صقعته كفف على ويها
انصدم من ردة فعلها وعصب لان الناس شافوه واهي تطقه , و قرب صوبها و مسكها من ايدها .. و كان بيرد لها الكف
بسسسسسس ............
صوت واحد يقول ... ســاره !! "معصب "
ساره توقعت ان أحمد فانخشت وراه من الخرعه , من دون ماتشوف ويها وقاعده تقوله اللي صار واهي خايفه و خانقتها العبره ..
وطلب منها الشخص المجهووول ان تروح بعيد عنهم وماتشوف اللي راح يصير ..
راحت بعيد واهي قاعده تمشي تسمع صوت طق وصراخ " الشخص" على اللي متحرش فيها ..
ولمن يوا السكيورتي وفرقوهم عن بعض .. كان ويه اللي متحرش فيها متخربطه ملامحه من الطق الي حصله من ..... وخذوه عندهم وخلوا الشخص اللي انخشت وراه ساره يروح لان معاه الحق ..
الشخص : ســاره سـاره ..
ساره منزله راسها : أحمد والله اهو !! بتكمل كلامها بس لما رفعت راسها .. انصدمت ساره لان طلع مو أحمد اللي جدامها طلع ..






اخو دانه ........... " حممممممممممممد "
................................................................
وخلــص البارت .....

 

[حفيدة السلاطين]

رررروعهه الببارت كككملي ♡ ♡

 

[Dr.nono]

ناطرينج :*

 

[بيضه كندر]

طولتي واايد
ناطريينج

 

[ودع مآحبكم]

البارت الرابعة عشر :​

ساره منزله راسها : أحمد والله اهو !! بتكمل كلامها بس لما رفعت راسها .. انصدمت ساره لان طلع مو أحمد اللي جدامها طللللللللع




اخو دانه .. " حممممممممممممد "​

ساره ويهها احمممممممر من الفشله و عيونها متروسه دمووع :اسسفففه على الي صااار .. اهوا الي تحرش فيني مالي شغل انا .. وركضت واهيا تبجي خايفه يقول حق اهلها ..​

حمممد قااام يركض وراها و اهيا تركض زيادة و طلعت ساره برا المجمع ..​

قدر حمد يمسكها , مسك ايدها و سحبها صووبه ..​

حمد مصدوم : سااااره ماصااار الا الخيييير شفيج تبجين , مسح دمووعها باصابعه .. وطمنها ان ماصار شي ولا راح يصيير شي باذن الله ..​

مشوا و كان ماسك ايدها و يسولفون رايحين صوب سياره حمد < طبعا ساره ماتدري اهيا وين رايحه مفهيه الاخت k​

حمد مستغرب : انتي ويا منو يايه هننني ؟؟​

ساره : ويا احمد اخوي وبنت خالتي ..​

حمد منصدم : نعععععم و هذووول شحقه مخليييج بروحج ..​

ساره : لاني تهاوشت وياهم خليتهم ..​

حمد : شمعنى بالسووووق تهاوشتوا , شصااااير .. ؟​

ساره : طووول اليوووم ماسكينها علي , ويتحرشون فيني , و يقول احمد عني جيكرة , و كل ماقلت شي عيبوووو عليه.. فانا زعلت و رحت عنهم ..​

حمد يتطنز : انتتتتتي جيكرة ؟؟؟؟؟ شاف ويهه هذا .. !!​

ساره ضحكت : هههههههههههههههههههههههههههههههههه​

حمد ابتسم​

ساره : الا اسالك , شلون ريم ؟ l مشغوله كنت هاليومين فما قدرت اسال عنها ..​

حمد : الحمدلله , و تذكر شي : زييييييييييييييييييييين ذكرتيني ادق عليهم ,,​

مسك فونه ودق على دانه , طلع له مغلق استغرب و دق مره ثانيه نفس الشي ..​

حمد مستغرب : ممم شفيها هذي ماترد ..​

ساره : خل ادق على امي و اسالها .. دقت ساره وردت عليها وقالت لها ان دانه طاحت عليهم ..​

ساره سدته : دانه طاحت عليهم l بروح المستشفى لها ودني وياك !!​

حممد انصدم : شنووووووووووووو !!!!!! ,​

و ركض بسرعه صووب سيارته و ساره وياه و ركبوا ..​

وبسررعه وصلوو المستشفى وراح غرفه ريم عشان يسال ام بدر عن دانه , وقالت لهم عن مكانها ورحوا بسرعه لها​

لقوووا بدر نايم واهوا ماسك ايد دانه , ساره انكسر خاطرها على اخوها بدر ,,​

اما حمد راح معصب صوووب بدر و قعده من النوم​

ووووو ....​

..............................................................​

( عند احمد و شهد ) < قبل لا يوصلون ساره وحمد حق المستشفى​

خلصت شهد وشرت و قعدوا يدوروون ساره مالقوها و قعدوا بكافييه من التعب و طلبو واهما يحاتونها ..​

احمد بتعب : افففففففففففففف .. استغفرالله هذي وين ذلفت ..​

شهد : خل ادق عليها اشوفها وين راحت ..​

دقت شهد على ساره وردت عليها بسرعه​

ساره : شهوووووووووووود لحقققققي ..​

شهد اخترعت : شفييييييييييييييج ساروون ؟؟ , انتي وينج خلصي قوولي ..؟؟​

ساره : انا بالمستشفى دانه تعبت بعد عليهم ...​

شهد وقفت وصرخت : نعععععععععععععععععععععم , شفيها دانه خلصييي قوليلي شصاير .. !!​

ساره : بالمستشفى امي قالت انها طاحت عليهم :"(​

شهد : انزين شوي وياين بالطريج ,, بس وييين بأي مستشفى؟؟​

ساره : مستشفى ...................​

شهد : اوكي يلا مع السلامه , سدته وقالت حق احمد و بسرعه دفع الحساب​

راحو السياره وركبوو و اوصلو ..​

سأل احمد عند الاستقبال و قالو له وين ..​

طقوا الباب بس سمعووووووا صوت صرااخ دشووو مخترعين ولقووووووووووووووا ..​

..........................................................................​

(عند ساره وحمد)​

حمد راح معصب صوووب بدر و قعده من النوم ..​

قعد بدر وحك عيونه , يوم لف لقى حمد وراه بيسلم عليه ما وعى الا و اهوا طايح على الارض ,, من قوة البوكس الي حصله ..​

قام بدر معصب و قعدوا يتهاوشون وساره تصارخ وتعابل فييهم و تحاول تهديهم بس ماقدرت و ماكوو فايده .. < طبعاً ساره مافكرت انها تنادي احد من برا ..​

شووي جان تقووم دانه منزعجه بس , محد درى عنها تبي تتكلم بس تحس بلعومها ناااااشف و جسمها مرهق قامت عيونها تغورق دموع وغمضت عيونها ,,​

شوووي الا داشين شهد و احمد مخترعين من الصراخ الي طالع برا الغرفه ..​

احمد دش وراح يوخرهم عن بعض بس بالغصب و وخرهم​

احمد معصب و بـ صراخ : انتوووووووو يهال تقعدوون تتهاوشون شطووولكم وشعرضكم و هذا وانتو نسايب تسووون جي شخليتووا حق الناس لي ماتعرفونهم .. !!​

بدر كان منزل راسه , و حمد كان يخزه بحقد قعدهم احمد و يابلهم ماي من الثلاجه الموجودة عندهم و خلاهم يشربون و يهدون شوي .. ​

بدر كان يشرب و يطالع دانه شاف خشمها احمر قام وركض صوبها .. ​

بدر مخترع : داانه حبيبتي تسمعيني , دانه شفييييج .. ؟؟​

دانه فتحت عيونها و قامت تطالع عيونه و عيونها متروسه دمووووع​

دانه :انا الحين الحين ابيكم تطلعون من الغرفه مابي اشوف ولا واحد منكم عندي ...​

بدر:انزين انـ... , ( قاطعه حمد )​

حمد :انت شنو ماعندك دم اطلع بـرا ماتبي تشوفك ..​

احمـد:ولــــــــــــييييييييييييييييييــــــــــــــن ردينا على الطير يلي ..​

دانه :لو سمحتوا طلعوا كلكم براا مالي خلق ولا واحد فيكم انتوا الاثنين ولا اقول انا بطلع اشوف بنتي ... نزلت ريلها من على السرير ​

بدر راح صوبها : لا لا شنو تطلعين انا بطلع خلاص واخذي راحتج..​

طلع بدر , حمد , أحمد و ظلوا البنات مع دانه​

حاولوا شوي يغيرون من نفسيتها ويسولفون معاها ويهدونها بعدها يت ام دانه و ام بدر حق غرفه دانه والبنات والشباب راحوا غرفة ريم يتطمنون عليها ...​

بعدها كل واحد فيهم راح بيته ماعدا دانه وريم لان باجر راح يرخصونهم ..​

دانه كانت نايمة لما قعدت طلعت دانه من غرفتها كانت تبي تروح حق ريم تتطمن عليها ..​

لقت بدر نايم عند باب ريم (رافع رريوله وحاط راسه على ركبه يعني لام نفسه على الارض)​

قعدت دانه يمه , و قعدته من النوم ​

دانه :بدر ...بدر بدر قوم يلا .. بدر قووم ​

بدر قام و صحصح شوي :امم دانه فيج شئ حبيبتي ..؟؟ ​

دانه : لا مافيني شئ بس قوم معاي .. ​

بدر : لا ماني قايم روحي غرفتج ارتاحي , انتي تعبانه انا بروح حق ريم , وانتي تكفين تكفين روحي ارتاحي , ما ابيج تتعبين اكثر .. ​

دانه :خلاص عيل ماني قايمه الا وانت معاي ,تعال نتطمن على بنتنا قوم يلا قوم بدر .. قامت و مسكت ايده وقامت تسحبه عشان يقوم ​

بدر قام , قعد يطالع بعينها ودمعت عينه وقال: أاأنا أنا آسف دانه والله ماكان قصدي والله او حتى لمن..(قاطعته دانه)​

دانه :ادري ادري انا مصدقتك بس اوعدني انك ما تخليني يوم من الايام اوعدني انك تكون دايما معاي ..​

بدر باس دانه على راسها وقال : وعـد ...​

دانه ابتسمت :يلا امش خل نشوف بنتنا ..​

وامسكت ايده وحطت ايدها بين ايدينه ( اتمنى فهمتوا j ) ومشت معاه ..​

...........................................................................​

(بيت بو عبدالله .. بالصالة ) ,,​

طلال يكلم نفسه واهوا يفكر : ادق ولا ما ادق افففف استغفر الله لا لا فشله شـلون ادق عليها بس ان هذا .. ​

قطعت عليه افكاره .. ​

امه نوره : الولد استخف طلااال .. علامك تتكلم مع نفسك خبل طلول طلول وي شفيك ماترد لا حول طلال​

جان تكفخه بجهاز التلفزيون على راسه​

طلال:اح اححح يــــــــــــــــــــما خليني انا قاعد اعرض افكاري المستقبليه وانتي طيرتيها من مخي زين جذي نونو عورتيني ... ويحك مكان الطقة ​

نوره كفخته مره ثانيه : نونو بعينك اصغر عيالك انا اخاف وحده من البزارين انا ..​

طلال : يماا شرايـج .. !!​

نوره : بـ شنو ..؟!​

طلال : بس قولي اي او لأ اول .. ​

نوره : امم لأ لأ و ألف لأ ..​

طلال:بس انا اقول اي .. ​

نوره:عيل شحقه مع وجهك تسألني ..​

طلال:خلاص نونو انا بطلع الحديقه ,شوي و ارجع ..اوك​

نوره:هم ورجع قالي نونو ​

باس راسها و باستعباط : احبج نونو ​

وطـــلع بسررعه قبل ما ينفلع بالجهاز مره ثالثه ..​

طلال يتكلم مع نفسه ويقول : الحين انا لو دقيت شنو اقولها اخاف تتضايق مني , انزين انا مو مال هالسوالف و ما اعرف شنو اقول افف بدق ويصير اللي يصير ..​

دق طلال على روان ...​

روان : ألو امم ألو ​

طلال : ألوو ​

روان مستغربه : ممنو معـاي ..​

طلال :انا طلال ..افاا ما عرفتيني .. ​

روان ارتبكت : ط طط طلال ؟؟ والله صج !​

طلال : اي والله ,, انا دقيت اتشكر منج على اللي سويتيه معاي ذاك اليوم ..​

روان :لا شدعوه مابيــنا ..الا انت شلونك ..؟!​

طلال : انا تمـام الحمدالله , الا اسالج اهلج شلونهم ؟!​

روان : والله كانوا مشغولين مع دانه زوجة بدر وبنتها ..​

طلال:اي الا صج شلونها الحين عساها بخير ..​

روان:لا الحمدالله يقولون احسن من اول ..​

طلال:ليش مازرتيها انتي ..؟!​

روان:امم لا اصلا انا ما اطلع وايـد ..​

طلال : ليش , آسف بس يعني هههه بنت وما تطلع غريبه يعني عرفتي ..​

روان :اي ههه عرفت قصدك ..عموماً اهي سالفة طويله​

طلال : اذا مايضايقج عادي اسمعها ؟!​

روان:اممم بس اكيد منت فاهمني عدل و راح تفهمني غلط ..​

طلال :لا افا عليج قولي وانا اقولج رايي بالصراحه ..​

روان مخترعه ز مرتبكه : اممم .. عقب ماخلصت من امتحان انا و شهد ورفيجتي ريم طلعنا البحر .. كومار قال حق احمد ان بنروح البحر ليش مادري .. (وقعدت تتذكر الموقف و تقوله)​

روان : كيفي مابي خلاص
عبدالرحمن : انزين انا عبد الرحمن انتي بس اخذيه ومتى ما بغيتي دقي ..
روان تطالع شهود وتاخذ الرقم : اوك :$
شهود و ريم يطالعون روان منصدمين جان شهود تاخذ بطل ماي اللي كان بيدهآ وكتته على عبدالرحمن وحذفت البطل على راسه جان يتفشل ويروح عنهم
ريم : هههههههههههههههههههههههههه تعجبيني .. واااااااااااك لقط ويهك يالحبيب
الناس قاعدين يطآلعونهآ مستغربين .. تفشلت ريم وانخشت ورا شهود ..
شهود معصبه : ويعا رووووون انتي ثبتي على واحد
روان باستعباط : انتي شتبين .. بعدين شكو تحذفين عليه البطل .. هذا زوج المستقبل هاه حدكمممممممممممممممم
احمد قرب منهم وسمع اللي قالته روان وسحبها من شعرها : انا اعلمج منو زوج المستقبل
شهد واهي تخزه بصوت واطي : هذا من وين طلع بعد .. وين مانروح يطلع بويهنا اوفففففففففف
ريم مخترعه : خلها .. منو انت ؟
احمد طنشها وسحب روان من شعرها و مسك ايد شهود وقال حق السايق يرد ريم بيتهم ..
وركبهم السيارة.. ركب شهود يمه وروان ورا
احمد معصب : روانوه ماكو طلعه من دوني ماشي !
روان تبجي : احمد ماسويت شي
احمد : كل هذا ماسويتي شي​

و بس هذا الي صار و من عقبها صرت اتحاشا احمد ​

طلال : .....​

انتــــــــــــــهى البارت ...​

بنااات اسفه على التاخييييير :* j​

​

​

​

 

[ودع مآحبكم]

Mmmmm lesh mako rdood ?!

 

[ودع مآحبكم]

البارت الخامس عشر :

طلال : مممم المفروض ان اهوا ينسى هالشي لان كان طيش و مراهقه و مايقعد يحاسبج على شي صاير من زمان و بعدين هذا صار امس واحنا عيال اليوم

روان : انزين .. طلال اااانا ما طحت من عينك صح ؟؟

طلال : ليش انتي شسويتي عشان تطيحين من عيني ؟؟ ماسويتي شي غلط الشيطان قص عليج وانتي خبله صدقتيه ههههههه .. صارحيه و قوليله السالفة وبرري له و سوي فلم هندي شوي و راح يرضى اعرفه احميد قلبه طيب ...

روان : شكرا طلال , و اسفة اذا ازعجتك و خذيت من وقتك :$ , و يلا مع السلامة لازم انام الحين وراي قعدة الصبح عشان بييون دانه بدر البيت

طلال : ممم اوك نوم العوافي و مع السلامة

صكروووو التلفووون وكل واحد فيهم نام
..................................
في صباح اليووووم التالي اشرقت شمس تلي تابيز ( اسفة عالسخافة :$ .. نكمل )

( نرووح حق المستشفى )

بدر و دانه كان واقف عند الاستقبال يخلص اجراءات المستشفى و يدفع الفلوس و دانه قاعدة على الكراسي و جدامها ريم بالعربانة مالتها و خلصو طلعو من المستشفى

ركبو السيارة
بدر مستانس و الضحكة شاقة الويه : يا حيا الله بام ريم تو ما نورت السيارة
دانه ابتسمت : منورة بوجودك
بدر : وين تبين نروح الحين ؟؟
دانه : البيت يعني وين
بدر : مممم لا انا بطلعج تتغدين برا وتغيرين جو
دانه : اوكي يلا مو مشكلة
بدر : يلا مشينا

.......................................................... بعد يومين

احمد رضى على روان بعد عناء طوويل
شهد و روان نجحووو و يابو نسبة حلوة وكل وحدة قررت شنو تدش ....................................................
بعد مرور سنتين ..

تخرجوا سارة و دلال من الثانوية
ريم بنت بدر ..
صار عمرها سنتين و جم شهر
طلال
كل ماله و يزيد حبه حق روان و قرر بس يتخرج من الجامعة يخطبها
روان و شهد دشو هندسة
و شهد قامت تحب احمد
وكل واحد بدا يشوف حياته مع اللي يحب
ما عدااا

دلال ...
مممم ما تكلمنا عنها وايد بالبارتات الي قبل
عقب سالفة الصور راكان ما هددها مره ثانيه
ولكن ,,,, راكان
عقب ماضاقت فيه الدنيا مع البنات اللي حبهم بدال دلال ..
قرر ان يرجع لها وان رفضت بيشغل وقته بتهديدها ..

وهذا اللي صار عقب مكالمته مع دلال هذي...

"

كانت قاعدة دلال بالصالة تطالع تلفزيون و دق فونها و شالته ..

دلال : اممم الو
مارد عليها راكان
دلال : الوو منوو معاي ..؟؟
راكان : كبرتي يا دلال و صار صوتج احلى من اول ..
دلال باستغراب : عفوا , منو معاي ..؟ وشلون تعرف اسمي ..!!
راكان ضحك وقال : أفا ما توقعت تنسيني ولا في أحد ملا مكاني .. !!
دلال بخوف: ممنو ..؟!
راكان : أنا راكان يا دلال راكان
دلال منصدمه : رر ررا راكان
راكان : مفاجأه حلوة صح ..!!
دلال : آآآآآ اننت شش شنو تبي الحين ابي افهم شنو المطلوب من هذي المكالمه
راكان : ابيج ترجعين لي مره ثانيه
دلال تضحك : أرجع هههههه , آسفه بس صج ضحكتني
راكان:اي عادي نرجع نحب بعض مثل اول واكثر شنو فيها ؟؟
دلال باستهزاء : هه آسفه , وبعدين انت شنو حسبالك ان انا بأي وقت برجع حق واحد نفسك بالمعنى الاصح ماراح ارجع والحين مع السلامه .. ما اتوقع ان بيني وبينك شي بعد !!
راكان ضحك : لأ في في صور
دلال منصدمة : خير اي صور ؟؟
راكان : شفيج منصدمه صورنا انا وياج و لا نسيتي ؟؟
دلال : انزين المطلوب مني الحين شنو اسوي ؟
راكان يفكر : امممم قلتيلي المطلوب مممم
دلال عصبت : خلصني
راكان ضحك : تيين اليوم الشقه ..
دلال: و بعدين !!
راكان : و بس
دلال بخوف : امممم آسفه اليوم ما اقدر ..
راكان : اي يوم تيين انا موجود وكلي لج بعد ..
دلال : اها اوك مع السلامه الحين مشغوله ..
راكان : باي يا حللوو
و سدته
"
انتهت مكالمته وياها
ومن هالثانيه واهي تلعن اليوم اللي عرفته فيه
دلال:الله ياخذك الله ياخذك ان شاء الله الله ياخذك ولا يوفقك لا دنيا ولا اخره
وطاحت عالارض و اهيا تبجي شافتها شهد وركضت لها
شهد :دلال شفيييج امبيه منو اللي مخليج جذي تبجين دلوول ردي

دلال تشاهق : انا متوهقه شهد انا خلاص انتهيت ..
شهد تلمها : يمااا دلال شفيج ليش خرعتيني شفيج شصااير
دلال بالغصب تتكلم : رراكان
شهد انصدمت : دق هالحقير عليج كلمج سوا شئ هددج بشئ ؟؟
دلال : يبيني اييله الشقه
شهد بققت عيونها : شش شقه وانتي بتروحين
دلال : اا اي ولا راح يفضحني شهد انا ما بغيت افتك منه قام ورجع لي مره ثانيه ..
شهدوخرتها عن حضنها و مسكتها من جتفها : لا يا ويلج اذا رحتي هذا حقير بسوي فيج شئ
دلال غطت ويهها بايدها : عيل شنو اسوي عطيني الحل ..
شهد : مادري ,بس عندج رقمه صح؟؟
دلال : ااي كاهو شنو بتسوين
شهد : راح نكلم الشرطه واهم يتصرفون معاه
دلال بخوف: راح انفضح
شهد : لا راح نقولهم يكون الموضوع بينا
دلال : مادري نكد علي الله ياخذه توني مستانسه
شهد : حياتي ولا يهمج راح اخليه يموووت من القهر ..
دلال من قلب : ان شاء الله الحين يموت وافتك
شهد : ان شاء الله
................................................................
اليوم اللي وراه ..
دلال ااتصلت على راكان وخذت منه عنوان الشقه وقالت له بعد جم يوم راح تروح له ,,
وعطت عنوانه ورقمه حق شهد , اما شهد راحت حق الشرطه وبلغتهم بالتهديدات اللي قاعد تيي حق دلال منه , وقالت لهم عن سوالفه انه اييب بنات بالشقه هذي , وبعدين يهددهم واتفقت معاهم ان يكون الموضوع بينهم وبس , ويكونون ورى دلال لمن تروح الشقه , ويقبضون عليه وتاخذ دلال كل اجهزته ...
أو اي صوره حق اي بنت وتحرقهم او تقطهم باي مكان بعيد عنه وعن ربعه ..
................................................................
بعد ثلاث ايام..
دلال راحت الشقه والحقوها الشرطه
واول ما دخلت ( الباب مفتوح ) لقت ليتات حمر وشموع و راكان قاعد على القنفه ناطرها يطالع التلفزيون و ياكل ..
راكان يروح لها : هلا هلا هلا والله هلا بالحب هلا بااللي طولت الغيبه ,يهون عليج يا حبي يهون عليج تروحين وتخليني ..
دلال مبتسمة بارتباك : لا لا اكيد ما يهون علي ..
راكان يلمس ويها ويقرب : انزين ليش مرتبكه
دلال تلف ويها : لا مو مو مرتبكه بس انا مستعيله
راكان : لا لا ما اتفقنا , ليش انا ما قلت لج انج راح تقعدين عندي لمن باجر .. !!
دلال : لل لمن باجر ..
راكان : اي ليش عندج مانع ..
دلال : لا ما عندي مانع اكيد بس , وين الصور اللي وعدتني انك تعطيني اياها ..
راكان بخبث : كاهي هناك بالغرفه وعللى الفراش بالتحديد روحي اخذيهم ..
دلال : اي راح آخذهم بس مو الحين ..
راكان : متى ياعمري بتاخذينهم .. لـ

وقبل ما يكمل رن جرس الشقه ..

راكان باستغراب : غريبه منو اللي ياي هالحزه
دلال تخفي ابتسامتها : مم ما ادري روح شوف ..
راكان : نطريني يا قلبي و حبي شوي وراجع ماني مطول .. وغمزلها
دلا:ايه يلا ن ناطرتك وتهمس وتقول:روحه بلا رده ان شاء الله
راح يفتح الباب شوي الا سمعت صوت راكان يصارخ وخروا عني انتوا شتبون فيني انا اوريج يا دليل انا اوريج ..
دلال مستانسة : الله ياخذك ان شاء الله رديتها لك يا راكان , روح تستاهل اللي يصير لك واكثر

وخذووه ....
وخذوا كل هموم دلال معاه وارتاحت بعدها عقب ما شافت آخر صوره لها و لغيرها تحترق جدامها ..
................................................................
بعد اسبوع

انسجن راكان لمدة 5 سنين
عقوبه على اللي يسويه 3 سنوات وشكوة دلال وشهد عليه عقوبته 2 سنتين
وتخلصت دلال من هذا الانسان ..
...
بعد شهرين ..
كانت دلال رايحة السوق و عقب ماخلصت تسووق
راحت المصافط , واهيا تمشي رايحة صوب سيارتها ..
يا واحد طاااير و طير دلال ويااه , و طاحت دلال على الارض مترووسة دم , نزل من السيارة
و شال دلال بسرعة اهيا و اغراضها وطار فيها المستشفى ..
وصل المستشفى و كان يصرخ على الممرضات انهم اييبون سرير حقها , واهوا كله دم وشايل دلال بين ايديه , يابو لها سرير و دشوو العناية المركزة على طول ..

و خلص البارت .. كتبته مع ان مافي ردود بس يلا عادي l

 

[جوري ستايل]

وااي وينج بعدد هالغيبه الطويله

يسلموو ع الباررت
اب اب اب اااااااب ننطرج ي قلبي