تقرين روايات؟؟ تعالي قولي رايج ..

[عصامية]

الرواية التي قرأتها هي في الحانب المظلم هي آخر رواية للكاتب عبدالوهاب السيد
و الروايات المفضلة هي التي بها غموض وأكشن في نفس الوقت

 

[اخصائيه]

شكرا عالموظوع

 

[bint_looda]

وااايد الي قريتهم بس من احلى الروايات الي قريتها " لا تظظن اني ما احبك" واايد حلووووه وفي بعد وحده بس والله اسمها مو على بالي بس هم روووعه

 

[^SwEeTa^]

قريت عيون على السماء لقماشة العليان

يا ربي ليش هالهم و الغم؟؟؟؟

دايمن رواياتها جذي

بس عيون قذرة و أنثى العنكبوت وايد أحلى منها!!

(ما راح أحرمكم من طلتي البهية إن شاء الله في هالموضوع العجييييييب)

 

[Nonoo]

بنات في روايه اسمها ( في الجانب المظلم ) للكاتب عبدالواهب السيد كاتب كويتي
بس اسلوبه عجييييييييييييييييب اكشن تحسين جنج عايشه معاهم تتخيلين المواقف بعيونج احسه فلم مو كتاب اقراه
نصيحه لا تفوتكم تلقونها بفيرجن

 

[تفاخيه مبطوطه]

حياكم الله ....

 

[جلكسيه]

وااايد الي قريتهم بس من احلى الروايات الي قريتها " لا تظظن اني ما احبك" واايد حلووووه وفي بعد وحده بس والله اسمها مو على بالي بس هم روووعه

منو كاتب هالروايه ؟؟وبأي دار نشر

 

[جلكسيه]

أنا بصراحة احب الروايات البوليسية بس حق اجاثا كريستي وما اتشجع اقرا حق غيرها اما الرويات البوليسية والاجتماعية فحدث ولا حرج وانا من النوع اللي اقرا الروايات وايد وما امل منها ممكن اقرا القصة 20مرة عادي والحين انا ماسكة كتاب اسمة بنات بلدنا شكله حلو بس ليلحين ماخلصته بس يشبه طريقة بنات الرياض وهو كتاب سوري يحكي عن بنات سوريا ولبنان بس ممتع لما اخلصه راح انقده لكم

منو كاتبه؟؟؟





انا بس داشه ابوق رواياتكم

عندي مكتبه طول بعرض كلها روايات بس ناسيه اسملئها
لي عوده باذن الله وانا متأكده راح تعجبكم رواياتي



بس ياليت بنات تكتبون مؤلف الروايه احسن وافيد لنا

 

[تفاخيه مبطوطه]

حياج الله جلكسيه .. وانا فاتحه الموضوع لهالغرض بالذات هههه كل وحده تبوق من مكتبة الثانيه بس بوق شريف على قولتهم

 

[fantastic]

أنا يا طويلة العمر أمووووووووووت بالكتب وبالبيت مسميني المصريةواقرا لأغاثا كريستي ويوسف السباعي بس وحدة إسمها "نادية" عجيبة وبعد أقرا لدانيل ستيل وعندي كذا قصص لكثر من كاتب

 

[تفاخيه مبطوطه]

اي يوسف السباعي عجيييييييب وخصوصا ناديه ... شفتي الفلم ؟ مثلته سعاد حسني

 

[شذى الزهوور]

السلام أنا من النوع الذي يتملل من القرآءة الكثيرة ولكن أحب الإستماع أكثر
والأقرب أجاثا كريستي
مشكووووووره

 

[فيروزه]

1-شنو نوع الروايات اللي تحبين تقرينها ( رومانسيه - بوليسيه- إجتماعيه.. إلخ )
؟

البويسيه والرومنسيه س مو طقة عبير لا الروايات الكلاسيكيه العالميه

2-منو (الكاتب/الكاتبه) اللي تحبين تقرين له ؟

بدون نازع اجاثا كيستي

3-شنو الروايه اللي مهما تعيدين وتزيدين فيها ماتملين (تقرينها أكثر من مره ) وليش ؟

معظم قصص اجثا كرستي روعه

بس الي ما امل منها :
جزيرة الموت
ذو البدله البنيه
ذهب مع الريح

4- إذا بخطارج نقد على روايه سواء بناء أو هدام قوليه لنا يمكن يكون راينا من رايج

اجاثا كريستي من العباقره تميزو في مجالهم ومن اكثر الكتاب الي انتشرت كتبهم عالميا وترجمة لجميع اللغات تقريبا

 

[^Mirage^]

ماشاءالله ... موضوع جميل جدا ..واشكر لصاحبة الموضوع لذلك.
صراحة تشجعت اسجل بالمنتدي لما شفت الموضوع... رغم كنت اتابع بس ...

ويصراحةاكثر استانست وفرحت عشان في بنات من ديرتي يقرون .. حتي لو كانت روايات عبير P :
يعني ما شاءالله مثقفات ...

ودي اشارك بس مو قادرة ابطل عيوني ....الساعة 4:30 الفجر ...:ch12:

لي عودة ان شاءالله

 

[dla3_princess]

انا قريت الجانب المظلم للمبدع عبدالوهاب السيد الرفاعي فعلا تعيشين معاه الجو

القصه تخليج تتخيلين انج داشه معاهم وتشوفين كل شي و هي كويتيه 100% عشان جذي تحسينها قريبه

و بعد قريت روايتين له اهما الأبعاد المجهوله 1 و 2 و انصحكم حددددددددددددكم اقروهم لأنهم شي رااائع

يعطيييييييييج العااااااااافيه

 

[dla3_princess]

ايييييي بعد في روااااايه عجييبه و حدها غريبه بعد و فيها زخم من المعلومات والغرائب والحقائق على

شكل روايه مميزة وفيها اثاره بس اتمنى ان تقدرون تحصلونها لأن شرنا انا ورفيجتي نسخه منها وعقب الكل

يدورها بس دايما تخلص بسرعه وهي :

( على ابواب الملحمه ) للدكتور صلاح الراشد و راح تكون على شكل سلسله بس نزل منها الروايه الأولى

بس جداااااااااااااااااااااااا مشوقه و ممتعه ومفيده حييل و انشالله تحصلونها

 

[*رتوووووجة*]

انا احب اقرى الروايات الرومانسيه بس هالنوع من الروايات اللى تشدني ...


ماكو كاتب معين اي روايه حلوة ممكن اقراها بغض النظر عن اسم الكاتب ..


وايد روايات رومانسيه قريتها واعجبتني حييل بس اللى اذكرهم الحين رواية عاشق مهزوم للكاتب عبدالله

غازي المضف بصراحة هالروايه حيل اعجبتني بالرغم من صغر سن الكاتب بس ماشاءالله عليه اسلوبه حيل

شدني ووحسسني اني اقرى لكتاب مخضرمين ..


الروايه الثانيه اللى احبها ومااأمل منها وبين فترة وفترة اقراها واحس اني اول مرة قاعده اقراها اسمها رواية

بنات الرياض للكاتبه رجاء الصانع بصراحة روايه حدها عجيبه وحلوة ...​

 

[تفاخيه مبطوطه]

تشرفني ردودكم يا بنات .. سامحوني قاعده اتأخر عليكم وايد بالرد ..

مو قادره ارد عليكم وحده وحده بالإسم ماشاء الله المشاركات وايد .. لكن تأكدو اني قاعده اقرا كلامكم كلمه كلمه ..


حياكم الله

 

[ANGELICA]

واااااااااااااي غبااااااااااار تفوووخ وينج من زمااان عننننننننج

فلت البنت تزوجت ولا هاجرت خخخخ

عاد كذا مره اقدم بلاغ تغيب عنج خخخخ


المهم اخر الروايات اللي قريتها قلب من حرير خذتها من معرض الكتاب

وحاليا اقرى يوميات مخطوبه وشهر عسلها بعد خخخخخ

تونس كأنها روايه


ثانكس الوت

 

[تفاخيه مبطوطه]

هلاااااااا انجليكا .. ههههههههههههههههه ضحكتيني على سالفة بلاغ تغيب هههههههه


لا ان شاء الله تفاخيه ستعووووود مثل سابق عهدها بالقريب العاجل ترقبوووو


صدقتي يوميات مخطوبه وشهر عسلها يهبلووووووووون حتى انا حدي متابعتهم .... تعلقنا بهالنوار ياحلوها