تحدي لمدة 30 يوم – متجدد

[لله دري]

^

وعليكم السلام والرحمه

حياااج معانا عاشقه احنا نبي العدد يزيد
عشان يكون اكثر حماس الموضوع وتحدي قوي
وتولدين بالسلامه ان شاءالله

/

يومياتي لليوم
ريوقي 3 بيض اومليت والزيت كان نتفه مسحه بس
و شريحة سلايس لايت وشربت ماي

وطبعا غداي بدعت لان كنت مع رفيجاتي
كليت راب بالدجاج خفيفه واصلا صغيره اما الطامة الكبرى شربت موكا فرابتشينو بالكراميل وكريمه ونسيت لا اقول صغير ف شسمه خذيت الكبير

بس عاددي مو مأنبني ضميري كلش لووول
لأن عشاي روب وان شاءالله ماحس بجوع

والحين بشرب دارسين

 

[((shoOoshoOo))]

شوشو

آنا برةح أتهاوش مع دوام ريلج أفة عليج بس

أهم شي لا اتكدرين

الفطاير فيها طاقة شفائية عجيبة ههههه

اشرايج نفتح لنا عيادة ريجيم وعلاج ونصير مروجين فطاير خخخخ

عليج بالعافية حبيبتي ما عليه في أيام خصوصا الحين مع الحمل راح تحسين إنج وايد يوعانة

كانت تمر علي أيام أتريق مرتين وأتغدا مرتين أو أتعشى مرتين

وأيام ثانية تشوفيني بس أبي أنام مابي آكل ولا لقمة

أهم شي التزمي بفيتاميناتج وحاولي تاكلين من كل المجموعات الغذائية

وشربي ماي وايد واكلي فواكه عشان تتجنبين الإمساك وانتي بكرامة لأنه يلوع الجبد في الحمل

والله يسهل عليج

دوام ريلي شفتات واخس شي العصر :eh_s(11):

صاجه الفطاير موصج احس بالمتعه وانا اكلها واحس الدنيا ورديه

الفيتامينات ملتزمه فيهم عطوني فوليك اسد ودفستون المثبت

والماي وبحاول قد ما اقدر التزم :eh_s(15):

اليوم جنه الميزان

 

[((shoOoshoOo))]

وهذي وصفة شوربة الخضار تصلح لج هالأيام لله دري مغذية ولذيذة وما فيها وايد كالوريز ومثل اليهال تنبلع بلع هههه

آنا أفوح الخضرة اللي عندي غالبا (كوسا، بطاط، طماط، جزر) وإذا عندي قرع هم أضيفه

وأحط 3 قفاش شوفان ونص قفشة لومي أسود ونص قفشة فلفل أسود وشوية كمون وملح

وبس أخليهم لما يستوون أضربهم بخلاط الكوب

ولما نقدمها نترسها ليمون تصير لذيذة حتى بنتي تحبها

شكلها حيل حلوووووة


بس حسافه خلاطي الخدامه اكسرته :eh_s(11):

ينفع خلاط يدوي

 

[لله دري]

مسااااء الخيييررر

الحمدلله عدى اليوم على خير
ماتعشيت وصج ماحسيت بجوع كلش
بس ماشتهيت الروب شربت عصير سيزر اناناس

ولعبت رياضه عدددل :d

- نص ساعه الاوبتراك
- نص ساعه مشي
- تمارين حق كل جسمي 100 مرا

وقبل لا انام بشرب جاي اخضر + ليمونه

 

[((shoOoshoOo))]

اليوم احسن من امس

ماتريقت


الغدا نص خبزه صاج مع قطعتين صغار فليه سمج وخضره


السناك باذن الله باخذ ايس كريم من كي دي دي


العشا ماقررت

 

[لله دري]

مساء الخير

اليوم ولله الحمد كنت صايمه
ف كان سحوري مبجر عال 1:30 تقريبًا

شريحتين توست اسمر
روب لايت
شريحة تيركي
شريحة سلايس لايت


وفطوري اتبعت فيه رجيم النقاط حييل حبيته حلو حق رمضان خاصه واي وقت اصومه اطبقه واحتمال هم باجي ايامي اسويه عجبني :$

ف كان فطوري قبل شوي

3 تمرات = نقطه
نص كوب صغير لبن لايت = نقطه ونص
حبتين عرايس = 8 نقاط
9 حبات شيش طاووق = 6 نقاط
3 قفاش متبل باللبن بدون طحينيه = نقطتين
جم قفشه تبوله نقول = نقطه
بيبسي دايت = صفر

وانا نقاطي بالاساس من 20 إلى 25 نقطه
وانا استخدمت بهاليوم 19 ونص باجي بحدود 5 ونص اخليهم حق سحوري

 

[بـ سـ كـ وتـ ة]

هلا والله بأم بدور ... تو ما نور الموضوع

حبيبتي انتي والله انتي بعد على بالي دزيت لج رسالة خاصة من فترة

تلفوني اخترب من يناير وراحت كل أرقامي ههههه

كل مرة أقول برجع أدور رقمج في الرسايل الخاصة وسبحان الله ما يصير عندي فجة أدور

فطوم الحين اسم الله عليها سنتين وشهر ... بتاريخ 14 إبريل كملت سنتين قطوتي

بالنسبة حق فقر الدم أذكر مرة قلتي اهو مو ذاك الزود مع الحليب ... أحسن خخخ

ترى كثرة الحليب تخلي الكالسيوم يمنع امتصاص الحديد

حاولي توكلينه الأشياء اللي فيها حديد وعليها عصرة ليمون أو مع عصير برتقال لأن فيتامين سي يساعد على امتصاص الحديد

الله يتمم لج على خير وان شالله إذا نفاسج كان صحي تقدرين تنزلين الوزن بسهولة

وهم تقدرين تبدين معانا الحين تلتزمين بالأكل المفيد بس وتبعدين عن أي شي ممكن لا سمح الله يضرج أو يضر البيبي

وبنات ترى لا يغركم ... اسم الله عليها اشحلات جسمها ما يبيلها حتى تضعف ... مادري الحين اشلون مع الحمال بس الصراحة ما شالله جسمها روعة

ديري بالج على نفسج وعالبيبيين :*

 

[بـ سـ كـ وتـ ة]

شوشو ولله دري ما شالله عليكم

مالت علي نزلت الموضوع وبدت إجازتي مع بعض والوضع مزري

شوشو الحلو إن ما شالله أكلج منوع ان شالله على طول جذي وحاولي الأكل المفيد تكثرين منه بالحمل عشان البيبي يتعود على طعمه

قريت مرة دراسة تقول إن الجنين اللي يتعرض حق نكهات معينة أثناء الحمل نسبة تقبله لها بعد الولادة تزيد

وابدي من الحين دهني بطنج بحركة دائرية عشان ما تطلع تشققات

لله دري

نظام النقاط ترى نفسه الكالوريز بس بطريقة أبسط وتتبعها أسهل

نظام ممتاز طبعا ومادام عاجبج استمري عليه

وتقبل الله صالح أعمالج ... إلا بسئلج انتي قاعدة تصومين دينج ولا تطوع؟

وعليج بالعافية الفرابتشينو طالما في توازن لا تحرمين نفسج من شي

 

[بـ سـ كـ وتـ ة]

أمس كان المفروض الميزان بس ما حصلت الكاميرا

المهم وزني كان 79.4 ههههه

عادي آنا متعودة جذي أزيد من خرابيط الدورة وبعدين أرجع أنزلهم فمو متضايقة كلش لأني متوقعة

أمس تريقت توستتين وحدة حطيت فيها هذا



شكله مثل البينت بتر بس طعمه هالبسكوت

شريته لقافة بس عشان أجرب طعمه

والتوستة الثانية جبن كرفت

بعدين تمينا نتفرفر في السوق آنا وريلي أشري حق البيت

تالي رحنا روبي تيوزداي وآنا ما عرف المنيو مالهم فطلبت ألفريدو جكن باستا كليت نصها يمكن مع بطل ماي

والعشا حبتين تمر بالرشاد والحبة السودة وخمس حبات عنب أحمر مع كوب قشر القهوة ... طعمه مقبول ما فيه شي توقعته ما ينبلع

عاد آنا مثل اليهال اللي ما يعجبني مستحيل أغصب نفسي عليه

 

[بـ سـ كـ وتـ ة]

اليوم

وآنا أتمغط بفراشي قلت بقوم أفوح لي بيضة وأقصص معاها خيارة وبرتقالة

رحت الصالة ولا ريلي (قاعد قبلي بشوي) طالب فطاير وااااايد ... كليت وآنا ضايق خلقي

كلما أقرر ... أنحرج من أحد أجامله وآكل

عقابا لي خليت غداي اهو عشاي تقريبا الساعة 5 أو 5 ونص

كليت شوية عيش مع مرقة خضرة (فاصوليا - جزر - كوسا)

كثرت المرق والخضار عشان أشبع

والساعة 12 تقريبا اشتهيت سنيكرز وقلت باكل نصه، بس صرت شطوره وما كليت غير ثلث

وشربت معاه قشر القهوة بالهيل والزنجبيل

شربت بطل ماي الظهر والحين بشرب الثانية

وليلحين رياضتي شغل البيت ... اليوم من التنظيف والتعب ويهي احتقن أصلا

وبس الحمدلله

الأسبوع الياي بجهز مكسرات وفواكه مجففة سناكات حق الداوم لأن الحمدلله يا رب الحمدلله يارب عدلوا دوامنا

قبل الإجازة كان دوامي من 8 لي 5 ومستحيييييل أطلع 5 مرات 8 مرات 9 وما تصدقون في أيام 11 بالليل

بعد عمري فطوم كنت أحس بالذنب هادتها وقاعدة في الدوام

الحين الحمدلله سووا دوامنا من 7 ونص لي 3 ونص ولغوا بريك الغدا فبحاول دايما يكون عندي سناكات صحية في الدوام

عشان أتريق وأتغدا في البيت ان شالله

 

[لله دري]

وااااي حدددده احباااااااط بنااااات


قست وزني بشوف ولا 69 بالضبط كان بعد الفطور ب 4 ساعات تقريبًا
يمكن انا نفسج بسكوته اهوا موعددها قريب بس مو حيل عاد شحقه يزيد :'(
بس ماعليه انزلهم هالأسبوع بإذن الله يا انا يا هالوزن

وعليج بالعافيه بسكوته
صج خرتيها تالي الليل بالفطاير
بس ميخالف اعتبريه فري هاليوم
والله يعينج حددة تعب الدوام قبل @@
الحمددلله تغير الوقت وان شاءالله مايرجع مثل اول :$

وصيامي ديّن توني اصحى لوول

 

[لله دري]

سحوري كان

6 قفاش فتنس = نقطتين
ربع كوب حليب كامل الدسم = 3 نقاط اذا مو اقل لاني حطيت ربع مو كوب كامل

مع رياضة 20 دقيقه
وماي لتر
وجاي اخضر مع ليمون


وعدى اليوم على خير

 

[بـ سـ كـ وتـ ة]

شوشو نسيت أرد على سؤالج

آنا أستخدم هذا

لله دري لا الفطاير الصبح مو بالليل

أهون شوي عالأقل في حركة وشغل مو على طول نوم



دشيت عشان أكمل يومي ... سويت عشرين دقيقة تقريبا تمارين معدة

وشربت بطل ماي نص لتر

 

[بـ سـ كـ وتـ ة]

تقبل الله صيامج ... ماعليه أهم شي إنج انتبهتي وبديتي

بنات الدوام عيزت وآنا أحن عليهم لول

وعليج بالعافية حبيبتي

عاد اليوم كنت ناوية آكل كورن فليكس شكلي بخليه باجر ان شالله

اتمسون على خير بما إني توني الحين بروح أنام

 

[لله دري]

^

منا ومنج حبيبتي

اليوم فطوري كان

2 توست اسمر = 2
2 برجر دجاج مشوي = 2
2 سلايس لايت = 2
قفشه كاتشب = 0
جرجير = 0
6 تمرات = 2
سيزر اناناس 350 مل = 4

المجموع 12 نقطة
باجي 13 نقطة

الحمدلله

 

[بـ سـ كـ وتـ ة]

عليج بالعافية

لله دري جربتي تسوين برجر الدياي في البيت بما أنج تحبينه

تقدرين تتحكمين بالنكهات والبهارات وتسوين لج كمية تكفيج مدة طويلة

أغلب البرجر التجاري يكون فيه بروتين الصويا مو لحم 100%

 

[بـ سـ كـ وتـ ة]

آنا اليوم كليت حبة وحدة صمون أسمر بجبن كرفت

وكورن فليكس مع حليب

ما شربت ماي كللللش ليلحين ولا شربت أي سوائل غير الحليب

 

[((shoOoshoOo))]

شوشو نسيت أرد على سؤالج

آنا أستخدم هذا

لله دري لا الفطاير الصبح مو بالليل

أهون شوي عالأقل في حركة وشغل مو على طول نوم



دشيت عشان أكمل يومي ... سويت عشرين دقيقة تقريبا تمارين معدة

وشربت بطل ماي نص لتر

ثنكيوووووووووووووووو :eh_s(7):

وبرافووووو علييييييييييج:eh_s(9):

 

[((shoOoshoOo))]

لله دري

قيسيه باااجر اول ماتبطلين عيوووونج اتوقع بيتغيييير وعوافي

 

[((shoOoshoOo))]

بسكوته

الافرازات البنيه تكرمين علامه اجهاض لاسمح الله