*_* رشيقات 2013- الجزء الثاني *_*

[حدي حساسه]

ماشاء الله نازله تقريبا٤٠٠ غرام نزول صدمني بطيء حيل مادري شكل الجسم تعود عالدايت ومو راضي ينزل كيلو نفس قبل عموما الحمدالله على كل حال والله خايفه بسبب هالاحباط يقل حماسي ومجهودي حاسه ماعاد لي خلق عالدايت

 

[MISS SUGAR]

السلام عليكم
انا بعد ماشية على دايت من النت بس ماينزل وزني بسرعه
يعني الاسبوع اللي فات نص كيلو وهالاسبوع بعد نص كيلو


شلون ؟؟؟

انا هالاسبوع سويت رياضة المفروض انزل اكثر

في ناس تنزل بالاسبوع اكثر من جذي
ينزلون 2 او 3 كيلو باسبوع

 

[حدي حساسه]

فري سبيريت ياقلبي ترى طرشت لج الوزن عالخاص مانبي ندوخج معانا يالغلا

 

[ندى البديع]

ماشاء الله
*الاسبوع الاول ؛ 85,7
*الاسبوع الثاني 85,4*
الاسبوع الثاني ؛ 84,7
الحمدلله بدء يتحرك الوزن

 

[miss oman]

مس سكر في احيانا نوع النظام يختلف على حسب الاجسام في اجسام ينزل عندهم بسرعة وفي اجسام يأخذ وقت انتي استمري وعسى خير

 

[قوس فرح]

يا بنات اللي ينزلون ثلاثه و اربعه كيلو بالاسبوع عادة اوزانهم كبيرة ...لكن بالمنطق هالكيلوات جمعناها بشهور و ايام و سنين شلون تبونها تطير باسابيع .

نص كيلو بالاسبوع حلو كيلو جدا حلو بالذات اللي باقي لهم عشرة و اقل على المثالي . شدو الهمه و لا تحبطون عافيه عليكم

 

[ترانيم الأمل]

مرحبا
اشحالكم ترى انا غايبة عنكم لاني انشغل وماعندي وقت للانترنت او اني اقعد كل يوم اكتب شنو اكلت او شنو شربت لكن ملتزمه لخلصتو الشهرين بدخل اعطيكم النتيجه وباعطيكم الاخبار كامله وانا متابعتكم ترى لكن على حسب الوقت
مبروك للي انزلوا استمروا
تحياتي لكم​

 

[miss oman]

اهلين صبايا سويت مثل ما قالتلي حرم راشد الماجد لكن التفاح الاخضر لما ييت اكله حسيت برجع ما قدرتله سويته عصير وشربته وان شاء الله ننزل كلنا

 

[miss_IU]

مساء الخير رشيقات المستقبل :eh_s(17):

اليوم فطرت الساعة 4 ونص الفجر : حبتين ميني كليجا + نسكافيه
الساعة 9 ونص : آيس شوكليت بالكريمة
الساعة 2 ونص : تغديت تورتيلا دجاج + ببسي
الساعة 4 : حبة كليجا
الساعة 8 : شراب القرفة و الزنجبيل ..

التمارين : رحت الجيم ..لعبت اوربتراك و سيكل ..وتمارين مرونه

 

[free SpiriT]

السلام عليكم و رحمة الله

شخباررركم؟ اللي دزوا لي أوزانهم ثنننكس والباقي انتظركم :eh_s(17):

بنااات لا يخف حماسكم ترى عادي صار لنا كذا اسبوع مووواصلين بالدايت و شي متوقع يكون في أسابيع بطيئة شووي

لكن تدروون.؟ بس قلت لكم التحدي لا للتخبيص كأني اقول لكم التحدي انكم تخبصون

وايد شفت بنات مخبصين بعضهم يكتبون شنو كلوا والبعض الآخر يسكتون وانا ازعل عشانهم :bbbiu:

انا اليوم كانت عندي وجبة مفتوحة بالنهار فحذفت سناك و نويت بإذن الله باجر اني اضاعف الرياضة و احذف شي من اكلي بعد عشان اوازن

لما يقص عليكم الشيطان وتاكلون شي زيادة بوجبة خلوا باب التوبة مفتوح والتكفير عن الذنب خخخخ وازنوا بقية اليوم خففوا الوجبة للنص او استبدلوها بسلطة كبيررة ,, ولما تخبصون بالعشا ويكون اليوم خلص وازنوا اليوم اللي عقبه زيدوا الرياضة خلاااص انسوا الدلع

اعطوا اجسامكم فرصة انها تستوعب التغيير واصبروا عليها ... إن الله مع الصابرين ,,, و بشر الصابرين ليش ما عندنا صبر؟
اوكي ما نزلنا هالاسبوع الا شووي زين شنو الحل؟ نخلي الدايت و نلغي كل مجهودنا ونرد امتن من قبل ؟ (لا ويع) أو نتحدى ونواصل ونرجع بقووة؟ (ايييه هذا الحجي السنع) مابيكم تتحبطون واصلوا و بتشوفون نتايج

اعطوا اجسامكم فرصة و اجذبوا النتايج الزينة بالتفاؤل

(تفاءلوا بالخير تجدوه) و خلوا أملكم بالله وراح يستجيب لكم

اللي عندهم انستجرام تابعوا هالحساب وشوفوا كل الصور اللي فيه thedietninja@

انتظر باقي النتايج

Love you all :eh_s(7):

 

[ام ديما22]

الف شكر فري على التشجيع ويعطيك الف عافيه
وزني اليوم 67
الحمد لله زايده نص كيلو بس حلو مع الاجازه والجمعات
وبنات نصيحه النزول البطي حلو مره مايرجع بسرعه مهما خبصتي
واوعدك يافري الاسبوع الجاي اكون نازله وبهتم بالرياضه والمشي

 

[ام ديما22]

صبايا ماعليكم امر الي عندها روابط رياضه استفاده منها ترسلها

 

[miss $_$ semsem]

وزني 85 زايدة كيلو و شوي بس مو من اكلي بس لأن امس طلع آخر يوم دورة و امس يوم قست كان 86 وقاعد ينزل ويرد وزني القديم لأن اساسا جسمي بعد مااخلص الدورة بجم يوم يرد لوزني القديم لأن يزيد ثلاث كيلوات وقت الدورة وشوي شوي ينزلهم


اليوم تغديت دياي بالفرن وجم حبة فقع و شوية هريس وسلطة مشكلة معاها لبنة
ومشيت ساعة و 25 دقيقة وان شاء الله من باجر ببدي امشي ساعة ونص
وعشاي لبن اكتيفيا لايت + جبن لايت + خيار مقصص وخس مقصص + جم حبة مكسرات نيه

وقاعدة اشرب ماي وايد وابشركم شريت ماجلة لرجيم محمد ربيع ان شاء الله باجر اول يوم لي

 

[جوجو جرامنه]

صباااحوو ,,, فطورري صحن ونص ورق عنب

غداي تبوله

عشاي بسكوته

قسست وزني الصبح كانـ : 70 لساته متل مااهو ثابت

 

[شــــــــــــــوقــــه]

ماشاء الله نازله تقريبا٤٠٠ غرام نزول صدمني بطيء حيل مادري شكل الجسم تعود عالدايت ومو راضي ينزل كيلو نفس قبل عموما الحمدالله على كل حال والله خايفه بسبب هالاحباط يقل حماسي ومجهودي حاسه ماعاد لي خلق عالدايت

انا مثلج مالي خلق ابي احس بتغيير بجسمي مو شرط الوزن بس ماكو احس شوية التغيير

بس من اتذكر اني وعدت نفسي ضروري التزم و اتغير لي العيد ابي شكلي غير

بعدها عاد اريح شوي و ارد اكمل بس ما اخرب :yaaaaaarb:

 

[لياحه بنت لواح]

انااااا تعبت
صج خبصت هالاسبوع
بس مو معقوله هالوزن مايهزه شي
زايده ٦٠٠ غرام
١٠٤،٦٠٠
بكره بإذن الله راح اسوي يومين سوائل ومشي بس

 

[ندى البديع]

الفطور ؛ ملعقة جبن قريش+ سلطة*
*سناك ؛ ٣ حبات فروالة * * **
*الغداء: ملوخية+ برتقاله * * * * * * * * *
*العشاء : ٣ ملاعق زبادي بنعاع * *
*سناك *؛ خياره * * * * * *
*الرياضة ؛ ربع ساعه مشي * * **
*المواية : ٥ اكواب **
الاعشاب؛ كمون *

*

 

[reemonda]

وزنى اليوم :96.500
يعنى زايدة 700 غرام
الحمد لله على كل حال
الاسبوع هذاكان كلوه متعب ومحزن بنفس الوقت بابا الله يخليه تعب ومعا على اعصابنا حتى اطمنا عليه
وعمى تعبان من ااسبوعين فى المستشفى ويوم الخميس توفاه الله وهو بعيد عنا كان بعالج فعلا وبجد زعلت عليه
كان انسان تقى ويخاف اله لعند اخر يوم الله يسامحه ويرحمه يارب
واله بكتب وانا ببكى بس قلت تشاركونى المى وحزنى نفس ما بتشاركونى فرحى
يمكن كل اللئلام نقدر عليها الا الم الفراق هو اصعب شئ
الله يرحمك يا عمى ويجعل مثواك الجنة

 

[زيـــنــه]

هلا بنات اخباركم ..

هالاسبوع سويت الرياضه 3 ايام بالاسبوع

الدايايت التزمت .. في لخبطه لاتذكر

الحمدلله نزلت كيلو

وزني 61

موفقين حبيباتي:eh_s(7):

 

[ندى البديع]

صباح الورد ، *
كيفكم صبايا؟*
*واخيرا خلصت العطله < مااحب العطلة تخرب علي في المشي والرياضة.*
المهم ي صبايا من يوم الاثنين بتبع نظام غذائي صحي مافيه حرمان ونزوله من ١-٣ كيلو بالاسبوع *
واللي بتمشي معي حياها الله ،*
*النظام شامل