أمي طردت صديقتي من البيت !!

[ليليان ..]

زين من امك والله أنها صآبره
طول اليوم قاعده عندكم
شدعوه أهلها عايفينها هذي
لا حسيب ولا رقيب

قالت احلفي حلفت كذب من صعوبة


^ ليه تحلفين كذب على شي ما يسوى ؟
صاريحها كود تحس على دمها
اتوقع هذي يوم رجعت لبيتها أهلها يضمونها ويسلمون عليها من الوحشه

ما عليش
ما ألوم أمك 24 ساعه لاصقين في بعض
ما أسستي لها سكن في بيتكم ؟؟؟ خخخ

لا وتتشرهه وزعلانه أختنا في الله و تحلف الناس بالقران

هذي مو لزقة عنزروت هذي الزق من العنزروت وع وع وع

واعيد واكرر أهني أمك على صبرها :yaaaaaarb:

 

[بنت شيخ]

اول شي حبيبتي ما يستوي تقولين ما بكلم امي اسبوع...هذي امج...جنتج تحت ريولها...الصديقه تتعوض


وبعدين صديقتج من الصبح لين عشر ونص فليل :/ في شي اسمه ذوق ومستحى....لو امي جان طردتني انا وصديقتي o.0

وصديقتج يعني هي الي حطت نفسها بهالموقف....الناس يقعدون ساعه ساعتين...بالكثييييييير 3 ساعات لو طايحه الميانه بعد...لكن من الصبح لين تالي الليل...عيب الصراحه

امج معاها حق :/


على فكره ...في شي اسمه كما تدين تدان....وانتي طريقه كلامج عن امج ما عيبتني....حركه بايخه وما بكلمها...لو تميتي جي بيي يوم وبنتج بتعاملج بنفس الاسلوب....كله وللا الام...فنصيحتي اكسبي رضا امج احسنلج والصديقه في بدالها 1000 صديقه


الله يهديج ويستر عليج ^^

نفس كلام اختي

الله يعين امج عليج ويهديج

 

[ياحبي للكويت]

ياقلبي صراحه بعذر امك لان صديقتك طولت مرررره

 

[صاعقة بيوتي]

اولا اي شي تسويه امج مقبول ومالج حق تزعلين منها بعد امج تبي تاخد راحتها في بيتها
ثانيا اكيد انتي تعرفين من قبل الوقت المسموح لزيارة رفيجاتج لج وكان مفروض تنبهين رفيجتج على هالشي قبل ماتزورج منعا للاحراج
واخيرا مااعتقد انه امج احرجتج جدامها الا وفي سبب يا انج ماحليتي واجباتج او ماحضرتي دروسج ولاساعدتيها في البيت وقاعده تلعبين من الصبح الين الليل يعني بالمختصر المفيد ضيعتي يومج كله من غير فايدة او انه هالبنت عليها كلام وامج ماارتاحت لها.

 

[M!ss CoLoRz]

عاد سواء كانت نفس الصديقة ولا غيرها لي الساعة عشر وللحين عندج عيب

يعني يومج كله راح مع هالربع

وبعد زين رفيجتج فهمتها وما كان له داعي تستجوبج دامها فهمت كان المفروض تمشي باحترامها

وسمحي لي بس من لهجتج ا يعني اتوقع المنطقة اللي عايشة فيها الاهل يخافون يخلون بناتهم في الشارع لي هالحزة خطر

وحتى لو كانت منطقتج أمان يمكن رفيجتج منطقتها مو أمان

عاد للساعة 10 !!!!!!!!! وتبين امج تسكت بس جان فرشتي لها عندكم بعد شنو بقى!!!!!!!

 

[Rooz Aziz]

منرالصبح لين الليل وصديقاتج عندج
مناوبات
وطالعه معاها لين الساعه 10 بالليل



لها الحق امج تمنعج وتطردها
يعني جايين من برا الساعه 10 وفوق هذا قاعده بالبيت ماعندها بيت ولا اهل

 

[نوف الصقعبي]

ليلحينج راسج يابس وغاضبه ربج من غضب امج

وله راضيتيها​

 

[long time]

بنات البنيه ماقعدت من الصبح انا اقصد وحدة من صديقاتي جت الصبح والثانيه اليي صار معاها الموقف
جت العصر لي ويوم نرجع من الكوفي شوب كانت ساعه 7 يعني مسكينه ماقعدت معاي الا كم ساعة وش فيها اذا قعدت ل 10 ونص
من جدكم انتوا تقولو ماعندها اهل بالعكس البنيه محترمة وخلوقة
واني اشوف ان عيب نطرد احد من بيتنا مهما سوا اللي دايس بساطتنا نحترمه وهي صديقتي بقوووة بقووة
ويعني عادي لو صارحتني انا وهي نقول لبعض كل ششيء بخاطرنا مانخبي ابدا واللي تسأل عن عمري 18
و امي الحمد للة مششت الأمور اول شيء تهاوشنا و بعدين تراضينا اني مستحيل اغضب امي مني علشان احد
هو مجرد نقاش حاد بينا علشان نوصل ل قرار معين بينا

 

[ماكواسم2]

بنات البنيه ماقعدت من الصبح انا اقصد وحدة من صديقاتي جت الصبح والثانيه اليي صار معاها الموقف
جت العصر لي ويوم نرجع من الكوفي شوب كانت ساعه 7 يعني مسكينه ماقعدت معاي الا كم ساعة وش فيها اذا قعدت ل 10 ونص
من جدكم انتوا تقولو ماعندها اهل بالعكس البنيه محترمة وخلوقة
واني اشوف ان عيب نطرد احد من بيتنا مهما سوا اللي دايس بساطتنا نحترمه وهي صديقتي بقوووة بقووة
ويعني عادي لو صارحتني انا وهي نقول لبعض كل ششيء بخاطرنا مانخبي ابدا واللي تسأل عن عمري 18
و امي الحمد للة مششت الأمور اول شيء تهاوشنا و بعدين تراضينا اني مستحيل اغضب امي مني علشان احد
هو مجرد نقاش حاد بينا علشان نوصل ل قرار معين بينا

حرام ظلمناها بس من العصر الى الساعه 10.30 وبعد جان امكمله .............اقول انتي شنو نظامج ..الظاهر محد معطيها ويه الا انتي

 

[fatma A]

اهي تصرفها غلط شكو من العصر لي الليل ما يصير وامج تبي تاخذ راحتها واهلها وينهم عنها جنهم يبون فرقاها ليش ما يسالون عن بنتهم يا حبيبتي سمعي كلام امج وبعدين اهتمي بدراستج احسن صدقيني شفتي رفيتجج هذي لمه تخلص الدراسه ما تطل بويهج ولا جنها تعرفج

 

[M2REOOM...]

والله حبيتي ماني عارفه شرد عليج اذا هذا اسلوبج عن امج في اح يثول عن امه حركه بايخه ومدري شنو وين قاعدين وبعدين هاذي وين اهلها من صبح لين الليل لو انا من امج موبس نغزات الي اشكره بطقاق بعدين ميتحيه من رفيجتج وامج عادي الحمدالله وشكر هاذي امج جنتج ونارج صديقه بدالها ثنتين وثلاث اما امج كنوز دنيا ماتعوضها ومقاطعه امج عشان وحده ماتستاهل وذا تحبينه وامج بيجيج يوم بتحسفين وبيتج بتسوي نفس شي فيج بعد لي متي تقعد شرايج تنام بعد في شي اسمه اتكيت ناس تجي المغرب تقعدلها جم ساعه وتمشي مومن صبح يا الخبله هاذي امج تقولين عنها جذي والله هي مادرت عنج ولاقالت عن امها جذي انا متاكده لا وبعد تقول انا ادفع فلوس العشا مالتج عليج انتي وفلوسج زين السئله مومسئلت فلوس المسئله مسئلة وقت خلاص بعد اخ لو انا من امج اذبحج شهل حجي الي تقولينه عن امج

 

[نونه المنكوشه]

صج موقف محرج والمفروض امج اتناديج وبينج وبينها اتفاهمون ماحبيت حركة امج بصراحه انتي روحي لمج وفهميها يايما ياحبيبتي اذا بغيتي شي قوليلي وله دزيلي مسج بس مواشكره ورفيجتج اعتذري لها وقوليلها عادي امي ماتقصد شي بس الموقف صار چذي

 

[جنوني عيونك]

واااااااااااااااااااااااااااااي كويتيات موصج حددددددددددكم وحشتوني صارلي سنه مادخلت المنتدى تسجيل دخول كنت ناسيه الرقم السري وايميلي كمـآن كنت ناسيتها لأني غيرته نرجع لحديثنا لونق انتي سعوديه مو .؟
بالننسبه لتصرف امج موحلو اكيد حتى لو رفيتج يلست معاكم لهالوقت بصراحه مادري شقولج بس الموقف يبي له ترقعين فيه وصديقتك لابد تعتذرين منها قوليلها مثلا حنا عندنا وقت معين للزيارات وجديه بس ماحبيت اقولك مثلا هذا حد الوقت قوليلها ابوج مايرضى وعشان اهلج مايهلوسون عليك تأخرتي مثلا

 

[ليليان ..]

اهي تصرفها غلط شكو من العصر لي الليل ما يصير وامج تبي تاخذ راحتها واهلها وينهم عنها جنهم يبون فرقاها ليش ما يسالون عن بنتهم يا حبيبتي سمعي كلام امج وبعدين اهتمي بدراستج احسن صدقيني شفتي رفيتجج هذي لمه تخلص الدراسه ما تطل بويهج ولا جنها تعرفج

لا تحكمين على غيرك بمقاييس تجاربك بالحياة

 

[a7lami_]

زين ليش قبل ماعطيتي امك خبر ان بيجونك 2 اليوم وبيطولون؟؟؟ عشان تكون عارفه وتقول الكلام بوجهك قبل لايجون وماتنحرجين عندهم!!

بس امك معاها حق,, يعني من العصر لي 10 الليل؟؟؟ غير اللي جت الصبح؟؟؟ يومك كله رايح لصديقاتك
معليش احس شي اووفر اللي سويتيه,, وزين امك سمحتلك تطلعين لين هالوقت وانتي هذا تعاملك معها مقاطعه اسبوع؟؟ مفروض هي تقاطعك اسبوع مو انتي

الله يهديك

 

[divaness Q8]

يعني بعد رفيشتج ما ادري شلون صايرة قاعدة ليه ساعة عشر ونص همن ما يصير حبيبتي ترى الصديقات يتعوضون بدال وحدة عندج مليون بس ما يصير تتكلمين عن امج جذي حبيبتي

 

[mrs.abk]

أصلا 10 بالليل شو يخلي بنية تقعد بيت ربيعتها ؟؟؟ خلاصالمفروض ترجع بيتهم من 8 ونص خاصة إنها جاية من العصر وبروحها أمها موب معاها ..

 

[اذوب بكلامه]

صديقتك هي الي حطت نفسها بالموقف هذا وبعدين ماعندها اهل يسألون عنها من العصر للعشره بالليل؟!!

 

[جوري الصالح]

معاها حق أمج من العصر الى 10 وونص ؟؟؟؟؟؟؟؟

خخ مادري شقولج بس ترى امج معاها حق ها ؟ خخ

 

[بدلية]

اسمحيلي
رفيجتج ما تستحي وقليلة ذوق
اولا : عيب تقعد لي ال10 ونص في بيت الناس
ثانيا: عيب تسئلج عن الي بينج وبين امج !! لا وتحلفج على القران بعد !!! شهالانسانة !! ؟؟ فعلا ماتستحي
المفروض اذا حست بشي تستأذن بكل ادب وتشكرج على الضيافة وتعتذر على التاخير
ثالثا: اهي الغلطانة وتزعل !!! والله حالة ، وبترجع فلوس العشى -.- ,, يعني بتبينلج انها زعلانة !!<< زعل بويعل