*_- [ قروب السمينات اللي اوزانهم فوق ال100 ] *_*

[BiiShOoO]

صباح الورد
بنات بديت أمل من الوزن الثابت
ما ينزل بس يزيد أو ثابت
قبل لا أولد كان وزني 112
بعد الولادة بأسبوع 94
بعد الأربعين 97.4
و من أسبوعين 98
تاريخ 24/4 أكمل ثلاث شهور من ولدت

حرم - شنو قالت أخصائية التغذية
هويدا - مبروك النزول و ان شاء الله توصلين لهدفج بصحة و سلامة

التزمي بنظام صحي يناسبج اذا ترضعين
+ رياضة و بتنزلين و مهما ثبت وزنج مردج بتنزلين ان شاء الله

 

[BiiShOoO]

السلام عليكم يا حلوين

اليوم

شربت عصير جريب فروت وردي
تريقت 2 كيوي و حليب نكسافيه
السناك : قهوة تركية و دارك شوكلات
جاي اخضر

الغدا : صاج سيزر دياي من لوفات- ربع كوب فاصوليا حمراء- ربع كوب خيار

السناك :
4 قطع دارك شوكلات - شاي نعناع و زنجبيلو ليمون

العشا : ربع كوب كورن فليكس - شوفان - حليب فيتال - سلطه خضره

الرياضه : 20 دقيقه على جهاز الاليبتكال - 10 دقايق تمارين رياضيه

 

[HOWAIDA]

*,

بس ترا انا ما أشجع العمليات


أولا لها اضرار واااااااااااااااايد


بدأ من بنج العمليه ومشاكل العمليات والالم

وبعد ما تخلصين العمليه راح تتألمين عالاقل اسبوعين

وخلال هالاسبوعين تعيشين عالسوائل الشفافه وعقب سوائل واكل مهروس يعني شهر على هالحال >>>>>>>> لو تسوين رجيم بهالطريقه راح تنزلين نفس الوزن من غير عمليات


وتعيشين عالفيتامينات طول عمرج
وووووو

أنا كان مقرر لي عملية على حساب الحكومة
عندنا بالسعودية يسوونها للي أوزانهم طلعت
فوق الميه ,, فقرروا لي العملية و قبلها
سبحان الله صار موقف و كنسلها بابا
لأنه ماتت بنت صديقة بسبب نفس العملية
الله يرحمها و يسكنها الجنة

​

 

[HOWAIDA]

*,


نظامي ليوم ( الأحد )


على الريق :-
كاسة مويه


الفطور :-
3 شابورة بالحبوب + ملعقتين جبنة بيضاء لايت


سناك ( 1 ) :-
حبة تمر + قهوة عربية


الغداء :-
حبة وحدة سمبوسة دجاج
شاي نعناع و ماء ورد


سناك ( 2 ) :-
حبة معمول + شاي أحمر


العشاء :-
كورن فليكس فتنس + حليب قليل الدسم


الرياضة :-
ما مداني ..!​

 

[حرم راشد الماجد]

رجيمي عند عيادة التغذيه بمستشفى الصباح

وعن تجربه احسن مكان تثقين فيه عندهم لان ما يبون بس انج تضعفين لا يهتمون بالصحه بشكل عام


وانا محولتني عليهم دكتورة امراض النساء لاني متينه وايد


طبعا قست وزني عندهم

كان 109.800


وانصدمت الدكتوره تقولي عمرج صغير على هالوزن



وقالت لي

تدرين ان السمنه


تييب السكر مبجر يعني العمر المتوقع بالاصابه بالسكر من النوع الثاني هو 50 فما فوق

لكن بهالوزن ممكن اييلج لا سمح الله بأي وقت


قلت لها اي اسمع بس ما كنت منتبهه ولا مهتمه بنفسي مثل الحين

تعرفين شنو اضرار السكر

تنحت قامت عطتني نشره تخرع بعد شوي احط لكم محتواها


وبعدين قالت لي عندج فكره عن مرض ضغط الدم قلت لها اي لان امي عندها ضغط

قالت انتي ممكن اييلج الضغط لان جسمج مليان دهون وهو اهم شي بارتفاع ضغط الدم

قالت لي انتي راضيه عن شكلج الحين قلت لها لا قالت لي متخيله شكلج شلون راح يصير اذا وصلتي الوزن المثالي >>> تشققت قلت لها اي

وكلمتني بشكل عام ان الشمنه تييب الامراض وتلخبط الهرمونات بس بطريقه علميه مقنعه


قعدت تكلمني شلون الككاو والسكريات يخرب الجسم والفرق بينها وبين الفواكهة وشلون الفواكهه مفيده لنا \\\نفس الشي مع الخضره وجذي

كلمتني عن الرياضه انها
تعدل الجسم
وتحرق سعرات
وتشيل التوتر والاكتئاب
تشد الجسم وترتبه
تزيد الصحه والحيويه

كانت بنتي معاي قالت لي عوديها من الحين عالرياضه



سألتني جم ساعه اطالع التلفزيون

حدث ولا حرج قالت لي وانتي تطالعين التلفزيون حركي ريولج وانتي قاعده اثنيها ومديها لين تتعبين وبعدين حركي ايدج بنفس الطريقه عجبتني السالفه طول ما انا قاعده اسويها صج تعور بس وناسه وسهله

المهم قالت لي بدال لا تسفطين سيارتج بحلج الباب عند دوامج او الجمعيه صفطي بعيد شوي وتمشي

الدرج لو مره مرتين باليوم عاد انا بالدور السادس يا ويلي


واخيرا الرقص 45 دقيقه يوميا تعادل ساعتين مشي

بس رقص انج تحركين جسمج كله


الماااااااااااااااااااااااي صديق الصحه تبين صحه لا زم تكثرين ماي زين حق البشره والرجيم واذابة الدهون و مقاومة البكتريا والالتهابات















النظام



- دقيقه ( رقص متفرقه خلال اليوم 15 دقيقه في كل مره )
- تمارين بسيطه على مدار اليوم
- شرب 2 لتر من الماء يوميا
- لا ينصح باستبدال السكر العادي بسكر الريجيم لغير مرضى السكر على ان لاتتجاوز كمية السكر خلال اليوم 1 ملعقه صغيره
- الابتعاد عن المشروبات اثناء الوجبات والاكتفاء بماهو مكتوب فقط في كل وجبة
- الابتعاد عن المشروبات الغازيه نهاااااائيا خلال هذا النظام
- البروتينات مشويه او مسلوقه او بالفرن لا تقلين ابدااااااااااااااا
- الماي قبل وبعد كل وجبة
- عدم الغاء ايا من الوجبات المذكوره
- عدم الاكل بعد الساعه 8.30 م




النظام :

- 1 شريحة توست اسمر او بالحبوب
- شريحة جبن قليل الدسم أو ملعقتين لبنة قليلة الدسم أو ملعقتين جبن قليل الدسم ( يسمح باضافة رشة زعتر وملعقة زيتون شرايح اسود او اخضر )
- شرائح ( طماط - خيار - خس ) >>>>>>>>>>> ضروري وعدم االاستغناء عنها
- كوب قهوة أو نسكافيه أو نص كوب عصير برتقال طازج ( يسمح بملعقة واحده سكر + حليب خالي الدسم )

قبل الريوق 2 قلاص ماي وبعده 2قلاص



السناك الضحى : 3 تمرات أو حبة فاكهة ( تفاح + خوخ + كيوي ) أو 5 حبات فراوله



الغداء :

- 2 قلاص ماي
- كوب سلطه متنوعه كل شي فيها ( ملونه ) تتبلينها بملح وليمون وملعقة زيت زيتون
- 2 شريحة توست أسمر أو بالحبوب
- نص صدر دجاجه أو 60 غرام ستيك مشوي أو 60 غرام سمك مشوي أو 2 همبرغر مشوي أو نص كوب اش او حمص او نخي او عدس أو جريش
- كوب روب خالي الدسم
- شوربة حارقه للدهون ( طبعا هي قالت لي اي شوربه مسوينها بالبيت بس انا اخترت هذي لان انا اصلا ما حب اسوي شوربات بس اذا ولا بد اسوي شي مجرب )


سناك العصر بعد الرياضه : 2 كوب ماي دافي + 6 حبات مكسرات + حبة فاكهة او 3 تمرات

العشا


سندويش شاورما من غير صلصة

أو
كوب صغير ذرة مسلوقه مع ليمون وملح وفلفل اسود

أو
كوب سلطه + 2 همبرغر

أو
2 بيض + سلطة

أو
ساندويتش ( مرتديلا مع ملعقة ما يونيز لايت + 2 شريحة توست )

أو نفس الريوق من غير قهوة

قبل النوم كوب حليب خالي الدسم ( ضروري )

 

[ترانيم الأمل]

السلام عليكم حبوبات ودبدوبات هههههه
حرم راشد الماجد سوال شخصي صج انتي حرم راشد الماجد
انا مابخليكم غير الويكند لان ماعندي وقت اجلس على النت تدرون هياته وزوارة الاهل
وانا باستمر معاكم على طول
الله يعطيج العافيه حرم راشد على الرجيم الي نزلتيه وايد حبيته احسه يشبع
بحاول اطبقه باذن الله
ودمتم بخير وصحه وعافيه واستمري ياهويدا ونحن معاج

 

[حرم راشد الماجد]

هههههههههههههههههههههه لا مو حرم راشد الماجد

وعليج بالعافيه الرجيم ياريت تشاركيني عالاقل نشجع بعض


بيشو وهويدا خامرين اليوم ما لهم حس

 

[حرم راشد الماجد]

*,





أنا كان مقرر لي عملية على حساب الحكومة
عندنا بالسعودية يسوونها للي أوزانهم طلعت
فوق الميه ,, فقرروا لي العملية و قبلها
سبحان الله صار موقف و كنسلها بابا
لأنه ماتت بنت صديقة بسبب نفس العملية
الله يرحمها و يسكنها الجنة

​

وانا بعد كان معاي وحده بالمدرسه سوت العمليه وعقب اسبوعين توفت الله يرحمها يارب ويغفر لها

اصلا شفتي رفيجتي اللي اقولج عنها الحين مع العمليه وصل وزنها 90 ومعاناة العمليه تكرمين ترجيع اذا كلت والم

حياتها كله عالفيتامينات شعرها مابقا فيه الا شعرتين


وتقولي سوي عمليه قلت لها نووووووووووووووو واااااااااااااي اسوي رجيم واحترم نفسي ابرك

 

[حرم راشد الماجد]

واي ابي احمل ريلي يحنننننننننننننننننن يبي ياهل وكله يقولي بنتج تبي ياهل تلعب معاه

وهو يبي بنيه ثانيه <<<<<<<<< ريلي يموت عالبنات


وانا من التفكير صارلي يومين احلم اني حامل ادعولي بنات

 

[لله دري]

حرم راشد ان شاءالله تضعفين وتجيبين درزن حق بنتج وزوجج وانتي بكامل رشاقتج والله يخليهم لج :$

ويارب تضعفون بصحه وعافيه بنات
استمروا لأن بالنهاية انتوا بترتاحون حتى النفسيه تتغير

 

[حرم راشد الماجد]

الله يسمع منج حبيبتي الله يعطيج على قد نيتج



هويدا وبيشو اخباركم ؟؟؟؟؟!!!!!!!!!!!!

 

[ترانيم الأمل]

صباح الخير
انا كل مره اقول صباح الخير لأني ماادش النت الا ف الدوام بعد مااخلص شغلي
انا مثل ماقلت حبيت رجيمج يااختي حرم راشد الماجد وبالتزم فيه خذته وقريته وفصفصته ولخصته وظللته والحين بانسخه لكم
بعد التعديل والترتيب والتنسيق حتى نرتب افكارنا وخطواتنا
بسم الله

النظام

الرقص عدة مرات خلال اليوم 15 دقيقه في كل مره
- تمارين بسيطه على مدار اليوم
- شرب 2 لتر من الماء يوميا - الماي اقلاصين قبل وبعد كل وجبة
السكر العادي 1 ملعقه صغيره خلال اليوم
- الابتعاد عن المشروبات الغازيه نهاااااائيا
- البروتينات مشويه او مسلوقه
- عدم الاكل بعد الساعه 8.30 م
النظام :​

الفطور
- 1 شريحة توست اسمر
- شريحة جبن قليل الدسم أو ملعقتين لبنة قليلة الدسم أو ملعقتين جبن قليل الدسم ( يسمح باضافة رشة زعتر وملعقة زيتون شرايح اسود او اخضر )
- شرائح طماط - خيار - خس >>>>>>>>>>> ضروري وعدم االاستغناء عنها
- كوب قهوة أو نسكافيه أو نص كوب عصير برتقال طازج ( يسمح بملعقة واحده سكر + حليب خالي الدسم )
السناك الضحى : ​

3 تمرات أو حبة فاكهة ( تفاح + خوخ + كيوي ) أو 5 حبات فراوله
الغداء :
- 2 قلاص ماي
سلطه تتبلينها بملح وليمون وملعقة زيت زيتون
- 2 شريحة توست أسمر أو بالحبوب
- نص صدر دجاجه أو 60 غرام ستيك مشوي أو 60 غرام سمك مشوي أو 2 همبرغر مشوي أو نص كوب اش او حمص او نخي او عدس أو جريش
- كوب روب خالي الدسم
- شوربه​

سناك العصر​

بعد الرياضه : 2 كوب ماي دافي + 6 حبات مكسرات + حبة فاكهة او 3 تمرات
العشا
سندويش شاورما من غير صلصة
أو
كوب صغير ذرة مسلوقه مع ليمون وملح وفلفل اسود
أو
كوب سلطه + 2 همبرغر
أو
2 بيض + سلطة
أو
ساندويتش مرتديلا مع ملعقة ما يونيز لايت + 2 شريحة توست
أو نفس الريوق من غير قهوة
قبل النوم​

كوب حليب خالي الدسم ضروري​

ويالله شدوا الهمه وخل نشوف من الشاطره فينا الا بتغلب الثانيه وبتخسر اكبر عدد من الكيلو جرامات
تحياتي لكم

 

[تووته البسكوته]

هاي ياحلواات
توني اطيح ع موضوعكم
خنقتني العبره وانا اكتب حسيت اني ببجي
انا وصلت لي وزن 95 طبعا هالوزن وصلت له وانا حامل بالتاسع وبعده نزلت ورديت صعدت مادري ليش
الحين وزني 92 راح استخف مو راضي يتحرك وزني
احس ماعندي اراده بس شاطره اسوي فولو حق اصحاب الرجيم بالانستقرام وانا قاعده مكااني مادري شسووووي :
لعبت رياضه يووم ووقفت
بس قررت اشتري جهاز مشي بالبيت لان النادي ما ينفع معاي
حاليا انا مشتركه مع وجبات واحس روحي خفيفه لدرجه امس كليت شوي شي دسم بطني عورني لووووول

والله ولهت ع جسمي القديم قاعده اكتب وابجي قلبي يعورني
تعبت من المعاير والطنازه
حتى اذا احد عرف اني مسويه رجيم يضحك ويقول اي هين ..بدال ما يساعدني

وايد قرقت لووووول
باي عسولات

 

[HOWAIDA]

*,


نظامي ليوم ( الإثنين )


على الريق :-
كاسة مويه


الفطور :-
2 توست أبيض + بيض بالجبن


سناك ( 1 ) :-
يوسف فندي


الغداء :-
رز أبيض + دجاج مسلوق + سلطة


سناك ( 2 ) :-
حبة معمول + شاي أعشاب


العشاء :-
بطاطا مشويه مع سلطة بقول


الرياضة :-
نص ساعة مشي
​

 

[HOWAIDA]

*,


نظامي ليوم ( الثلاثاء )


على الريق :-
كاسة مويه


الفطور :-
2 توست أسمر + ملعقة جبنة بيضاء دايت
رشة زعتر + شاي بسكر تروبيكانا


سناك ( 1 ) :-
حبة تمر + شاي الاعشاب
( بابونج + مرمية + اكليل الجبل )


الغداء :-
حبة برقر لحم مشوي
سلطة + عصير تفاح


سناك ( 2 ) :-
حبة معمول + شاي رويال


العشاء :-
حبة توست الحبوب + جبنة كرفت دايت


الرياضة :-
ساعة تمارين
​

 

[HOWAIDA]

*,

قالت لي
تدرين ان السمنه
تييب السكر مبجر يعني العمر المتوقع بالاصابه بالسكر من النوع الثاني هو 50 فما فوق
لكن بهالوزن ممكن اييلج لا سمح الله بأي وقت

الله يحفظك من كل شر و يحقق لك مرادك

استمري ياهويدا ونحن معاج

الله يرزقك كل خير يارب
و يجعلك تضعفين بصحة و عافية

بيشو وهويدا خامرين اليوم ما لهم حس

البارحة كنت مشغولة حيل
دخلت و طليت على الموضوع
بس كبس عليا النوووم و نممت

واي ابي احمل ريلي يحنننننننننننننننننن يبي ياهل وكله يقولي بنتج تبي ياهل تلعب معاه
وهو يبي بنيه ثانيه <<<<<<<<< ريلي يموت عالبنات
وانا من التفكير صارلي يومين احلم اني حامل ادعولي بنات

يارب تضعفين بصحة و عافية و يرزقك الذرية الصالحة

هويدا وبيشو اخباركم ؟؟؟؟؟!!!!!!!!!!!!

بخير فديتك
يشهد الله اني اشتقتلكم

هاي ياحلواات
توني اطيح ع موضوعكم
خنقتني العبره وانا اكتب حسيت اني ببجي
انا وصلت لي وزن 95 طبعا هالوزن وصلت له وانا حامل بالتاسع وبعده نزلت ورديت صعدت مادري ليش
الحين وزني 92 راح استخف مو راضي يتحرك وزني
احس ماعندي اراده بس شاطره اسوي فولو حق اصحاب الرجيم بالانستقرام وانا قاعده مكااني مادري شسووووي :
لعبت رياضه يووم ووقفت
بس قررت اشتري جهاز مشي بالبيت لان النادي ما ينفع معاي
حاليا انا مشتركه مع وجبات واحس روحي خفيفه لدرجه امس كليت شوي شي دسم بطني عورني لووووول

والله ولهت ع جسمي القديم قاعده اكتب وابجي قلبي يعورني
تعبت من المعاير والطنازه
حتى اذا احد عرف اني مسويه رجيم يضحك ويقول اي هين ..بدال ما يساعدني

وايد قرقت لووووول
باي عسولات

لا يهمك كلام اللي يحبطوونك
بالعكس لازم كلامهم يزيدك اصرار
أثبتي لهم أنه كلامهم خطأ و أنك تقدرين
​

 

[تووته البسكوته]

عدل كلامج ياهويداا وانا قدها ان شالله

امس تغديت ربيان مشوي مع سلطه وتعشيت قطعه بيتزا وشريحه اناناس وبعدها شاي اخضر بالزنجيل
والله كريم

 

[ترانيم الأمل]

صباح الخير
ماادري شنو اقول بس الله يعينا على انفسنا
يارب نضعف

 

[البطه ميمي]

السلام عليكم انا بعد ودي اشارككم وزني ١٠٣
بصراحه السمنه سوت فيني بالوي ولله الحمد
خصوصا سالفة الانجاب والحمل تكيس ً وفطريات وضغط الله يشافي جميع المرضى
ويرزق كل وحده تتمنى عيال

انا امتن وحده عند اهل زوجي كلهم رشيقات حتى حريم حمواني اوزانهم بالربعين واذامتنو بالخمسين
وحمواتي اوزانهم بالاربعين
ولي صار العيد ماكوً متينه غيري صرت احس بفشله وانا لي ١١سنه متينه
ودي البس حزام
ودي البس حفر بالحفلات زنودي وايد متينه
ودي لما اروح السوق احصل مقاسي
ودي احمل من غير علاج
صرت احس باحراج من زوجي لما تمشي وحده رشيقه جدامه احس اني حرمته من الجمال
ساعات ابجي
ودي اصير بالستينات يارب امين

 

[تووته البسكوته]

السلام عليكم انا بعد ودي اشارككم وزني ١٠٣
بصراحه السمنه سوت فيني بالوي ولله الحمد
خصوصا سالفة الانجاب والحمل تكيس ً وفطريات وضغط الله يشافي جميع المرضى
ويرزق كل وحده تتمنى عيال

انا امتن وحده عند اهل زوجي كلهم رشيقات حتى حريم حمواني اوزانهم بالربعين واذامتنو بالخمسين
وحمواتي اوزانهم بالاربعين
ولي صار العيد ماكوً متينه غيري صرت احس بفشله وانا لي ١١سنه متينه
ودي البس حزام
ودي البس حفر بالحفلات زنودي وايد متينه
ودي لما اروح السوق احصل مقاسي
ودي احمل من غير علاج
صرت احس باحراج من زوجي لما تمشي وحده رشيقه جدامه احس اني حرمته من الجمال
ساعات ابجي
ودي اصير بالستينات يارب امين

:eh_s(17):حبيبتي ميمي
الله يرزقج ..فعلا السمنه تاثر ع الانجاب انا بعد اعاني وعندي تكيس وقالت الدكتوره لااازم اضعف:eh_s(11):
وارادتي زفت طبعااا لووووول

بس الحين الحمد لله بديت اصحى وافكر بروحي :eh_s(22): وبديت افكر باللبس الحلو اللي قاعده احرم روحي منه وحتى قمصان نوم استحي البس لان جسمي يفشل
المهم قووي ارادتج وحياج معانا وكلنا هني عشان نساعد بعض :eh_s(17)::eh_s(7)::rerrerek: